2014ರಲ್ಲಿ ಸದ್ದು ಮಾಡಿದ ಚಿತ್ರದ ಟ್ರೈಲರ್ ಗಳು

ಫಿಫ್ಟಿ ಶೇಡ್ಸ್ ಆಫ್ ಗ್ರೇ ಚಿತ್ರದ ಟ್ರೈಲರ್

2011 ರಲ್ಲಿ ಬ್ರಿಟಿಶ್ ಲೇಖಕ ಇ.ಎಲ್ ಜೇಮ್ಸ್ ಬರೆದ ಕಾಮೋನ್ಮತ್ತ ಸನ್ನಿವೇಶಗಳುಳ್ಳ, ವಿಶ್ವದ 51 ಭಾಷೆಗಳಿಗೆ ಅನುವಾದವಾಗಿರುವ, ಸುಮಾರು 100 ಮಿಲಿಯನ್ ಇ ಕಾಪಿಗಳು ಮಾರಾಟವಾಗಿರುವ ಕೃತಿ ತೆರೆಯ ಮೇಲೆ ಫೆ.14, 2015 ಬರಲು ಸಿದ್ಧವಾಗಿದೆ.

ಸ್ಟಾರ್ ವಾರ್ಸ್ : ದಿ ಫೋರ್ಸ್ ಅವೇಕನ್ಸ್

ಸ್ಟಾರ್ ವಾರ್ಸ್ ಪ್ರಿಯರು ಬಹುಕಾಲದಿಂದ ಕಾಯುತ್ತಿರುವ ದಿ ಫೋರ್ಸ್ ಅವೇಕನ್ಸ್ ಚಿತ್ರ ಮುಂಬರುವ ಡಿಸೆಂಬರ್ ತಿಂಗಳಿನಲ್ಲಿ ಬಿಡುಗಡೆಯಾಗಲಿದ್ದು, ಸದ್ಯಕ್ಕೆ 81 ಮಿಲಿಯನ್ ವೀಕ್ಷಣೆ ಪಡೆದುಕೊಂಡಿದೆ.

ಅವೆಂಜರ್ಸ್ ಏಜ್ ಆಫ್ ಅಲ್ಟ್ರಾನ್

ಅವೆಂಜರ್ಸ್ ಏಜ್ ಆಫ್ ಅಲ್ಟ್ರಾನ್ ಭಾರಿ ಪೈಪೋಟಿ ನಡುವೆ ಮೂರನೇ ಸ್ಥಾನಕ್ಕೆ ತೃಪ್ತಿ ಪಟ್ಟಿದ್ದು 78 ಮಿಲಿಯನ್ ಗೂ ಅಧಿಕ ವೀಕ್ಷಣೆ ಪಡೆದುಕೊಂಡಿದೆ.

ಜುರಾಸಿಕ್ ವರ್ಲ್ಡ್

ಜುರಾಸಿಕ್ ಪಾರ್ಕ್ ಸರಣಿಯ ಮುಂದಿನ ಚಿತ್ರ ಜುರಾಸಿಕ್ ವರ್ಲ್ಡ್ ಟ್ರೈಲರ್ ಗೂ ಮುನ್ನ ಬಿಟ್ಟ ಕೆಲ ಸೆಕೆಂಡುಗಳ ಟೀಸರ್ ಭಾರಿ ಮೆಚ್ಚುಗೆ ಗಳಿಸಿತ್ತು. 1993ರಿಂದ ಪ್ರೇಕ್ಷಕರ ಕುತೂಹಲ ಕೆರಳಿಸುತ್ತಿರುವ ಈ ಚಿತ್ರ ಸರಣಿಯ ಮುಂದಿನ ಚಿತ್ರ 64 ಮಿಲಿಯನ್ ವೀಕ್ಷಣೆ ಪಡೆದುಕೊಂಡು ನಾಲ್ಕನೇ ಸ್ಥಾನದಲ್ಲಿದೆ.ಅದರೆ, ಟ್ರೇಲರ್ ಬಗ್ಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು.[ಥ್ರಿಲ್ ಇರದ ಟ್ರೇಲರ್ ಗೂ ಕೋಟಿ ಮಂದಿ ಮೆಚ್ಚುಗೆ]

ಟೀನೇಜ್ ಮುಟಾಂಟ್ ನಿಂಜಾ ಟರ್ಟಲ್ಸ್

ಟೀನೇಜ್ ಮುಟಾಂಟ್ ನಿಂಜಾ ಟರ್ಟಲ್ಸ್ ಈ ವರ್ಷದ ಆರಂಭದಿಂದಲೂ ಭಾರಿ ಸದ್ದು ಮಾಡಿದ ಟ್ರೈಲರ್ ಆಗಿತ್ತು. ಕೊನೆಗೆ 58 ಮಿಲಿಯನ್ ವೀಕ್ಷಣೆ ಪಡೆದುಕೊಂಡು ಐದನೇ ಸ್ಥಾನಕ್ಕೆ ಕುಸಿದಿದೆ. ಫಿಫ್ಟಿ ಶೇಡ್ಸ್ ಆಫ್ ಗ್ರೇ ಟ್ರೈಲರ್ ಬಿಡುಗಡೆಗೂ ಮುನ್ನ ಈ ಚಿತ್ರ ಮುನ್ನೋಟವೇ ಭಾರಿ ಮೆಚ್ಚುಗೆ ಪಡೆದ ವಿಡಿಯೋ ಆಗಿತ್ತು.