Valentine’s Day 2025: ಕನ್ನಡದ ಈ ಸಿನಿಮಾ ಹಾಡುಗಳಲ್ಲಿದೆ ವಿಭಿನ್ನ ಲವ್ ಪ್ರಪೋಸ್!

Author Sowmya Bairappa | Updated: Friday, February 14, 2025, 10:13 AM [IST]

ಪ್ರೀತಿ, ಪ್ರೇಮವಿಲ್ಲದೇ ಬದುಕನ್ನು ಊಹಿಸಿಕೊಳ್ಳಲು ಸಾಧ್ಯವಿಲ್ಲ.ಹೀಗಾಗಿ, ಪ್ರತಿ ವರ್ಷ ಫೆಬ್ರವರಿ ವರ್ಷ 14ರಂದು ಜಗತ್ತಿನೆಲ್ಲೆಡೆ ಪ್ರೇಮಿಗಳ ದಿನವನ್ನು ಆಚರಿಸಲಾಗುತ್ತದೆ. ಅಂದು ಹಲವರು ತಾವು ಪ್ರೀತಿಸಿದವರಿಗೆ ಪ್ರಪೋಸ್ ಮಾಡಲು ನಾನಾ ದಾರಿ ಹುಡುಕುತ್ತಾರೆ. ಮಂಡಿಯೂಡಿ ಹೂಗುಚ್ಛ ನೀಡುವುದು, ಕವನ ಬರೆದು ಇಂಪ್ರೆಸ್ ಮಾಡುವುದು, ಗಿಫ್ಟ್ ನೀಡುವುದು ಹೀಗೆ ನಾನಾ ರೀತಿಯಲ್ಲಿ ತಮ್ಮ ಪ್ರೀತಿಯ ಪರಿಯನ್ನು ವ್ಯಕ್ತಪಡಿಸುತ್ತಾರೆ. ಕನ್ನಡ ಸಿನಿಮಾಗಳ ಕೆಲ ಹಾಡುಗಳಲ್ಲೂ ಪ್ರೇಮ ನಿವೇದನೆಯನ್ನು ವಿಭಿನ್ನವಾಗಿ ಕಟ್ಟಿಕೊಡಲಾಗಿದೆ. ಸ್ಯಾಂಡಲ್‌ವುಡ್‌ನ ಕೆಲ ಹಾಡುಗಳು ಈ ಕಾರಣಕ್ಕಾಗಿ ಸದ್ದು ಮಾಡಿವೆ ಅಂತಹ ಹಾಡುಗಳ ಪಟ್ಟಿ ಇಲ್ಲಿದೆ.

Table of content

ಪ್ರೀತ್ಸೆ..ಪ್ರೀತ್ಸೆ

ಶಿವರಾಜ್‌ಕುಮಾರ್, ಉಪೇಂದ್ರ ಹಾಗೂ ಸೋನಾಲಿ ಬೇಂದ್ರೆ ಅಭಿನಯದ 'ಪ್ರೀತ್ಸೆ' ಸಿನಿಮಾದ ಟೈಟಲ್ ಟ್ರ್ಯಾಕ್ ಇಂದಿಗೂ ಹಲವರ ಫೇವರಿಟ್. ನಾಯಕಿಯನ್ನು ಪರಿಪರಿಯಾಗಿ ಬೇಡಿಕೊಳ್ಳುವ ಪ್ರೇಮಿಗಳು ಸಾಲುಗಳು ಈ ಸಾಂಗ್‌ನಲ್ಲಿದೆ.

ಹೇ..ಹೇ.. ಪಾರು

ಪವರ್‌ ಸ್ಟಾರ್ ಪುನೀತ್ ರಾಜ್‌ಕುಮಾರ್ ನಟನೆಯ 'ರಾಜ್‌ ದಿ ಶೋ ಮ್ಯಾನ್' ಸಿನಿಮಾದ ಒಂದೇ ಒಂದು ಬಾರಿ ಐ ಲವ್ ಯೂ ಅಂತ ಹೇಳು ಎಂದು ನಾಯಕ ನಾಯಕಿಗೆ ಮನವಿ ಮಾಡಿಕೊಳ್ಳುವ 'ಹೇ..ಹೇ.. ಪಾರು..' ಹಾಡಿನ ಲಿರಿಕ್ಸ್ ತುಂಬಾ ಕ್ಯಾಚಿಯಾಗಿದೆ.

ಬಾಲೋ ಭಾಷಿ ಬೆಂಗಾಲಿಲಿ

ರಿಯಲ್ ಸ್ಟಾರ್ ಉಪೇಂದ್ರ ಅವರು ಏನೇ ಮಾಡಿದ್ರೂ ಡಿಫರೆಂಟ್. ಉಪ್ಪಿ ನಟನೆಯ ಓಂಕಾರ ಸಿನಿಮಾದಲ್ಲಿನ 'ಬಾಲೋ ಭಾಷಿ ಬೆಂಗಾಲಿಲಿ' ತುಂಬಾ ಭಿನ್ನವಾಗಿದೆ. ಈ ಹಾಡಿನಲ್ಲಿ ಲವ್ ಯೂ ಎಂಬುದನ್ನು ಬರೋಬ್ಬರಿ ೧೮ ಭಾಷೆಯಲ್ಲಿ ಹೇಳಲಾಗುತ್ತದೆ.

ಎಕ್ಸ್‌ಕ್ಯೂಸ್‌ಮೀ..ಎಕ್ಸ್‌ಕ್ಯೂಸ್‌ಮೀ

ಜೋಗಿ ಪ್ರೇಮ್ ನಿರ್ದೇಶನದ ಸೂಪರ್ ಹಿಟ್ ಸಿನಿಮಾ ಎಕ್ಸ್‌ಕ್ಯೂಸ್‌ಮೀ. ಈ ಸಿನಿಮಾದ ಎಲ್ಲಾ ಹಾಡುಗಳು ಕೂಡ್ ಹಿಟ್‌ಲಿಸ್ಟ್ ಸೇರಿದ್ದವು. ಅದರಲ್ಲೂ 'ಎಕ್ಸ್‌ಕ್ಯೂಸ್‌ಮೀ..ಎಕ್ಸ್‌ಕ್ಯೂಸ್‌ಮೀ' ಎಂಬ ಟೈಟಲ್ ಟ್ರ್ಯಾಕ್‌ ಸಖತ್ ಡಿಫರೆಂಟ್ ಆಗಿದೆ.

ಅನಿಸುತ್ತಿದೆ ಯಾಕೋ ಇಂದು

2006ರಲ್ಲಿ ಬಿಡುಗಡೆಯಾದ ಯೋಗರಾಜ್ ಭಟ್ ನಿರ್ದೇಶನದ 'ಮುಂಗಾರು ಮಳೆ' ಸಿನಿಮಾ ಕನ್ನಡ ಚಿತ್ರರಂಗದಲ್ಲಿ ಹೊಸ ಟ್ರೆಂಡ್ ಸೃಷ್ಟಿಸಿತ್ತು. ಈ ಸಿನಿಮಾದ ಹಾಡುಗಳು ಹಾಗೂ ಡೈಲಾಗ್‌ಗಳು ಇಂದಿಗೂ ಪ್ರಸ್ತುತ. ಈ ಚಿತ್ರದ 'ಅನಿಸುತ್ತಿದೆ ಯಾಕೋ ಇಂದು' ಸಿಕ್ಕಾಪಟ್ಟೆ ಗಮನ ಸೆಳೆದಿತ್ತು.