ಒಂದೇ ದಿನ ಮುಗೀತು ತಮಿಳು-ತೆಲುಗು 'ಬಿಗ್ ಬಾಸ್': ವಿನ್ನರ್ ಗೆ ಸಿಕ್ಕ ಹಣವೆಷ್ಟು.?

ಬಿಗ್ ಬಾಸ್ ಗೆದ್ದ ಕೌಶಲ್

ಕಳೆದ ಮೂರು ತಿಂಗಳಿನಿಂದ ಸಖತ್ ಸದ್ದು ಮಾಡಿದ್ದ ತೆಲುಗು ಬಿಗ್ ಬಾಸ್ ಎರಡನೇ ಆವೃತ್ತಿಯಲ್ಲಿ ಕೌಶಲ್ ಮಂದ್ ವಿನ್ನರ್ ಆಗಿ ಹೊರಹೊಮ್ಮಿದ್ದಾರೆ. ನಾನಿ ನಿರೂಪಣೆ ಮಾಡಿಕೊಟ್ಟ ಈ ಕಾರ್ಯಕ್ರಮದ ಫೈನಲ್ ಗೆ ನಟ ವೆಂಕಟೇಶ್ ಅತಿಥಿಯಾಗಿ ಆಗಮಿಸಿದ್ದರು.

ಕ್ಯಾನ್ಸರ್ ಪೀಡಿತರಿಗೆ ನೀಡಿದ ಬಹುಮಾನ

ಬಿಗ್ ಬಾಸ್ ಫೈನಲ್ ಗೆದ್ದ ಕೌಶಲ್ ಗೆ ಅರ್ಧಕೋಟಿ ಅಂದ್ರೆ 50 ಲಕ್ಷ ಬಹುಮಾನವಾಗಿ ಸಿಕ್ತು. ಆದ್ರೆ, ಈ ಬಹುಮಾನದ ಸಂಪೂರ್ಣ ಮೊತ್ತವನ್ನ ನಟ ಕೌಶಲ್ ತಮ್ಮ ತಾಯಿಯ ಫೌಂಡೇಶನ್ ಗೆ ನೀಡಿ ಗಮನ ಸೆಳೆದರು. ಅವರ ತಾಯಿ ಕ್ಯಾನ್ಸರ್ ನಿಂದ ಸಾವನ್ನಪ್ಪಿದ್ದರು. ಹಾಗಾಗಿ, ಬೇರೆ ಯಾರೂ ಇಂತಹ ಪರಿಸ್ಥಿತಿಗೆ ಬರಬಾರದು. ಅದು ಅವರಿಗೆ ಸಹಾಯವಾಗಲಿ ಎಂಬ ಉದ್ದೇಶದಿಂದ ನೆರವು ನೀಡಿದರು.

ಗೀತಾ ಮಾಧುರಿ ರನ್ನರ್ ಅಪ್

ಎರಡನೇ ಆವೃತ್ತಿಯ ತೆಲುಗು ಬಿಗ್ ಬಾಸ್ ಫೈನಲ್ ನಲ್ಲಿ ಕೌಶಲ್, ಗೀತಾ ಮಾಧುರಿ, ಸಾಮ್ರಾಟ್, ದೀಪ್ತಿ, ತನೀಶ್ ಆಯ್ಕೆಯಾಗಿದ್ದರು. ಅಂತಿಮವಾಗಿ ಕೌಶಲ್ ವಿನ್ನರ್ ಆದ್ರೆ, ಗೀತಾ ಮಾಧುರಿ ರನ್ನರ್ ಅಪ್ ಪ್ರಶಸ್ತಿಗೆ ತೃಪ್ತಿಪಟ್ಟುಕೊಂಡರು.

ತಮಿಳು ವಿನ್ನರ್ ರಿಯಾತ್ವಿಕ

ಕಳೆದ ಜೂನ್ ತಿಂಗಳಲ್ಲಿ ಆರಂಭವಾಗಿದ್ದ ತಮಿಳು ಬಿಗ್ ಬಾಸ್ ಎರಡನೆ ಆವೃತ್ತಿಯ ಫೈನಲ್ ಕೂಡ ಮುಗಿದಿದೆ. ನಟಿ ರಿಯಾತ್ವಿಕ ಎರಡನೇ ಆವೃತ್ತಿಯ ವಿನ್ನರ್ ಆಗಿ ಹೊರಹೊಮ್ಮಿದ್ದಾರೆ. ಬಿಗ್ ಬಾಸ್ ಕಿರೀಟ ಗೆದ್ದ ನಟಿಗೆ 50 ಲಕ್ಷ ಬಹುಮಾನ ನೀಡಲಾಗಿದೆ. ಐಶ್ವರ್ಯ ದತ್ ರನ್ನರ್ ಅಪ್ ಆಗಿ ಆಯ್ಕೆಯಾಗಿದ್ದಾರೆ. ಕಮಲ್ ಹಾಸನ್ ಈ ಶೋ ನಿರೂಪಣೆ ಮಾಡಿದ್ದರು.

ಅಕ್ಟೋಬರ್ 21ಕ್ಕೆ ಕನ್ನಡ ಬಿಗ್ ಬಾಸ್

'ಬಿಗ್ ಬಾಸ್' ಕನ್ನಡ ಕಾರ್ಯಕ್ರಮ ಮತ್ತೆ ವೀಕ್ಷಕರ ಮುಂದೆ ಬಂದಿದೆ. ಅಕ್ಟೋಬರ್ 21 ರಂದು 'ಬಿಗ್ ಬಾಸ್ ಕನ್ನಡ ಸೀಸನ್ 6'ರ ಗ್ರಾಂಡ್ ಓಪನಿಂಗ್ ನಡೆಯಲಿದೆ. ಈಗಾಗಲೇ ಬಿಗ್ ಬಾಸ್ ಪ್ರೋಮೋ ಪ್ರಸಾರವಾಗ್ತಿದ್ದು, ಸ್ಪರ್ಧಿಗಳು ಯಾರು ಎಂಬುದರ ಬಗ್ಗೆ ಹೆಚ್ಚು ಚರ್ಚೆಯಾಗ್ತಿದೆ.