ಎಕ್ಸಪೆಕ್ಟೇಷನ್ ತುಂಬಾನೇ ಇದೆ, ಅದನ್ನೆಲ್ಲಾ ಪೂರೈಸಲು ನಾನು ಇಲ್ಲಿಗೆ ಬಂದಿಲ್ಲ: ಸಂಗೀತಾ ಬಗ್ಗೆ ಕಾರ್ತಿಕ್ ಮಾತು

ಸಂಗೀತಾ ಪದೇ-ಪದೇ ಬಿಟ್ಟು ಬಿಗ್‌ಬಾಸ್ ಮನೆ ಬಿಟ್ಟು ಹೋಗುವ ಮಾತನಾಡುತ್ತಿದ್ದಾರೆ. ಇದರ ಜೊತೆಗೆ ಬ್ರಹ್ಮಾಂಡ ಗುರೂಜಿ ಮನೆಯಿಂದ ಹೊರಟಾಗ ಸಂಗೀತಾ ಕೂಡ ಮೇನ್ ಡೋರ್ ಆಚೆ ಕಾಲಿಟ್ಟು, ಒಳಗೆ ಬಂದಿದ್ದಾರೆ. ನಂತರ ಬೇಸರದಿಂದ ವಾಶ್ ಬಳಿಬಂದ ಅವರು,  ನನ್ನ ದೆಸೆಯಿಂದ ಇಬ್ಬರು ಕೂದಲು ಬೋಳಿಸಿಕೊಂಡಿದ್ದಾರೆ. ನನಗೆ ಜರ್ನಿ ಕಂಟಿನ್ಯೂ ಮಾಡೋಕೆ ಇಷ್ಟವಿಲ್ಲ. ನನಗೆ ಫ್ರೆಶರ್ ಆಗ್ತಿದೆ, ಡಿಸ್ಟರ್ಬ್ ಆಗುತ್ತಿದೆ. ನನಗೆ ತುಂಬಾ ಸ್ಟ್ರೆಸ್ ಆಗಿದೆ. ಅದನ್ನು ತೆಗೆದುಕೊಳ್ಳಲು ಆಗುತ್ತಿಲ್ಲ ಅಂತ ಗಳಗಳನೇ ಅತ್ತಿದ್ದಾರೆ. ಜೊತೆಗೆ ಅವನು ನನ್ನ ಬಾಯ್‌ಫ್ರೆಂಡ್ ಅಲ್ಲ, ನನಗೆ ಸಖತ್ ಸ್ಟ್ರೆಸ್ ಆಗಿದೆ ಅಂತ ಕೂಗಾಡಿದ್ದಾರೆ. 

ಇದನ್ನು ಗಮನಿಸಿದ ಕಾರ್ತಿಕ್ ಅವರನ್ನು ಸಮಾಧಾನ ಮಾಡಲು ಬಂದಿದ್ದಾರೆ. ಕಾರ್ತಿಕ್ ಎಷ್ಟೇ ಮಾತನಾಡಲೂ ಪ್ರಯತ್ನಿಸಿದರೂ ಸಮಾಧಾನವಾಗದ ಸಂಗೀತಾ, ದಯವಿಟ್ಟು ಇಲ್ಲಿಂದ ಹೋಗಿ. ನಾನು ಎಂದಿಗೂ ನಿಮ್ಮ ಜೊತೆ ಮಾತನಾಡಲ್ಲ. ಕೇವಲ ಇಲ್ಲಷ್ಟೇ ಅಲ್ಲ, ಬಿಗ್‌ಬಾಸ್ ಮನೆಯಿಂದ ಹೊರಹೋದ ಬಳಿಕವೂ ಮಾತಾಡಲ್ಲ ಎಂದಿದ್ದಾರೆ. ಇದು ಕಾರ್ತಿಕ್‌ಗೆ ಬೇಸರ ಮೂಡಿಸಿದ್ದು, ತಕ್ಷಣ ಅಲ್ಲಿಂದ ಹೊರಬಂದಿದ್ದಾರೆ. 

ನನ್ನನ್ನು ಬ್ಲೇಮ್ ಮಾಡ್ತಿದ್ದಾಳೆ, ಕೆಟ್ಟವನನ್ನಾಗಿ ಮಾಡ್ತಿದ್ದಾಳೆ. ಮಾತನಾಡೋಕು ಬಿಡ್ತಿಲ್ಲ. ನನ್ನ ಕೈಯಲ್ಲಿ ಮಾತನಾಡಲು ಆಗುತ್ತಿಲ್ಲ. ಕೈ ಮುಗಿದು ಅಲ್ಲಿಂದ ಕಳುಹಿಸಿದಳು. ಎಕ್ಸಪೆಕ್ಟೇಷನ್ ತುಂಬಾನೇ ಇದೆ. ಅದನ್ನೆಲ್ಲಾ ಪೂರೈಸಲು ನಾನು ಇಲ್ಲಿಗೆ ಬಂದಿಲ್ಲ. ನಾನಿಲ್ಲಿ ಬಂದಿರೋದು ಬೇರೆ ಕಾರಣಕ್ಕೆ ವಿನಯ್ ಅಂತ ಬೇಸರ ಹೊರಹಾಕಿದರು. ತಲೆ ಬೋಳಿಸಿಕೊಂಡಿರುವುದಕ್ಕೆ ನೀನು ಫಸ್ಟ್ರೇಟ್ ಆಗಿದ್ಯಾ ಅಂತ ಅವಳು ಅಂದುಕೊಂಡಿದ್ದಾಳೆ. ಅವಳಿಂದ ಆಯ್ತು ಅಂತ ಅಂದುಕೊಂಡಿದ್ದಾಳೆ ಅಂತ ವಿನಯ್ ಹೇಳಿದಾಗ, ಅವಳಿಂದ ಆಯ್ತು ಅಂತ ನಾನು ಅಂದುಕೊಂಡಿಲ್ಲ. ಅವಳು ಯಾಕೆ ಅಂದುಕೊಳ್ಳಬೇಕು? ಅದು ಟೀಮ್ ನಿರ್ಧಾರ ಅಲ್ವಾ? ನನಗೆ ಬೇಡ ಅನಿಸಿದರೆ ನಾನು ಮಾಡ್ತಿರಲಿಲ್ಲ. ಟೀಮ್‌ಗಾಗಿ ನಿಂತೆ. ಪಾಯಿಂಟ್ ತಂದೆ ಅಂತ ಕಾರ್ತಿಕ್ ಸ್ಪಷ್ಟಪಡಿಸಿದರು. 

ಈ ಹಿಂದೆ ತನಿಷಾ ಅವರು ಸಂಗೀತಾ ಸಮಯ ಸಾಧಕಿ ಎಂದಿದ್ದರು. ಆದಾದ ಬಳಿಕ ಮೈಕಲ್ ವರ್ತೂರು ಸಂತೋಷ್ ಅವರಿಗೆ 34 ಲಕ್ಷಕ್ಕೂ ಅಧಿಕ ವೋಟ್ಸ್ ಬಿದ್ದಿದೆ ಅಂತ ಬಹಿರಂಗವಾದ್ಮೇಲೆ ಸಂಗೀತಾ ಅವರ ಜೊತೆ ಕ್ಲೋಸ್ ಆಗಿದ್ದಾರೆ. ಸಂಗೀತಾ ಅವಕಾಶವಾದಿ ಅಂತ ಕಿಚ್ಚನ ಎದುರು ಹೇಳಿದ್ದರು. ಇದೀಗ ನಿನ್ನೆ ನಡೆದ ಚಟುವಟಿಕೆ ವೇಳೆ ಸಂಗೀತಾ ಆಟದ ವೈಖರಿ ಕಂಡು ಮೈಕಲ್ ಗುಡುಗಿದ್ದಾರೆ. ಆಟಸ್ಕ್ ವೇಳೆ ತುಕಾಲಿ ಸಂತುಗೆ ಪೆಟ್ಟು ಬಿದ್ದಿತ್ತು. ಈ ವೇಳೆ ಆ ಟಾಸ್ಕ್ ಹೋಲ್ಡ್ ಮಾಡಲಾಯಿತು. ಈ ಸಮಯವನ್ನು ಬಳಸಿಕೊಂಡ ಸಂಗೀತಾ ಹೂಗಳು ಮತ್ತು ಕಡ್ಡಿಯನ್ನು ತೆಗೆದುಕೊಂಡರು. ಅದನ್ನು ಗಮನಿಸಿದ ಮೈಕಲ್, ಈ ತರಹ ಆಟ ಆಡುವವರನ್ನು ನಾನು ನನ್ನ ಜೀವನದಲ್ಲಿಯೇ ಕಂಡಿಲ್ಲ. ಸಂಗೀತಾ ಅವಕಾಶವಾದಿ, ಸಮಯ ಸಾಧಕಿ ಅಂತ ಹೇಳಿದ್ದಾರೆ. 

ಬಿಗ್‌ಬಾಸ್ ಮನೆಗೆ ಎಂಟ್ರಿಕೊಡುವವರಿಗೆ ಸೋಶಿಯಲ್ ಮೀಡಿಯಾದಲ್ಲಿ ಹಿಂಬಾಲಕರ ಸಂಖ್ಯೆ ಜಾಸ್ತಿಯಾಗುತ್ತಾ ಹೋಗುತ್ತೆ. ಬಿಗ್‌ಬಾಸ್ ಜರ್ನಿ ಆರಂಭವಾದಾಗ ಇದ್ದ ಫಾಲೋವರ್ಸ್ ಸಂಖ್ಯೆ ಕೊನೆಯಲ್ಲಿ ದ್ವಿಗುಣಗೊಳ್ಳುವ ಸಾಕಷ್ಟು ಉದಾಹರಣೆ ಕೂಡ ಇದೆ. ಚಾರ್ಲಿ ಬೆಡಗಿ ದೊಡ್ಮನೆಗೆ ಕಾಲಿಟ್ಟ ದಿನದಿಂದಲೂ ಅವರ ಅಭಿಮಾನಿಗಳ ಸಂಖ್ಯೆ ಹೆಚ್ಚಾಗಿತ್ತು. ಇದೀಗ ಏಕಾಏಕಿ ಕುಸಿದೆ. ತಲೆ ಬೋಳಿಸುವ ಚಾಲೆಂಜ್ ನೀಡುವುದಲ್ಲೂ ಮೊದಲು ಸಂಗೀತಾಗೆ  4.49 ಹಿಂಬಾಲಕರಿದ್ದರು. ಇದೀಗ  4.38  ಲಕ್ಷಕ್ಕೆ ಇಳಿಕೆಯಾಗಿದೆ. ಬಿಗ್‌ಬಾಸ್ ಮನೆಯಲ್ಲಿ ಸಂಗೀತಾ ಆಟ ಅಭಿಮಾನಿಗಳ ಮೇಲೂ ನೇರ ಪರಿಣಾಮ ಬೀರುತ್ತಿದೆ.