ಸ್ಯಾಂಡಲ್‌ವುಡ್‌ನಲ್ಲಿ ದುಬಾರಿ ಲ್ಯಾಂಬೋರ್ಗಿನಿ ಕಾರು ಹೊಂದಿರುವ ಮೂವರು ನಟರಿವರು!

ಕರ್ನಾಟಕ ರತ್ನ  ಪುನೀತ್ ರಾಜ್‌ಕುಮಾರ್ ಎಲ್ಲರ ಮನಸ್ಸಲ್ಲಿ ಅಳಿಯದ ಧ್ರುವತಾರೆಯಾಗಿ ಉಳಿದುಬಿಟ್ಟಿದ್ದಾರೆ. ಅಪ್ಪು ಎಂದರೆ ಪ್ರೀತಿಯಿಂದ ಸದಾ ಅಪ್ಪಿಕೊಳ್ಳುವಷ್ಟು ನೆನಪುಗಳನ್ನೇ ಕೊಟ್ಟು ಹೋಗಿದ್ದಾರೆ. ಸಿನಿಮಾ ಹೊರತುಪಡಿಸಿ ವೈಯಕ್ತಿಕ ಬದುಕಿನಲ್ಲಿ ಹಲವು ಆಸಕ್ತಿಗಳನ್ನು ಬೆಳೆಸಿಕೊಂಡಿದ್ದ ಪುನೀತ್‌ಗೆ ಕಾರು ಮತ್ತು ಬೈಕ್‌ಗಳ ಬಗ್ಗೆ ಸಿಕ್ಕಾಪಟ್ಟೆ ಕ್ರೇಜ್ ಇತ್ತು. ಹೀಗಾಗಿ, ದುಬಾರಿ ಕಾರುಗಳು, ಬೈಕ್‌ಗಳು ಅವರ ಬಳಿಯಿದ್ದವು. ಅಪ್ಪು ತಮ್ಮ ಪ್ರೀತಿಯ ಮಡದಿ ಅಶ್ವಿನಿಗಾಗಿ 2019ರ ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆಯಂದು ಲ್ಯಾಂಬೋರ್ಗಿನಿ ಉರುಸ್ ಗಿಫ್ಟ್ ಕೊಟ್ಟಿದ್ದರು.

ಅಪ್ಪು ಪತ್ನಿಗಾಗಿ ಖರೀದಿಸಿದ ನೀಲಿ ಬಣ್ಣದ ಲ್ಯಾಂಬೋರ್ಗಿನಿ ಉರುಸ್ ಬೆಲೆ 4 ಕೋಟಿ ರೂಪಾಯಿ. ಈ ಕಾರಿನಲ್ಲಿ ರೈಡ್ ಹೋಗುವುದು ಎಂದರೆ ಅಪ್ಪುಗೆ ಅಚ್ಚುಮೆಚ್ಚು. ಈ ಕಾರಿನಲ್ಲಿ ಡೋರ್ ಓಪನ್ ಮಾಡುವುದರಿಂದ ಹಿಡಿದು ಗೇರ್, ವಿಂಡೋ ಎಲ್ಲವೂ ಆಟೋಮೆಟಿಕ್‌ನಿಂದ ಕೂಡಿದೆ.

ಸ್ಯಾಂಡಲ್‌ವುಡ್‌ನಲ್ಲಿ ಹೆಚ್ಚು ಕಾರು ಕ್ರೇಜ್ ಇರುವ ನಟ ಅಂದರೆ ಅದು ಚಾಲೆಂಜಿಂಗ್ ಸ್ಟಾರ್ ದರ್ಶನ್. ಹೊಸದಾಗಿ ಯಾವುದಾದರೂ ಕಾರು ಬಂದಿದೆ ಅಂದ್ರೆ ಆ ಕಾರನ್ನು ಡ್ರೈವ್ ಮಾಡಬೇಕು ಅಥವಾ ಖರೀದಿಸಬೇಕು ಎಂಬುದು ಡಿಬಾಸ್ ಆಸೆ. ಹೀಗಾಗಿ, ಆಗಾಗ ದುಬಾರಿ ಕಾರುಗಳನ್ನು ಖರೀದಿಸಿ ಸುದ್ದಿಯಾಗುತ್ತಿರುತ್ತಾರೆ. ಅಂದ್ಹಾಗೆ ಚಾಲೆಂಜಿಂಗ್ ಸ್ಟಾರ್ ಬಳಿ ಎರಡು ಲ್ಯಾಂಬೋರ್ಗಿನಿ ಕಾರುಗಳಿವೆ.

ದರ್ಶನ್ 2018ರಲ್ಲಿ ಬಿಳಿ ಬಣ್ಣದ ಲ್ಯಾಂಬೋರ್ಗಿನಿ ಅವೆಂಟೆಡರ್ ಕಾರನ್ನು ಖರೀದಿ ಮಾಡಿದ್ದರು. ಇದರ ಬೆಲೆ ಬರೋಬ್ಬರಿ  5  ಕೋಟಿ ರೂಪಾಯಿ. ಇದಾದ ಬಳಿಕ ಹಳದಿ ಬಣ್ಣದ ಲ್ಯಾಂಬೋರ್ಗಿನಿ ಉರುಸ್ ಕಾರನ್ನು ತೆಗೆದುಕೊಂಡಿದ್ದರು. ಕಿದರ ಬೆಲೆ 3 ಕೋಟಿ ರೂಪಾಯಿ ಎನ್ನಲಾಗಿದೆ. ಈ ಎರಡು ಕಾರಿನಲ್ಲಿ ಬಹುತೇಕ ಎಲ್ಲಾ ಆಟೋಮೆಟಿಕ್. ಇದಲ್ಲದೇ ದರ್ಶನ್ ಬಳಿಕ ಹಲವು ದುಬಾರಿ ಕಾರು & ಬೈಕ್‌ಗಳಿವೆ.

ಸ್ಯಾಂಡಲ್‌ವುಡ್ ನಟ ಹಾಗೂ ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಪುತ್ರ ನಿಖಿಲ್ ಬಳಿಯೂ ಎರಡು ಲ್ಯಾಂಬೋರ್ಗಿನಿ ಕಾರುಗಳಿವೆ. 2023ರಲ್ಲಿ ಲ್ಯಾಂಬೋರ್ಗಿನಿ ಗಲ್ಲಾರ್ಡೋ LP550-2 ಕಾರು ಖರೀದಿಸಿದ ಮೊದಲ ಬೆಂಗಳೂರಿಗ ನಿಖಿಲ್. ಇದರ ಬೆಲೆ ಬರೋಬ್ಬರಿ 5 ಕೋಟಿ ರೂಪಾಯಿ. ಆನಂತರ 2014ರಲ್ಲಿ ತಂದೆ ಹೆಚ್‌.ಡಿ ಕುಮಾರಸ್ವಾಮಿ ಲ್ಯಾಂಬೋರ್ಗಿನಿ ಅವೆಂಟಡಾರ್ ಕೂಪ್ ಕಾರು ಗಿಫ್ಟ್ ನೀಡಿದ್ದರು. ಇದಲ್ಲದೇ ಆನೇಕ ದುಬಾರಿ ಕಾರುಗಳು ನಿಖಿಲ್ ಬಳಿಯಿವೆ.