'xxx' ನಂತರವು ವಿನ್ ಡೀಸೆಲ್ ಜೊತೆ ದೀಪಿಕಾ ಸಿನಿಮಾ?

ಅವಕಾಶ ಬರುತ್ತಿರುವುದು ನಿಜ

'ಬಾಜೀರಾವ್ ಮಸ್ತಾನಿ' ನಟಿ, ಹಾಲಿವುಡ್ ಸಿನಿಮಾಗಳಿಗೆ ಸಾಕಷ್ಟು ಅವಕಾಶಗಳು ಬರುತ್ತಿರುವ ಬಗ್ಗೆ ಒಪ್ಪಿಕೊಂಡಿದ್ದಾರೆ. ಅಲ್ಲದೇ 'ಐ ಯಾಮ್ ಸೋ ಹ್ಯಾಪಿ' ಅಂತಲೂ ಹೇಳಿದ್ದಾರೆ.['ಆಸ್ಕರ್ ಪಾರ್ಟಿ'ಯಲ್ಲಿ ದೀಪಿಕಾ ಮತ್ತು ಪ್ರಿಯಾಂಕ: ಮಿಸ್ ಮಾಡದೇ ನೋಡಿ]

ಇನ್ನೊಂದು ಹಾಲಿವುಡ್ ಚಿತ್ರದಲ್ಲಿ ನಟಿಸುತ್ತೀದ್ದೀರಂತೆ?

ದೀಪಿಕಾ ''xxx: ದಿ ರಿಟರ್ನ್‌ ಆಫ್‌ ಕ್ಸಾಂಡರ್ ಕೇಜ್' ಚಿತ್ರದ ನಾಯಕ ನಟ ವಿನ್ ಡೇಸೆಲ್ ಜೊತೆ ಇನ್ನೊಂದು ಚಿತ್ರದಲ್ಲಿ ನಟಿಸುತ್ತಿದ್ದಾರೆ ಎಂಬ ಸುದ್ದಿ ಹಲವು ದಿನಗಳಿಂದ ಇಂಟರ್ ನೆಟ್ ತುಂಬಾ ಹರಿದಾಡುತ್ತಿತ್ತು. ಈ ಬಗ್ಗೆ ಮಾಧ್ಯಮದವರು ಕೇಳಿದ ಪ್ರಶ್ನೆಗೆ ದೀಪಿಕಾ ಉತ್ತರಿಸಿ, "ನೋ. ನಾನು ಇನ್ನೂ ಯಾವುದೇ ಹಾಲಿವುಡ್ ಸಿನಿಮಾದಲ್ಲೂ ನಟಿಸುತ್ತಿಲ್ಲ. ಅಭಿನಯಿಸಲು ಸಹಿ ಸಹ ಮಾಡಿಲ್ಲ. ಹಾಗೇನಾದ್ರು ಇದ್ರೆ ಕಂಡಿತ ತಿಳಿಸುತ್ತೇನೆ",ಎಂದಿದ್ದಾರೆ. ಹಾಗೆ ಹಾಲಿವುಡ್ ಸಿನಿಮಾಗಳಲ್ಲಿ ನಟಿಸಲು ಉತ್ಸುಹರಾಗಿರುವ ಬಗ್ಗೆಯೂ ಹೇಳಿಕೊಂಡಿದ್ದಾರೆ.

'ಪದ್ಮಾವತಿ' ಯಲ್ಲಿ ಡಿಪ್ಪಿ ಬಿಜಿ

ಅಂದಹಾಗೆ ದೀಪಿಕಾ ಪಡುಕೋಣೆ ಪ್ರಸ್ತುತದಲ್ಲಿ ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದ 'ಪದ್ಮಾವತಿ' ಚಿತ್ರದ ಬಿಜಿಯಲ್ಲಿದ್ದಾರೆ. ಈ ಚಿತ್ರದಲ್ಲಿ ದೀಪಿಕಾ 'ರಾಣಿ ಪದ್ಮಾವತಿ' ಪಾತ್ರ ನಿರ್ವಹಿಸುತ್ತಿದ್ದಾರೆ.

'ಪದ್ಮಾವತಿ' ವಿವಾದದ ಬಗ್ಗೆ ದೀಪಿಕಾ ಪ್ರತಿಕ್ರಿಯೆ

'ಪದ್ಮಾವತಿ' ಚಿತ್ರದಲ್ಲಿ ರಾಣಿ ಪದ್ಮಿನಿಯ ಆಕ್ಷೇಪಾರ್ಹ ಸಂಗತಿಗಳನ್ನು ಅಳವಡಿಸಲಾಗಿದೆ ಎಂದು ರಜಪೂತ್ ಕಾರ್ಣಿ ಸೇನೆ ನಡೆಸಿದ ವಿದ್ವಂಸಕ ಕೃತ್ಯಕ್ಕೆ ಪ್ರತಿಕ್ರಿಯಿಸಿ, ಅವರನ್ನು 'ಚೈಲ್ಡಿಶ್' ಎಂದಿದ್ದಾರೆ. ಜೊತೆಗೆ ನಿರ್ದೇಶಕರ ಬಗ್ಗೆ "ಸಂಜಯ್ ಲೀಲಾ ಬನ್ಸಾಲಿ ಅವರು ಸಿನಿಮಾಗಾಗಿಯೇ ಬದುಕಿರುವ ವ್ಯಕ್ತಿ, ಸಿನಿಮಾ ಬಗ್ಗೆ ಅಷ್ಟೊಂದು ಪ್ಯಾಷನೇಟ್ ಆಗಿರುವ ವ್ಯಕ್ತಿಯನ್ನು ನೋಡೇಯಿಲ್ಲ" ಎಂದು ದೀಪಿಕಾ ಅಭಿಪ್ರಾಯ ವ್ಯಕ್ತಪಡಿಸಿದ್ದರು.

'ಪದ್ಮಾವತಿ' ಚಿತ್ರದಲ್ಲಿ ಯಾರೆಲ್ಲಾ ಇದ್ದಾರೆ?

ಚಿತ್ರದಲ್ಲಿ ಸಾಹಿದ್ ಕಪೂರ್ 'ಪದ್ಮಾವತಿ'(ದೀಪಿಕಾ ಪಡುಕೋಣೆ) ಗಂಡ ರಾಜ ರಾವಲ್ ರತನ್ ಸಿಂಗ್ ಆಗಿ ಬಣ್ಣ ಹಚ್ಚಿದ್ದಾರೆ. ಜೊತೆಗೆ ರಣವೀರ್ ಸಿಂಗ್ 13ನೇ ಶತಮಾನದ ನಿರಂಕುಶ ದೊರೆ ಅಲ್ಲಾವುದ್ಧೀನ್ ಖಿಲ್ಜಿ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರಕ್ಕೆ ಸಂಜಯ್ ಲೀಲಾ ಬನ್ಸಾಲಿ ಆಕ್ಷನ್‌-ಕಟ್ ಹೇಳುತ್ತಿದ್ದು, ಅವರೇ ಸಂಗೀತ ನಿರ್ದೇಶನವನ್ನು ನೀಡುತ್ತಿದ್ದಾರೆ.