15 ವರ್ಷಗಳ ಬಳಿಕ 'ಅನಿಸುತಿದೆ' ಹಾಡಿನ ರಹಸ್ಯ ಬಿಚ್ಚಿಟ್ಟ 'ಮುಂಗಾರು ಮಳೆ' ಚಿತ್ರದ 'ಗೋಲ್ಡನ್ ಗ್ಯಾಂಗ್'

ಅನಿಸುತಿದೆ ಯಾಕೋ ಇಂದು ಎವರ್‌ಗ್ರೀನ್ ಸಾಂಗ್

'ಮುಂಗಾರು ಮಳೆ' ಗೆಲುವಿನ ಬಹುಪಾಲು ಈ ಚಿತ್ರಗಳಿಗೂ ಸಲ್ಲುತ್ತೆ. ಸಂಗೀತ ನಿರ್ದೇಶಕ ಮನೋಮೂರ್ತಿ ಟ್ಯೂನ್ ಹಾಕಿದ ಎಲ್ಲಾ ಹಾಡುಗಳೂ ಸೂಪರ್‌ ಹಿಟ್ ಆಗಿತ್ತು. ಅದರಲ್ಲೂ ಸೋನು ನಿಗಂ ಹಾಡಿದ 'ಅನಿಸುತಿದೆ ಯಾಕೋ ಇಂದು' ಹಾಡು 5 ವರ್ಷಗಳ ಬಳಿಕವೂ ಸಿನಿಪ್ರಿಯರ ಅಚ್ಚು ಮೆಚ್ಚಿನ ಸಾಂಗ್. ಈ ಹಾಡನ್ನು ಶೂಟ್ ಮಾಡುವಾಗ ನಡೆದ ಘಟನೆಯನ್ನು 'ಮುಂಗಾರು ಮಳೆ' ತಂಡ 'ಗೋಲ್ಡನ್ ಗ್ಯಾಂಗ್' ವೇದಿಕೆಯಲ್ಲಿ ರಿವೀಲ್ ಮಾಡಿದೆ. ಸ್ವತ: ಗಣೇಶ್‌ಗೆ ಗೋಲ್ಡನ್ ವೇದಿಕೆಯಲ್ಲೇ ಸಂಗತಿ ಗೊತ್ತಾಗಿದೆ.

ಮೊಸಳೆ ಕಂಡರೂ ಗಣೇಶ್ ಹೇಳಿಲ್ಲ ತಂಡ

ಗಣೇಶ್ ಅನಿಸುತಿದೆ ಯಾಕೋ ಇಂದು ಹಾಡಿನ ಚಿತ್ರೀಕರಣ ಮಗ್ನರಾಗಿದ್ದರು. ಮೊದಲೇ ರೊಮ್ಯಾಂಟಿಕ್ ಸಾಂಗ್ ಆಗಿತ್ತು. ಹೀಗಾಗಿ ನಾಲ್ಕೈದು ಲೊಕೇಶನ್‌ಗಳಲ್ಲಿ ಸಿನಿಮಾದ ಚಿತ್ರೀಕರಣ ಮಾಡಲಾಗಿತ್ತು. ಹಾಡಿನ ಚಿತ್ರೀಕರಣದ ವೇಳೆ ಮೊಸಳೆ ಇದ್ದರೂ ತಂಡ ಗಣೇಶ್‌ಗೆ ಹೇಳಿರಲಿಲ್ಲ. "ಈ ಸಾಂಗ್‌ನಲ್ಲಿ ನನಗೆ ಹೀಗೆ ಮಲಗುವುದಕ್ಕೆ ಹೇಳಿದ್ದರು. ಐದಾರು ಅಡಿ ಅಂತ ಹೋದರೆ, 10 ರಿಂದ 11 ಅಡಿ ಇದೆ." ಅಂತ ಗಣೇಶ್ ಹೇಳುತ್ತಿದ್ದಂತೆ, ಕ್ಯಾಮರಾಮ್ಯಾನ್ ಕೃಷ್ಣ" ಅದು 300 ಅಡಿ ಇದೆ" ಎನ್ನುತ್ತಾರೆ. ಕಥೆಗಾರ ಪ್ರೀತಂ ಗುಬ್ಬಿ ಮೊಸಳೆ ಕಥೆ ಹೇಳಲು ಆರಂಭಿಸುತ್ತಾರೆ. ಅಲ್ಲೇ ಓಡಾಡುತ್ತಿದ್ದ ಮೊಸಳೆ ಬಗ್ಗೆ ಕ್ಯಾಮರಾಮ್ಯಾನ್‌ ಆಗಿದ್ದ ಕೃಷ್ಣಗೆ ಎಚ್ಚರಿಸಿದ್ದರು. ಆಗ ಶಾಟ್ ಆಗಲ್ಲ ಸುಮ್ಮನಿರು ಅಂತ ಹೇಳಿದ್ದರಂತೆ. ಆ ವಿಷಯವನ್ನೇ 15 ವರ್ಷಗಳ ಬಳಿಕ ಗಣೇಶ್‌ಗೆ ಗೋಲ್ಡನ್‌ ಗ್ಯಾಂಗ್‌ನಲ್ಲಿ ಹೇಳಿ ಶಾಕ್ ಕೊಟ್ಟಿದ್ದಾರೆ. ಈ ಪ್ರೋಮೊವನ್ನು ಜೀ ಕನ್ನಡ ಹೊರಬಿಟ್ಟಿದೆ.

ವೀಕೆಂಡ್‌ನಲ್ಲಿ ಮುಂಗಾರು ಮಳೆ ಕಿಕ್

ಮುಂಗಾರು ಮಳೆ ತಂಡ ಜೀ ಕನ್ನಡದ ಹೊಸ ಶೋ 'ಗೋಲ್ಡನ್ ಗ್ಯಾಂಗ್' ತಂಡದ ಈ ವಾರದ ಅತಿಥಿಗಳು. ಸ್ವತ: ಗಣೇಶ್ ಈ ಸಿನಿಮಾದ ಭಾಗವಾಗಿರುವುದರಿಂದ ಈ ಬಾರಿ ವೀಕೆಂಡ್‌ನಲ್ಲಿ ಮತ್ತಷ್ಟು ಮಜಾ ನೀಡಲಿದೆ. ಯೋಗರಾಜ್‌ ಭಟ್, ಮನೋಮೂರ್ತಿ, ಜಯಂತ್ ಕಾಯ್ಕಿಣಿ, ಪ್ರೀತಂ ಗುಬ್ಬಿ ಸೇರಿದಂತೆ ಸ್ವತ: ಗಣೇಶ್ ನಿರೂಪಣೆ ಜೊತೆ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳಿದ್ದಾರೆ. ಹೀಗಾಗಿ ಈ ವಾರ ವೀಕೆಂಡ್ ಮಸ್ತಾಗಿರುತ್ತೆ.

ಮೊದಲ ವಾರ ಶರಣ್ ಗ್ಯಾಂಗ್ ಮಸ್ತಿ

ವೀಕೆಂಡ್‌ ಕರ್ಫ್ಯೂ ಶುರುವಾಗುವುದಕ್ಕೂ, ವೀಕೆಂಡ್ ನಲ್ಲಿ ಗೋಲ್ಡನ್ ಗ್ಯಾಂಗ್ ಆರಂಭ ಆಗುವುದಕ್ಕೂ ಸರಿಯಾಗಿದೆ. ಹೀಗಾಗಿ ಮನೆಯಲ್ಲೇ ಇರುವ ಜನರಿಗೆ ಈ 'ಗೋಲ್ಡನ್ ಗ್ಯಾಂಗ್' ಸಿಕ್ಕಾಪಟ್ಟೆ ಮನರಂಜನೆ ನೀಡುವುದು ಗ್ಯಾರಂಟಿ. ಮೊದಲ ವಾರದಲ್ಲಿಯೇ ಕಾಮಿಡಿ ಕಿಂಗ್ ಶರಣ್, ನಿರ್ದೇಶಕ ತರುಣ್ ಹಾಗೂ ನಟ ನೆನಪಿರಲಿ ಪ್ರೇಮ್ ಭಾಗವಹಿಸಿದ್ದರು. ಮೊದಲ ಎಪಿಸೋಡ್ ಬಗ್ಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.