ರಸ್ತೆ ಅಪಘಾತಲ್ಲಿ ಜೀ ಟಿವಿ ಸ್ಟುಡಿಯೋ ಸಹಾಯಕ ಸಾವು

ರಸ್ತೆ ಅಪಘಾತದಲ್ಲಿ ಜೀ ಟಿವಿ ಸ್ಟುಡಿಯೋ ಸಹಾಯಕ ಸಾವಪ್ಪಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ. ವೇಗವಾಗಿ ಬಂದ ಟೆಂಪೋ ಡಿಕ್ಕಿ ಹೊಡೆದ ಪರಿಣಾಮ ಜೀ ಟಿವಿ ಸ್ಟುಡಿಯೋ ಸಹಾಯಕ ಹರೀಶ್ (28) ಸ್ಥಳದಲ್ಲೆ ಮೃತಪಟ್ಟಿದ್ದಾರೆ. ್

ಈ ಘಟನೆ ಬೆಂಗಳೂರು ನಂದಿನಿಲೇಔಟ್ ನ ರಿಂಗ್ ರಸ್ತೆಯ ಉಡುಪ ಹೋಟೆಲ್ ಬಳಿ ಮಂಗಳವಾರ(ಆ.24) ಸಂಭವಿಸಿದೆ. ನಂದಿನಿಲೇಔಟ್ ನಿವಾಸಿಯಾದ ಈತ ಮಂಗಳವಾರ ಉಡುಪ ಹೋಟೆಲ್ ಬಳಿ ರಸ್ತೆ ದಾಟುತ್ತಿರಬೇಕಾದರೆ ಅಪಘಾತಕ್ಕೆ ಈಡಾದ.

ವೇಗವಾಗಿ ಬಂದ ಟೆಂಪೋ ಹರೀಶ್ ಮೇಲೆ ಹರಿದು ಆತ ಸ್ಥಳದಲ್ಲೆ ಸಾವಪ್ಪಿದ್ದಾನೆ. ಟೆಂಪೋ ಚಾಲಕ ವಾಹನ ಸಮೇತ ಪರಾರಿಯಾಗಿದ್ದು ರಾಜಾಜಿನಗರ ಸಂಚಾರಿ ಪೊಲೀಸರು ಪ್ರಕರಣವನ್ನು ದಾಖಲಿಸಿಕೊಂಡಿದ್ದಾರೆ. ತನಿಖೆ ನಡೆಯುತ್ತಿದೆ.