ಭಾರತೀಯ ಸಿನಿಮಾರಂಗದ ಯಶಸ್ವಿ ಅಪ್ಪ-ಮಕ್ಕಳ ಸ್ಟಾರ್ ಜೋಡಿಗಳಿವು!

ವರನಟ ಡಾ.ರಾಜ್‌ಕುಮಾರ್ ತಮ್ಮ ವೃತ್ತಿಜೀವನದಲ್ಲಿ 200ಕ್ಕೂ ಹೆಚ್ಚೂ ಸಿನಿಮಾಗಳಲ್ಲಿ ವಿಭಿನ್ನ ಪಾತ್ರಗಳ ಮೂಲಕ ಕನ್ನಡಿಗರ ಮನಗೆದ್ದಿದ್ದರು. ಅದೇ ರೀತಿ ಅವರ ಮಕ್ಕಳಾದ ಶಿವರಾಜ್‌ಕುಮಾರ್, ಪುನೀತ್ ರಾಜ್‌ಕುಮಾರ್ ಹಾಗೂ ರಾಘವೇಂದ್ರ ರಾಜ್‌ಕುಮಾರ್ ಕೂಡ  ಸ್ಯಾಂಡಲ್‌ವುಡ್‌ನಲ್ಲಿ ನಾಯಕ ನಟರಾಗಿ ಮಿಂಚಿದ್ದಾರೆ. ಅದರಲ್ಲೂ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಕಳೆದ 30 ವರ್ಷಗಳಿಂದ ಬಹುಬೇಡಿಕೆಯ ನಟರಾಗಿ ಗುರುತಿಸಿಕೊಂಡಿದ್ದಾರೆ. ಈಗಲೂ ಶಿವಣ್ಣನ ಕೈಯಲ್ಲಿ 12 ಹೆಚ್ಚು ಸಿನಿಮಾಗಳಿವೆ.

ತೆಲುಗು ಚಿತ್ರರಂಗ ಮಾತ್ರವಲ್ಲದೇ, ಭಾರತದ ಸೂಪರ್ ಸ್ಟಾರ್‌ಗಳಲ್ಲಿ ಒಬ್ಬರಾಗಿರುವ ಚಿರಂಜೀವಿ, ಮೆಗಾ ಸ್ಟಾರ್ ಅಂತ ಬಿರುದು ಪಡೆದುಕೊಂಡಿದ್ದಾರೆ. ಇವರ ಮಗ ರಾಮ್ ಚರಣ್ ಕೂಡ ತಾನು ಅಪ್ಪನಂತೆ ಸ್ಟಾರ್ ನಟನಾಗಬಲ್ಲೇ ಎಂಬುದನ್ನು ಸಾಭೀತುಪಡಿಸಿದ್ದಾರೆ. 2007ರಲ್ಲಿ ತೆರೆಕಂಡ `ಚಿರುತ' ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ರಾಮ್ ಚರಣ್,  ಆರ್‌ಆರ್ಆರ್ ಸಿನಿಮಾ ಬಳಿಕ ಗ್ಲೋಬಲ್ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ.

ಟಾಲಿವುಡ್ ಪ್ರಿನ್ಸ್ ಮಹೇಶ್ ಬಾಬು ಅವರ ತಂದೆ ಕೃಷ್ಣ ಗಟ್ಟಾಮನೇನಿ 70ರ ದಶಕದಲ್ಲಿ ವಿಲನ್ ಮತ್ತು ಹೀರೋ ಪಾತ್ರಗಳ ಮೂಲಕ ಸ್ಟಾರ್ ಪಟ್ಟ ಗಿಟ್ಟಿಸಿಕೊಂಡಿದ್ದರು. ಎನ್‌ಟಿಆರ್, ಎಎನ್‌ಆರ್ ತೆಲುಗು ಚಿತ್ರರಂಗ ಆಳುತ್ತಿದ್ದ ಕಾಲಘಟ್ಟದಲ್ಲಿ ಸ್ಟಾರ್‌ಗಿರಿ ಪಡೆದುಕೊಳ್ಳುವುದು ಸುಲಭದ ಮಾತಾಗಿರಲಿಲ್ಲ. ಮಹೇಶ್ ಬಾಬು ತಂದೆಯಂತೆಯೇ ನಟನೆಯಲ್ಲಿ ಸೂಪರ್ ಸ್ಟಾರ್ ಪಟ್ಟ ಅಲಂಕರಿಸಿದ್ದಾರೆ.

ಮಾಲಿವುಡ್‌ನ ಸೂಪರ್ ಸ್ಟಾರ್ ಮಮ್ಮುಟಿ ಯಾರಿಗೆ ಗೊತ್ತಿಲ್ಲ ಹೇಳಿ. ಸುಮಾರು 200ಕ್ಕೂ ಅಧಿಕ ಸಿನಿಮಾಗಳಲ್ಲಿ ಅಭಿನಯಿಸಿರುವ ಇವರ ಕೈಯಲ್ಲಿ ಈಗಲೂ ಎರಡ್ಮೂರು ಸಿನಿಮಾಗಳಿವೆ. ಅಪ್ಪನಂತೆಯೇ ನಟನೆಯ ಹಾದಿ ಹಿಡಿದ ಮಮ್ಮುಟಿ ಮಗ ದುಲ್ಕರ್ ಸಲ್ಮಾನ್, ಇಂದು ತಂದೆಯನ್ನೇ ಮೀರಿಸುವ ಮಟ್ಟಕ್ಕೆ ಬಂದಿದ್ದಾರೆ. ಕೇವಲ ಮಾಲಿವುಡ್ ಮಾತ್ರವಲ್ಲದೇ, ಪರಭಾಷೆಯಲ್ಲೂ ಸಿಕ್ಕಾಪಟ್ಟೆ ಅಭಿಮಾನಿಗಳನ್ನು ಹೊಂದಿದ್ದಾರೆ.

ಬಾಲಿವುಡ್‌ನ ಪ್ರತಿಭಾವಂತ ನಟರಲ್ಲಿ ಒಬ್ಬರಾಗಿರುವ ಹೃತಿಕ್ ರೋಷನ್ ತಂದೆ ರಾಕೇಶ್ ರೋಷನ್ ಕೂಡ ಸ್ಟಾರ್ ನಟರಾಗಿದ್ದರು. ಹೀಗಾಗಿ, ತಂದೆಯನ್ನು ಮೀರಿಸಿ ಬೆಳೆಯುವುದು ಹೃತಿಕ್‌ಗೆ ಸುಲಭದ ಮಾತಾಗಿರಲಿಲ್ಲ. ಹೃತಿಕ್ ಅದ್ಭುತ ನಟ ಮಾತ್ರವಲ್ಲ, ಒಳ್ಳೇ ಡ್ಯಾನ್ಸರ್ ಕೂಡ ಹೌದು. ತಂದೆಯಂತೆಯೇ ಇವರು ಕೂಡ ವಿಭಿನ್ನ ಪಾತ್ರಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ.

ಭಾರತೀಯ ಚಿತ್ರರಂಗದ ಮೊದಲ ನಟ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದ ಪೃಥ್ವಿರಾಜ್‌ ಕಪೂರ್ ಹಾಗೂ ರಾಜ್‌ ಕಪೂರ್ ಅವರ ಮೊಮ್ಮಗ  ರಣಬೀರ್. ಅಪ್ಪ ರಿಷಿ ಕುಪೂರ್ ಕೂಡ ಬಾಲಿವುಡ್‌ನ ಸ್ಟಾರ್ ನಟರಾಗಿದ್ದು, ರಣಬೀರ್ ಕೂಡ ಇಂದು ಸ್ಟಾರ್ ನಟರಾಗಿ ಮಿಂಚುತ್ತಿದ್ದಾರೆ. ವಂಶವಾಹಿ ಎನ್ನುವ ಹಾಗೇ ತಮ್ಮ ಅದ್ಭುತ ನಟನೆ ಮೂಲಕ ಪ್ರತಿಭೆ ತೋರಿದ್ದಾರೆ.