Valentine’s Day 2025: ವಿಷ್ಣು, ಅಪ್ಪು, ಸುದೀಪ್, ಶಿವಣ್ಣ ಹೇಗೆಲ್ಲಾ ಲವ್ ಪ್ರಪೋಸ್ ಮಾಡಿದ್ರು ಗೊತ್ತಾ? ಇಲ್ಲಿವೆ ಆ ಸೀನ್‌ಗಳು!

2014ರಲ್ಲಿ ರಿಲೀಸ್ ಆದ ಮಿಸ್ಸರ್ ಅಂಡ್ ಮಿಸಸ್ ರಾಮಾಚಾರಿ ಸಿನಿಮಾದಲ್ಲಿ ರಾಕಿಂಗ್ ಸ್ಟಾರ್ ಯಶ್, ರಾಧಿಕಾ ಪಂಡಿತ್‌ಗೆ ಬಾಗಿನ ಕೊಟ್ಟು ಪ್ರಪೋಸ್ ಮಾಡುವ ಸನ್ನಿವೇಶ್ ಸೂಪರ್ ಹಿಟ್ ಆಗಿತ್ತು. ಚಿತ್ರದಲ್ಲಿ ದಿವ್ಯಾಗೆ ಸೀರೆ, ಮಲ್ಲಿಗೆ, ಆರಿಶಿಣ, ಕುಂಕುಮದ ಬಾಗಿನ ಕೊಟ್ಟು ಪ್ರಪೋಸ್ ಮಾಡುವ ರಾಮಾಚಾರಿ, ಆಕೆಗೆ ಮಾರ್ಗರೆಟ್ ಅಂತ ನಾಮಕರಣ ಮಾಡ್ತಾನೆ. ಈ ಸಿನಿಮಾದಿಂದ ಸ್ಫೂರ್ತಿಗೊಂಡ ಹಲವು ಯುವಕರು ತಮ್ಮ ಪ್ರೇಯಿಸಿಗೆ ಹೀಗೆಯೇ ಪ್ರಪೋಸ್ ಮಾಡಿದ್ದುಂಟು. ಕನ್ನಡ ಸಿನಿಮಾಗಳಲ್ಲಿ ಲವ್ ಪ್ರಪೋಸ್ ಸೀನ್ ಅಂದಾಕ್ಷಣ ಈ ದೃಶ್ಯ ಮರೆಯಲು ಸಾಧ್ಯವಿಲ್ಲ.

ಕನ್ನಡ ಸಿನಿಮಾರಂಗದಲ್ಲಿ ಹೊಡ ಟ್ರೆಂಡ್ ಸೃಷ್ಟಿಸಿದ್ದ 'ಮುಂಗಾರು ಮಳೆ' ಸಿನಿಮಾದಲ್ಲಿ ಪ್ರೀತಂ (ಗಣೇಶ್) ಎಂಗೇಜ್‌ಮೆಂಟ್ ಆಗಿರುವ ನಂದಿನಿ (ಪೂಜಾಗಾಂಧಿ) ಹಿಂದೆ ಬೀಳುತ್ತಾನೆ. ಅವಳಿಂದ ದೂರವಾಗಬೇಕು ಅಂತ ಎಷ್ಟೇ ಪ್ರಯತ್ನಿಸಿದ್ರೂ ಸಾಧ್ಯವಾಗಲ್ಲ. ಜೋರು ಮಳೆಯಲ್ಲಿ ಸೇಂದಿ ಕುಡಿಯುತ್ತಾ, ಪ್ರೀತಂ ತನ್ನ ಮನಸ್ಸಿನಲ್ಲಿರುವ ಪ್ರೀತಿಯನ್ನು ನಂದಿನಿ ಮುಂದೆ ಹೇಳಿಕೊಳ್ಳುವ ಸೀನ್ ಇದೆ. ಆ ದೃಶ್ಯ ಗಣೇಶ್ ಡೈಲಾಗ್ ಕನ್ನಡ ಸಿನಿಪ್ರೇಕ್ಷಕರು ಮರೆಯಲು ಸಾಧ್ಯವೇ ಇಲ್ಲ. 

ವಿಷ್ಣುವರ್ಧನ್ ಲವ್ ಪ್ರಪೋಸ್ ಅಂದಾಕ್ಷಣ ಸೂಪರ್ ಹಿಟ್ ಬಂಧನ ಸಿನಿಮಾ ಮತ್ತು ಸುಹಾಸಿನಿ ನೆನಪಾಗುತ್ತಾರೆ. ಚಿತ್ರದಲ್ಲಿ ಡಾ.ಹರೀಶ್ (ವಿಷ್ಣು) ನಂದಿನಿಗೆ (ಸುಹಾಸಿನಿ) ಪ್ರಪೋಸ್ ಮಾಡಲು ಪ್ರಾಕ್ಟೀಸ್ ಮಾಡುವ ಹಾಸ್ಯಮಯ ಸೀನ್ ಇದರಲ್ಲಿದೆ.

ಕಿಚ್ಚ ಸುದೀಪ್ ಮೊದಲ ಬಾರಿ ನೆಗೆಟಿವ್ ಶೇಡ್‌ನಲ್ಲಿ ಕಾಣಿಸಿಕೊಂಡ ಸಿನಿಮಾ ವಾಲಿ. ಈ ಚಿತ್ರದಲ್ಲಿ ಸುದೀಪ್ ತಾವು ಪ್ರೀತಿಸಿದ ಹುಡುಗಿಗೆ ಪ್ರಪೋಸ್ ಮಾಡೋಕು ಮುನ್ನ ಹಾಡುವ ಹಾಡು ಸಿಕ್ಕಾಪಟ್ಟೆ ಹಿಟ್ ಆಗಿತ್ತು. ತುಂಬಾ ದಿನದಿಂದ ಹುಡುಗಿಯನ್ನು ಗಮನಿಸಿ, ಇನ್ನೂ ನಿಮ್ಮ ಪ್ರೀತಿಯನ್ನು ಹೇಳಿಕೊಳ್ಳಲು ಸಾಧ್ಯವಾಗಿಲ್ಲ ಅಂದರೆ ನೀವು ಕಿಚ್ಚನ ಸ್ಟೈಲ್ ಫಾಲೋ ಮಾಡಬಹುದು.

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ನಾಯಕನಾದ ಚೊಚ್ಚಲ ಸಿನಿಮಾ ಅಪ್ಪು. ಈ ಚಿತ್ರದಲ್ಲಿ ಅಪ್ಪು ನಾಯಕಿ ಸುಚಿತ್ರಾ ನೋಡಿದ ತಕ್ಷಣ 'ಐ ಲವ್ ಯೂ' ಅಂತ ಹೇಳುವ ಸನ್ನಿವೇಶವಿದೆ. ಅಪ್ಪು ಪ್ರಪೋಸ್ ಮಾಡಿದಾಕ್ಷಣ ಸುಚಿತ್ರಾ ನನಗೋಸ್ಕರ ಏನು ಬೇಕಾದ್ರೂ ಮಾಡ್ತೀಯಾ? ಈ ಬಿಲ್ಡಿಂಗ್ ಮೇಲಿಂದ ಜಂಪ್ ಮಾಡುತ್ತೀಯಾ ಅನ್ನೋದು, ಅಪ್ಪು ಜಂಪ್ ಮಾಡಿ ಅರ್ಧಕ್ಕೆ ವಾಪಾಸ್ ಬರೋದು, ನಾನು ಸತ್ತರೆ ನಿನ್ನನ್ನು ಯಾರು ನೋಡ್ಕೋತಾರೆ ಅನ್ನೋದು, ಅಲ್ಲಿಂದ ನಾಯಕಿ ಪ್ರೀತಿಯಲ್ಲಿ ಬೀಳುವ ದೃಶ್ಯ ಸಖತ್ ಇಂಟರೆಸ್ಟಿಂಗ್ ಆಗಿದೆ.

ಇಡೀ ದೇಶವೇ ಕನ್ನಡ ಚಿತ್ರರಂಗದತ್ತ ತಿರುಗಿ ನೋಡುವಂತೆ ಮಾಡಿದ್ದ ಸಿನಿಮಾ ಕೆಜಿಎಫ್. ಈ ಸಿನಿಮಾದಲ್ಲಿ ರಾಕಿಭಾಯ್‌ಗೆ ನಾಯಕಿ ರೀನಾಳನನ್ಉ ನೋಡುತ್ತಿದ್ದಂತೆ ಪ್ರೀತಿಯಾಗುತ್ತದೆ. ಆಗ ಒಂದು ಕ್ಷಣ ಹಿಂದು ಮುಂದು ನೋಡದೇ 'ಕಾಂಗ್ರಾಜುಲೇಷನ್' ಅಂತಾನೆ. ರೀನಾ ಯಾಕೆ ಅನ್ನುತ್ತಿದ್ದಂರೆ 'ಐ ಲವ್ ಯೂ' ಅಂತಾನೆ. ಆಗ ಸಣ್ಣ ಫೈಟ್ ಝಲಕ್ ಇದೆ. ಬಳಿಕ ನಿಮ್ಮ ಅಕ್ಕನನ್ನು ಚೆನ್ನಾಗಿ ನೋಟ್ಕೊಳ್ರೋ ಎಂದು ರಾಕಿ ವಾರ್ನಿಂಗ್ ಕೊಡ್ತಾನೆ. ಮೊದಲ ಚಾಪ್ಟರ್‌ನಲ್ಲಿ ರಾಕಿಗೆ ರೀನಾ ಮೇಲೆ ಲವ್ವಾಗುತ್ತೆ. ಆದರೆ, ರೀನಾಗೆ ರಾಕಿ ಮೇಲೆ ಪ್ರೀತಿ ಹುಟ್ಟಲು ಸೆಕೆಂಡ್ ಚಾಪ್ಟರ್‌ವರೆಗೂ ಕಾಯಬೇಕು.

ಕನ್ನಡದ ಯಾವುದೇ ಸಿನಿಮಾಗಳಲ್ಲಿ ಲವ್ ಪ್ರಪೋಸ್ ಸೀನ್ ನೋಡಿದರೂ ಭಯವೇ ಆಗಲ್ಲ. ಆದರೆ, ಓಂ ಸಿನಿಮಾದಲ್ಲಿ ಶಿವರಾಜ್‌ಕುಮಾರ್ ಅವರು ಪ್ರೇಮಾಗೆ ಲವ್ ಪ್ರಪೋಸ್ ಮಾಡುವ ದೃಶ್ಯ ನೋಡಿದರೆ ಎಂತಹವರಿಗೂ ಭಯ ಹುಟ್ಟುತ್ತೆ. ಸಿನಿಪ್ರೇಕ್ಷಕರು ಈ ಸೀನ್ ಮರೆಯಲು ಸಾಧ್ಯವೇ ಇಲ್ಲ.