ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ನಟನೆಯ 5 ಹಿಂದಿ ಸಿನಿಮಾಗಳಿವು!

Author Sowmya Bairappa | Published: Tuesday, November 5, 2024, 11:25 AM [IST]

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಸಕಲಕಲಾವಲ್ಲಭ. ಅವರು ಕಲಾತ್ಮಕ ಸಿನಿಮಾಗಳಿಂದ ಹಿಡಿದು ಮಾಸ್ ಚಿತ್ರಗಳ ತನಕ ತಮ್ಮದೇಯಾದ ಛಾಪನ್ನು ಮೂಡಿಸಿದ್ದಾರೆ. ಕೇವಲ ಕನ್ನಡ ಮಾತ್ರವಲ್ಲದೇ ತಮಿಳು, ತೆಲಗು ಹಾಗೂ ಹಿಂದಿ ಸಿನಿಮಾಗಳಲ್ಲೂ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ಜೊತೆಗೆ ಅವರು ತಮ್ಮ ಪ್ರತಿಭೆಯ ಅನಾವರಣಕ್ಕೆ ಅವಕಾಶ ನೀಡುವ ಸಿನಿಮಾಗಳನ್ನು ತಾವೇ ನಿರ್ದೇಶಿಸಿ, ನಿರ್ಮಾಣ ಮಾಡಿ ನಟನೆಯ ಹಸಿವನ್ನು ತೀರಿಸಿಕೊಂಡಿದ್ದೂ ಇದೆ. ಇಲ್ಲಿ ಸುದೀಪ್ ಅವರ ಹಿಂದಿ ಸಿನಿಮಾಗಳ ಪಟ್ಟಿಯನ್ನು ನೀಡಲಾಗಿದೆ.

Table of content

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ನಟಿಸಿದ ಮೊದಲ ಹಿಂದಿ ಸಿನಿಮಾ ರಾಮ್ ಗೋಪಾಲ್ ವರ್ಮಾ ನಿರ್ದೇಶನದ 'ಪೂಂಕ್'. ಈ ಚಿತ್ರದಲ್ಲಿ ಸುದೀಪ್ ರಾಜೀವ್ ಎಂಬ ಪಾತ್ರದಲ್ಲಿ ಅಭಿನಯಿಸಿದ್ದರು. ತನ್ನ ಮಗಳಿಗೆ ಕಾಡುವ ಭೂತದ ಜೊತೆಗೆ ಹೋರಾಡುವ ತಂದೆಯ ಪಾತ್ರಕ್ಕೆ ಕಿಚ್ಚ ಬಣ್ಣಹಚ್ಚಿ ಎಲ್ಲರ ಹೃದಯ ಗೆದ್ದಿದ್ದರು.

ರಾಮ್ ಗೋಪಾಲ್ ವರ್ಮಾ ನಿರ್ದೇಶನದಲ್ಲಿ ಮೂಡಿಬಂದ ಪಾಲಿಟಿಕಲ್ ಥ್ರಿಲ್ಲರ್ 'ರನ್' ಎಂಬ ಸಿನಿಮಾದಲ್ಲೂ ಸುದೀಪ್ ಅಭಿನಯಿಸಿದ್ದರು. 2010ರಲ್ಲಿ ತೆರೆಕಂಡ ಈ ಚಿತ್ರದಲ್ಲಿ ಬಿಗ್‌ ಬಿ ಅಮಿತಾಬ್ ಬಚ್ಚನ್ ಮಗನ ಪಾತ್ರಕ್ಕೆ ಬಣ್ಣಹಚ್ಚಿದ್ದರು. ಈ ಚಿತ್ರದಲ್ಲಿ ಅವರದ್ದು ಜೈ ಮಲಿಕ್ ಎಂಬ ಪಾತ್ರ.

2008ರಲ್ಲಿ ಬಿಡುಗಡೆಯಾದ 'ಪೂಂಕ್' ಚಿತ್ರದ ಮುಂದಿನ ಸರಣಿ 'ಪೂಂಕ್ 2'ರಲ್ಲಿ ಸುದೀಪ್ ಅವರು ಮತ್ತೆ ತನ್ನ ಮಗಳಿಗಾಗಿ ಹೋರಾಡುವ ತಂದೆಯ ಪಾತ್ರದಲ್ಲಿ ಕಾಣಿಸಿಕೊಂಡರು. ಈ ಚಿತ್ರವನ್ನು ಕೂಡ ರಾಮ್ ಗೋಪಾಲ್ ವರ್ಮಾ ನಿರ್ದೇಶನ ಮಾಡಿದ್ದರು.

ರಕ್ತಚರಿತ್ರ ಚಿತ್ರದ ಮುಂದುವರೆದ ಭಾಗವಾದ ರಕ್ತಚರಿತ್ರ 2 ಚಿತ್ರದಲ್ಲಿ ಸುದೀಪ್ ನಟಿಸಿದ್ದರು. ಈ ಸಿನಿಮಾ 2010ರ ಡಿಸೆಂಬರ್ ತಿಂಗಳಲ್ಲಿ ರಿಲೀಸ್ ಆಗಿತ್ತು. ರಾಮ್ ಗೋಪಾಲ್ ವರ್ಮಾ ನಿರ್ದೇಶನದ ಈ ಚಿತ್ರಕ್ಕೆ ಪ್ರಶಾಂತ್ ಪಾಂಡೆ ಅವರ ಕಥಾಹಂದರವಿತ್ತು. ಈ ಚಿತ್ರದಲ್ಲಿ ವಿವೇಕ್ ಒಬೇರಾಯ್, ಸೂರಿಯ, ಪ್ರಿಯಾಮಣಿ ನಟಿಸಿದ್ದರು. ಇದು ಹಿಂದೆ ಜೊತೆಗೆ ತಮಿಳು, ತೆಲುಗಿನಲ್ಲೂ ರಿಲೀಸ್ ಆಗಿತ್ತು.

2019ರಲ್ಲಿ ರಿಲೀಸ್ ಆದ ಸಲ್ಮಾನ್ ಖಾನ್ ನಟನೆಯ 'ದಬಾಂಗ್ 3' ಚಿತ್ರದಲ್ಲಿ ಕಿಚ್ಚ ಸುದೀಪ್ ಮುಖ್ಯ ಖಳನಾಯಕ ಬಾಲಿ ಸಿಂಗ್ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರದ ಕನ್ನಡ ಡಬ್ ವರ್ಷನ್‌ಗೆ ಸುದೀಪ್ ಮತ್ತು ಸಲ್ಮಾನ್ ಖಾನ್ ಧ್ವನಿ ನೀಡಿದ್ದರು. ಸಿನಿಮಾದಲ್ಲಿ ಸಲ್ಲು ಎದುರು ಕಿಚ್ಚನ ಖದರ್ ನೋಡಿ ಪ್ರೇಕ್ಷಕರು ಥ್ರಿಲ್ ಆಗಿದ್ದರು.