ಸಂಗೀತದಲ್ಲಿ ನೂರಾರು ವಿಧಗಳಿದ್ದರೂ, ಪ್ರಸ್ತುತ ರ‍್ಯಾಪ್ ಗೀತೆಗಳು ಯುವಜನತೆಯ ಹಾಟ್ ಫೇವರೇಟ್ ಆಗಿವೆ. ಎಮಿನೆಮ್, ಜೇ ಜೆಡ್, ಡ್ರೇಕ್ ಮುಂತಾದ ರ‍್ಯಾಪರ್ ಗಳಿಗೆ ಭಾರತದಲ್ಲಿ ಸಾಕಷ್ಟು ಅಭಿಮಾನಿಗಳಿದ್ದಾರೆ. ನಿಧಾನವಾಗಿ ಭಾರತದಲ್ಲಿ ಕೂಡ ಹಲವು ರ‍್ಯಾಪರ್ ಗಳು ಹುಟ್ಟಿದ್ದರು. ಕನ್ನಡದಲ್ಲಿ ಕೂಡ ಚಂದನ್ ಶೆಟ್ಟಿ, ಆಲ್ ಓಕೆ, ರಾಹುಲ್ ಡೀಟೋ, ವಿರಾಜ್ ಮುಂತಾದ ಪ್ರತಿಭೆಗಳು ತಮ್ಮ ಕನ್ನಡ ರ‍್ಯಾಪ್ ಗೀತೆಗಳ ಮೂಲಕ ಪ್ರೇಕ್ಷಕರನ್ನು ರಂಜಿಸತೊಡಗಿದರು. ಇಲ್ಲಿ ಯೂಟ್ಯೂಬ್ ನಲ್ಲಿ ಅತಿ ಹೆಚ್ಚು ವೀಕ್ಷಣೆ ಪಡೆದ ಕನ್ನಡದ ರ‍್ಯಾಪ್ ಗೀತೆಗಳನ್ನು ನೀಡಲಾಗಿದೆ.