ಅಪೂರ್ಣವಾಗಿ ಉಳಿದಿರುವ ಸ್ಯಾಂಡಲ್‌ವುಡ್ ನಟರ ಸಾಲು-ಸಾಲು ಸಿನಿಮಾಗಳಿವು: ಇವುಗಳ ಬಿಡುಗಡೆ ಯಾವಾಗ?

ಸ್ಯಾಂಡಲ್‌ವುಡ್‌ ಬ್ಯುಸಿಯೆಷ್ಟ್ ನಟ ಎಂದರೆ ಅದು ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್. ವರ್ಷಕ್ಕೆ ಮೂರ್ನಾಲ್ಕು ಸಿನಿಮಾ ನೀಡುವ ಶಿವಣ್ಣನ ಕೈಯಲ್ಲಿ ಸದ್ಯ 12ಕ್ಕೂ ಹೆಚ್ಚು ಸಿನಿಮಾಗಳಿವೆ. ತಮ್ಮ ವಿಶಿಷ್ಟ ಮ್ಯಾನರಿಸಂ ಹಾಗೂ ವಿಭಿನ್ನ ಪಾತ್ರಗಳ ಮೂಲಕ ಗಮನ ಸೆಳೆದಿರುವ ಶಿವಣ್ಣನ ಚಿತ್ರಗಳ ಬಗ್ಗೆ ಸಾಕಷ್ಟು ಕುತೂಹಲಗಳಿರುತ್ತವೆ. ಆದರೆ, ಈ ಹಿಂದೆ ಅನೌನ್ಸ್ ಆಗಿದ್ದ ಸೆಂಚುರಿ ಸ್ಟಾರ್ ಶಿವಣ್ಣನ ಕೆಲ ಸಿನಿಮಾಗಳು ಇನ್ನೂ ಬಿಡುಗಡೆ ಭಾಗ್ಯ ಕಂಡಿಲ್ಲ. ಅಂತಹ ಸಿನಿಮಾಗಳ ಪಟ್ಟಿ ಕೆಳಗಿದೆ.

ಮನಮೋಹಕ- ಸಿಂಪಲ್‌ ಸುನಿ ನಿರ್ದೇಶನ
ಬದ್ಮಾಶ್- ಆರ್ ಚಂದ್ರು
ಖದರ್- ಕುಮಾರ್ ಎಸ್ ರಾಜ್‌
ಕಾಳಿ-ಜೋಗಿ ಪ್ರೇಮ್
ನೀ ಸಿಗೋವರೆಗೂ-ರಾಮ್ ಧುಲಿಪುಡಿ
ಎಸ್‌ಆರ್‌ಕೆ-ಲಕ್ಕಿ ಗೋಪಾಲ್

ಡಿವೈನ್ ಸ್ಟಾರ್ ರಿಷಭ್ ಶೆಟ್ಟಿ ಕಾಂತಾರ ಯಶಸ್ಸಿನ ನಂತರ ಪ್ಯಾನ್ ಇಂಡಿಯಾ ಸ್ಟಾರ್ ಮನ್ನಣೆ ಪಡೆದಿದ್ದಾರೆ. ನಟ ಮತ್ತು ನಿರ್ದೇಶಕರಾಗಿ ಗುರುತಿಸಿಕೊಂಡಿರುವ ಅವರು, ಸದ್ಯ ಕಾಂತಾರ ಪ್ರೀಕ್ವೆಲ್ ಮೇಲೆ ಹೆಚ್ಚು ಗಮನ ಹರಿಸುತ್ತಿದ್ದಾರೆ. ಇದೊಂದು ಬಿಗ್ ಬಜೆಟ್ ಸಿನಿಮಾವಾಗಿದೆ. ಕಾಂತಾರಕ್ಕೂ ರಿಷಭ್ ಶೆಟ್ಟಿ ಕೆಲ ಸಿನಿಮಾಗಳನ್ನು ಒಪ್ಪಿಕೊಂಡಿದ್ದರು. ಅವುಗಳ ಸದ್ಯ ಯಾವುದೇ ಅಪ್‌ಡೇಟ್ ಸಿಕ್ಕಿಲ್ಲ. ಆ ಸಿನಿಮಾಗಳ ಪಟ್ಟಿ ಇಲ್ಲಿದೆ.

ರುದ್ರಪ್ರಯಾಗ-ರಿಷಬ್ ಶೆಟ್ಟಿ
ಬೆಲ್ ಬಾಟಮ್ 2-ಜಯತೀರ್ಥ
ಅಂಟಗೋನಿ ಶೆಟ್ಟಿ-ಸಮರ್ಥ್ ಕಡಕೋಲ್

ನಟ ಉಪೇಂದ್ರಗೆ ರಿಯಲ್ ಸ್ಟಾರ್ ಎಂಬ ಬಿರುದು ಬಂದಿದ್ದೆ ಅವರ ರಿಯಾಲಿಸ್ಟಿಕ್ ಸಿನಿಮಾಗಳಿಂದ. ಕನ್ನಡ ಚಿತ್ರರಂಗದಲ್ಲಿ ಟ್ರೆಂಡ್ ಸೆಟ್ಟರ್ ಡೈರೆಕ್ಟರ್ ಆಗಿರೋ ರಿಯಲ್ ಸ್ಟಾರ್ ಉಪೇಂದ್ರ ಡಿಫರೆಂಟ್ ಅಂದರೆ ಏನು ಅಂತ ಕನ್ನಡ ಚಿತ್ರರಂಗಕ್ಕೇ ತೋರಿಸಿಕೊಟ್ಟವರು. ವಿಭಿನ್ನ ಕತೆ, ವಿಶಿಷ್ಟ ಸಂಭಾಷಣೆ, ವಿಶೇಷ ಹಾಡುಗಳಿಂದ ಪ್ರೇಕ್ಷಕರನ್ನು ರಂಜಿಸುವ ಉಪೇಂದ್ರ ಅವರ ಕೆಲ ಸಿನಿಮಾಗಳು ಕೂಡ ಇನ್ನೂ ಕಂಪ್ಲೀಟ್ ಆಗಿಲ್ಲ.

ಉಪ್ಪಿರುಪ್ಪಿ-ಕ ಮಾದೇಶ್-ಸಾಧುಕೋಕಿಲ
ಮೋದಿ-ಉದಯ ಪ್ರಕಾಶ್
ಲಗಾಮ್-ಕ ಮಾದೇಶ್ವರ

ಸ್ಯಾಂಡಲ್‌ವುಡ್ ಬ್ಲ್ಯಾಕ್ ಕೋಬ್ರಾ ದುನಿಯಾ ವಿಜಯ್ ಸದ್ಯ 'ಭೀಮಾ' ಸಿನಿಮಾದಲ್ಲಿ ಬ್ಯುಸಿಯಾಗಿದ್ದರು. ವಿಜಯ್ ಈ ಸಿನಿಮಾಗೂ ಮೊದಲು ಹಲವು ಚಿತ್ರಗಳಿಗೆ ಸಹಿ ಹಾಕಿದ್ದರು. ಆದರೆ, ಈ ಪೈಕಿ ಕೆಲ ಚಿತ್ರಗಳು ನಿರ್ಮಾಣಗೊಂಡಿಲ್ಲ.  

ಕುಸ್ತಿ-ದುನಿಯಾ ವಿಜಯ್
ಕೋಬ್ರಾ- ಹೆಚ್‌ ವಾಸು
ಪುಟ್ಟ-ಓಂ ಪ್ರಕಾಶ್ ರಾವ್
ಮುಖ್ಯಮಂತ್ರಿ ಐ ಲವ್ ಯೂ-ರವಿ ಬೆಳಗೆರೆ

ಕನ್ನಡ ಚಿತ್ರರಂಗದಲ್ಲಿ ಅತಿಹೆಚ್ಚು ಅಭಿಮಾನಿಗಳಲ್ಲಿ ಹೊಂದಿರುವ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸಿನಿಮಾಗಳ ಮೇಲೆಯೂ ಸಾಕಷ್ಟು ನಿರೀಕ್ಷೆಗಳಿರುತ್ತವೆ. ದರ್ಶನ್ ಈಗಾಗಲೇ ಹಲವು ಯಶಸ್ವಿ ಸಿನಿಮಾಗಳನ್ನು ನೀಡಿದ್ದು, ಪ್ರಮುಖ ನಿರ್ದೇಶಕರೊಂದಿಗೆ ಕೈಜೋಡಿಸಿದ್ದಾರೆ. ಆದರೆ, ಡಿ ಬಾಸ್ ಅವರ ಕೆಲ ಸಿನಿಮಾಗಳು ಇನ್ನೂ ಕಾರ್ಯರೂಪಕ್ಕೆ ಬಂದಿಲ್ಲ. ಆ ಚಿತ್ರಗಳು ಯಾವವು? ಎಂಬ ಮಾಹಿತಿ ಕೆಳಗಿದೆ.

ಕಪಾಲಿ-ಉಪೇಂದ್ರ ಬರೆದ ಕಥೆ
ರಾಜಾವೀರ ಮದಕರಿ ನಾಯಕ-ರಾಜೇಂದ್ರ ಸಿಂಗ್ ಬಾಬು & ರಾಕ್‌ಲೈನ್ ವೆಂಕಟೇಶ್
ಸರ್ವಾಂತರ್ಯಾಮಿ-ದಿನಕರ್ ತೂಗುದೀಪ್
ಗೋಲ್ಡ್ ರಿಂಗ್-ರಾಕ್‌ಲೈನ್ ವೆಂಕಟೇಶ್
ಆಸ್ಫೋಟ-ಎಎಂಆರ್‌ ರಮೇಶ್

ಭಾರತೀಯ ಚಿತ್ರರಂಗದಲ್ಲಿ ಹಲವು ಸ್ಟಾರ್ ನಟರಿದ್ದಾರೆ. ಅದರಲ್ಲಿ ಕೆಲವರಷ್ಟೆ ಎಂಥಹ ಪಾತ್ರಗಳಲ್ಲಿಯೂ ಉತ್ತಮವಾಗಿ ನಟಿಸಬಲ್ಲರು. ಅಂಥಹವರಲ್ಲಿ ಒಬ್ಬರು ಕನ್ನಡಿಗ ನಟ ಸುದೀಪ್. ಬಿಲ್ಡಪ್ ತುಂಬಿದ ನಾಯಕ ಪಾತ್ರಗಳನ್ನು ಸುದೀಪ್ ಹಲವು ಮಾಡಿದ್ದಾರೆ. ಆದರೆ, ಸುದೀಪ್ ಕೇವಲ ಅದೊಂದೇ ಮಾದರಿಯ ಪಾತ್ರಗಳಿಗೆ ಗಂಟು ಬಿದ್ದವರಲ್ಲ. ಆ ರೀತಿಯ ಪಾತ್ರಗಳನ್ನು ಅವರೇ ಅರಸಿ ಹೋದವರೂ ಅಲ್ಲ. ಬದಲಿಗೆ ಮಾಸ್ ಇಮೇಜಿನ ಪಾತ್ರಗಳ ನಡುವೆ ಒಳ್ಳೆಯ ಪಾತ್ರಗಳನ್ನು ಅರಸಿದ್ದಿದೆ, ಹಠಕ್ಕೆ ಬಿದ್ದು ನಟಿಸಿದ್ದಿದೆ. ಇಲ್ಲಿ ಪ್ರೇಕ್ಷಕರಲ್ಲಿ ನಿರೀಕ್ಷೆ ಹುಟ್ಟಿಸಿ, ಇನ್ನೂ ನಿರ್ಮಾಣವಾಗದ ಸುದೀಪ್ ಸಿನಿಮಾಗಳನ್ನು ನೀಡಲಾಗಿದೆ.

ಕಲ್ವಾರ್‌ಲಾಲ್-ಸುದೀಪ್
ಥಗ್ಸ್ ಆಫ್ ಮಾಲ್ಗುಡಿ-ರಕ್ಷಿತ್ ಶೆಟ್ಟಿ
ಕಾಳಿ-ಶಿವಣ್ಣ-ಪ್ರೇಮ್-ಹಂಸಲೇಖ
ಅಶ್ವತ್ಥಾಮ-ಅನೂಪ್ ಭಂಡಾರಿ
ರೈಸನ್-ಹಾಲಿವುಡ್