ಟ್ರೆಂಡ್ ಸೃಷ್ಟಿಸಿದ ಸ್ಯಾಂಡಲ್‌ವುಡ್ ನಟರ ಸಿನಿಮಾ ಹೇರ್‌ಸ್ಟೈಲ್‌ಗಳಿವು!

ನಟರ ಹೇರ್‌ ಸ್ಟೈಲ್ ಅಂದಾಕ್ಷಣ ಥಟ್ ಅಂತ ನೆನಪಾಗೋದೇ ರಿಯಲ್ ಸ್ಟಾರ್ ಉಪೇಂದ್ರ. ಎ ಸಿನಿಮಾದಿಂದ ಹಿಡಿದು ಇಲ್ಲಿಯವರೆಗೂ ತಮ್ಮ ಸಿನಿಮಾಗಳಲ್ಲಿ ವಿಭಿನ್ನ ಹೇರ್‌ಸ್ಟೈಲ್ ಮೂಲಕ ಗಮನ ಸೆಳೆದವರು ಉಪ್ಪಿ. ಇವರ ಅಭಿಮಾನಿಗಳು ಕೂಡ ಅದನ್ನೇ ಫಾಲೋ ಮಾಡ್ತಾರೆ. ಉಪೇಂದ್ರ ಸಿನಿಮಾದಲ್ಲಿ ಎರಡು ಜುಟ್ಟು ಕಟ್ಟಿಕೊಂಡು ಪ್ರೇಕ್ಷಕರ ಗಮನ ಸೆಳೆದಿದ್ದ ರಿಯಲ್ ಸ್ಟಾರ್, ಉಪ್ಪಿ 2ನಲ್ಲಿ ಎರಡು ಜುಟ್ಟಿನ ನಡುವೆ ನೆತ್ತಿಯ ಮೇಲೂ ಜುಟ್ಟು ಕಟ್ಟಿಕೊಂಡು ಕ್ರೇಜ್ ಸೃಷ್ಟಿಸಿದ್ದರು.  

ಪ್ರತಿ ಸಿನಿಮಾದಲ್ಲೂ ಸ್ಟೈಲಿಶ್ ಹಾಗೂ ಕ್ಲಾಸ್‌ ಲುಕ್‌ನಲ್ಲಿ ಕಾಣಸಿಕೊಳ್ಳುವ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್, ಹೆಬ್ಬುಲಿ ಚಿತ್ರದಲ್ಲಿ ಡಿಫರೆಂಟ್ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದರು. ಮೇಲೊಂದು ಜುಟ್ಟು, ಬಲಭಾಗಕ್ಕೆ ಉದ್ದನೆಯ ಕೂದಲು ಬಿಟ್ಟು ಡಿಫರೆಂಟ್ ಆಗಿ ಕಾಣಿಸಿಕೊಂಡಿದ್ದರು. ಈ ಚಿತ್ರದಲ್ಲಿ ಕಿಚ್ಚನ ಸ್ಟೈಲಿಶ್ ಲುಕ್‌ ನೋಡಿ ಅಭಿಮಾನಿಗಳು ಫಿದಾ ಆಗಿದ್ದರು.  ಎಲ್ಲಾ ಕಟಿಂಗ್ ಶಾಪ್‌ನಲ್ಲೂ ಹೆಬ್ಬುಲಿ ಕಟಿಂಗ್ ಟ್ರೆಂಡ್  ಸೃಷ್ಟಿಯಾಗಿತ್ತು. ಚಿಕ್ಕಮಕ್ಕಳಿಂದ ಹಿಡಿದು ದೊಡ್ಡವರೆಗೆ ಎಲ್ಲರೂ ಕಿಚ್ಚನ ಲುಕ್‌ಗೆ ಮಾರು ಹೋಗಿದ್ದರು.

ಉಪೇಂದ್ರ ಬಳಿಕ ಟ್ರೆಂಡಿ ಹೇರ್‌ಸ್ಟೈಲ್ ಮಾಡಿಕೊಂಡು ಬಂದವರು ರಾಕಿಂಗ್ ಸ್ಟಾರ್ ಯಶ್. ರಾಕಿಭಾಯ್ ತಮ್ಮ ಪ್ರತಿಯೊಂದು ಸಿನಿಮಾದಲ್ಲೂ ಹೇರ್‌ಸ್ಟೈಲ್ ಬದಲಿಸಿಕೊಂಡು ಗಮನ ಸೆಳೆದಿದ್ದಾರೆ. ಯುವಕರ ಸ್ಟೈಲ್ ಐಕಾನ್ ಆಗಿರುವ ಯಶ್, ಗೂಗ್ಲಿ ಸಿನಿಮಾದಲ್ಲಿ ಮಾಡಿದಂತಹ ಹೇರ್‌ಸ್ಟೈಲ್ ಸಿಕ್ಕಾಪಟ್ಟೆ ಕ್ರೇಜ್ ಸೃಷ್ಟಿಸಿತ್ತು. ಕಾಲೇಜು ಹುಡುಗರಂತೂ ಈ ಸ್ಟೈಲ್‌ಗೆ ಫಿದಾ ಆಗಿದ್ದರು. ಇದರ ಜೊತೆಗೆ ಗಜಕೇಸರಿ, ಲಕ್ಕಿ, ರಾಜಾಹುಲಿ ಹಾಗೂ ಕೆಜಿಎಫ್ ಸಿನಿಮಾಗಳ ಯಶ್ ಹೇರ್‌ಸ್ಟೈಲ್‌ಗೆ ಕೂಡ ಅಭಿಮಾನಿಗಳು ಫಿದಾ ಆಗಿದ್ದರು.

ಗೋಲ್ಡನ್ ಸ್ಟಾರ್ ಗಣೇಶ್ ಅವರು ಮುಗುಳುನಗೆ ಚಿತ್ರದಲ್ಲಿ ಕನ್ನಡಕ ಹಾಕಿಕೊಂಡು ಸ್ಪೆಷಲ್ ಮೇಕ್ ಓವರ್‌ನಲ್ಲಿ ಕಾಣಿಸಿಕೊಂಡಿದ್ದರು. ಜೊತೆಗೆ ಈ ಸಿನಿಮಾದಲ್ಲಿನ ಅವರ ಹೇರ್‌ಸ್ಟೈಲ್ ಕೂಡ ಗಮನ ಸೆಳೆದಿತ್ತು. ಗಣೇಶ್ ಸ್ಟೈಲ್‌ಗೆ ಫಿದಾ ಆಗಿದ್ದ ಅಭಿಮಾನಿಗಳು ತಾವು ಕೂಡ ಇದೇ ಹೇರ್‌ಸ್ಟೈಲ್‌ನಲ್ಲಿ ಫಾಲೋ ಮಾಡಿದ್ದರು. ಈ ಲುಕ್‌ ಗೋಲ್ಡನ್ ಸ್ಟಾರ್ ಫ್ಯಾನ್ಸ್‌ಗೆ ಸಿಕ್ಕಾಪಟ್ಟೆ ಇಷ್ಟವಾಗಿತ್ತು.

2005ರಲ್ಲಿ ತೆರೆಕಂಡ ಪ್ರೇಮ್ ಹಾಗೂ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಕಾಂಬಿನೇಷನ್‌ನ 'ಜೋಗಿ' ಸಿನಿಮಾ ಸೂಪರ್ ಹಿಟ್ ಆಗಿತ್ತು.  ರೌಡಿಸಂ ಜೊತೆಗೆ ತಾಯಿ- ಮಗನ ಸೆಂಟಿಮೆಂಟ್ ಹೊಂದಿದ್ದ ಈ ಸಿನಿಮಾದಲ್ಲಿ ಶಿವಣ್ಣ ಉದ್ದ ಕೂದಲು ಬಿಟ್ಟು ವಿಭಿನ್ನ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದರು. ಈ ಹೇರ್‌ಸ್ಟೈಲ್ ಕೂಡ ಗಮನ ಸೆಳೆದಿತ್ತು. ಅಭಿಮಾನಿಗಳು ಜೋಗಿ ಹೇರ್‌ಸ್ಟೈಲ್ ಕಾಪಿ ಮಾಡಿದ್ದರು.