ಈ ಐದು ಕಾರಣಕ್ಕೆ ನೀವು 'ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ' ಸಿನಿಮಾ ನೋಡಲೇಬೇಕು!

ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಚಿತ್ರದಲ್ಲಿ 500ಕ್ಕೂ ಅಧಿಕ ರಂಗಭೂಮಿ ಕಲಾವಿದರು ಬಣ್ಣ ಹಚ್ಚಿದ್ದಾರೆ. ಇದಲ್ಲದೇ ಸ್ಯಾಂಡಲ್‌ವುಡ್ ಕ್ವೀನ್ ರಮ್ಯಾ ಈ ಸಿನಿಮಾದಲ್ಲಿ ಲೆಕ್ಚರರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಅವರ ಅಭಿಮಾನಿಗಳು ಸಿನಿಮಾ ನೋಡಲು ಕಾತರದಿಂದ ಕಾಯುತ್ತಿದ್ದಾರೆ. ಈ ಚಿತ್ರದಲ್ಲಿ ನಟಿಸುವ ಮೂಲಕ ರಮ್ಯಾ ಹಲವು ವರ್ಷಗಳ ಬಳಿಕ ತೆರೆಮೇಲೆ ಮಿಂಚಲಿದ್ದಾರೆ. ಇನ್ನು ರಿಷಬ್ ಶೆಟ್ಟಿ, ದಿಗಂತ್, ಲೂಸಿಯಾ ಪವನ್ ಕೂಡ ಸಣ್ಣ-ಸಣ್ಣ ಪಾತ್ರಗಳಲ್ಲಿ ಪ್ರೇಕ್ಷಕರಿಗೆ ಮಜಾ ಕೊಡೋಕೆ ಬರ್ತಿದ್ದಾರೆ. 

ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಚಿತ್ರದ ಟ್ರೈಲರ್ ಈಗಾಗಲೇ ಬಿಡುಗಡೆಯಾಗಿದೆ. ಟ್ರೈಲರ್‌ನಲ್ಲಿ ಒಂದು ಹಾಸ್ಟೆಲ್‌. ಅಲ್ಲಿ ಒಬ್ಬ ಕಿರಿಕ್ ವಾರ್ಡನ್. ಆತನ ಕಾಟದಿಂದ ತಪ್ಪಿಸಿಕೊಳ್ಳು ಹಾಸ್ಟೆಲ್ ಹುಡುಗರು ಮಾಡುವ ಕಿತಾಪತಿ, ಅದರಿಂದ ಏನೆಲ್ಲಾ ಸಮಸ್ಯೆಗಳು ಎದುರಾಗುತ್ತದೆ ಅನ್ನೋದನ್ನು ಚಿತ್ರದಲ್ಲಿ ಹೇಳಲಾಗಿದೆ. ಇಷ್ಟಕ್ಕೆ ಕಥೆ ಮುಗಿಯಲ್ಲ, ಇನ್ನು ಎಲ್ಲೆಲ್ಲೋ ಕರೆದುಕೊಂಡು ಹೋಗುತ್ತದೆ. ಈ ಸಿನಿಮಾ ಟ್ರೈಲರ್ ಮೂಲಕವೇ ಸಾಕಷ್ಟು ಕುತೂಹಲ ಮೂಡಿಸಿದ್ದು, ಇಡೀ ಸಿನಿಮಾ ನೋಡುವಾಗ ಸಖತ್ ಮಜಾ ಕೊಡೋದು ಗ್ಯಾರೆಂಟಿ. 

ಈ ಸಿನಿಮಾದಲ್ಲಿ ಹಾಸ್ಟೆಲ್ ಹುಡುಗರ ಜೀವನ, ಹಾಡು ಪಾಡು, ನೋವು ನಲಿವಿನ ಅನಾವರಣ ಈ ಸಿನಿಮಾ ಮಾಡಲಿದೆ. ಸಾಮಾನ್ಯವಾಗಿ ಹಾಸ್ಟೆಲ್‌ನಲ್ಲಿ ಎಲ್ಲರೂ ಕೂಡ ತರಲೆ, ತುಂಟಾಟ, ವಾರ್ಡನ್‌ನೊಂದಿಗೆ ಕಿತ್ತಾಟ ಮಾಡಿಯೇ ಇರುತ್ತದೆ. ಈ ಸಿನಿಮಾದಲ್ಲೂ ಕೂಡ ಈ ಎಲ್ಲಾ ಅಂಶಗಳು ಇರುವುದರಿಂದ  ಹಾಸ್ಟೆಲ್‌ನಲ್ಲಿ ಇರುವವರಿಗೆ, ಇದ್ದವರಿಗೆ ಈ ಸಿನಿಮಾ ಬಹಳ ಬೇಗ ಕನೆಕ್ಟ್ ಆಗುವಂತಿದೆ. 

ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ  ಸಿನಿಮಾದಲ್ಲಿ ರವಿಂದ್ ಎಸ್ ಕಶ್ಯಪ್ ಸಿನಿಮಾಟೋಗ್ರಫಿ ಹೈಲೆಟ್ ಎನಿಸಿಕೊಂಡಿದೆ. ಇನ್ನು ಅಜನೀಶ್ ಬಿಜಿಎಂ ಕೂಡ ಪ್ಲಸ್ ಆಗಿದೆ. ರಕ್ಷಿತ್‌ ಶೆಟ್ಟಿ 'ಪರಂವ' ಬ್ಯಾನರ್‌ನಲ್ಲಿ ಸಿನಿಮಾ ಬಿಡುಗಡೆ ಮಾಡುತ್ತಿದ್ದಾರೆ. ಪ್ರಜ್ವಲ್ ಬಿ.ಪಿ, ವರುಣ್ ಕುಮಾರ್ ಗೌಡ, ನಿತಿನ್ ಕೃಷ್ಣಮೂರ್ತಿ, ಅರವಿಂದ್ ಕಶ್ಯಪ್ ಚಿತ್ರಕ್ಕೆ ಬಂಡವಾಳ ಹೂಡಿದ್ದು, ಯುವ ಜನತೆಗೆ ಇಷ್ಟವಾಗುವಂತಹ ಒಂದು ಕಾಮಿಡಿ ಎಂಟರ್‌ಟೈನರ್ ಸಿನಿಮಾ ಇದಾಗಿದೆ. 

ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಸಿನಿಮಾದ ಪೋಸ್ಟರ್ ಅನ್ನು ಡಾ.ಪುನೀತ್ ರಾಜ್‌ಕುಮಾರ್ ಲಾಂಚ್ ಮಾಡಿದ್ದರು. ಮೊದಲ ಬಾರಿಗೆ ಈ ಸಿನಿಮಾದ ಕಥೆ ಕೇಳಿದ್ದ ಅಪ್ಪು ಅವರು, ನಿತಿನ್ ಕೃಷ್ಟಮೂರ್ತಿ ಅವರ ನಿರ್ದೇಶಕರ ಬೆನ್ನುತಟ್ಟಿದ್ದರು. ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ  ಸಿನಿಮಾ ಜುಲೈ 21ರಂದು ಬಿಡುಗಡೆಯಾಗಲಿದ್ದು, ಒಂದು ದೊಡ್ಡ ಓಪನಿಂಗ್ ಸಿಗುವ ನಿರೀಕ್ಷೆಯಿದೆ.