ಬಿಗ್‌ಬಾಸ್ ವೈಲ್ಡ್‌ಕಾರ್ಡ್ ಸ್ಪರ್ಧಿ ರಜತ್ ವಯಸ್ಸು, ಉದ್ಯೋಗ, ಯಾವೆಲ್ಲಾ ರಿಯಾಲಿಟಿ ಶೋಗಳಲ್ಲಿ ಭಾಗವಹಿಸಿದ್ದಾರೆ ಗೊತ್ತಾ?

ಸೋಶಿಯಲ್ ಮೀಡಿಯಾದಲ್ಲಿ ರಜತ್ ಬುಜ್ಜಿ ಅಂತಲೇ ಖ್ಯಾತಿ ಪಡೆದಿರುವ ರಜತ್ ಕಿಶನ್, ವೃತ್ತಿಯಲ್ಲಿ ಬ್ಯುಸಿನೆಸ್ ಮ್ಯಾನ್ ಆಗಿದ್ದಾರೆ. ಇವರ ಪತ್ನಿ ಅಕ್ಷತಾ ಕೂಡ ಪ್ಯಾಟೇ ಹುಡ್ಗೀರ್ ಹಳ್ಳಿ ಲೈಫು ಸೇರಿದಂತೆ ಹಲವು ರಿಯಾಲಿಟಿ ಶೋಗಳ ಮೂಲಕ ಜನಪ್ರಿಯತೆ ಗಳಿಸಿದ್ದಾರೆ. ಈ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ.

ಮೂಲತಃ ಬೆಂಗಳೂರಿನರಾದ ರಜತ್ ಕಿಶನ್ ಅವರಿಗೆ ಈಗ 33 ವರ್ಷ ವಯಸ್ಸು ಎನ್ನಲಾಗಿದೆ. ಅಂದ್ಹಾಗೆ ರಜತ್ ಪಕ್ಕಾ ಫ್ಯಾಮಿಲಿಮ್ಯಾನ್ ಅಂತೆ. 2013ರಲ್ಲಿ ಇವರು ರಿಯಾಲಿಟಿ ಶೋಗೆ ಎಂಟ್ರಿಕೊಟ್ಟರು.

ರಜತ್ ಕಿಶನ್ ಅವರು ರಾಜರಾಣಿ 2, ಸೂಪರ್ ಜೋಡಿ ಸೇರಿದಂತೆ  6-7 ರಿಯಾಲಿಟಿ ಶೋಗಳಲ್ಲಿ ಭಾಗವಹಿಸಿದ್ದು, ರಿಯಾಲಿಟಿ ಶೋ ಸ್ಟಾರ್ ಅಂತಲೇ ಖ್ಯಾತಿ ಪಡೆದಿದ್ದಾರೆ. ಜೊತೆಗೆ ನಾಲ್ಕು ರಿಯಾಲಿಟಿ ಶೋಗಳ ರನ್ನರ್ ಅಪ್ ಕೂಡ ಆಗಿದ್ದಾರೆ. ಕಬ್ಬಡಿ ಆಟಗಾರನಾಗಿರುವ ಇವರು, ಸೂಪರ್ ಕಬ್ಬಡಿಯಲ್ಲೂ ಭಾಗವಹಿಸಿದ್ದರು.

ಸಾಕಷ್ಟು ರಿಯಾಲಿಟಿ ಶೋಗಳಲ್ಲಿ ಮಿಂಚಿರುವ ರಜತ್ ಅವರಿಗೆ ಧಾರಾವಾಹಿಗಳಲ್ಲಿಯೂ ನಟಿಸುವ ಅವಕಾಶಗಳು ಬಂದಿವೆಯಂತೆ. ಆದರೆ, ಇದ್ಯಾವುದನ್ನು ರಜತ್ ಒಪ್ಪಿಕೊಂಡಿಲ್ಲ. ಕಾರಣ ಅವರಿಗೆ ಸೀರಿಯಲ್‌ಗಳಲ್ಲಿ ನಟನಾಗುವುದಕ್ಕಿಂತಲೂ ನಿರೂಪಕನಾಗಬೇಕೆಂಬ ಆಸೆಯಿದೆಯಂತೆ. ಹಾಗಾಗಿ, ಹಲವು ಧಾರಾವಾಹಿ ಆಫರ್ ರಿಜೆಕ್ಟ್ ಮಾಡಿದ್ದಾರಂತೆ.

ಬಿಗ್‌ಬಾಸ್‌ ಮನೆಗೆ ಎಂಟ್ರಿಕೊಟ್ಟ ಎರಡನೇ ದಿನದಲ್ಲಿ ರಜತ್ ನಾಲಿಗೆ ಹರಿಬಿಟ್ಟಿದ್ದಾರೆ. ಟಾಸ್ಕ್ ವೇಳೆ ಗೋಲ್ಡ್ ಸುರೇಶ್‌ಗೆ ಗುಗ್ಗು ನನ್ ಮಗನ್ ಥರಾ ಮಾತಾಡ್ತಿದ್ದೀಯಾ, ಅಮಿಕ್ಕೊಂಡಿರು. ಸಡೆ ಮಾಡತುಗಳೆಲ್ಲಾ ಬೇಡ ಅಂತ ಕೂಗಾಡಿದ್ದಾರೆ. ಇದರಿಂದ ಬೇಸತ್ತ ಗೋಲ್ಡ್ ಸುರೇಶ್, ನಮ್ಮಪ್ಪನಾ ಬಿಗ್‌ಬಾಸ್ ಇವ್ನು? ನಾನು ಆಡಲ್ಲ. ಓಪನ್ ದ ಡೋರ್...ನಾನು ಹೊರಗೆ ಹೋಗ್ತೀನಿ ಅಂತ ಹಠ ಹಿಡಿದಿದ್ದಾರೆ.