'ಮಾಲ್ಗುಡಿ ಡೇಸ್' ಕನ್ನಡದಲ್ಲಿ ಪ್ರಸಾರ: ದಿನಾಂಕ ಮತ್ತು ಸಮಯದ ವಿವರ

ಪ್ರಸಾರದ ದಿನಾಂಕ, ಸಮಯ

ಶಂಕರ್ ನಾಗ್ ನಿರ್ದೇಶನದ 'ಮಾಲ್ಗಡಿ ಡೇಸ್' ಧಾರಾವಾಹಿಯ ಕನ್ನಡ ಡಬ್ಬಿಂಗ್ ಅವತರಣಿಕೆಯು ಮೇ 11ರಿಂದ ಪ್ರಸಾರವಾಗಲಿದೆ. ವಾರದ ಐದು ದಿನ 'ಮಾಲ್ಗುಡಿ ಡೇಸ್' ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 9.30ಕ್ಕೆ ಪ್ರಸಾರವಾಗಲಿದೆ.

2012ರಿಂದಲೂ ಆಂದೋಲನ

ಉತ್ತಮ ಕಾರ್ಯಕ್ರಮಗಳು, ಸಿನಿಮಾಗಳನ್ನು ಕನ್ನಡಕ್ಕೆ ಡಬ್ ಮಾಡುವ ಮೂಲಕ ಕನ್ನಡಿಗರಿಗೆ ತಲುಪಿಸಬೇಕೆಂಬ ಹೋರಾಟ ದಶಕಗಳಿಂದ ನಡೆಯುತ್ತಿದೆ. ಹಾಗೆಯೇ ಕನ್ನಡಿಗರ ಹೆಮ್ಮೆಯ 'ಮಾಲ್ಗುಡಿ ಡೇಸ್'ಅನ್ನು ಕನ್ನಡದಲ್ಲಿ ಪ್ರಸಾರ ಮಾಡುವ ಸಂಬಂಧ 2012ರಿಂದಲೂ ಆಂದೋಲನ ನಡೆಯುತ್ತಿತ್ತು. ಅದಕ್ಕೆ ಜಯ ಸಿಕ್ಕಿದೆ ಎಂದು ಡಬ್ಬಿಂಗ್ ಪರ ಹೋರಾಟಗಾರರು ಸಂಭ್ರಮಿಸುತ್ತಿದ್ದಾರೆ.

ದೊಡ್ಡ ಗಣೇಶ್ ಸಂತಸ

ಮಾಲ್ಗುಡಿ ಡೇಸ್ ಕನ್ನಡದಲ್ಲಿ ಪ್ರಸಾರವಾಗುವುದನ್ನು 'ಬಿಗ್ ಬಾಸ್' ಸ್ಪರ್ಧಿಯಾಗಿದ್ದ, ಮಾಜಿ ಕ್ರಿಕೆಟಿಗ ದೊಡ್ಡ ಗಣೇಶ್ ಕೂಡ ಸ್ವಾಗತಿಸಿದ್ದಾರೆ. 'ಒಳ್ಳೆ ಸುದ್ದಿ. ನಾನು ಇಂಡಿಯಾಗೆ ಆಡುವಾಗಲೂ ನನಗೆ ಹಿಂದಿ ಸರ್ಯಾಗಿ ಅರ್ಥ ಆಗ್ತಾ ಇರ್ಲಿಲ್ಲ. ಈಗಲೂ ಬರಲ್ಲ !! ಹೇಗೋ ನಮ್ಮವರೇ ಆಗ ಟೀಮ್ ನಲ್ಲಿ 5-6 ಜನ ಇದ್ದಿದ್ರಿಂದ ತೊಂದರೆ ಆಗ್ಲಿಲ್ಲ. ಈಗ ನಮ್ಮ ಶಂಕರಣ್ಣನ ಮಾಲ್ಗುಡಿಡೇಸ್ ಕನ್ನಡದಲ್ಲಿ ಬರ್ತಿರೋದು ಸಂತೋಷ. ಖಂಡಿತ ನೋಡ್ತೀನಿ' ಎಂದು ದೊಡ್ಡ ಗಣೇಶ್ ಹೇಳಿದ್ದಾರೆ.

ಇದೇ ಮಹಾ ಸುದಿನ

ಇದೇ ಮಹಾ ಸುದಿನ.! ಇದಕ್ಕಾಗಿ ನಾವು ಸುಮಾರು ವರ್ಷಗಳಿಂದ ಕಾದಿದ್ದು! ನಮ್ಮ ಶಂಕರಣ್ಣನ ಕನಸಿನ ಕೂಸು, ಇಡೀ ದೇಶಕ್ಕೆ ಆಗಿನ ಕಾಲದಲ್ಲಿಯೇ ಕನ್ನಡಿಗರ ಶಕ್ತಿ ತೋರಿದ ಕತೆ ಇದು. ಇದನ್ನು ಆಗುಮಾಡಿದ ಎಲ್ಲರಿಗೂ ತುಂಬಾ ನನ್ನೀ- ಶುಕಮುನಿ