ನಿನ್ನದು ಈಗೋ ವರ್ಸಸ್ ಗೇಮ್, ನೀನು ಮಾಡಿದ್ದು ಸ್ಟುಪಿಡ್ ತರಹ ಇತ್ತು: ಪ್ರತಾಪ್ ವಿರುದ್ಧ ಸಿಡಿದೆದ್ದ ಮೈಕಲ್-ವಿನಯ್

ಮೂರನೇ ಟಾಸ್ಕ್‌ಗಾಗಿ ನಾಲ್ವರನ್ನು ಆಯ್ಕೆ ಮಾಡಬೇಕಿತ್ತು. ಹೀಗಾಗಿ ಮನೆಯ ಪ್ರತಿಯೊಬ್ಬ ಸದಸ್ಯರು ಬಂದು ತಮ್ಮ ಆಯ್ಕೆಗಳನ್ನು ಹೇಳಿ, ಕಾರಣ ನೀಡಬೇಕಿತ್ತು. ಈ ಸಂದರ್ಭ ಡ್ರೋನ್ ಪ್ರತಾಪ್, ತಮ್ಮನ್ನೂ ಸೇರಿಸಿ ಸಂಗೀತಾ, ನಮ್ರತಾ ಹಾಗೂ ಕಾರ್ತಿಕ್ ಹೆಸರು ಹೇಳಿದರು. ವಿನಯ್ ಯಾಕೆ ಬೇಡವೆಂದರೆ ಕೆಲ ಟಾಸ್ಕ್‌ಗಳಲ್ಲಿ ಸ್ಟ್ರಾಟಜಿ ಮಾಡ್ತೀನಿ ಅಂತ ಹೋಗಿ ಫೇಲ್ ಆಗಿವೆ ಎಂದರು. 
ವಿನಯ್: ನನ್ನಿಂದ ಯಾವ ಟಾಸ್ಕ್ ಕೂಡ ಫೇಲ್ ಆಗಿಲ್ಲ ಎಂದರು.
ಮೈಕಲ್: ಟಾಸ್ಕ್ ಬಗ್ಗೆ ಮಾತ್ರ ಮಾತಾಡಬೇಕು.
ಡ್ರೋನ್ ಪ್ರತಾಪ್: ವಿನಯ್ ಮತ್ತು ಮೈಕಲ್ ಎಷ್ಟೋ ಟಾಸ್ಕ್ ಮಾಡ್ತೀವಿ ಅಂತ ಹೋಗಿ, ಮಾಡಿಲ್ಲ. ಹೆಚ್ಚು ಸಮಯ ತೆಗೆದುಕೊಂಡಿದ್ದಾರೆ ಎಂದರು.

ಮತ್ತೆ ಮಾತು ಮುಂದವರೆಸಿದ ವಿನಯ್, ಇದರಲ್ಲಿ ಈಗೋ ತರೋದು ಬೇಡ. ಟಾಸ್ಕ್‌ಗೆ ಬೇಕಾಗಿರುವ ಸ್ಕಿಲ್ ಆಯ್ಕೆ ಮಾಡಬೇಕು ಎಂದರು.
ಮೈಕಲ್: ನಿನಗೆ ಇಷ್ಟವಾಗದವರನ್ನು ನೀನು ವೋಟ್ ಮಾಡಬಾರದೆಂಬ ಮೈಂಡ್‌ಸೆಟ್‌ನಲ್ಲಿ ಆಡ್ತಿದ್ದೀಯಾ? ಅದು ಚೆನ್ನಾಗಿ ಎಲ್ಲಾರಿಗೂ ಕಾಣ್ತಿದೆ ಎಂದರು.
ವಿನಯ್: ನಿನ್ನನ್ನು ಕೆಳಗೆ ಹಾಕೋದಾಕ್ಕಾಗಲಿ, ಕೆಟ್ಟವನ್ನು ಅಂತ ತೋರಿಸುವುದಕ್ಕಾಗಲಿ ಅಲ್ಲ. ನಿನ್ನದು ಈಗೋ ವರ್ಸಸ್ ಗೇಮ್ ಆಗ್ತಿದೆ. ಈ ಟಾಸ್ಕ್‌ಗೆ ಏನು ಬೇಕು ಅದನ್ನು ನೋಡಿ ಹೇಳಬೇಕು. ನೀನು ಮಾಡಿದ್ದು ಸ್ಟುಪಿಡ್ ತರಹ ಇತ್ತು ಎಂದರು.
ಮೈಕಲ್: ಕ್ವಿಝ್ ಟಾಸ್ಕ್ ಬಂದರೆ ನೀನು ನನಗೆ ಇಷ್ಟವಿಲ್ಲವೆಂದು ನಿನ್ನನ್ನು ನಾನು ಹೊರಗಡೆ ಇಡಲ್ಲ. ಯಾಕೆಂದರೆ ನಿನ್ನ ಜನರಲ್ ನಾಲಡ್ಜ್ ಚೆನ್ನಾಗಿದೆ, ಅದಕ್ಕೆ ನಿನ್ನನ್ನು ಹಾಕ್ತೀನಿ ಎಂದರು.
ವಿನಯ್: ಟಾಸ್ಕ್‌ನಲ್ಲಿ ಪರ್ಸನಲ್ ಬರೋದಿಲ್ಲ.

ಅವರಿಬ್ಬರ ಮಾತು ಕೇಳಿದ ಪ್ರತಾಪ್, ಕ್ಯಾಪ್ಟನ್ಸಿಯಲ್ಲಿ ಒಬ್ಬರೂ ನನಗೆ ವೋಟ್ ಹಾಕಲಿಲ್ಲ. ಅದನ್ನು ಪರ್ಸನಲ್ ಅಂತ ಹೇಳಿದ್ನಾ? ಇಲ್ಲಿ ಪರ್ಸನಲ್ ಅಂತ ಏನೂ ಇಲ್ಲ ಎಂದರು. ಅದಕ್ಕೆ ವಿನಯ್, ನೀನು ನಮ್ರತಾನಾ ಸೆಲೆಕ್ಟ್ ಮಾಡಿದೆ. ಅವಳು ನೀರಲ್ಲಿ ಕಂಪರ್ಟ್ ಇಲ್ಲ ಎಂದರು. ಅದಕ್ಕೆ ಪ್ರತಾಪ್ ಅದನ್ನು ಮೊದಲೇ ಹೇಳಿದ್ರೆ ಸೆಲೆಕ್ಟ್ ಮಾಡುತ್ತಿರಲಿಲ್ಲ ಎಂದರು. ಕೊನೆಗೆ ನನಗೆ ಈ ಮನೆಯಲ್ಲಿ ವೋಟ್ ಹಾಕೋರು ಯಾರೂ ಇಲ್ಲ. ಕ್ಯಾಪ್ಟನ್ಸಿ ಬಂದಾಗಲೂ ವೋಟ್ ಹಾಕಲ್ಲ. ಟಾಸ್ಕ್‌ನಲ್ಲೂ ವೋಟ್ ಹಾಕಲ್ಲ. ಏನೂ ಕೇಳಿದರೂ ಈಗೋ ಅಂತಾರೆ ಅಂತ ಬೇಸರ ಮಾಡಿಕೊಂಡರು.

ಬಿಗ್‌ಬಾಸ್‌ ಮನೆಯೊಳಗೆ ಹಗಲಿನ ಸಮಯದಲ್ಲಿ ಯಾರೂ ನಿದ್ದೆ ಮಾಡುವಂತಿಲ್ಲ. ಹಾಗೇನಾದ್ರೂ ಮಲಗಿದ್ರೆ ಶಿಕ್ಷೆ ಖಚಿತ. ಡ್ರೋನ್ ಪ್ರತಾಪ್ ಬಾತ್ರೂಮ್‌ನಲ್ಲಿ ಮಲಗಿದ್ದನಾ ಎಂಬುದು ಕೆಲವರ ಅನುಮಾನವಾಗಿತ್ತು. ಆ ಸಮಯದಲ್ಲಿ ವಿನಯ್, ಪ್ರತಾಪ್ ಬಾತ್‌ರೂಮ್‌ನಲ್ಲಿದ್ದಾನೆ ಅಂತ ಹೇಳಿದರು. ಅದನ್ನು ಕೇಳಿಸಿಕೊಂಡ ಸಂಗೀತಾ, ಜೋಕ್ ಮಾಡಿದ್ದಾರೆ. ಅದನ್ನು ಕೇಳಿಸಿಕೊಂಡ ಪ್ರತಾಪ್ ದೀದಿ ಮೇಲೆ ಕೋಪಗೊಂಡಿದ್ದಾರೆ.
ಸಂಗೀತಾ: ಬಟ್ಟೆ ಒಗೆಯುವ ಶಬ್ದನೂ ಕೇಳಿಸುತ್ತಿಲ್ಲ. ನೀರು ಹಾಕಿಕೊಳ್ಳುವ ಶಬ್ದವೂ ಇಲ್ಲ ಅಂತ ಪ್ರತಾಪ್ ಕಾಲೆಳೆದರು.
ಪ್ರತಾಪ್: ದೀದಿಯ ಹೇಳಿಕೆಯಿಂದ ಸಿಟ್ಟಾಗಿ ನಾನು ಸ್ನಾನ ಮಾಡೋಕೆ ಹೋದರೆ ಸ್ನಾನ ಮಾಡ್ತೀನಿ.
ಸಂಗೀತಾ: ಯಾಕೆ ಎಳೀತಿದ್ಯಾ? ಜೋಕ್ ಇದು ಪ್ರತು ಎಂದರು.
ಪ್ರತಾಪ್: ನಿಮಗೆ ಜೋಕ್ ಇದು, ನೀವು ಎಳಿತಿರೋದು ಅಂತ ಕೋಪಗೊಂಡರು.

ಬಿಗ್‌ಬಾಸ್‌ ಮನೆಯಲ್ಲಿ ಪ್ರತಾಪ್ ಆಗಾಗ ಸೈಲೆಂಟ್ ಆಗ್ತಾರೆ. ಈ ಸಂದರ್ಭ ಯಾರ ಜೊತೆಯೂ ಮಾತನಾಡಲು ಬಯಸಲ್ಲ. ಅವರ ಕಷ್ಟದ ಸಂದರ್ಭದಲ್ಲೂ ಪ್ಯಾನಿಕ್ ಆಗ್ತಾರೆಂಬುದು ಹಲವರ ಅಭಿಪ್ರಾಯ. ಇಂದಿನ ಸಂಚಿಕೆಯಲ್ಲಿ ಇದೇ ವಿಚಾರವನ್ನಿಟ್ಟುಕೊಂಡು ಸಂಗೀತಾ ಹಾಗೂ ನಮ್ರತಾ ಅವರ ಪ್ರತಾಪ್‌ನನ್ನು ಟಾಸ್ಕ್‌ನಿಂದ ಹೊರಗಿಟ್ಟಿದ್ದಾರೆ. ಇದನ್ನು ಖಂಡಿಸಿದ ಪ್ರತಾಪ್, ನನಗೊಂದ ಚಾನ್ಸ್ ಕೊಟ್ಟರೆ ತಾನೇ ಗೊತ್ತಾಗೋದು. ಪದೇ ಪದೇ ಪ್ಯಾನಿಕ್ ಆಗ್ತೀಯಾ ಅಂದ್ರೆ ಎಷ್ಟು ಸರಿ ಅಂತ ಪ್ರಶ್ನೆ ಮಾಡಿದ್ದಾರೆ.