'ಹಿಟ್ಲರ್ ಕಲ್ಯಾಣ'ದ AJ ಮನಸ್ಸು ಲೀಲಾಗೆ ಅರ್ಥ ಆಗ್ತಿಲ್ಲ: ಇವತ್ತಾದ್ರೂ ಆಗುತ್ತಾ?

ಎಜೆ ಮನಸ್ಸು ಲೀಲಾ ಅರ್ಥ ಆಗುತ್ತಾ?

ಎಜೆ ಎಲ್ಲದರಲ್ಲೂ ಪರ್ಫೆಕ್ಟ್. ಲೀಲಾ ಎಡವಟ್ಟುಗಳ ರಾಣಿ. ಇಬ್ಬರ ಸಂಸಾರ ಇವುಗಳ ತಿಕ್ಕಾಟದಲ್ಲೇ ಮುಂದೆ ಸಾಗುತ್ತಿದೆ. ಆಗಾಗ ಗಂಭೀರವಾಗಿರುವ ಎಜೆ ಮೂಖದಲ್ಲಿ ನಗುನೂ ಬರುತ್ತೆ. ಲೀಲಾ ಮೇಲೆ ಪ್ರೀತಿ ಉಕ್ಕುತ್ತೆ. ಇತ್ತ ಲೀಲಾ ಮತ್ತೆ ಏನಾದರೂ ಒಂದು ಎಡವಟ್ಟು ಮಾಡಿಕೊಂಡು ಎಜೆ ಕೋಪಕ್ಕೆ ಕಾರಣ ಆಗುತ್ತೆ. ಆದರೆ, ಆ ಗಂಭೀರ ಮನಸ್ಥಿತಿಯ ಹಿಂದಿರುವ ಎಜೆ ಮನಸ್ಸನ್ನು ಲೀಲಾ ಅರ್ಥ ಮಾಡಿಕೊಂಡಿದ್ದಾಳಾ ಇಲ್ಲವಾ? ಅನ್ನುವುದೇ 'ಹಿಟ್ಲರ್ ಕಲ್ಯಾಣ'ದ ಅತೀ ದೊಡ್ಡ ಸೀಕ್ರೆಟ್. ಅದು ಗೊತ್ತಾದರೆ, ಧಾರಾವಾಹಿಯನ್ನೇ ಮುಗಿಸಬೇಕಾಗಬಹುದು. ಆದರೆ, ಇವತ್ತಿನ ಸಂಚಿಕೆಯ ಮಟ್ಟಿಗೆ ಅರ್ಥ ಮಾಡಿಕೊಳ್ಳುತ್ತಾಳಾ ಅನ್ನುವುದು ಕುತೂಹಲ.

ಪ್ರೋಮೊ ಏನು ಹೇಳ್ತಿದೆ?

ಟಿವಿ ಲೋಕದ ಜನಪ್ರಿಯ ಧಾರಾವಾಹಿ 'ಹಿಟ್ಲರ್ ಕಲ್ಯಾಣ' ಪ್ರತಿದಿನ ಒಂದೊಂದು ಹಿಟ್ ಕೊಡುತ್ತೆ. ಅದರ ಪ್ರಕಾರ, ಪವಿತ್ರಾಗೆ ಇವತ್ತಾದರೂ ಕೋಮಾದಿಂದ ಹೊರಬರಬಹುದಾ? ಅನ್ನೋ ಪ್ರಶ್ನೆ ಎದ್ದಿದೆ. ಎಚ್ಚರವಿಲ್ಲದೆ ಮಲಗಿದ್ದ ಪವಿತ್ರಾ ಜೊತೆ ಎಜೆ ಮಾತಾಡುವಾಗ, ಲೀಲಾ ಎಂಟ್ರಿ ಆಗುತ್ತೆ. ಇಬ್ಬರ ನಡುವೆ ಒಂದಿಷ್ಟು ಮಾತುಕತೆ ನಡೆಯುತ್ತೆ. ಲೀಲಾಳದ್ದು ಒಂದಿಷ್ಟು ಹುಡುಕಾಟ. ಇವೆಲ್ಲದ ಮಧ್ಯೆ ಪ್ರವಿತ್ರಾ ಕೋಮಾದಿಂದ ಹೊರಬರುವ ಸುಳಿವು ಸಿಕ್ಕಿದೆ. ಮುಂದೇನಾಗುತ್ತೆ ಅನ್ನುವುದು ಇಂದಿನ ಸಂಚಿಕೆಯಲ್ಲಿ ನೋಡಿ.

ಅಂತರಾ ಕತೆಯೇನು?

'ಹಿಟ್ಲರ್ ಕಲ್ಯಾಣ' ಆರಂಭ ಆದಲ್ಲಿಂದ ಎಜೆ ಮೊದಲ ಪತ್ನಿ 'ಅಂತರಾ' ಸಾವನ್ನಪ್ಪಿದ್ದಾರೆ ಎಂದೇ ತೋರಿಸಲಾಗಿತ್ತು. ಆದರೆ, ಧಾರಾವಾಹಿಯಲ್ಲಿ ಏನು ಬೇಕಾದರೂ ಆಗುತ್ತೆ. ಅದಕ್ಕೆ ಜನರು ಮುಗಿಬಿದ್ದು ಸೀರಿಯಲ್ ನೋಡುತ್ತಾರೆ. ಕೆಲವೇ ದಿನಗಳ ಹಿಂದಿನ ಕಥೆ. ಎಜೆ ಲೀಲಾಳನ್ನು ವಿವಾಹವಾಗಿದ್ದರೂ, ಅಂತರಾಳನ್ನು ಮನಸ್ಸಿಂದ ದೂರ ಮಾಡಿಲ್ಲ. ಅಂತರಾಳನ್ನು ಸದಾ ನೆನಪಿನಲ್ಲಿ ಇಟ್ಟುಕೊಂಡಿದ್ದಾರೆ. ಎಜೆ ಕಲ್ಪನೆಯಲ್ಲೂ ಅಂತರಾ ಬಂದಿದ್ದರು. ಹೀಗಾಗಿ ಲೀಲಾ, ಅಂತರಾ, ಎಜೆ ' ಹಿಟ್ಲರ್ ಕಲ್ಯಾಣದಲ್ಲಿ ಬೇಜಾನ್ ಟ್ವಿಸ್ಟ್ ಸಿಗಬಹುದು ನೋಡಿ.

'ಹಿಟ್ಲರ್ ಕಲ್ಯಾಣ' ಜಾತ್ರೆ

ಕಿರುತೆರೆಯಲ್ಲಿ 'ಹಿಟ್ಲರ್ ಕಲ್ಯಾಣ' ಯಶಸ್ವಿ ಧಾರಾವಾಹಿ ಎನಿಸಿಕೊಂಡಿದೆ. ಅತಿ ಹೆಚ್ಚು ಟಿಆರ್‌ಪಿ ಗಿಟ್ಟಿಸಿಕೊಳ್ಳುತ್ತಿರುವ ಈ ಧಾರಾವಾಹಿ ತಂಡ ಕೊಪ್ಪಳದ ಯಲಬುರ್ಗಾದಲ್ಲಿ ಹಿಟ್ಲರ್ ಜಾತ್ರೆಯನ್ನು ಮಾಡಿದ್ದಾರೆ. ಇದು ಇದು ಮಾರ್ಚ್ 6 ರಂದು ಜೀ ಕನ್ನಡದಲ್ಲಿ ಪ್ರಸಾರ ಆಗಲಿದೆ. ಎಜೆ, ಲೀಲಾ, ದುರ್ಗಾ, ಲಕ್ಷ್ಮಿ, ಸರಸ್ವತಿ, ಅಂತರಾ ಪಾತ್ರಧಾರಿಗಳು ಜೊತೆಗೆ ಸಂವಾದ ಮಾಡಬಹುದು ಎನ್ನಲಾಗಿದೆ.