ಪಬ್ ಮಾಡಿದ್ದೆ, ಮಾರುವ ಸ್ಥಿತಿ ಬಂತು, ದೇವರು ಎಲ್ಲಾ ಕಿತ್ಕೊಂಡು ಒಂದು ಕೊಟ್ಟ: ಬಿಗ್‌ಬಾಸ್ ವಿನಯ್ ಬದುಕಿನ ರಿಯಲ್ ಸ್ಟೋರಿ ಇದು!

ನನ್ನ ತಂದೆ-ತಾಯಿಯ ನಡುವೆ ಮನಸ್ತಾಪವಿತ್ತು. ನಾನು ಅದೇನು ಎಂದು ತಿಳಿದುಕೊಳ್ಳುವ ಪ್ರಯತ್ನ ಮಾಡಲಿಲ್ಲ. ನಾವು ದೊಡ್ಡವರಾಗುತ್ತಾ ಹೋದಂತೆ ನಮಗೆ ಅರ್ಥವಾಗುತ್ತೆ. ಸಮಾಜಕ್ಕೋಸ್ಕರ ನಾವು ಒಟ್ಟಿಗೆ ಇರಬೇಕು ಅನ್ನೋ ಬದಲು ದೂರವಾಗಿ ಖುಷಿಯಾಗಿರೋದು ಒಳ್ಳೆಯದು. ನಾನು ತಂದೆ ಜೊತೆಗಿದ್ದೆ. ಅಮ್ಮ ಬಿಟ್ಟ ಹೋದ ಮೇಲೆ ಮರುಮದುವೆಯಾಗದ ಅವರು ಕುಡಿದು, ತಮ್ಮ ಹತಾಶೆಯನ್ನ ನನ್ನ ಮೇಲೆ ಹಾಕ್ತಿದ್ರು. ಹೀಗಾಗಿ, ನಾನು ಮನೆಯಿಂದ ಹೊರಗಡೆ ಬಂದೆ ಡ್ರೈವಿಂಗ್ ಮಾಡಿದ್ದೆ. 

ಮನೆಯಿಂದ ಹೊರಬಂದ ಮೇಲೆ ಮುಂಬೈಗೆ ಹೋಗಿ, ಹೋಟೆಲ್‌ವೊಂದರಲ್ಲಿ ಕೆಲಸ ಮಾಡ್ತಿದ್ದೆ. ಬಿಗ್‌ಬಾಸ್‌ ಮನೆಯಲ್ಲಿದ್ದಾಗ ಎಲ್ಲರೂ ಚೆನ್ನಾಗಿ ಕ್ಲೀನ್ ಮಾಡ್ತಿಯಾ ಅಂತಿದ್ರು. ನಾನು ಸಂದು ಹೋಟೆಲ್‌ನಲ್ಲಿ ಕೆಲಸ ಮಾಡಿದ್ದಕ್ಕೆ ಚೆನ್ನಾಗಿ ಕ್ಲೀನ್ ಮಾಡ್ತಿದ್ದೆ. ನಂತರದಲ್ಲಿ ಸಿಸಿಟಿವಿ ಕಂಪೆನಿಯೊಂದರಲ್ಲಿ ಕೆಲಸ ಮಾಡಿದೆ. ಹೋಟೆಲ್‌ನಲ್ಲಿ ಮ್ಯಾನೇಜರ್ ಆಗಿ ಕೆಲಸ ಮಾಡಿದೆ. ಅಲ್ಲಿಂದ ಹೊರಗಡೆ ಬಂದು ಪಬ್ ಮಾಡಿದೆ. 

ಪಬ್ ಎನ್ನುವ ಪ್ರಪಂಚದಲ್ಲಿ ಸ್ಪರ್ಧೆ ಜೋರಾಗಿತ್ತು. ಹೀಗಾಗಿ ಬೇರೆಯವರಿಗೆ ಸಮಸ್ಯೆಯಾಯ್ತು. ಈ ರೀತಿ ಮಾಡಬೇಡ, ಆ ರೀತಿ ಮಾಡಬೇಡ ಅಂತ ನನಗೆ ಬೆದರಿಕೆ ಕರೆ ಬಂತು. ಕೆ.ಆರ್. ಮಾರ್ಕೆಟ್ ಬಳಿ ನಾಲ್ವರು ಹುಡುಗರು ಬಂದು ನನ್ನ ಮೇಲೆ ಅಟ್ಯಾಕ್ ಮಾಡಿದರು. ಮನೆಯಲ್ಲಿ ಇದನ್ನು ನೋಡಿ ಹೆದರಿಕೊಂಡರು. ಹೀಗಾಗಿ, ನಾನು ಪಬ್ ಮಾರಿದೆ ಎಂದಿದ್ದಾರೆ.

ನನ್ನ ತಂದೆ ಚಿತ್ರರಂಗದಲ್ಲಿದ್ದವರು. ಅವರು ಯಾವಾಗ ನನ್ನ ತಾಯಿಯಿಂದ ಸಪರೇಟ್ ಆದರೋ, ಕುಡಿಯಲು ಶುರು ಮಾಡಿದ್ರೋ, ಯಾವಾಗ ಉದ್ಯಮದಲ್ಲಿ ನಷ್ಟವಾಯ್ತೋ ಆಗ ಒಬ್ಬರು ಇರಲಿಲ್ಲ. ಎಲ್ಲ ಕಳೆದು ಹೋದಮೇಲೆ ಯಾರೂ ಬರಲ್ಲ. ನಾನು ಊಟ ಮಾಡುವಾಗ ಪ್ಲೇಟ್ ತಗೊಂಡು ಎದ್ದೋಗು ಅಂತ ಹೇಳಿದ್ದೂ ಇದೆ. ಇದೆಲ್ಲಾ ಆಗಿಲ್ಲವೆಂದರೆ ನನಗೆ ಲೈಫ್‌ನಲ್ಲಿ ಛಲ ಅನ್ನೋದು ಬರುತ್ತಿರಲಲ್ಲ. ತಂದೆ-ತಾಯಿ ನೋಡಿ ಗಂಡ-ಹೆಂಡತಿ ಹೇಗಿರಬೇಕು, ತಂದೆ-ಮಗನ ಜೊತೆಗೆ ಹೇಗಿರಬೇಕು ಅನ್ನೋದನ್ನ ಕಲಿತೆ. 

ಜೀವನದಲ್ಲಿ ಏನೇ ಬರಲಿ ನನ್ನ ಜೊತೆಗೆ ಇದ್ದಿದ್ದು ನನ್ನ ಹೆಂಡ್ತಿ ಮಾತ್ರ. ನನ್ನ ಹೆಂಡ್ತಿ 10 ವರ್ಷ ಇದ್ದಾಗಿನಿಂದಲೂ ಗೊತ್ತಿದೆ. ನಾವಿಬ್ಬರು ಪ್ರೀತಿಸಿ ಮದುವೆಯಾದೆವು. ನನ್ನ ಕಷ್ಟ-ಸುಖದಲ್ಲಿ ಹೆಂಡ್ತಿ ಜೊತೆಯಾಗಿದ್ದಾಳೆ. ಹೆಂಡ್ತಿಯೇ ನನಗೆ ಗರ್ಲಫ್ರೆಂಟ್, ತಾಯಿ, ಎಲ್ಲವೂ. ದೇವರು ಎಲ್ಲಾ ಕಿತ್ಕೊಂಡು ಒಂದು ಕೊಟ್ಟ ಅಂತ ಅನಿಸುತ್ತೆ ಅಂತ ಹೇಳಿದ್ದಾರೆ.