'ಅಗ್ನಿಸಾಕ್ಷಿ' ಧಾರಾವಾಹಿಯಲ್ಲಿ ದೊಡ್ಡ ತಿರುವು: ಚಂದ್ರಿಕಾ ಮುಖವಾಡ ಬಯಲು.!

ಕೌಶಿಕ್ ಬಣ್ಣ ಬಯಲು

ಸುಳ್ಳು ಹೇಳಿ ಅಂಜಲಿಯನ್ನ ಪ್ರೀತಿಸಿ, ಆಕೆಗೆ ಮೋಸ ಮಾಡಿ ಮದುವೆಯಾಗಲು ಮುಂದಾಗಿದ್ದ ಕೌಶಿಕ್ ಬಣ್ಣ ಮದುವೆ ಮಂಟಪದಲ್ಲಿ ಬಯಲಾಯಿತು. ಕೌಶಿಕ್ ಹಿನ್ನಲೆಯನ್ನು ತೇಜಸ್ ಎಳೆಎಳೆಯಾಗಿ ಬಹಿರಂಗಪಡಿಸಿದನು. ಹೀಗಾಗಿ ಅಂಜಲಿ ಮದುವೆ ಮುರಿದುಬಿತ್ತು.

ಚಂದ್ರಿಕಾಗೆ ಶಾಕ್

ಇಷ್ಟು ದಿನ ಎಲ್ಲರನ್ನೂ ಬುಗುರಿಯ ಹಾಗೆ ಆಡಿಸುತ್ತಿದ್ದ ಚಂದ್ರಿಕಾ ಬುಡಕ್ಕೆ ಈಗ ಬೆಂಕಿ ಬಿದ್ದಿದೆ. ತೇಜಸ್ ಮತ್ತು ಕೌಶಿಕ್ ಸತ್ಯ ಕಕ್ಕಿದ ಮೇಲೆ ಎಲ್ಲಿ ಜೈಲು ಪಾಲಾಗುತ್ತೇನೋ ಎಂದು ಹೆದರಿ ಚಂದ್ರಿಕಾ ಗೊಳೋ ಎಂದು ಕಣ್ಣೀರಿಟ್ಟಳು.

ಆಘಾತಗೊಂಡ ಕುಟುಂಬ

ಚಂದ್ರಿಕಾಳ ಕೆಟ್ಟ ಬುದ್ಧಿ ಮತ್ತು ಕ್ರಿಮಿನಲ್ ಮೈಂಡ್ ಬಗ್ಗೆ ಗೊತ್ತಾದ್ಮೇಲೆ ಇಡೀ ಕುಟುಂಬಕ್ಕೆ ಆಘಾತವಾಯಿತು. ಮದುವೆಯನ್ನ ಅರ್ಧಕ್ಕೆ ಮೊಟಕುಗೊಳಿಸಿ ಫ್ಯಾಮಿಲಿ ಮನೆಗೆ ಹಿಂದಿರುಗಿದರೆ, ಸಿದ್ದಾರ್ಥ್ ಮಾತ್ರ ಚಂದ್ರಿಕಾಳನ್ನು ಹುಡುಕಿಕೊಂಡು ಹೊರಟನು.

ತಪ್ಪೊಪ್ಪಿಕೊಳ್ಳುತ್ತಾಳಾ ಚಂದ್ರಿಕಾ.?

ಈಗಲಾದರೂ ಚಂದಿಕಾ ತಪ್ಪೊಪ್ಪಿಕೊಳ್ಳುತ್ತಾಳಾ..? ಅಥವಾ ಬೇರೆ ಏನಾದರೂ ಪ್ಲಾನ್ ಮಾಡಿ ತಪ್ಪಿಸಿಕೊಳ್ಳುತ್ತಾಳಾ.? ಅಂತ ಇಂದಿನ ಸಂಚಿಕೆಯಲ್ಲಿ ಕಾದು ನೋಡಬೇಕು. ಒಟ್ನಲ್ಲಿ ಇಷ್ಟು ದಿನಗಳ ನಂತರ 'ಅಗ್ನಿಸಾಕ್ಷಿ' ಧಾರಾವಾಹಿಯಲ್ಲಿ ಇಂತಹ ತಿರುವು ಸಿಕ್ಕಿರುವುದಕ್ಕೆ ವೀಕ್ಷಕರಂತೂ ಫುಲ್ ಖುಷಿಯಾಗಿದ್ದಾರೆ.