ವರ್ತೂರು ಸಂತೋಷ್ ಮನೆಯಲ್ಲಿ ಅದ್ಧೂರಿ ಸಮಾರಂಭ: ಆತ್ಮೀಯ ಗೆಳೆಯ ತುಕಾಲಿ ಸಂತೋಷ್, ತನಿಷಾಗೆ ವಿಶೇಷ ಗಿಫ್ಟ್

ವರ್ತೂರಿನ ಭವ್ಯವಾದ ಹಾಲ್‌ನಲ್ಲಿ ವರ್ತೂರು ಸಂತೋಷ್ ಅವರ ತಂಗಿಯ ಮಗನ ನಾಮಕರಣ ಶಾಸ್ತ್ರ ನಡೆದಿದೆ. ಈ ಸಮಾರಂಭಕ್ಕೆ ಸಾವಿರಕ್ಕೂ ಅಧಿಕ ಜನರು ಆಗಮಿಸಿದ್ದರು. 

ವರ್ತೂರು ಸಂತೋಷ್ ಮನೆಯ ಕಾರ್ಯಕ್ರಮಕ್ಕೆ ತನಿಷಾ ಕುಪ್ಪಂಡ, ಮೈಕಲ್ ಅಜಯ್, ಇಶಾನಿ, ರಕ್ಷಕ್ ಬುಲೆಟ್, ಸಂಗೀತಾ ಶೃಂಗೇರಿ, ತುಕಾಲಿ ಸಂತೋಷ್, ನೀತು ಹಾಗೂ ಪವಿ ಪೂವಪ್ಪ ಭೇಟಿ ನೀಡಿದ್ದರು. ಅವರಿಗೆ ಸಂತೋಷ್ ಹಾರ, ಪೇಟ ಹಾಕಿ, ಶಾಲು ಹೊದಿಸಿ ಸ್ವಾಗತ ಮಾಡಿದರು. ಇದೇ ಸಮಯದಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿ, ಈ ಸ್ನೇಹ ಹಾಗೆ ಇರುವುದು ಅಂತ ಹೇಳಿದ್ದಾರೆ.   

ತಮ್ಮೂರಿಗೆ ಬಂದ ಸಹ ಸ್ಪರ್ಧಿಗಳಿಗೆ ವರ್ತೂರು ಸಂತೋಷ್ ವಿಶೇಷ ಗಿಫ್ಟ್ ನೀಡಿದ್ದಾರೆ.  ತನಿಷಾಗೆ ಅವರಿಗೆ ಮೇಕಪ್ ಸೆಟ್ ಅಂದರೆ ತುಂಬಾ ಇಷ್ಟ. ಅದಕ್ಕಾಗಿ ಬಿಗ್‌ಬಾಸ್‌ ಮನೆಯಲ್ಲಿ ಕಣ್ಣೀರು ಹಾಕಿದ್ದರು. ಹೀಗಾಗಿ ತಮ್ಮ ಮನೆಯ ಸಮಾರಂಭಕ್ಕೆ ಬಂದ ತನಿಷಾಗೆ ವರ್ತೂರು ಸಂತೋಷ್ ದುಬಾರಿ ಬೆಲೆಯ ಮೇಕಪ್ ಕಿಟ್ ಗಿಫ್ಟ್ ನೀಡಿದ್ದಾರೆ. 

ಬಿಗ್‌ಬಾಸ್‌ ಮನೆಯಲ್ಲಿ ತುಕಾಲಿ ಸಂತೋಷ್ ಹಾಗೂ ವರ್ತೂರು ಸಂತೋಷ್ ಜೀವದ ಗೆಳೆಯರಾಗಿದ್ದರು. ಹೊರಗಡೆ ಬಂದಮೇಲೂ ಸಂತು-ಪಂತು ಜೋಡಿ ಸಿಕ್ಕಾಪಟ್ಟೆ ಫೇಮಸ್ ಆಗಿದೆ. ಸೋಶಿಯಲ್ ಮೀಡಿಯಾದಲ್ಲೂ ಇವರಿಬ್ಬರಿಗೆ ಸಾಕಷ್ಟು ಅಭಿಮಾನಿ ಬಳಗವಿದೆ. ವರ್ತೂರು ಸಂತೋಷ್ ತಮ್ಮ ಆತ್ಮೀಯ ಗೆಳೆಯನಿಗೆ ಸಂತು-ಪಂತು ಗೋಲ್ಡ್ ಡಾಲರ್ ಗಿಫ್ಟ್ ಮಾಡಿದ್ದಾರೆ.   

ಗಿಫ್ಟ್ ಪಡೆದ ತುಕಾಲಿ ಸಂತೋಷ್ ಯಾಕಣ್ಣ ಇದೆಲ್ಲಾ ಅಂತ ಹೇಳಿದ್ದಾರೆ.  ಅದಕ್ಕೆ ವರ್ತೂರು ಸಂತೋಷ್, ಇದು ಸ್ಟಾರ್ಟಿಂಗ್. ಇದು ಕಮ್ಮಿದು, ಇನ್ನೂ ಐದೆ ಅಂತ ಮಮೂಲಾಗಿ ಹೇಳಿದ್ದಾರೆ. ಇದನ್ನು ಕೇಳಿದ ನೆಟ್ಟಿಗರು ತುಕಾಲಿ ಸಂತೋಷ್‌ಗೆ ಇನ್ನಷ್ಟು ಗಿಫ್ಟ್ ಬರೋದು ಗ್ಯಾರಂಟಿ ಎಂದಿದ್ದಾರೆ.  

ಇನ್ನೂ ವರ್ತೂರು ಸಂತೋಷ್ ಅವರ ಅಳಿಯನಿಗೆ ಚಿನ್ನದ ಉಂಗುರು ಉಡುಗೊರೆಯಾಗಿ ನೀಡಿದ್ದಾರೆ. ವರ್ತೂರು ಅವರ ತಾಯಿ ಕೂಡ ತನಿಷಾ ಬಳಿ ಬಹಳ ಪ್ರೀತಿಯಿಂದ ಮಾತನಾಡಿದ್ದು, ಅಲ್ಲಿದ್ದ ಅಭಿಮಾನಿಗಳು ರೇಗಿಸಿದ್ದಾರೆ.