Vidaamuyarchi Live Update: ಅಜಿತ್ ಕುಮಾರ್, ತ್ರಿಶಾ ಸಿನಿಮಾಗೆ ಹೇಗಿದೆ ರೆಸ್ಪಾನ್ಸ್?

ಅಜಿತ್ ಕುಮಾರ್ ನಟನೆಯ 62ನೇ ಸಿನಿಮಾ 'ವಿಡಾಮುಯಾರ್ಚಿ' ಇಂದು (ಫೆಬ್ರವರಿ 6) ವಿಶ್ವದಾದ್ಯಂತ ರಿಲೀಸ್ ಆಗಿದೆ. ಫಸ್ಟ್ ಡೇ ಫಸ್ಟ್ ಶೋನಿಂದಲೇ ಈ ಸಿನಿಮಾಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಕೆಲವರಿಗೆ ಈ ಸಿನಿಮಾ ಇಷ್ಟ ಆಗಿಲ್ಲ. ಅಜಿತ್‌ ಸಿನಿಮಾದಲ್ಲಿ ಕತೆನೇ ಇಲ್ಲ ಎಂದು ಬೇಸರ ಹೊರ ಹಾಕುತ್ತಿದ್ದಾರೆ. ಹೀಗಿರುವಾಗಲೇ ನಯನತಾರಾ ಪತಿ ವಿಘ್ನೇಶ್ ಶಿವನ್ ಇನ್‌ಸ್ಟಾಗ್ರಾಂನಲ್ಲಿ ಶೇರ್ ಮಾಡಿರುವ ಪೋಸ್ಟ್ ಒಂದು ಸದ್ದು ಮಾಡುವುದಕ್ಕೆ ಶುರು ಮಾಡಿದೆ. ಅಜಿತ್ ಸಿನಿಮಾ 'ವಿಡಾಮುಯಾರ್ಚಿ' ಕುರಿತು ನಯನತಾರಾ ಪತಿ ವಿಘ್ನೇಶ್ ಶಿವನ್ ಪರೋಕ್ಷವಾಗಿ ಟಾಂಕ್ ಕೊಟ್ಟಿದ್ದಾರೆ ಅಂತ ಸುದ್ದಿಯಾಗುತ್ತಿದೆ.

ತಮಿಳಿನ ಸ್ಟಾರ್ ನಟ ಅಜಿತ್ ಕುಮಾರ್ ನಟಿಸಿದ 'ವಿಡಾಮುಯಾರ್ಚಿ' ಸಿನಿಮಾ ಇಂದು (ಫೆಬ್ರವರಿ 6)ರಂದು ಗ್ರ್ಯಾಂಡ್ ಆಗಿ ರಿಲೀಸ್ ಆಗಿದೆ. ಈ ಹಿನ್ನೆಲೆಯಲ್ಲಿ ಅಜಿತ್ ಪತ್ನಿ ಶಾಲಿನಿ ಚೆನ್ನೈನ ಫೇಮಸ್ ಸತ್ಯಂ ಚಿತ್ರಮಂದಿರದಲ್ಲಿ ಸಿನಿಮಾವನ್ನು ವೀಕ್ಷಣೆ ಮಾಡಿದ್ದಾರೆ. ಪತ್ನಿ ಶಾಲಿನಿ ಜೊತೆಗೆ ಪುತ್ರ ಕೂಡ ಸಿನಿಮಾವನ್ನು ವೀಕ್ಷಣೆ ಮಾಡಿದ್ದಾರೆ.

ಕಾಲಿವುಡ್‌ನಲ್ಲಿ ಚಿತ್ರಗಳು ಇತ್ತೀಚೆಗೆ ಅಷ್ಟಾಗಿ ಸದ್ದು ಮಾಡ್ತಿಲ್ಲ. ದಳಪತಿ ವಿಜಯ್ ರಾಜಕೀಯರಂಗದತ್ತ ಮುಖ ಮಾಡಿದ್ದಾರೆ. ಕಮಲ್ ಹಾಸನ್‌, ರಜನಿಕಾಂತ್ ಇಬ್ಬರಿಗೂ ವಯಸ್ಸಾಯ್ತು. ಧನುಷ್, ಸೂರ್ಯ ರೀತಿಯ ನಟರು ಸದ್ಯ ಸದ್ದು ಮಾಡುತ್ತಿದ್ದಾರೆ. ಅಜಿತ್ ಆಗೊಮ್ಮೆ ಈಗೊಮ್ಮೆ ವಿಭಿನ್ನ ಚಿತ್ರಗಳ ಮೂಲಕ ಪ್ರೇಕ್ಷಕರ ಮುಂದೆ ಬರ್ತಾರೆ.

ನಟ ಅಜಿತ್ ಪತ್ನಿ ಶಾಲಿನಿ ಕೂಡ ಚೆನ್ನೈನ ಚಿತ್ರಮಂದಿರದಲ್ಲಿ 'ವಿಡಮುಯರ್ಚಿ' ಸಿನಿಮಾ ವೀಕ್ಷಿಸಿದ್ದಾರೆ. ಚಿತ್ರಮಂದಿರದ ಮುಂದೆ ಕೆಲ ಅಭಿಮಾನಿಗಳು ಮುತ್ತಿಕೊಂಡಿದ್ದು ನಗುತ್ತಲೇ ಅವರೊಟ್ಟಿಗೆ ಕ್ಯಾಮರಾಗೆ ಪೋಸ್ ನೀಡಿದ್ದಾರೆ.

ಕೇರಳದಲ್ಲಿ ವಿಡಾಮುಯಾರ್ಚಿ ಚಿತ್ರಕ್ಕೆ ಅದ್ಭುತ ರೆಸ್ಫಾನ್ಸ್ ಸಿಕ್ಕಿದೆ. ಚಿತ್ರ ಈಗಾಗಲೇ 59.50 ಲಕ್ಷ ಹಣವನ್ನು ಚಿತ್ರ ಗಳಿಸಿದೆ ಎಂದು ಫ್ರೈಡೇ ಮ್ಯಾಟ್ನಿ ಎಂಬ ಖಾತೆ ವರದಿ ಮಾಡಿದೆ. 1025 ಪ್ರದರ್ಶನಗಳನ್ನು ಇಂದು ಕಾಣುತ್ತಿರುವ ವಿಡಾಮುಯಾರ್ಚಿ ಚಿತ್ರವನ್ನು 35,413 ಜನ ಇಲ್ಲಿಯವರೆಗೆ ಕಣ್ತುಂಬಿಕೊಂಡಿದ್ದಾರೆ. ಕೇರಳದಲ್ಲಿ ತಮಿಳು ಚಿತ್ರವೊಂದಕ್ಕೆ ಈ ರೀತಿಯ ಪ್ರತಿಕ್ರಿಯೆ ಇತ್ತೀಚಿನ ದಿನಗಳಲ್ಲಿ ಸಿಕ್ಕಿರಲಿಲ್ಲ. ಕಮಲ್ ಹಾಸನ್, ರಜಿನಿಕಾಂತ್ ಚಿತ್ರಗಳನ್ನು ಕೂಡ ನೋಡಲು ಕೇರಳದಲ್ಲಿ ಉತ್ಸಾಹ ಕಂಡು ಬಂದಿರಲಿಲ್ಲ. ಆದರೆ, ಅಜಿತ್ ಕುಮಾರ್ ಎಲ್ಲರ ಲೆಕ್ಕಾಚಾರ ತಲೆ ಕೆಳಗಾಗಿಸಿದ್ದು ಕೇರಳದಲ್ಲಿ ಈ ಮೂಲಕ ದಾಖಲೆ ಬರೆದಿದ್ದಾರೆ.

ವಿಡಾಮುಯಾರ್ಚಿ ಚಿತ್ರಕ್ಕೆ ಭರ್ಜರಿ ರೆಸ್ಫಾನ್ಸ್ ಸಿಕ್ಕಿದೆ. ಮೊದಲ ದಿನದ ಮೊದಲ ಶೋನಲ್ಲಿ ಚಿತ್ರವನ್ನು ನೋಡಿದ ಅಭಿಮಾನಿಗಳು ರಣಕೇಕೆ ಹಾಕುತ್ತಿದ್ದಾರೆ. ಚಿತ್ರದ ಸಾಹಸ ಸನ್ನಿವೇಶಗಳ ಕುರಿತು ಕೂಡ ವ್ಯಾಪಕವಾದ ಚರ್ಚೆ ನಡೆಯುತ್ತಿದೆ. ಇದರ ನಡುವೆ ವಿಡಾಮುಯಾರ್ಚಿ ಚಿತ್ರತಂಡ ಅಜಿತ್‌ಗೆ ಪದ್ಮ ಭೂಷಣ ಪ್ರಶಸ್ತಿ ಸಿಕ್ಕ ಹಿನ್ನೆಲೆ ಚಿತ್ರತಂಡ ಅಭಿಮಾನಿಗಳಿಗೆ ಸರ್ಪ್ರೈಸ್ ನೀಡಿದೆ. ಚಿತ್ರದ ಟೈಟಲ್ ಕಾರ್ಡ್‌ನಲ್ಲಿ ತಮ್ಮ ಚಿತ್ರದ ಕಥಾನಾಯಕ ತಲಾ ಅಜಿತ್ ಕುಮಾರ್ ಅವರಿಗೆ ಶುಭಾಶಯವನ್ನು ಕೋರಿದೆ. ವಿಡಾಮುಯಾರ್ಚಿ ಚಿತ್ರತಂಡದ ಈ ನಡೆ ಸದ್ಯ ಅಭಿಮಾನಿಗಳ ಹೃದಯವನ್ನು ಗೆದ್ದಿದೆ. ಟೈಟಲ್ ಕಾರ್ಡ್ ಬಂದಾಗ ಚಿತ್ರಮಂದಿರದಲ್ಲಿ ಸಂಭ್ರಮ ಮುಗಿಲು ಮುಟ್ಟುತ್ತಿದೆ.

'ವಿಡಮುಯರ್ಚಿ' ಸಿನಿಮಾ ಬಿಡುಗಡೆ ಸಂಭ್ರಮಾಚರಣೆ ಜೋರಾಗಿದೆ. ತಮಿಳುನಾಡು, ಆಂಧ್ರ, ತೆಲಂಗಾಣ ಹಾಗೂ ಕರ್ನಾಟಕದಲ್ಲಿ ಅಭಿಮಾನಿಗಳು ಚಿತ್ರಮಂದಿರದ ಮುಂದೆ ಬ್ಯಾನರ್ ಕಟ್ಟಿ ಪಟಾಕಿ ಸಿಡಿಸಿ, ಜೈಕಾರ ಹಾಕಿ ಚಿತ್ರವನ್ನು ಸ್ವಾಗತಿಸಿದ್ದಾರೆ. ಮಧುರೆಯ ಚಿತ್ರಮಂದಿರವೊಂದರ ಮುಂದೆ ಪಟಾಕಿ ಸಿಡಿಸಲು ಮುಂದಾದಾಗ ಪೊಲೀಸರು ಲಘು ಲಾಠಿ ಪ್ರಹಾರ ನಡೆಸಿದ ಘಟನೆಯೂ ನಡೆದಿದೆ.

ಅಜಿತ್ ಕುಮಾರ್, ತ್ರಿಶಾ ಪ್ರಮುಖ ಪಾತ್ರದಲ್ಲಿ ನಟಿಸಿರುವ 'ವಿಡಾಮುಯಾರ್ಚಿ' ಸಿನಿಮಾದ ತಮಿಳು ವರ್ಷನ್ ಸುಮಾರು 7 ಲಕ್ಷಕ್ಕೂ ಅಧಿಕ ಟಿಕೆಟ್‌ಗಳನ್ನು ಸೇಲ್ ಮಾಡಿದೆ. ಇಂದು (ಫೆಬ್ರವರಿ 6) ಬಿಡುಗಡೆಯಾಗಿರುವ ಈ ಸಿನಿಮಾಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಬಿಡುಗಡೆ ಬಳಿಕ ಈ ಸಿನಿಮಾಗೆ ರೆಸ್ಪಾನ್ಸ್ ಹೇಗೆ ಸಿಗಬಹುದು ಅನ್ನೋ ಕುತೂಹಲ ಸೃಷ್ಟಿಯಾಗಿದೆ.

ಚೆನ್ನೈ ಕೋಯಂಬೇಡುನಲ್ಲಿರುವ ರೋಹಿಣಿ ಚಿತ್ರಮಂದಿರಲ್ಲಿ ನಟ ಆರವ್ 'ವಿಡಾಮುಯರ್ಚಿ' ಸಿನಿಮಾ ವೀಕ್ಷಿಸಿದ್ದಾರೆ. ಚಿತ್ರದ ಪ್ರಮುಖ ಪಾತ್ರದಲ್ಲಿ ಅವರು ನಟಿಸಿದ್ದಾರೆ. ಬಳಿಕ ಮಾಧ್ಯಮಗಳ ಜೊತೆ ಮಾತನಾಡಿ "ಅಜಿತ್ ಸರ್ ಸಿನಿಮಾ ಬಿಡುಗಡೆಯಾಗಿ 2 ವರ್ಷ ಆಗಿತ್ತು, ಈ ದಿನಕ್ಕಾಗಿ ಅಭಿಮಾನಿಗಳ ರೀತಿ ನಾನು ಕಾಯುತ್ತಿದ್ದೆ" ಎಂದಿದ್ದಾರೆ.

'ವಿಡಾಮುಯಾರ್ಚಿ'ಯಲ್ಲಿ ಅಜಿತ್ ಅವರ ಅವತಾರ ನೋಡಲು ಬಿಹಾರದ ಪ್ರೇಕ್ಷಕರು ತುಸು ಹೆಚ್ಚೇ ಉತ್ಸುಕರಾಗಿರುವ ವಾತಾವರಣ ಕಂಡು ಬಂದಿದೆ. ಸ್ಯಾಕ್ನಿಲ್ಕ್ ವೆಬ್ ಫೋರ್ಟಲ್ ಪ್ರಕಾರ ಕೇವಲ ಬಿಹಾರದಲ್ಲಿ ಮೊದಲ ದಿನದ 7,15,631 ಟಿಕೆಟ್‌ಗಳು ಮಾರಾಟವಾಗಿವೆ. ಈ ಮೂಲಕ ಕೇವಲ ಬಿಹಾರ್‌ವೊಂದರಲ್ಲಿಯೇ ವಿಡಾಮುಯಾರ್ಚಿ ಹತ್ ಹತ್ತಿರ 13 ಕೋಟಿಯನ್ನು ಗಳಿಸಿದೆ. ತಮಿಳುನಾಡು ಹೊರತು ಪಡಿಸಿದರೆ ಬಿಹಾರ್‌ನಲ್ಲಿ ಈ ಗಳಿಕೆಯಾಗಿರುವುದು ಅನೇಕರನ್ನು ಅಚ್ಚರಿಗೆ ದೂಡಿದೆ. ಅಜಿತ್ ಕುಮಾರ್ ಅವರ ಕ್ರೇಜ್‌ಗೆ ಕೂಡ ಇದು ಕೈಗನ್ನಡಿ ಹಿಡಿದಂತೆ ಇದೆ.

ಅಜಿತ್ ಕುಮಾರ್ ಸಿನಿಮಾಗೆ ಬೆಂಗಳೂರಿನಲ್ಲಿ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ. ಬೆಳಗ್ಗೆ 6 ಗಂಟೆಯಿಂದಲೇ ಫ್ಯಾನ್ಸ್ ಶೋ ಪ್ರದರ್ಶನ ಕಂಡಿದೆ. ಸುಮಾರು 285 ಸ್ಕ್ರೀನ್‌ಗಳಲ್ಲಿ ಸ್ಪೆಷಲ್ ಶೋಗಳನ್ನು ಪ್ರದರ್ಶನ ಕಂಡಿದೆ ಎನ್ನಲಾಗಿದ್ದು. ಇದರಲ್ಲಿ ಸುಮಾರು 235 ರಿಂದ 240 ಶೋಗಳು ಹೌಸ್‌ಫುಲ್ ಪ್ರದರ್ಶನ ಕಂಡಿವೆ ಅಂತ ಕರ್ನಾಟಕದ ವಿತರಕರ ವಲಯದಲ್ಲಿ ಚರ್ಚೆಗಳು ಆಗುತ್ತಿವೆ.

'ವಿಡಾಮುಯಾರ್ಚಿ' ಚಿತ್ರದಲ್ಲಿ ಅಜಿತ್ ಜೋಡಿಯಾಗಿ ತ್ರಿಷಾ ನಟಿಸಿದ್ದಾರೆ. ಆಕೆಯ ಪಾತ್ರದ ಸುತ್ತಾ ಸಿನಿಮಾ ಕಥೆ ಸಾಗುತ್ತದೆ. ಚೆನ್ನೈನಲ್ಲಿ ಪ್ರೇಕ್ಷಕರ ಜೊತೆ ನಟಿ ತ್ರಿಷಾ ಮೊದಲ ದಿನವೇ ಸಿನಿಮಾ ವೀಕ್ಷಿಸಿದ್ದಾರೆ. ನಿರ್ದೇಶಕ ಮಗಿಳ್ ಥಿರುಮೆನಿ ಹಾಗೂ ನಟಿ ರೆಜಿನಾ ಕಸೆಂದ್ರಾ ಆಕೆಗೆ ಸಾಥ್ ನೀಡಿದ್ದಾರೆ.

'ವಿಡಾಮುಯಾರ್ಚಿ' ಹಾಲಿವುಡ್ 'ಬ್ರೇಕ್‌ಡೌನ್' ಚಿತ್ರದ ರೀಮೆಕ್ ಎನ್ನುವ ಗುಸುಗುಸು ಕೇಳಿಬಂದಿತ್ತು. ಇದೀಗ ಸಿನಿಮಾ ನೋಡಿದ ಮೇಲೆ ಅದು ನಿಜ ಎಂದು ಅಭಿಮಾನಿಗಳು ಕಾಮೆಂಟ್ ಮಾಡುತ್ತಿದ್ದಾರೆ. ಸೇಮ್ ಟು ಸೇಮ್ ರೀಮೆಕ್ ಅಲ್ಲದೇ ಇದ್ದರೂ ಕೊಂಚ ಬದಲಾವಣೆ ಮಾಡಿಕೊಳ್ಳಲಾಗಿದೆ. ಫಸ್ಟ್ ಹಾಫ್ ಬಹಳ ಚೆನ್ನಾಗಿದೆ ಎಂದು ಹೇಳುತ್ತಿದ್ದಾರೆ.

ಬಹಳ ದಿನಗಳಿಂದ ಅಜಿತ್ ಅಭಿಮಾನಿಗಳು 'ವಿಡಾಮುಯಾರ್ಚಿ' ಸಿನಿಮಾ ರಿಲೀಸ್‌ಗಾಗಿ ಎದುರು ನೋಡುತ್ತಿದ್ದರು. ಕೊನೆಗೂ ಇಂದು (ಫೆಬ್ರವರಿ 6) ವಿಶ್ವದಾದ್ಯಂತ ಅಜಿತ್ ಸಿನಿಮಾ ಅದ್ಧೂರಿಯಾಗಿ ರಿಲೀಸ್ ಆಗಿದೆ. ಬೆಂಗಳೂರಿನಲ್ಲಿ ಬೆಳಗ್ಗೆ ಆರು ಗಂಟೆಯಿಂದಲೇ ಫ್ಯಾನ್ಸ್‌ ಶೋಗಳನ್ನು ಪ್ರದರ್ಶನ ಮಾಡಲಾಗಿದೆ. ಇದಕ್ಕೆ ಸೂಪರ್ ರೆಸ್ಪಾನ್ಸ್ ಸಿಕ್ಕಿದೆ. ಸಿನಿಮಾ ನೋಡಿ ಹೊರ ಬಂದವರು ಈಗಾಗಲೇ ಟ್ವಿಟರ್‌ನಲ್ಲಿ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಬಹಳ ದಿನಗಳಾದ್ಮೇಲೆ ಸಿನಿಮಾ ರಿಲೀಸ್ ಆಗುತ್ತಿರುವುದರಿಂದ ಅವರ ಫ್ಯಾನ್ಸ್ ಥ್ರಿಲ್ ಆಗಿದ್ದಾರೆ. "ಸ್ಲೋ ಅಂಡ್ ಸ್ಟಡಿ" "ಅಜಿತ್ ಕುಮಾರ್ ಸಿನಿಮಾ ವಿಡಾಮುಯಾರ್ಚಿ ಫಸ್ಟ್ ಡೇ ಫಸ್ಟ್ ಶೋ. ಮೊದಲಾರ್ಧ ಸ್ಲೋ ಅಂಡ್ ಸ್ಡಡಿಯಾಗಿದೆ. ಅಜಿತ್ ಕುಮಾರ್ ನಟನೆ ಅದ್ಭುತ ಮತ್ತು ಕಾಮ್ ಆಗಿದೆ. ಆಕ್ಷನ್ ಕಿಂಗ್ ಅರ್ಜುನ್ ಸರ್ಜಾ ಭಯಂಕರ. ಅನಿರುದ್ಧ್ ಕೊಟ್ಟಿರುವ ಸ್ಲೋ ಮೆಲೋಡಿ ಹಾಡುಗಳು ಸೂಪರ್ ಆಗಿವೆ." ಎಂದು ನೆಟ್ಟಿಗರೊಬ್ಬರು 'ವಿಡಾಮುಯಾರ್ಚಿ' ಸಿನಿಮಾ ನೋಡಿ ಟ್ವೀಟ್ ಮಾಡಿದ್ದಾರೆ.