ಮದುವೆಯಾದ ಮೇಲೂ ಅಕ್ರಮ ಸಂಬಂಧದ ಆರೋಪ ಹೊತ್ತಿದ್ದ ಸೆಲೆಬ್ರಿಟಿಗಳಿವರು!

ಟಾಲಿವುಡ್ ಸ್ಟಾರ್ ನಟ ನಾಗಾರ್ಜುನ ಅವರು ಲಕ್ಷ್ಮೀ ದಗ್ಗುಬಾಟಿಗೆ ವಿಚ್ಛೇದನ ನೀಡಿ, 1992ರಲ್ಲಿ ನಟಿ ಅಮಲಾ ಅವರನ್ನು ಪ್ರೀತಿಸಿ ಮದುವೆ ಆಗಿದ್ದರು. 1994ರಲ್ಲಿ ನಾಗಾರ್ಜುನ ಹಾಗೂ ಅಮಲಾ ಜೋಡಿಗೆ ಅಖಿಲ್ ಎನ್ನುವ ಮಗ ಜನಸಿದ್ದರು. ಇದಾದ ನಂತರದಲ್ಲಿ ನಾಗಾರ್ಜುನ ಅವರ ಹೆಸರು ಬಾಲಿವುಡ್ ನಟಿ ತಬು ಅವರೊಂದಿಗೆ ಥಳಕು ಹಾಕಿಕೊಂಡಿತ್ತು. ಇವರಿಬ್ಬರು ಬಹಳ ವರ್ಷದಿಂದ ಡೇಟಿಂಗ್‌ನಲ್ಲಿದ್ದರು ಎಂಬ ಸುದ್ದಿ ಹರಿದಾಡಿತ್ತು. 

ನಟ ಧನುಷ್ ಅವರ ಜೊತೆ ಹಲವು ನಟಿಯರ ಹೆಸರುಗಳು ಥಳಕು ಹಾಕಿಕೊಂಡಿತ್ತು. ಶ್ರುತಿ, ತ್ರಿಶಾ ಮುಂತಾದವರ ಜೊತೆ ಧನುಷ್ ಅವರ ಹೆಸರು ಕೇಳಿಬಂದಿತ್ತು. '3' ಎಂಬ ಸಿನಿಮಾದಲ್ಲಿ ಧನುಷ್ ಹಾಗೂ ಶ್ರುತಿ ಒಟ್ಟಿಗೆ ಅಭಿನಯಿಸಿದ್ದರು. ನಂತರ ಧನುಷ್ ಅವರ ಅಕ್ರಮ ಸಂಬಂಧದಿಂದಲೇ ಐಶ್ವರ್ಯಾ ರಜನಿಕಾಂತ್ ವಿಚ್ಛೇದನ ನೀಡಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಇನ್ನು ಶ್ರುತಿ ಹಾಗೂ ಐಶ್ವರ್ಯಾ ಮೊದಲು ಆತ್ಮೀಯ ಸ್ನೇಹಿತರಾಗಿದ್ದರು. ಈಗ ಸ್ನೇಹ ಉಳಿದಂತಿಲ್ಲ. ಸದ್ಯ ಶ್ರುತಿ ಶಂತನು ಎಂಬುವವರೊಂದಿಗೆ ಪ್ರೀತಿಯಲ್ಲಿದ್ದು, ಇವರಿಬ್ಬರು ಯಾವಾಗ ಮದುವೆಯಾಗಲಿದ್ದಾರೆ ಎಂಬುದನ್ನು ಕಾದು ನೋಡಬೇಕಿದೆ. 

ನಟ ಕಮಲ್ ಹಾಸನ್ ಮೊದಲು ಡ್ಯಾನ್ಸರ್ ವಾಣಿ ಗಣಪತಿ ಎಂಬುವವರನ್ನು ಮದುವೆಯಾಗಿದ್ದರು. ನಂತರ 1998ರಲ್ಲಿ ಸಾರಿಕಾ ಠಾಕೂರ್ ಅವರೊಂದಿಗೆ ವಿವಾಹವಾದರು. ಈ ಸಂದರ್ಭದಲ್ಲೇ ಕಮಲ್ ಹಾಸನ್ ನಟಿ ಗೌತಮಿ ತಡಿಮಲ್ಲ ಜೊತೆ ಸ್ನೇಹ ಬೆಳಸಿದ್ದರು. ಇದು ಸಾರಿಕಾಗೆ ತಿಳಿದು ಕಮಲ್ ಅವರಿಂದ ವಿಚ್ಛೇದನ ಪಡೆದರು ಎನ್ನಲಾಗಿದೆ. ಇದಾದ ಬಳಿಕ ಕಮಲ್ ಹಾಗೂ ಗೌತಮಿ 2004ರಲ್ಲಿ ತಾವು ಲಿವ್ ಇನ್ ರಿಲೇಶನ್‌ಶಿಪ್‌ನಲ್ಲಿರುವುದಾಗಿ ಹೇಳಿಕೊಂಡಿತ್ತು. ಆದರೆ, 2016ರಲ್ಲಿ ಈ ಜೋಡಿ ಬ್ರೇಕಪ್ ಮಾಡಿಕೊಂಡಿದೆ. 

ಇಂಡಿಯ್ ಮೈಕಲ್ ಜಾಕ್ಸನ್ ಅಂತಲೇ ಖ್ಯಾತಿ ಪಡೆದಿರುವ ಪ್ರಭುದೇವ ಅವರು 1995ರಲ್ಲಿ ಲತಾ ಎಂಬುವವರೊಂದಿಗೆ ಮದುವೆಯಾಗಿದ್ದರು. ಬಳಿಕ ಪ್ರಭುದೇವ ಹಾಗೂ ನಟಿ ನಯನತಾರ ಲವ್ವಿಡವ್ವಿ ಬಹಳ ದೊಡ್ಡಮಟ್ಟದಲ್ಲಿ ಸುದ್ದಿಯಾಗಿತ್ತು. ಇವರಿಬ್ಬರು ಪರಸ್ಪರ ಪ್ರೀತಿಸಿಸುತ್ತಿದ್ದರು. ಒಟ್ಟಿಗೆ ಇರಲು ಕೂಡ ಪ್ರಾರಂಭಿಸಿದ್ದರು. ಲತಾ ಅವರು ನನ್ನ ಪತಿ ನನಗೆ ಬೇಕು ಅಂತ ಕೋರ್ಟ್‌ಗೆ ಕೂಡ ಹೋಗಿದ್ದರು. ನಯನಾತಾರ ವಿರುದ್ಧ ಮಹಿಳಾ ಸಂಘಟನೆಗಳು ಆಕ್ರೋಶ ಹೊರಹಾಕಿದ್ದವು. ನಂತರದಲ್ಲಿ ಲತಾ ಅವರು ಪ್ರಭುದೇವ ಅವರಿಗೆ ವಿಚ್ಛೇದನ ನೀಡಿದರು. ನಯನಾತಾರ ಕೂಡ ಪ್ರಭುದೇವರಿಂದ ದೂರವಾದರು. ಸದ್ಯ ನಯತಾರಾ ವಿಘ್ನೇಶ್ ಶಿವನ್ ಜೊತೆ ಮದುವೆಯಾಗಿದ್ದಾರೆ. 

ಬಹುಭಾಷಾ ನಟ ಕುಮಾರ್ ಸನು ಅವರು ಎರಡು ಮದುವೆ ಆಗಿದ್ದಾರೆ. 1980ರಲ್ಲಿ ಸಾನು ಅವರು ರಿತಾ ಭಟ್ಟಾಚಾರ್ಯ ಅವರನ್ನು ಮದುವೆಯಾಗಿದ್ದರು. ಅವರಿಗೆ ಮೂರು ಮಕ್ಕಳಿವೆ. ಆದರೆ, ನಟಿ ಮೀನಾಕ್ಷಿ ಶೇಷಾದ್ರಿ, ಕುನಿಕಾ ಲಾಲ್ ಜೊತೆಗಿನ ಅಕ್ರಮ ಸಂಬಂಧ ಗೊತ್ತಾಗಿದ್ದರಿಂದಲೇ ರಿತಾ ಅವರು ಸಾನು ಅವರಿಗೆ ವಿಚ್ಛೇದನ ನೀಡಿದರು. ತಮ್ಮ ಮೂರು ಮಕ್ಕಳನ್ನು ಕಸ್ಟಡಿಗೆ ಪಡೆದುಕೊಂಡರು ಎನ್ನಲಾಗಿದೆ. ಆನಂತರ ಸಲೋನಿಯವರನ್ನು 2ನೇ ಮದುವೆಯಾದರು.