'ದಿಯಾ' ಹೀರೋ ಪೃಥ್ವಿ ಅಂಬಾರ್‌ಗೆ ಪುನೀತ್ ರಾಜ್ ಕುಮಾರ್ ನೀಡಿದ ಅಚ್ಚರಿ

ಊರಲ್ಲಿರುವ ಪೃಥ್ವಿ

ಲಾಕ್ ಡೌನ್ ನಡುವೆ ಆರಂಭದಲ್ಲಿಯೇ ಹಾಗೂ ಹೀಗೂ ಬೆಂಗಳೂರಿಂದ ಹೊರಟು ಪೃಥ್ವಿ, ಕಾಸರಗೋಡಿನ ಉಪ್ಪಳದಲ್ಲಿನ ತಮ್ಮ ಮನೆ ಸೇರಿಕೊಂಡಿದ್ದರು. ಅಲ್ಲಿಂದಲೇ ತಮ್ಮ ಸಿನಿಮಾದ ಯಶಸ್ಸಿನ ಖುಷಿಯನ್ನು ಸಂಭ್ರಮಿಸುತ್ತಿದ್ದರು.

ಪೃಥ್ವಿ ನಟನೆ ಅದ್ಭುತ

ಈ ನಡುವೆ ಪೃಥ್ವಿ ಅಂಬಾರ್ ಅವರಿಗೆ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಊಹಿಸಲಾಗದ ಅಚ್ಚರಿಯೊಂದನ್ನು ನೀಡಿದ್ದಾರೆ. 'ದಿಯಾ' ಸಿನಿಮಾ ಮತ್ತು ಅದರಲ್ಲಿನ ಪೃಥ್ವಿ ಅಭಿನಯವನ್ನು ಕೊಂಡಾಡಿದ್ದಾರೆ. ನೀವು ಬಹಳ ಅದ್ಭುತವಾಗಿ ನಟಿಸಿದ್ದೀರಿ ಎಂದು ಹೇಳಿದ್ದಾರೆ.

ನಮ್ಮ ಸಿನಿಮಾದಲ್ಲಿ ಪಾತ್ರ

ಇಷ್ಟೇ ಅಲ್ಲ ತಮ್ಮ ನಿರ್ಮಾಣದ ಸಿನಿಮಾದಲ್ಲಿ ಅವಕಾಶ ನೀಡುವ ಭರವಸೆಯನ್ನೂ ಸ್ವತಃ ನೀಡಿದ್ದಾರೆ. ಕೊರೊನಾ ಹಾವಳಿ ಮುಗಿದ ಬಳಿಕ ಬೆಂಗಳೂರಿಗೆ ಬನ್ನಿ. ಭೇಟಿಯಾಗಿ ಮಾತನಾಡೋಣ. ನಮ್ಮ ಪ್ರಾಜೆಕ್ಟ್‌ಗಳಲ್ಲಿ ನಿಮಗೆ ಒಂದು ಪಾತ್ರ ಇರುತ್ತದೆ ಎಂದು ಆಹ್ವಾನ ನೀಡಿದ್ದಾರಂತೆ.

ಮಾತುಗಳೇ ಹೊರಡಲಿಲ್ಲ

ಪುನೀತ್ ಅವರ ಫೋನ್ ಕರೆ ಕಂಡು ಪೃಥ್ವಿ ಮೂಕವಿಸ್ಮಿತರಾಗಿದ್ದಾರೆ. ಇದೊಂದು ನಂಬಲಾರದ ಸನ್ನಿವೇಶ. ಅವರ ನೃತ್ಯ, ಸಾಹಸಗಳನ್ನು ನೋಡಿ ಅನುಕರಣೆ ಮಾಡುತ್ತಾ ಬೆಳೆದು ಬಂದವನು ನಾನು. ಅವರೇ ಸಾಕ್ಷಾತ್ ಕರೆ ಮಾಡಿದಾಗ ಮಾತುಗಳೇ ಹೊರಡಲಿಲ್ಲ ಶಬ್ಧಗಳಿಂದ ವಿವರಿಸಲಾಗದ ಅದ್ಭುತ ಗಳಿಗೆಯದು ಎಂದು ಹೇಳಿಕೊಂಡಿದ್ದಾರೆ.

ಅವರ ಒಳ್ಳೆಯ ಮನಸಿಗೆ ಸಾಕ್ಷಿ

ಅಷ್ಟು ದೊಡ್ಡ ಸ್ಟಾರ್ ನನ್ನಂತಹ ಸಾಮಾನ್ಯನನ್ನು ಪ್ರೋತ್ಸಾಹಿಸುವ ನಿಟ್ಟಿನಲ್ಲಿ ಕರೆ ಮಾಡಿ ಪ್ರೀತಿ ತೋರಿಸುವುದು ಅವರ ಒಳ್ಳೆಯ ಹಾಗೂ ದೊಡ್ಡ ಮನಸಿಗೆ ಸಾಕ್ಷಿ. ಪುನೀತ್ ಸರ್ ನಿಜಕ್ಕೂ ಗ್ರೇಟ್ ಎಂದು ಪೃಥ್ವಿ ಸಂತಸ ಹಂಚಿಕೊಂಡಿದ್ದಾರೆ.