ಪ್ರೇಮಾ ಟು ನಿಧಿ ಸುಬ್ಬಯ್ಯ: ವಿಚ್ಛೇದನದ ಬಳಿಕ ಸಿಂಗಲ್ ಆಗಿಯೇ ಉಳಿದಿರುವ ನಟಿಯರ ಪಟ್ಟಿ ಇಲ್ಲಿದೆ.

ನಟಿ ಸೋನು ಗೌಡ ಅವರು ದುನಿಯಾ ಸೂರಿ ನಿರ್ದೇಶನದ 'ಇಂತಿ ನಿನ್ನ ಪ್ರೀತಿಯ' ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟರು. ಈ ಚಿತ್ರದ ಬಳಿಕ ೨೦೧೦ರಲ್ಲಿ ಮನೋಜ್ ಕುಮಾರ್ ಎಂಬುವವರೊಂದಿಗೆ ತರಾತುರಿಯಲ್ಲಿ ಈ ನಟಿಯ ಮದುವೆ ನಡೆದುಹೋಗಿತ್ತು. ಸೋನು ಮದುವೆ ಕೇವಲ ಬಂಧಮಿತ್ರರು ಹಾಗೂ ಅತ್ಯಪ್ತರಷ್ಟೇ ಸಾಕ್ಷಿಯಾಗಿದ್ದರು.  ಆದರೆ, ಇವರ ವೈವಾಹಿಕ ಜೀವನ ಹೆಚ್ಚು ಕಾಲು ಉಳಿಯಲಿಲ್ಲ. ನಂತರ ಪತಿಯಿಂದ ವಿಚ್ಛೇದನ ಪಡೆದ ಈ ನಟಿ, ಮರುಮದುವೆಯಾಗದೇ ಈಗಲೂ ಸಿಂಗಲ್ ಆಗಿಯೇ ಉಳಿದಿದ್ದಾರೆ.  

ನಿಧಿ ಸುಬ್ಬಯ್ಯ ಕನ್ನಡದ ಹಲವಾರು ಹಿಟ್ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಈ ನಟಿ ೨೦೧೭ರ ಫೆಬ್ರವರಿಯಲ್ಲಿ ವಿರಾಜಪೇಟೆಯ ಖಾಸಗಿ ರೆಸಾರ್ಟ್‌ವೊಂದರಲ್ಲಿ ಲವೇಶ್ ಎಂಬುವವರೊಂದಿಗೆ ಅದ್ಧೂರಿಯಾಗಿ ವಿವಾಹವಾಗಿದ್ದರು. ಮುಂಬೈ ಮೂಲದ ಲವೇಶ್ ಉದ್ಯಮದಲ್ಲಿ ಸಾಕಷ್ಟು ಹೆಸರು ಮಾಡಿದರು. ಆದರೆ, ಮದುವೆಯಾದ ಕೆಲ ತಿಂಗಳ ಬಳಿಕ ನಿಧಿ ತಮ್ಮ ಮದುವೆಯ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಡಿಲೀಟ್ ಮಾಡಿದ್ದರು. ಈ ವೇಳೆ ಅವರ ವಿಚ್ಛೇದನದ ಕುರಿತು ಹಲವು ಸುದ್ದಿಗಳು ಹರಿದಾಡಿದ್ದವು. ಆದರೆ, ನಿಧಿ ಈ ಬಗ್ಗೆ ಏನೂ ಹೇಳಿಕೊಂಡಿರಲಿಲ್ಲ. ಇದಾದ ಬಳಿಕ ನಿಧಿ ಬಿಗ್ ಬಾಸ್ ಕನ್ನಡ ಸೀಸನ್ ೮ರಲ್ಲಿ ಭಾಗವಹಿಸಿದ್ದರು. ಬಿಬಿಕೆ ಮನೆಯಿಂದ ಹೊರಬಂದ ಇವರು, ನಾನು ಮದುವೆಯಾಗಿದ್ದೆ. ಅದು ತಿಂಗಳ ಬಳಿಕ ಅದು ಮುಂದುವರೆಯಲಿಲ್ಲ ಎಂದಿದ್ದರು. 

ನಟಿ ಪ್ರೇಮಾ ಒಂದು ಕಾಲದಲ್ಲಿ ಕನ್ನಡದ ಸ್ಟಾರ್ ನಟಿಯಾಗಿದ್ದರು. ಕನ್ನಡ ಮಾತ್ರವಲ್ಲದೇ, ತೆಲುಗು ಸಿನಿಮಾಗಳಲ್ಲೂ ಅಭಿನಯಿಸಿದ್ದ ಇವರು ಹಲವು ಪ್ರಶಸ್ತಿಗಳನ್ನು ಬಾಚಿಕೊಂಡಿದ್ದರು. ಕೊಡಗಿನ ಬೆಡಗಿ ಪ್ರೇಮಾ 2006ರಲ್ಲಿ ಜೀವನ್ ಅಪ್ಪಚ್ಚು ಎಂಬುವವರನ್ನು ವಿವಾಹವಾದರು. ಮದುವೆ ಬಳಿಕ ತಮ್ಮ ಸಿನಿಜೀವನಕ್ಕೆ ತಾತ್ಕಾಲಿಕ ವಿದಾಯ ಹೇಳಿದರು. ನಂತರ 2009ರಲ್ಲಿ `ಶಿಶಿರ' ಎಂಬ ಚಿತ್ರದಲ್ಲಿ ನಟಿಸಿದರು. 2016 ಲ್ಲಿ ತಮ್ಮ ಹತ್ತು ವರ್ಷದ ದಾಂಪತ್ಯಕ್ಕೆ ವಿದಾಯ ಹೇಳಿ, ಪರಸ್ಪರ ಒಪ್ಪಿಗೆ ಮೇರೆಗೆ ಪ್ರೇಮಾ ದಂಪತಿ ಬೆಂಗಳೂರಿನ ಕೌಟಂಬಿಕ ನ್ಯಾಯಾಲಯದಲ್ಲಿ ವಿಚ್ಚೇದನ ಪಡೆದರು. 

ಕಿಚ್ಚ ಸುದೀಪ್ ಅಭಿನಯದ `ಚಂದು' ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದ  ನಟಿ ಸೋನಿಯಾ ಅಗರ್‌ವಾಲ್, ತಮಿಳು ನಟ ಧನುಷ್ ಅವರ ಸಹೋದರ ಸೆಲ್ವರಾಘವನ್ ಎಂಬುವವರನ್ನು ಪ್ರೀತಿಸಿ 2006ರಲ್ಲಿ ವಿವಾಹವಾಗಿದ್ದರು.  ಮದುವೆಯಾಗಿ ನಾಲ್ಕೇ ವರ್ಷಕ್ಕೆ ಸೆಲ್ವರಾಘವನ್ ಹಾಗೂ ಸೋನಿಯಾ ವಿವಾಹ ಮುರಿದುಬಿದ್ದಿತ್ತು. ಬಳಿಕ ಇಬ್ಬರು ಪರಸ್ಪರ ಒಪ್ಪಿಗೆ ಮೇರೆಗೆ ೨೦೧೦ರಲ್ಲಿ ಡಿವೋರ್ಸ್ ಪಡೆದರು. ಬಳಿಕ ಸೆಲ್ವರಾಘವನ್ ಅವರು ಗೀತಾಂಜಲಿ ಎಂಬುವವರನ್ನು ಮದುವೆಯಾದರು. ಆದರೆ, ನಟಿ ಸೋನಿಯಾ ಸಿಂಗಲ್ ಆಗಿಯೇ ಇದ್ದಾರೆ. 

ನಟಿ ಮೀರಾ ಜಾಸ್ಮಿನ್ 2004ರಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅಭಿನಯದ 'ಮೌರ್ಯ' ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸುವ ಮೂಲಕ ಕನ್ನಡ ಚಿತ್ರರಂಗ ಪ್ರವೇಶಸಿದರು. ತಮ್ಮ ಮೊದಲ ಸಿನಿಮಾದಲ್ಲೇ ದೊಡ್ಡ ಯಶಸ್ಸನ್ನು ಕೂಡ ಗಳಿಸಿದ ಇವರು ನಂತರ ಹಲವು ಕನ್ನಡ ಚಿತ್ರದಲ್ಲಿ ನಟಿಸಿದರು. 2014ರಲ್ಲಿ ಅನಿಲ್ ಜಾನ್ ಟೈಟಸ್ ಎಂಬುವವರನ್ನು ವಿವಾಹವಾದರು. ಆದರೆ, ಅನಿಲ್‌ಗೆ ಮೊದಲ ಮದುವೆಯಾಗಿದ್ದು, ಮೊದಲನೇ ಪತ್ನಿ ವಿಚ್ಛೇದನ ಫೈನಲ್ ಆಗಿವ ಮುನ್ನವೇ ಮೀರಾ ಜಾಸ್ಮಿನ್ ಅವರನ್ನು ವಿವಾಹವಾಗಿದ್ದರು. ಬಳಿಕ 2016ರಲ್ಲಿ ಪತಿಯಿಂದ ವಿಚ್ಛೇದನ ಪಡೆದರು. 

ಕಿಚ್ಚ ಸುದೀಪ್ ನಟನೆಯ ಹೆಬ್ಬಲಿ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸಿದ್ದ ಅಮಲಾ ಪೌಲ್, 2014ರಲ್ಲಿ ವಿಜಯ್ ಎಂಬುವವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಬಳಿಕ 2020ರಲ್ಲಿ ಈ ಜೋಡಿ ವಿಚ್ಛೇದನ ಪಡೆಯಿತು. ಸದ್ಯ ಅಮಲಾ ಪೌಲ್ ಸಿಂಗಲ್ ಆಗಿಯೇ ಉಳಿದಿದ್ದಾರೆ.