ಬೊಕ್ಕ ತಲೆಗೆ ಹೇರ್ ಫಿಕ್ಸಿಂಗ್ ಮಾಡಿಸಿಕೊಂಡಿರುವ ದಕ್ಷಿಣ ಭಾರತದ ಖ್ಯಾತ ನಟರಿವರು!

ಟಾಲಿವುಡ್ ಪ್ರಿನ್ಸ್ ಮಹೇಶ್ ಬಾಬು ಸೆನ್ಸೇಷನ್‌ಗಳ ಮೂಲಕ ಸಿನಿಪ್ರೇಕ್ಷಕರನ್ನು ರಂಜಿಸಿದ್ದಾರೆ. ಅವರಿಗೀಗ 49 ವರ್ಷ ವಯಸ್ಸು. ಆದರೂ ಕೂಡ ಮಹೇಶ್ ಬಾಬು ಸಖತ್ ಯಂಗ್ ಆಗಿ ಕಾಣಿಸಿಕೊಳ್ಳುತ್ತಾರೆ. ಮಹೇಶ್ ಬಾಬು ತಂದೆ, ಸಹೋದರ ಎಲ್ಲರಿಗೂ ಬೇಗ ಕೂದಲು ಉದರಿ ಬೋಳಾಗಿತ್ತು. ಮಹೇಶ್ ಬಾಬು ಅವರಿಗೂ ಇದೇ ಸಮಸ್ಯೆಯಿದೆ ಎಂದು ಹೇಳಲಾಗುತ್ತದೆ. ಆಗಾಗ ಅವರ ಬೊಕ್ಕತಲೆಯ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುತ್ತದೆ. ಅವರ ಮೇಕಪ್ ಆರ್ಟಿಸ್ಟ್ ಪ್ರಕಾರ, ಕ್ಯೂ 6 ತಂತ್ರಜ್ಞಾನ ಬಳಸಿ ಮಹೇಶ್ ಬಾಬು ಅವರ ಕೂದಲು ಸರಿಪಡಿಸಲಾಗಿದೆ. ಈ ತಂತ್ರಜ್ಞಾನದಿಂದ ಕೂದಲ ಪ್ಯಾಚ್‌ಗಳನ್ನು ತಲೆಯ ಮೇಲೆ ಫಿಕ್ಸ್ ಮಾಡಲಾಗುತ್ತದೆ. ಇದು ಕೃತಕ ಕೂದಲ ಬದಲಾಗಿ ನಿಜವಾದ ಕೂದಲಿನಂತೆ ಕಾಣುತ್ತದೆ.

ಮಲಯಾಳಂ ನಟ ಪೃಥ್ವಿರಾಜ್ ಸುಕುಮಾರನ್ ಭಾರತದ ಪ್ರತಿಭಾವಂತ ನಟರಲ್ಲಿ ಒಬ್ಬರು. ಸದ್ಯ ತೆಲುಗು ಸಿನಿಮಾಗಳಲ್ಲೂ ಸಕ್ರಿಯವಾಗಿರುವ ಪೃಥ್ವಿರಾಜ್, ಆಡುಜೀವಿಂ ಸಿನಿಮಾ ಮೂಲಕ  ಅಪಾರ ಅಭಿಮಾನಿ ಬಳಗ ಸಂಪಾದಿಸಿದ್ದಾರೆ. ಬೊಕ್ಕತಲೆ ಸಮಸ್ಯೆ ಹೊಂಡಿರುವ ಇವರು, ಹೇರ್ ಟ್ರಾನ್ಸ್‌ಪ್ಲೆಂಟ್ ಮಾಡಿಸಿಕೊಂಡಿದ್ದಾರೆ ಎನ್ನಲಾಗಿದೆ.

ಮಾಲಿವುಡ್ ಸೂಪರ್ ಸ್ಟಾರ್‌ಗಳಲ್ಲಿ ಒಬ್ಬರಾದ ಮೋಹನ್‌ ಲಾಲ್ ಅವರಿಗೀಗ 64 ವರ್ಷ ವಯಸ್ಸು. ಮಲಯಾಳಂ ಚಿತ್ರರಂಗದಲ್ಲಿ ಇಂದಿಗೂ ಇವರಿಗಿರುವ ಬೇಡಿಕೆ ಮತ್ಯಾರಿಗೂ ಇಲ್ಲ. ಎಲ್ಲಾ ಭಾಷೆಗಳಲ್ಲೂ ತಮ್ಮದೇ ಅಭಿಮಾನಿಗಳನ್ನು ಪಡೆದುಕೊಂಡಿರುವ ಇವರು ಕೂಡ ಬೊಕ್ಕತಲೆ ಸಮಸ್ಯೆ ಹೊಂದಿದ್ದಾರೆ. ಹೀಗಾಗಿ ಹೇರ್ ಹೇರ್ ಟ್ರಾನ್ಸ್‌ಪ್ಲೆಂಟ್ ಮಾಡಿಸಿಕೊಂಡಿದ್ದಾರೆ ಎನ್ನಲಾಗಿದೆ.

ತಲಪತಿ ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ನಟ ಅರವಿಂದ ಸ್ವಾಮಿ, 1992ರಲ್ಲಿ ತೆರೆಕಂಡ ರೋಜಾ ಸಿನಿಮಾ ಮೂಲಕ ನ್ಯಾಷನಲ್ ಕ್ರಶ್ ಆಗಿದ್ದರು. 90ರ ದಶಕದ ಯುವತಿಯರ ಡ್ರೀಮ್ ಬಾಯ್ ಆಗಿದ್ದರು. ನಂತರ ಕೆಲ ವರ್ಷಗಳ ಹಿಂದೆ ಅನಾರೋಗ್ಯಕ್ಕೆ ತುತ್ತಾಗಿದ್ದ ಇವರು, ಕೂದಲು ಕೂಡ ಕಳೆದುಕೊಂಡಿದ್ದರು. 2015ರಲ್ಲಿ ಥನಿ ವರುವನ್ ಸಿನಿಮಾ ಮೂಲಕ ಕಂಬ್ಯಾಕ್ ಮಾಡಿದ ಅರವಿಂದ ಸ್ವಾಮಿ, ಬೊಕ್ಕತಲೆಗೆ ಹೇರ್ ಫಿಕ್ಸಿಂಗ್ ಮಾಡಿಸಿಕೊಂಡಿದ್ದಾರೆ.

ಕನ್ನಡ ಚಿತ್ರರಂಗದಲ್ಲಿ ಅತಿಹೆಚ್ಚು ಫ್ಯಾನ್ ಫಾಲೋವರ್ಸ್ ಹೊಂದಿರುವ ನಟ ಅಂದರೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್. ಆರಂಭದ ಸಿನಿಮಾಗಳಲ್ಲಿ ದರ್ಶನ್ ಅವರಿಗೆ ತುಂಬಾ ಕೂದಲಿತ್ತು. ಆದರೆ, ಇತ್ತೀಚಿನ ದಿನಗಳಲ್ಲಿ ಅವರ ತಲೆಗೂದಲು ಉದರಿದ್ದು, ಮುಂಭಾದಲ್ಲಿ ಬೋಳಾಗಿದೆ. 2023ರಲ್ಲಿ ಬಿಡುಗಡೆಯಾದ 'ಕ್ರಾಂತಿ' ಸಿನಿಮಾದಲ್ಲಿ ಅವರು ಹೇರ್ ಫಿಕ್ಸಿಂಗ್ ಮಾಡಿಸಿಕೊಂಡು ಹೊಸ ಲುಕ್‌ನಲ್ಲಿ ಮಿಂಚಿದ್ದರು.