Yuva day 3 collection: ಯುವ ರಾಜ್‌ಕುಮಾರ್ ಚೊಚ್ಚಲ ಸಿನಿಮಾದ 3 ದಿನದ ಕಲೆಕ್ಷನ್ ವಿವರ ಇಲ್ಲಿದೆ.

ಯುವ ಸಿನಿಮಾ ಕರ್ನಾಟಕ ಮಾತ್ರವಲ್ಲದೇ ಹೈದರಾಬಾದ್, ದೆಹಲಿ ಹಾಗೂ ಚೈನೈನಲ್ಲಿ ಕೂಡ ಬಿಡುಗಡೆಯಾಗಿತ್ತು. ಟ್ರೇಡ್ ಎಕ್ಸ್‌ಪರ್ಟ್‌ಗಳು ಈ ಸಿನಿಮಾ ಮೊದಲ ದಿನ 4 ಕೋಟಿ ರೂಪಾಯಿ ಗಳಿಕೆ ಮಾಡಬಹುದು ಅಂದಾಜಿಸಲಾಗಿತ್ತು. ಆದರೆ, ಯುವ ಸಿನಿಮಾ ಮೊದಲ ದಿನ 2.10 ಕೋಟಿ ರೂಪಾಯಿ ಗಳಿಕೆ ಕಂಡಿದೆ. ಆದರೂ ಯುವನಟನೊಬ್ಬನ ಚೊಚ್ಚಲ ಚಿತ್ರಕ್ಕೆ ಕನ್ನಡದಲ್ಲಿ ಇದು ಹೆಚ್ಚು ಕಲೆಕ್ಷನ್ ಅಂತ ಹೇಳಾಗ್ತಿದೆ. 

ಯುವ ಸಿನಿಮಾ ಎರಡನೇ ದಿನ ಅಂದರೆ ಶನಿವಾರ 1.60 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಮೌತ್ ಟಾಕ್ ಚಿತ್ರಕ್ಕೆ ಪ್ಲಸ್ ಪಾಯಿಂಟ್ ಆಗುತ್ತಿದ್ದು, ಮಾಸ್ ಹಾಗೂ ಕ್ಲಾಸ್ ಪ್ರೇಕ್ಷಕರಿಗೆ ಇಷ್ಟವಾಗುವಂತೆ ನಿರ್ದೇಶಕರು ಸಿನಿಮಾ ತೆರೆಮೇಲೆ ತಂದಿದ್ದಾರೆ.

ನಿನ್ನೆ ಭಾನುವಾರವಾಗಿದ್ದರಿಂದ 'ಯುವ' ಸಿನಿಮಾ ಹೆಚ್ಚು ಕಲೆಕ್ಷನ್ ಮಾಡಲಿದೆ ಅಂತ ಅಂದಾಜಿಸಲಾಗಿತ್ತು. ಆದರೆ, ಮೊದಲ ದಿನದಿಂದ ಮೂರನೇ ದಿನದವರೆಗೂ ಏಕರೂಪದ ಕಲೆಕ್ಷನ್ ಆಗಿದೆ.  ಅಂದ್ಹಾಗೆ ಮೂರನೇ ದಿನ ಯುವ ಸಿನಿಮಾ ಕರ್ನಾಟಕದಾದ್ಯಂತ ಸುಮಾರು 1.80 ಕೋಟಿ ರೂಪಾಯಿ ಗಳಿಕೆ ಮಾಡಿದೆ ಅಂತ ವಿತರಕರ ವಲಯದಲ್ಲಿ ಚರ್ಚೆಯಾಗುತ್ತಿದೆ. ಒಟ್ಟಾರೆ ಯುವ ಸಿನಿಮಾ 50 ಕೋಟಿ ರೂಪಾಯಿ ಗಳಿಕೆ ಮಾಡಿದೆ.

ಕಳೆದ ಮೂರು ದಿನಗಳು ರಜೆಯಿತ್ತು. ಜೊತೆಗೆ ಪರೀಕ್ಷೆಗಳು ಮುಗಿಯುವ ಹಂತದಲ್ಲಿತ್ತು. ಇವೆಲ್ಲವನ್ನು ಲೆಕ್ಕಚಾರ ಹಾಕಿ 'ಯುವ' ಸಿನಿಮಾ ರಿಲೀಸ್ ಮಾಡಲಾಗಿತ್ತು. ಆದರೆ, ಯುವ ಸಿನಿಮಾ ನೀರಿಕ್ಷಿಸಿದಷ್ಟು ದೊಡ್ಡಮಟ್ಟದ ರೆಸ್ಪಾನ್ಸ್ ಸಿಕ್ಕಿಲ್ಲ. ಐಪಿಎಲ್ ಆರಂಭದ ಬೆನ್ನಲ್ಲೇ ಯುವ ಸಿನಿಮಾ ರಿಲೀಸ್ ಆಗಿದೆ. ಹೀಗಾಗಿ, ಮ್ಯಾಚ್ ಆರಂಭವಾಗುವ ಸಮಯದಲ್ಲಿ ಥಿಯೇಟರ್‌ನ ಆಕ್ಯೂಪೆನ್ಸಿ ಕಡಿಮೆಯಾಗಿದೆ. ಇನ್ನೊಂದೆಡೆ ಪರೀಕ್ಷೆಗಳು ನಡೆಯುತ್ತಿವೆ. ಈ ಕಾರಣಗಳಿಂದ 'ಯುವ' ಸಿನಿಮಾಗೆ ಅಡೆತಡೆಯಾಗಿರಬಹುದು ಎನ್ನಲಾಗ್ತಿದೆ.

ಮಂಗಳೂರಿನ ಕಾಲೇಜೊಂದರಲ್ಲಿ ಲೋಕಲ್ ಹುಡುಗರು ತಾವೇ ಮೇಲು ಎಂಬ ಭಾವನೆಯಲ್ಲಿ ಮೆರೆಯುತ್ತಿರುತ್ತಾರೆ. ಉಳಿದ ಹಾಸ್ಟೆಲ್ ಹುಡುಗರಿಗೆ ತಾವು ಹೊರಗಿನವರು ಎಂಬ ಅಳುಕಿರುತ್ತದೆ. ಈ ಕಾರಣಕ್ಕರ ಲೋಕಲ್ ಸಹವಾಸವೇ ಬೇಡ ಎಂಬಂತಿರುತ್ತಾರೆ. ಆದರೆ, ಯುವ ಹಾಗಲ್ಲ. ಆತನ ಬೈಕ್ ಟಚ್ ಮಾಡಿದ ಲೋಕಲ್ ಹುಡುಗರ ಕೈ-ಕಾಲು ಮುರಿಯುತ್ತಾನೆ. ಇದು ನಂತರ ಗ್ಯಾಂಗ್ ವಾರ್ ಆಗಿ ಬದಲಾಗುತ್ತದೆ. ಇದರ ನಡುವೆ ಮೊದಲ ಪ್ರೇಮದ ಅನುರಾಗ ಇದೆ. ಹುಸಿ ಮುನಿಸು ಹಾಗೂ ಕೋಪವೂ ಇದೆ. ಸಿನಿಮಾದ ಮೊದಲಾರ್ಧ ಬಡೆದಾಟದಲ್ಲಿಯೇ ಮುಗಿದು ಹೋಗುತ್ತೆ. ಆದರೆ, ಚಿತ್ರದ 'ಮಧ್ಯಂತರ'ದ ಸಮಯದಲ್ಲಿ ಸಂತೋಷ್ ಆನಂದ್ ರಾಮ್ ಎಲ್ಲ ಲೆಕ್ಕಾಚಾರ ತಲೆ ಕೆಳಗಾಗಿಸುತ್ತಾರೆ. ಭಾವನಾತ್ಮಕವಾದ ಮೆರವಣಿಗೆಗೆ ಸಿದ್ಧವಾಗಿ ಕುಳಿತುಕೊಳ್ಳುವಂತೆ ಸೂಚನೆಯನ್ನ ಕೊಡ್ತಾರೆ. ಮೊದಲ ಭಾಗದಲ್ಲಿ ಮಾತು ಮಾತಿಗೂ ಸಿಡುಕುವ ಯುವ ನಂತರ ಏಕೆ ಬದಲಾಗುತ್ತಾನೆ? ಶಿಕ್ಷಣ ಮುಗಿಸಿ ಮನೆಗೆ ಬರುವ ಅವನಿಗೆ ಕಾದಿರುವ ಶಾಕ್ ಏನು?  ದ್ವಿತಿಯಾರ್ಧದಲ್ಲಿ ಆತನ ಬದುಕು ಹೇಗೆ ಬದಲಾಗುತ್ತದೆ ಎಂಬುದೇ ಸಿನಿಮಾ ಕಥೆ.