Hamsa Narayan: 'ಪುಟ್ಟಕ್ಕನ ಮಕ್ಕಳು' ರಾಜೇಶ್ವರಿ ಈಗ ಪೊಲೀಸ್ ಆಫೀಸರ್..!

ನಿಜ ಜೀವನದಲ್ಲಿ ರಾಜೇಶ್ವರಿ ಇರುವ ರೀತಿಯೇ ಬೇರೆ

ನಟ-ನಟಿಯರು ತೆರೆ ಮೇಲೆ ಇರುವುದೇ ಒಂದಾದರೆ ಅವರ ನಿಜ ಜೀವನದಲ್ಲಿ ಇರುವ ರೀತಿಯೇ ಬೇರೆಯಾಗಿರುತ್ತದೆ. ಅದನ್ನು ಹೊಸದಾಗಿ ಹೇಳುವುದು ಏನೂ ಇಲ್ಲ. ಸೋಶಿಯಲ್ ಮೀಡಿಯಾ ಸಿಕ್ಕಾಪಟ್ಟೆ ಆಕ್ಟಿವ್ ಆದ ಮೇಲೆ ಇದೆಲ್ಲವೂ ಎಲ್ಲರಿಗೂ ತಿಳಿದಿರುವುದೇ. ಅದರಂತೆ 'ಪುಟ್ಟಕ್ಕನ ಮಕ್ಕಳು' ಧಾರಾವಾಹಿಯ ರಾಜೇಶ್ವರಿ ಕೂಡ ನಿಜ ಜೀವನದಲ್ಲಿ ಬೇರೆ ರೀತಿಯಲ್ಲಿಯೇ ಇದ್ದಾರೆ. ಅಸಲಿಗೆ ಇವರ ನಿಜವಾದ ಹೆಸರು ಹಂಸ ನಾರಾಯಾಣ್ ಅಂತ. ತುಂಬಾ ಅಂದರೆ ತುಂಬಾ ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟಿವ್ ಅಲ್ಲದೆ ಹೋದರೂ, ಆಗೊಂದು ಹೀಗೊಂದು ಅಂತ ಒಂದಷ್ಟು ಸ್ಪೆಷಲ್ ಫೋಟೊಗಳನ್ನು, ಆಸಕ್ತಿಕರ ವಿಚಾರಗಳನ್ನಂತು ಹಂಚಿಕೊಂಡಿದ್ದಾರೆ.

ರಾಜೇಶ್ವರಿಯ ಇಷ್ಟದ ಪಾತ್ರ ಪೊಲೀಸ್

ಯಾವ ಕಲಾವಿದರಿಗೆ ಆಗಲಿ, ಎಷ್ಟೇ ಪಾತ್ರಗಳನ್ನು ಮಾಡಲಿ, ತಮ್ಮಿಷ್ಟದ ಪಾತ್ರ ಒಂದಿರುತ್ತೆ. ನಟನೆಯ ಬದುಕಲ್ಲಿ ತಮ್ಮಿಷ್ಟದ ಪಾತ್ರ ಮಾಡುವುದಕ್ಕಾಗಿಯೇ ಒದ್ದಾಡುತ್ತಿರುತ್ತಾರೆ. ಕೆಲವರಿಗೆ ಆ ಅವಕಾಶ ಸಿಗುತ್ತೆ, ಇನ್ನು ಕೆಲವರಿಗೆ ಸಿಗುವುದೇ ಇಲ್ಲ. ಅದರಂತೆ 'ಪುಟ್ಟಕ್ಕನ ಮಕ್ಕಳು' ಧಾರಾವಾಹಿಯ ರಾಜೇಶ್ವರಿಗೆ ಕನಸಿನ ಪಾತ್ರವೊಂದಿದೆ. ಈಗಾಗಲೇ ಸಾಕಷ್ಟು ಧಾರಾವಾಹಿ, ಸಿನಿಮಾಗಳಲ್ಲಿ ವೆರೈಟಿ ವೆರೈಟಿ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಅವರಿಷ್ಟ ಪಡುವ ಪಾತ್ರ ಸಿಕ್ಕಿರುವುದು ಮಾತ್ರ ಈಗ. ರಾಜೇಶ್ವರಿ ಅಲಿಯಾಸ್ ಹಂಸ ನಾರಾಯಣ್‌ಗೆ ಪೊಲೀಸ್ ಕಾಪ್ ಆಗಿ ಪಾತ್ರ ಮಾಡುವ ಆಸೆ. ಇದೀಗ ಹೊಸ ಸಿನಿಮಾವೊಂದನ್ನು ಮಾಡುತ್ತಿದ್ದು ಆ ಸಿನಿಮಾದಲ್ಲಿ ಪೊಲೀಸ್ ಕಾಪ್ ಆಗಿ ಬಣ್ಣ ಹಚ್ಚಿದ್ದಾರೆ. ಈ ಫೋಟೊ ಶೇರ್ ಮಾಡಿಕೊಂಡು ತನ್ನಿಷ್ಟದ ಪಾತ್ರ ಎಂದು ಬರೆದುಕೊಂಡಿದ್ದಾರೆ.

ಶಾಂತಮ್ಮನನ್ನು ಕೊಂಡಾಡಿದ ನೆಟ್ಟಿಗರು

ಹಂಸ ನಾರಾಯಣ್ ಬೆಣ್ಣೆ ಶಾಂತಾ ಎಂಬ ಪಾತ್ರದಲ್ಲಿ ಖ್ಯಾತಿ ಪಡೆದವರು. ಅವರನ್ನು ಈಗಲು ಹಲವರು ಬೆಣ್ಣೆ ಶಾಂತಾ ಎಂದೆ ಕರೆಯುತ್ತಾರೆ. ಪೊಲೀಸ್ ಕಾಪ್‌ನಲ್ಲಿ ಫೋಟೊಶೇರ್ ಮಾಡಿದ್ದೆ ತಡ ಕಮೆಂಟ್‌ಗಳ ಸುರಿಮಳೆ ಸುರಿದಿದೆ. ಹಲವರು ಬೆಂಕಿ, ಚಿಂದಿ ಅಂತೆಲ್ಲಾ ಕಮೆಂಟ್ ಮಾಡಿದ್ದರೆ, ಬೆಣ್ಣೆ ಶಾಂತಮ್ಮನನ್ನು ಗದ್ದೆಗೆ ಕರೆಸಿಕೊಂಡಿದ್ದನಲ್ಲ ಅವನನ್ನು ಹಿಡಿದುಕೊಂಡು ಬನ್ನಿ ಎಂದು ಕಮೆಂಟ್ ಹಾಕಿದ್ದಾರೆ.

ರಾಜೇಶ್ವರಿಗೆ ಮಂಗಳಮುಖಿ ಹೊಗಳಿಕೆ

'ಪುಟ್ಟಕ್ಕನ ಮಕ್ಕಳು' ಧಾರಾವಾಹಿಗೆ ಇಂತಿಷ್ಟೆ ವರ್ಗ ಫಾಲೋವರ್ಸ್ ಇದ್ದಾರೆ ಎನ್ನುವ ಹಾಗಿಲ್ಲ. ಎಲ್ಲಾ ವರ್ಗದವರು ಈ ಧಾರಾವಾಹಿಯನ್ನು ಮನತುಂಬಿ ನೋಡುತ್ತಾರೆ. ಅದರಂತೆ ಮಂಗಳಮುಖಿಯರು ಕೂಡ ಈ ಧಾರಾವಾಹಿಯನ್ನು ಇಷ್ಟ ಪಟ್ಟಿದ್ದಾರೆ. ಅದಕ್ಕೆ ಹಂಸ ಶೇರ್ ಮಾಡಿಕೊಂಡಿರುವ ಆ ಒಂದು ವಿಡಿಯೋ ಸಾಕ್ಷಿಯಾಗಿದೆ. ನೀವೂ ತುಂಬಾ ಚೆನ್ನಾಗಿ ಅಭಿನಯಿಸುತ್ತೀರಿ. ಏನು ಮಾಡೋದು ಪಾಪ ನೀವೂ ಡೈರೆಕ್ಟರ್ ಹೇಳಿಕೊಟ್ಟಂತೆ ಮಾಡುತ್ತೀರಿ ಅಲ್ವಾ ಅಂತ ಸಿಗ್ನಲ್‌ನಲ್ಲಿ ಕಾರು ನಿಂತಾಗ ರಾಜೇಶ್ವರಿಯನ್ನು ಗುರುತಿಸಿ ಮಾತನಾಡಿದ್ದಾರೆ.

ಜಿಮ್ ಮಿಸ್ ಮಾಡಿಕೊಂಡ ರಾಜೇಶ್ವರಿ

ನಟ ನಟಿಯರು ಜಿಮ್‌ಗೆ ಹೋಗುವುದು ಸಹಜ. ತಮ್ಮ ಫಿಟ್ನೆಸ್‌ಗಾಗಿ ಜಿಮ್ ಹೋಗೋದು ಬೇರೆ. ಆದರೆ ಹಂಸಗೆ ಜಿಮ್ ಅಂದರೆ ಸಿಕ್ಕಾಪಟ್ಟೆ ಇಷ್ಟ. ಅದನ್ನು ಅವರ ಸೋಶಿಯಲ್ ಮೀಡಿಯಾ ಮೂಲಕ ಹೇಳಿಕೊಂಡಿದ್ದಾರೆ. ಕೊರೊನಾ ಹೆಚ್ಚಾದಾಗ ಜಿಮ್‌ಗಳೆಲ್ಲಾ ಕ್ಲೋಸ್ ಆಗಿದ್ದವು. ಆಗಲೂ ಹಂಸ ಅವರು ಜಿಮ್ ಹೋಗುವುದನ್ನು ಮಿಸ್ ಮಾಡಿಕೊಂಡಿದ್ದಾರೆ. ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೀನಿ. ಯಾವಾಗ ನಿನ್ನ ನೋಡುತ್ತೇನೋ ಅಂತ ಜಿಮ್‌ನಲ್ಲಿರುವ ಫೋಟೊ ಹಾಕಿ ಬರೆದುಕೊಂಡಿದ್ದಾರೆ. ಆದರೆ ಇತ್ತೀಚೆಗೆ ಮತ್ತೆ ಜಿಮ್‌ನಲ್ಲಿರುವ ಫೋಟೊ ಹಾಕಿ ಆದಷ್ಟು ಬೇಗ ವರ್ಕೌಟ್ ವಿಡಿಯೋ ಬರಲಿದೆ ಎಂದಿದ್ದಾರೆ.

ಎಲ್ಲಾ ಲುಕ್‌ಗೂ ಜೈ

ರಾಜೇಶ್ವರಿಯನ್ನು ಈಗ ನೋಡುತ್ತಿರುವುದು ಸಂಪೂರ್ಣ ಸೀರೆ ಲುಕ್‌ನಲ್ಲಿ. ಅದರಲ್ಲೂ ಮೈತುಂಬಾ ಒಡವೆ ಹಾಕಿಕೊಂಡು, ಸೀರೆಯುಟ್ಟು, ತಲೆಗೆ ತುರುಬು ಹಾಕಿ ಯಾವಾಗಲೂ ಜಗಳ ಮಾಡುವ ಬಜಾರಿಯಂತೆ ಕಾಣಿಸಿಕೊಳ್ಳುತ್ತಿದ್ದಾರೆ. ಹಾಗಂತ ಈ ಹಿಂದೆ ಇದೆ ಲುಕ್‌ನಲ್ಲಿ ನೋಡಿಲ್ಲ. ತುಂಬಾ ಅಂದರೆ ಅವರ ಸಿನಿಮಾಗಳು, ಧಾರಾವಾಹಿಯಲ್ಲಿ ಚೂಡಿದಾರ್, ಸೀರೆ ಹೀಗೆ ಇನ್ನು ಹಲವು ಡ್ರೆಸ್‌ಗಳಲ್ಲಿ ನೋಡಿರಬಹುದು. ಆದರೆ ರಾಜೇಶ್ವರಿ ಎಲ್ಲಾ ಡ್ರೆಸ್ ನಲ್ಲೂ ತುಂಬಾ ಅದ್ಭುತವಾಗಿ ಕಾಣಿಸುತ್ತಾರೆ. ಸ್ಯಾರಿ ಲುಕ್‌ಗೂ ಸೈ.. ಮಾಡರ್ನ್ ಲುಕ್ ಗೂ ಸೈ ಅನ್ನೋದು ಈ ಫೋಟೊಗಳನ್ನು ನೋಡಿದ್ರೇನೆ ಗೊತ್ತಾಗುತ್ತೆ.