ರಾಜಾ ರಾಣಿ ಶೋಗೆ ಎಂಟ್ರಿಕೊಟ್ಟ 'ಕರ್ನಾಟಕ ಜೋಡಿ': ಈ ಜೋಡಿಯ ವಯಸ್ಸು, ಊರು, ಲವ್‌ಸ್ಟೋರಿ ಇಲ್ಲಿದೆ.

ನೆಟ್ಟಿಗರಿಗೆ 'ಕರ್ನಾಟಕ ಜೋಡಿ' ಅಂತಲೇ ಜನಪ್ರಿಯವಾಗಿರುವ ಜೋಡಿಯ ಹೆಸರು ಗೋವಿಂದ ರಾಜ್ ಹಾಗೂ ಲೈಲಾ. ಬೆಂಗಳೂರಿನಲ್ಲಿಯೇ ಹುಟ್ಟಿ ಬೆಳೆದ ಈ ಜೋಡಿ, ಪ್ರಸ್ತುತ ಇಂದಿರಾನಗರದಲ್ಲಿ ವಾಸವಾಗಿದ್ದಾರೆ. ಸಾಮಾನ್ಯವಾಗಿ ಯುವಕ-ಯುವತಿಯರಿಗೆ ಸೋಶಿಯಲ್ ಮೀಡಿಯಾ ಗೀಳು ಹೆಚ್ಚು. ಆದರೆ, ಈ ಜೋಡಿ ಈ ಜೋಡಿ ಕೂಡ ಸೂಪರ್ ಹಿಟ್ ಸಿನಿಮಾ ಗೀತೆಗಳಿಗೆ ಡ್ಯಾನ್ಸ್ ಮಾಡುತ್ತಾ, ರೀಲ್ಸ್ ಮಾಡುತ್ತಾ ವೀಡಿಯೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿದೆ. ಈ ಮೂಲಕ ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದ್ದಾರೆ.

ಅಂದ್ಹಾಗೆ ಗೋವಿಂದ ರಾಜ್- ವೈಲಾ ಜೋಡಿಯದ್ದು ಲವ್ ಮ್ಯಾರೇಜ್.  26 ವರ್ಷಗಳ ಹಿಂದೆ ವೈಲಾ ಅವರನ್ನು ಮೊದಲ ಬಾರಿ ನೋಡಿದಾಗಲೇ ಗೋವಿಂದರಾಜ್ ಪ್ರೀತಿಲಿ ಬಿದ್ದಿದ್ದರಂತೆ. ವೈಲಾ ಅವರಿಗೆ ಈ ವಿಚಾರ ಹೇಳಿದಾಗ, ಅವರು ಒಪ್ಪಿರಲಿಲ್ಲವಂತೆ. ಬಳಿಕ ಲೈಲಾರನ್ನು ಸಾಕಷ್ಟು ಕಾಡಿ, ಮನೆಯವರನ್ನು ಒಪ್ಪಿಸಿ ಮದುವೆ ಆಗಿರುವುದಾಗಿ ಗೋವಿಂದ ರಾಜ್ ಹೇಳಿಕೊಂಡಿದ್ದಾರೆ. ಸದ್ಯ ಈ ಜೋಡಿ ಜೋಡಿ ಬಹಳ ಅನ್ಯೋನ್ಯವಾಗಿ ಜೀವನ ಸಾಗಿಸುತ್ತಿದ್ದಾರೆ. 

ಅದ್ಭುತವಾಗಿ ಡ್ಯಾನ್ಸ್ ಹಾಗೂ ರೀಲ್ಸ್ ವಿಡಿಯೋ ಮಾಡುವ ಈ ಜೋಡಿಯ ವಯಸ್ಸೆಷ್ಟು ಎಂಬುದು ಹಲವರ ಪ್ರಶ್ನೆ. ಈ ಬಗ್ಗೆ ತಮ್ಮದೇ ಯೂಟ್ಯೂಬ್ ವಿಡಿಯೋದಲ್ಲಿ ಹೇಳಿಕೊಂಡಿದ್ದು, ಗೋವಿಂದರಾಜ್ ಅವರಿಗೆ 50 ವಯಸ್ಸು ಹಾಗೂ ವೈಲಾ ಅವರಿಗರ 48 ವರ್ಷ. 'ಕರ್ನಾಟಕ ಜೋಡಿ' ಹೆಸರಿನ ಇವರಿಬ್ಬರ ಇನ್‌ಸ್ಟಾಗ್ರಾಮ್ ಪೇಜ್‌ಗೆ 3 ಲಕ್ಷದ 57 ಸಾವಿರ ಫಾಲೋವರ್ಸ್ ಇದ್ದಾರೆ.

ಸಾಹಸಸಿಂಹ ವಿಷ್ಣುವರ್ಧನ್ ಹಾಗೂ ಭಾನುಪ್ರಿಯಾ ಅಭಿನಯದ ಕದಂಬ ಸಿನಿಮಾದ 'ಯಾಮಿನಿ...ಯಾರಮ್ಮ ನೀನು ಯಾಮಿನಿ' ಸಾಂಗ್ ಸೂಪರ್ ಹಿಟ್ ಆಗಿತ್ತು. ಕೆ. ಕಲ್ಯಾಣ್ ಸಾಹಿತ್ಯ ಬರೆದಿದ್ದ ಈ ಹಾಡಿಗೆ ಎಸ್‌. ಪಿ ಬಾಲಸುಬ್ರಮಣ್ಯಂ ಹಾಗೂ ಕೆ. ಎಸ್ ಚಿತ್ರಾ ದನಿಯಾಗಿದ್ದರು. ಇತ್ತೀಚೆಗೆ ಈ ಹಾಡು ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು. ಅದಕ್ಕೆ ಕಾರಣ ಗೋವಿಂದರಾಜ್- ವೈಲಾ ಜೋಡಿಯ ಕವರ್ ವರ್ಷನ್. ಈ ಜೋಡಿ ಕಾಣಿಸಿಕೊಂಡಿದ್ದ 'ಯಾಮಿನಿ ಯಾರಮ್ಮ ನೀನು ಯಾಮಿನಿ' ಸಾಂಗ್ ವೀಡಿಯೋ ಇನ್‌ಸ್ಟಾ, ಫೇಸ್‌ಬುಕ್ ಹಾಗೂ ಟ್ವಿಟರ್‌ನಲ್ಲಿ ಸಖತ್ ವೈರಲ್ ಆಗಿತ್ತು. 50ರ ಹರೆಯದ ಜೋಡಿಯ ಸ್ಟೆಪ್ಸ್, ಹಾವಭಾವ ನೋಡಿದವರು ಫಿದಾ ಆಗಿದ್ದರು. ಮುಖ್ಯವಾಗಿ ಕ್ಯಾಮರಾ ವರ್ಕ್ ಬಗ್ಗೆಯೂ ಮೆಚ್ಚುಗೆ ವ್ಯಕ್ತವಾಗಿತ್ತು.

ಸದ್ಯ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ರಾಜಾ ರಾಣಿ' ರಿಯಾಲಿಟಿ ಶೋಗೆ ಕರ್ನಾಟಕ ಜೋಡಿ ಎಂಟ್ರಿಕೊಟ್ಟಿದೆ. ಈ ಜೋಡಿಯ ಪ್ರೋಮೋ ಈಗಾಗಲೇ ಬಿಡುಗಡೆಯಾಗಿದ್ದು, ಜೀವಾ ಹೂವಾಗಿದೆ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಜೊತೆಗೆ ಚಿಕ್ಕ-ಚಿಕ್ಕ ವಿಡಿಯೋ ಮಾಡಿಕೊಂಡಿದ್ದೆವು. ಇಲ್ಲಿವರೆಗೂ ಬರುತ್ತೇವೆ ಅನ್ಕೊಂಡಿರಲಿಲ್ಲ ಅಂತ ಕಣ್ಣೀರು ಹಾಕಿದ್ದಾರೆ. ಜೊತೆಗೆ ನಿರೂಪಕಿ ಅನುಪಮಾ ಗೌಡ ಈ ವಯಸ್ಸಿನಲ್ಲೂ ಇಷ್ಟು ರೋಮ್ಯಾಂಟಿಕ್ ಹೇಗೆ ಅಂದಾಗ, ಗೋವಿಂದ ರಾಜ್ ಹುಣಸೆ ಮರ ಮುಪ್ಪಾದರೂ ಹುಳಿ ಮುಪ್ಪಾಗುವುದೇ ಎಂದಿದ್ದಾರೆ. ಸದ್ಯ 'ರಾಜಾ ರಾಣಿ' ರಿಯಾಲಿಟಿ ಶೋನಲ್ಲಿ ಈ ಜೋಡಿ ನೋಡಿ ಕರ್ನಾಟಕದ ಜನತೆ ಖುಷಿಪಟ್ಟಿದ್ದಾರೆ.