Happy Birthday: ಡೈನಾಮಿಕ್ ಪ್ರಿನ್ಸ್ ಪ್ರಜ್ವಲ್ ದೇವರಾಜ್ ನಟನೆಯ ಸೂಪರ್ ಹಿಟ್ ಸಿನಿಮಾಗಳಿವು!

ಶಶಾಂಕ್ ನಿರ್ದೇಶನದ ಸಿಕ್ಸರ್ ಚಿತ್ರದಿಂದ ಪ್ರಜ್ವಲ್ ಚಿತ್ರರಂಗಕ್ಕೆ ಬಂದರು. ಈ ಚಿತ್ರದ ನಟನೆಗಾಗಿ ಸುವರ್ಣ ಅತ್ಯುತ್ತಮ ಡೆಬ್ಯೂ ಪ್ರಶಸ್ತಿ ಪಡೆದರು. ರಾಮೋಜಿ ಫಿಲ್ಮ ಸಿಟಿ ನಿರ್ಮಾತೃ ಮತ್ತು ಖ್ಯಾತಿ ನಿರ್ಮಾಪಕ ರಾಮೋಜಿ ರಾವ್ ಈ ಚಿತ್ರವನ್ನು ನಿರ್ಮಿಸಿದರು. ಒಬ್ಬ ಟಿನೇಜ್ ಹುಡುಗ ಕ್ರಿಕೆಟ್ ಆಟಗಾರ್ ಆಗುವ ಕನಸನ್ನು ಈ ಚಿತ್ರ ಹೇಳುತ್ತದೆ.

ಎ ಹರ್ಷ ನಿರ್ದೇಶನದಲ್ಲಿ ಮೂಡಿಬಂದ ಈ ಚಿತ್ರದಲ್ಲಿ ಪ್ರಜ್ವಲ್ ದೇವರಾಜ್ ಜೊತೆ ತರುಣ್ ಚಂದ್ರ ಕೂಡ ಮುಖ್ಯ ಪಾತ್ರದಲ್ಲಿ ನಟಿಸಿದರು. ದುನಿಯಾ ವಿಜಿ ಮತ್ತು ಪೂಜಾ ಗಾಂಧಿ ಅತಿಥಿ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಇಬ್ಬರು ಪ್ರಾಣ ಸ್ನೇಹಿತರು ಎರಡು ವಿರುದ್ಧ ಕ್ರಿಮಿನಲ್ ಗ್ಯಾಂಗ್ ಸೇರಿದಾಗ ನೆಡೆಯುವ ಘಟನೆಗಳನ್ನು ಇಟ್ಟುಕೊಂಡು ಚಿತ್ರ ಮೂಡಿ ಬಂತು.

ಮಹೇಶ್ ಬಾಬು ನಿರ್ದೇಶನದಲ್ಲಿ ಮೂಡಿಬಂದಿದ್ದ ಈ ಚಿತ್ರದಲ್ಲಿ ಪ್ರಜ್ವಲ ಜೊತೆ ಐಂದ್ರಿತಾ ರೇ ಮುಖ್ಯ ಪಾತ್ರದಲ್ಲಿ ನಟಿಸಿದರು. ರಮ್ಯಾ ಒಂದು ಚಿಕ್ಕ ಪಾತ್ರದಲ್ಲಿ ನಟಿಸಿದ್ದರು. ಇಬ್ಬರು ಪ್ರಾಣ ಸ್ನೇಹಿತರು ತಮ್ಮ ಮಕ್ಕಳನ್ನು ಪರಸ್ಪರ ವಿವಾಹ ಬಂಧನದಲ್ಲಿ ಒಂದುಗೂಡಿಸಲು ಪ್ರಯತ್ನಿಸಿದಾಗ ಅಲ್ಲಿ ನೆಡೆಯುವ ಘಟನೆಗಳನ್ನು ಈ ಚಿತ್ರ ಚಿತ್ರಿಸುತ್ತದೆ.

ಪ್ರಜ್ವಲ್ ದೇವರಾಜ್ ನಿರ್ದೇಶನದ ಈ ಚಿತ್ರವನ್ನು ಮಹೇಶ್ ರಾವ್ ನಿರ್ದೇಶನ ಮಾಡಿದ್ದರು. ರೀಮಾ ವೋಹ್ರಾ ಮತ್ತು ಹರ್ಷಿಕಾ ಪೂಣಚ್ಚ ನಾಯಕಿಯರಾಗಿ ನಟಿಸಿದ್ದರು.ಅವಿನಾಶ್ ಚೆಬ್ಬಿ ಮತ್ತು ಸುಪ್ರಿಯಾ ರಾಮಕೃಷ್ಣ ಧ್ವನಿಯಲ್ಲಿ ಮೂಡಿಬಂದಿದ್ದ ಚಿತ್ರದ `ನೀನಾದೆ ನಾ' ಗೀತೆ ಸೆನ್ಷೇಷನ್ ಹಿಟ್ ಆಯಿತು. ಪ್ರೀತಿಯಲ್ಲಿ ಫೇಲಾದ ಯುವಕನೊಬ್ಬ ದಾರಿಯಲ್ಲಿ ಭೇಟಿಯಾಗುವ ಯುವತಿಯ ಜೊತೆ ಸಾಗುತ್ತಾ ಹೋದಂತೆ ಆ ಯುವತಿಯ ಖೇದಕರ ಹಿನ್ನಲೆ ಗೊತ್ತಾಗುತ್ತದೆ. ಹುಡುಗಿಯ ಹಿನ್ನಲೆಯನ್ನು ತಿಳಿದು ಅವಳನ್ನು ಕೈ ಹಿಡಿಯಲು ಯುವಕ ಒಪ್ಪುತ್ತಾನಾ ಎಂಬುದು ಚಿತ್ರದ ಕಥೆ.

ಮಹೇಶ್ ರಾವ್ ನಿರ್ದೇಶನದಲ್ಲಿ ಮೂಡಿಬಂದ ಭದ್ರ ಚಿತ್ರದಲ್ಲಿ ಪ್ರಜ್ವಲ್ ದೇವರಾಜ್ ಜೊತೆ ಡೈಸಿ ಶಾ ನಾಯಕಿಯಾಗಿ ನಟಿಸಿದರು. ತೆಲುಗಿನಲ್ಲಿ ಗೋಪಿಚಾಂದ್ ಅಭಿನಯದ ರಣಂ ಚಿತ್ರದ ರಿಮೇಕ್ ಆಗಿದ್ದ ಈ ಚಿತ್ರ ಕನ್ನಡದಲ್ಲಿ ಒಳ್ಳೆಯ ಪ್ರದರ್ಶನ ಕಂಡು ಸಾಕಷ್ಟು ಚಿತ್ರ ಮಂದಿರಗಳಲ್ಲಿ 75 ದಿನ ಪ್ರದರ್ಶನ ಕಂಡಿತು.

ಪ್ರಜ್ವಲ್ ದೇವರಾಜ್, ರಾಧಿಕಾ ಪಂಡಿತ್ ಮತ್ತು ಹರಿಪ್ರಿಯಾ ಮುಖ್ಯ ಪಾತ್ರದಲ್ಲಿ ನಟಿಸಿದ್ದ ಈ ಚಿತ್ರಕ್ಕೆ ಎಂ.ಡಿ.ಶ್ರೀಧರ್ ಆ್ಯಕ್ಸನ್ ಕಟ್ ಹೇಳಿದ್ದರು. ರಾಮು ನಿರ್ದೇಶನದಲ್ಲಿ ಮೂಡಿಬಂದಿದ್ದ ಈ ರೋಮ್ಯಾಂಟಿಕ್ ಆ್ಯಕ್ಸನ್ ಕಾಮಿಡಿ ಚಿತ್ರಕ್ಕೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ದೊರಕಿತು. ಶ್ರೀಮಂತ ಕುಟುಂಬದ ಕುಡಿ ಸಾಗರ್ ಗೆ ಅತ್ತೆಯ ಮಗಳನ್ನು ಮದುವೆಯಾಗಲು ಒತ್ತಾಯ ಮಾಡಿದಾಗ ಸುಳ್ಳು ಪ್ರೀತಿಯ ನಾಟಕವಾಡುತ್ತಾನೆ. ಆದರೆ ಅದೇ ಪ್ರೀತಿ ಕಣ್ಣುಮುಂದೆ ಪ್ರತ್ಯಕ್ಷವಾದಾಗ ಹೇಗಾಗುತ್ತದೆ ಎಂಬುದು ಚಿತ್ರದ ಕಥೆ.

ದ್ವಾರಕೀಶ್ ಚಿತ್ರ ಅಡಿಯಲ್ಲಿ ನಿರ್ಮಾಣ ಮತ್ತು ತರುಣ ಸುಧೀರ್ ನಿರ್ದೇಶನದಲ್ಲಿ ಮೂಡಿಬಂದ ಚೌಕ ಚಿತ್ರದಲ್ಲಿ ಪ್ರಜ್ವಲ್ ಎರಡು ಶೇಡ್ ಪಾತ್ರಗಳಲ್ಲಿ ನಟಿಸಿದ್ದರು. ಪ್ರಜ್ವಲ್ ಗೆ ನಾಯಕಿಯಾಗಿ ದೀಪಾ ಸನ್ನಿಧಿ ನಟಿಸಿದ್ದರು. ದರ್ಶನ್, ಪ್ರೇಮ್, ವಿಜಯ ರಾಘವೇಂದ್ರ ಮತ್ತು ದಿಗಂತ್ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು. ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ಸಿಕ್ಕು ಭರ್ಜರಿ ಪ್ರದರ್ಶನ ಕಂಡಿತು. ಪ್ರಜ್ವಲ್ ಪಾತ್ರ ಗಮನ ಸೆಳೆಯಿತು.

ಜಡೇಶ್ ಹಂಪಿ ನಿರ್ದೇಶನ ಮತ್ತು ಗುರು ದೇಶಪಾಂಡೆ ನಿರ್ಮಾಣದಲ್ಲಿ ಮೂಡಿಬಂದ ಜಂಟಲ್‌ಮನ್ ಚಿತ್ರದಲ್ಲಿ ಪ್ರಜ್ವಲ್ ಜೊತೆ ನಿಶ್ವಿಕಾ ನಾಯ್ಡು ನಟಿಸಿದರು. ನಿದ್ದೆ ರೋಗದ ಕಾರಣ ದಿನಕ್ಕೆ ಹದಿನೆಂಟು ಗಂಟೆ ಮಲಗುವ ಭರತ್ ಮೇಲೆ ತನ್ನ ಅಣ್ಣನ ಮಗಳನ್ನು ನೋಡಿಕೊಳ್ಳುವ ಜವಾಬ್ದಾರಿ ಬಂದಾಗ ಅವಳನ್ನು ಹೇಗೆ ಕಾಪಾಡಿಕೊಳ್ಳುತ್ತಾನೆ ಎಂಬುದು ಚಿತ್ರದ ಕಥೆ.

ಶಿವರಾಜಕುಮಾರ್ ನಟಿಸಿ ಸೂಪರ್ ಹಿಟ್ ಆಗಿದ್ದ ಚಿತ್ರ 'ಇನ್ಸ್‌ಪೆಕ್ಟರ್ ವಿಕ್ರಮ್' ಚಿತ್ರದ ಹೆಸರಿನಲ್ಲಿ ಮೂಡಿಬಂದ ಪ್ರಜ್ವಲ್ ದೇವರಾಜ್ ರ ಈ ಚಿತ್ರದಲ್ಲಿ ಪ್ರಜ್ವಲ್ ಸೂಪರ್ ಕಾಪ್ ಆಗಿ ಕಾಣಿಸಿಕೊಂಡರು. ಈ ಚಿತ್ರದಲ್ಲಿ ದರ್ಶನ್ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು.