ಬಿಗ್‌ಬಾಸ್‌ನಿಂದ ಹೊರಬಂದ ಭವ್ಯಾ ಗೌಡಗೆ ಸಿಕ್ಕ ಸಂಭಾವನೆ, ವೋಟ್ಸ್ ಹಾಗೂ ಬಹುಮಾನಗಳ ವಿವರ ಇಲ್ಲಿದೆ.

ಶನಿವಾರದ ಎಪಿಸೋಡ್‌ನಲ್ಲಿ ಸುದೀಪ್ ಮುಂದೆ ನಾನು ಇಂದು ಔಟ್ ಆಗಲ್ಲವೆಂಬ ಕಾನ್ಫೆಡೆನ್ಸ್ ಇದೆ ಅಂತ ಭವ್ಯಾ ಹೇಳಿದ್ದರು. ಆದರೆ, ದುರಾದೃಷ್ಟವಶಾತ್ ಶನಿವಾರದ ಸಂಚಿಕೆಯಲ್ಲೇ ಅವರು ಹೊರಬಂದಿದ್ದಾರೆ. ಫೈನಲಿಸ್ಟ್‌ಗಳ ಪೈಕಿ ಅತಿ ಕಡಿಮೆ ವೋಟ್ಸ್ ಪಡೆದು ದೊಡ್ಮನೆಯಿಂದ ಆಚೆ ಬಂದಿದ್ದಾರೆ. ಇವರಿಗೆ 64 ಲಕ್ಷದ 48 ಸಾವಿರದ 853 ಮತಗಳು ಸಿಕ್ಕಿದ್ದವು. 

ವರದಿಗಳ ಪ್ರಕಾರ, ಬಿಗ್‌ಬಾಸ್‌ ಮನೆಯಲ್ಲಿ ಭವ್ಯಾ ಗೌಡ ಅವರಿಗೆ ವಾರಕ್ಕೆ 40 ಸಾವಿರ ರೂ. ಸಂಭಾವನೆ ಸಿಗುತ್ತಿತ್ತು ಎನ್ನಲಾಗಿದೆ. ಅದನ್ನು ಲೆಕ್ಕ ಹಾಕಿದರೆ ಭವ್ಯಾಗೆ ಒಟ್ಟು 17 ವಾರಕ್ಕೆ 6 ಲಕ್ಷದ 80 ಸಾವಿರ ರೂ ಸಂಭಾವನೆ ಸಿಕ್ಕಿದೆ. ಇನ್ನು ಬಿಗ್‌ಬಾಸ್ ಪ್ರಾಯೋಜಕರಿಂದ ಭವ್ಯಾಗೆ ಒಟ್ಟು ಮೂರುವರೆ ಲಕ್ಷ ನಗದು ಬಹುಮಾನ ಸಿಕ್ಕಿದೆ. ಇದರಲ್ಲಿ ಶ್ರೀಕೃಷ್ಣ ತುಪ್ಪ ಕಡೆಯಿಂದ 2 ಲಕ್ಷ ರೂಪಾಯಿ, ಸುದರ್ಶನ್ ಸಿಲ್ಕ್ ಕಡೆಯಿಂದ 1 ಲಕ್ಷ ಹಾಗೂ ಇಕೋ ಪ್ಲ್ಯಾನೆಟ್ ಕಡೆಯಿಂದ 50 ಸಾವಿರ ರೂ. ಕ್ಯಾಶ್ ಪ್ರೈಜ್ ಸಿಕ್ಕಿದೆ.

ಫಿನಾಲೆಗೆ ಬಂದು ಎಲಿಮಿನೇಟ್ ಆಗಿರುವ ಭವ್ಯಾ ಗೌಡ, ಬಿಗ್‌ಬಾಸಗ್‌ ಮನೆಯ ಟಾಸ್ಕ್‌ಗಳಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದರು. ಜೊತೆಗೆ 3 ಬಾರಿ ಕ್ಯಾಪ್ಟನ್ ಆಗಿದ್ದರು. ಎಲಿಮಿನೇಟ್ ಆಗಿರುವ ಕುರಿತ ಕಿಚ್ಚನ ಮುಂದೆ ಮಾತನಾಡಿದ ಅವರು, ಸಿಕ್ಕಾಪಟ್ಟೆ ಬೇಸರವಾಗುತ್ತಿದೆ. 1 ದಿನ ಮಿಸ್ ಮಾಡಿದೆ ಅನ್ನೋ ನೋವಿದೆ. ಇವತ್ತು ಅಳಬಾರದು, ಖುಷಿಯಿಂದ ಹೋಗೋಣ ಅಂದುಕೊಂಡಿದ್ದೇನೆ. ಎಲ್ಲಾ ಸ್ಪರ್ಧಿಗಳನ್ನು ಎದುರಿಸಿ ಟಾಪ್ 6 ಸ್ಪರ್ಧಿಯಾಗಿದ್ದೇನೆಂಬ ಖುಷಿಯಿದೆ ಎಂದಿದ್ದಾರೆ. 

ಬಿಗ್‌ಬಾಸ್‌ ಬಳಿಕ ಕಲರ್ಸ್ ಕನ್ನಡದಲ್ಲಿ ಶನಿವಾರ ಮತ್ತು ಭಾನುವಾರ 'ಗರ್ಲ್ಸ ವರ್ಸಸ್ ಬಾಯ್ಸ್' ಎಂಬ ಹೊಸ ರಿಯಾಲಿಟಿ ಶೋ ಆರಂಭವಾಗುತ್ತಿದೆ. ಈ ಕಾರ್ಯಕ್ರಮಕ್ಕೆ ಭವ್ಯಾ ಗೌಡ ಸೆಲೆಕ್ಟ್ ಆಗಿದ್ದಾರೆ. ಇವರು ಜೊತೆಗೆ ರಜತ್, ಹನುಮಂತ, ಧನರಾಜ್ ಆಚಾರ್, ಐಶ್ವರ್ಯಾ ಸಿಂಧೋಗಿ, ಜಗದೀಶ್ ಕೂಡ ಇರಲಿದ್ದಾರೆ.