ವೀಕ್ಷಕರ ಮನಗೆದ್ದ ಗೌತಮಿ ಜಾದವ್ ಪತಿ, ವಯಸ್ಸು, ಸಿನಿಮಾ ಸೇರಿದಂತೆ ಇಂಟರೆಸ್ಟಿಂಗ್ ವಿಷಯಗಳಿವು!

ಮೂಲತಃ ಮರಾಠಿ ಭಾಷೆಯವರಾದರೂ ಗೌತಮಿ ಜಾದವ್ ಅವರು ಹುಟ್ಟಿ ಬೆಳೆದಿರುವುದೆಲ್ಲಾ ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿಯೇ. ಇವರು 1993ರ ಆಗಸ್ಟ್ 22ರಂದು ಜನಿಸಿದ್ದು, ಈಗ ಗೌತಮಿಗೆ 31 ವರ್ಷ ವಯಸ್ಸು ಎನ್ನಲಾಗಿದೆ. ಗೌತಮಿ ಟಿವಿ ಇಲ್ಲದ ಮನೆಯಿಂದ ಬಂದು ಆರ್ಟಿಸ್ಟ್ ಆಗಿದ್ದೇನೆ ಅಂತ ಹೇಳಿಕೊಂಡಿದ್ದಾರೆ.

ಬೆಂಗಳೂರಿನ ವಾಸವಿ ವಿದ್ಯಾನಿಕೇತನ ಶಾಲೆಯಲ್ಲಿ ಓದಿದ ಗೌತಮಿ, ಬಿಎನ್‌ಎಂ ಕಾಲೇಜಿನಲ್ಲಿ ಪಿಯುಸಿ ಮುಗಿಸಿದರು. ಆನಂತರ ಜಯನಗರ ನ್ಯಾಷನಲ್ ಕಾಲೇಜಿನಲ್ಲಿ ಬಿಕಾಂ ಪದವಿ ಪಡೆದರು. ಆನಂತರ ಫ್ಯಾಷನ್ ಡಿಸೈನಿಂಗ್‌ನಲ್ಲೂ ಪರಿಣತಿ ಪಡೆದರು. ಗೌತಮಿ ಪ್ರಥಮ ಪಿಯುಸಿಯಲ್ಲಿದ್ದಾಗಲೇ ಆಡಿಷನ್‌ನಲ್ಲಿ ಪಾಲ್ಗೊಳ್ಳುತ್ತಿದ್ದರಂತೆ.

ಗೌತಮಿ ಜಾದವ್ ಮೊದಲು 'ಗುರುಕುಲ' ಎಂಬ ಸಿನಿಮಾದಲ್ಲಿ ಸಣ್ಣ ಪಾತ್ರ ಮಾಡಿದ್ದರು. ಇಲ್ಲಿಂದ ನಟನಾ ವೃತ್ತಿ ಆರಂಭವಾಯಿತು. ಆನಂತರ 2018ರಲ್ಲಿ ತೆರೆಕಂಡ ಕಿನಾರೆ ಹಾಗೂ ಆದ್ಯ ಸಿನಿಮಾಗಳಲ್ಲಿ ನಟಿಸಿದರು. ಜೊತೆಗೆ ಕೆಲ ತೆಲುಗು ಚಿತ್ರಗಳಲ್ಲೂ ಬಣ್ಣ ಹಚ್ಚಿದ್ದಾರೆ. ಆದರೆ, ಇವರಿಗೆ ಖ್ಯಾತಿ ತಂದುಕೊಟ್ಟಿದ್ದು ಕನ್ನಡದ ಸತ್ಯ ಧಾರವಾಹಿ.  ಈ ಧಾರಾವಾಹಿಯಲ್ಲಿ ಟಾಮ್ ಬಾಯ್ ಪಾತ್ರದ ಮೂಲಕ ವೀಕ್ಷಕರ ಮನಗೆದ್ದರು.

ಗೌತಮಿ ಜಾದವ್ 2019ರಲ್ಲಿ ಬೆಂಗಳೂರಿನ ರಾಜರಾಜೇಶ್ವರಿ ನಗರದ ನಿಮಿಷಾಂಬ ದೇವಸ್ಥನಾದಲ್ಲಿ ಅಭಿಷೇಕ್ ಕಾಸರಗೋಡು ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಇವರಿಬ್ಬರದ್ದು ಲವ್ ಕಮ್ ಆರೆಂಜ್ಡ್ ಮ್ಯಾರೇಜ್. ಕಿನಾರೆ ಸಿನಿಮಾ ಶೂಟಿಂಗ್ ವೇಳೆ ಇವರಿಬ್ಬರ ನಡುವೆ ಪ್ರೀತಿ ಚಿಗುರಿತ್ತು. ಅಭಿಷೇಕ್ ಕಾಸರಗೋಡು ಸ್ಯಾಂಡಲ್‌ವುಡ್‌ನಲ್ಲಿ ಛಾಯಗ್ರಾಹಕನಾಗಿ ಗುರುತಿಸಿಕೊಂಡಿದ್ದಾರೆ. ಇವರು ಖ್ಯಾತ ಸಿನಿ ಪತ್ರಕರ್ತ ಗಣೇಶ್ ಕಾಸರಗೋಡು ಅವರ ಪುತ್ರ.

ಗೌತಮಿ ಜಾದವ್ ಒಳ್ಳೆಯ ಆರ್ಟಿಸ್ಟ್ ಕೂಡ ಹೌದು. ಇವರು ಅದ್ಭುತವಾಗಿ ಆಯಿಲ್ ಪೇಟಿಂಗ್ ಮಾಡುತ್ತಾರೆ. ಇವರು ಮಾಡಿರುವ ಪೇಟಿಂಗ್ ಚಿತ್ರಸಂತೆಯಲ್ಲಿ ಪ್ರದರ್ಶನಗೊಂಡಿವೆ.