ಬಿಗ್ ಬಾಸ್‌ ನಿರೂಪಣೆಗೆ ಸಲ್ಮಾನ್ ಬೇಡಿಕೆ ಇರಿಸಿರುವ ಸಂಭಾವನೆ ಇಷ್ಟೊಂದಾ?

ಭಾರಿ ಮೊತ್ತದ ಬೇಡಿಕೆ

ಸುದೀರ್ಘ ಸಮಯದಿಂದ ಬಿಗ್ ಬಾಸ್ ನಿರೂಪಣೆ ಮಾಡುತ್ತಿರುವ ಸಲ್ಮಾನ್ ಖಾನ್ ಅವರೇ ಬಿಗ್ ಬಾಸ್ ಸೀಸನ್ 14ರ ಅತಿಥ್ಯ ವಹಿಸಲಿದ್ದಾರೆ ಎನ್ನಲಾಗುತ್ತಿದೆ. ಆದರೆ ವಾರದ ಎರಡು ದಿನ ನಿರೂಪಣೆ ಮಾಡಲು ಅವರು ಭಾರಿ ಮೊತ್ತದ ಸಂಭಾವನೆಯನ್ನು ಡಿಮ್ಯಾಂಡ್ ಮಾಡಿದ್ದಾರೆ ಎನ್ನಲಾಗುತ್ತಿದೆ.

16 ಕೋಟಿ ರೂ ಸಂಭಾವನೆ

ಈಗ ಹರಿದಾಡುತ್ತಿರುವ ಸುದ್ದಿಗಳ ಪ್ರಕಾರ ಬಿಗ್ ಬಾಸ್ 14ರ ಸೀಸನ್‌ನಲ್ಲಿ ಒಂದು ವಾರದ, ಅಂದರೆ ವಾರದ ಕೊನೆಯ ಎರಡು ದಿನದ ನಿರೂಪಣೆಗಾಗಿ 16 ಕೋಟಿ ರೂ ಸಂಭಾವನೆ ನೀಡುವಂತೆ ಸಲ್ಮಾನ್ ಖಾನ್ ಕೇಳಿದ್ದಾರೆ. ಅನೇಕ ಮಿತಿಗಳ ನಡುವೆ ನಿರೂಪಣೆ ಮಾಡಬೇಕಿರುವುದರಿಂದ ಸಲ್ಮಾನ್ ತಮ್ಮ ಸಂಭಾವನೆ ಹೆಚ್ಚಿಸಿಕೊಂಡಿದ್ದಾರೆ.

ಆನ್ ಲೈನ್ ಮೂಲಕ ಆಯ್ಕೆ

ಕಳೆದ ಬಿಗ್ ಬಾಸ್ 13ರ ಅವಧಿಯಲ್ಲಿ ಸಲ್ಮಾನ್ ಖಾನ್ ಪ್ರತಿ ವಾರ ತೆರೆಯ ಮೇಲೆ ಕಾಣಿಸಿಕೊಳ್ಳಲು 12-14 ಕೋಟಿ ರೂ ಸಂಭಾವನೆ ಪಡೆದುಕೊಳ್ಳುತ್ತಿದ್ದರು. ಬಿಗ್ ಬಾಸ್ ನಿರ್ಮಾಣ ತಂಡ ಈಗಾಗಲೇ ಸಂಭಾವ್ಯ 30 ಸ್ಪರ್ಧಿಗಳ ಹೆಸರನ್ನು ಅಂತಿಮಗೊಳಿಸಿದೆ. ಆನ್‌ಲೈನ್ ಮೂಲಕವೇ ಈ ಪ್ರಕ್ರಿಯೆಗಳನ್ನು ನಡೆಸಲಾಗುತ್ತಿದೆ.

13 ಸೆಲೆಬ್ರಿಟಿಗಳು

30 ಸ್ಪರ್ಧಿಗಳ ಪಟ್ಟಿಯಲ್ಲಿ 16 ಮಂದಿ ಬಿಗ್ ಬಾಸ್ ಮನೆಗೆ ಹೋಗಲಿದ್ದು, ಅವರಲ್ಲಿ 13 ಮಂದಿ ಸೆಲೆಬ್ರಿಟಿಗಳು ಮತ್ತು ಮೂವರು ಜನಸಾಮಾನ್ಯರು ಇರಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಇದರಲ್ಲಿ ಭಾಗವಹಿಸುವ ಅನೇಕ ಸ್ಪರ್ಧಿಗಳ ಹೆಸರು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಮುಂಚೂಣಿಯಲ್ಲಿ ಎರಡು ಹೆಸರು

ಬಿಗ್ ಬಾಸ್ 13ರಲ್ಲಿ ಫೈನಲ್ ತಲುಪಿದ್ದ ಪರಾಸ್ ಛಾಬ್ರಾ ಅವರ ಮಾಜಿ ಗೆಳತಿ ಆಕಾಂಕ್ಷಾ ಪುರಿ ಮತ್ತು ನಾಗಿನ್ 4ರ ನಟಿ ಜಾಸ್ಮಿನ್ ಭಾಸಿನ್, ಬಿಗ್ ಬಾಸ್ ಪ್ರವೇಶಿಸುವ ಅಂತಿಮ ಸ್ಪರ್ಧಿಗಳಲ್ಲಿ ಇಬ್ಬರು ಎಂಬ ಸುದ್ದಿ ಹರಿದಾಡುತ್ತಿದೆ. ಇದರ ಬಗ್ಗೆ ಇನ್ನೂ ಅಧಿಕೃತ ಹೇಳಿಕೆ ಬರಬೇಕಿದೆ.

ಇತರೆ ಸ್ಪರ್ಧಿಗಳ ಹೆಸರು

ಅವರ ಜತೆಗೆ, ಕರಣ್ ಕುಂದ್ರ, ಟಿವಿ ನಟಿ ಅಲಿಶಾ ಪನ್ವಾರ್, ಎಂಟಿವಿ ರೋಡೀಸ್ ಸೀಸನ್ 8ರ ವಿನ್ನರ್ ಅಂಚಲ್ ಖುರಾನಾ, ಎಂಟಿವಿ ಸ್ಪಿಲ್ಟ್‌ಸ್ವಿಲ್ಲಾದ ಮಾಜಿ ಸ್ಪರ್ಧಿ ಆರುಷಿ ದತ್ತಾ ಮತ್ತು ಟಿವಿ ನಟಿ ಮಾನ್ಸಿ ಶ್ರೀವಾಸ್ತವ ಅವರ ಹೆಸರುಗಳೂ ಕೇಳಿಬರುತ್ತಿವೆ.