ಈ ಕಾರಣಗಳಿಗೆ ನೀವು 'ರಾಘವೇಂದ್ರ ಸ್ಟೋರ್ಸ್' ಸಿನಿಮಾ ನೋಡಲೇಬೇಕು!

'ರಾಘವೇಂದ್ರ ಸ್ಟೋರ್ಸ್' ಸಿನಿಮಾದಲ್ಲಿ ಜಗ್ಗೇಶ್ ಹಯವದನ ಎಂಬ ಪಾತ್ರ ಮಾಡಿದ್ದಾರೆ. ಇವರ ತಂದೆ ಗುಂಡ ಭಟ್ರು ಅಂದ್ರೆ ದತ್ತಣ್ಣ. ಇವರು ರಾಘವೇಂದ್ರ ಸ್ಟೋರ್ಸ್ ಓನರ್. ಮದುವೆ ಮುಂಜಿಗಳಿಕೆ ಕೇಟರಿಂಗ್ ಸರ್ವೀಸ್ ಕೊಡುವ ಮೂಲಕ ಸುತ್ತಮುತ್ತಲ್ಲೂ ಸಖತ್ ಫೇಮಸ್ ಆಗಿರುತ್ತಾರೆ.  ಇವರ ಜೊತೆಗೆ ಹಾಸ್ಯ ನಟ ಮಿತ್ರ ಕೂಡ ಇರುತ್ತಾರೆ. ಜಗ್ಗೇಶ್‌ಗೆ ನಾಯಕಿಯಾಗಿ ಶ್ವೇತಾ ಶ್ರೀವಾಸ್ತವ್ ಬಣ್ಣ ಹಚ್ಚಿದ್ದಾರೆ. ಇವರದ್ದು ಮದುವೆ, ಸಭೆ, ಸಮಾರಂಭಗಳಲ್ಲಿ ಹಾಡುವ ಕೆಲಸ. ಸಿನಿಮಾದಲ್ಲಿ ಹಾಸ್ಯಕ್ಕೆ ಮತ್ತಷ್ಟು ಪವರ್ ಕೊಡಲು ರವಿಶಂಕರ್ ಕೂಡ ಇದ್ದಾರೆ. ವಿಲನ್ ಆಗಿ ಅಚ್ಯುತ್ ಕುಮಾರ್ ಕಾಣಿಸಿಕೊಂಡಿದ್ದು, ಇನ್ನೂ ಹಲವು ಪಾತ್ರಗಳು ಚಿತ್ರದಲ್ಲಿವೆ.   

ಹಯವದನನಿಗೆ 40 ವರ್ಷ ವಯಸ್ಸು. ಇನ್ನೂ ಮದುವೆಯಾಗಿಲ್ಲ. ಚಿತ್ರದ ಆರಂಭದಲ್ಲೇ ಜಗ್ಗೇಶ್ ಹೆಣ್ಣು ನೋಡುವುದಕ್ಕೆ ಹೋಗುತ್ತಾರೆ. ಆದರೆ, ಆ ಹುಡುಗಿ ಜಗ್ಗೇಶ್ ತಮ್ಮನನ್ನು ಇಷ್ಟಪಟ್ಟು ಮದುವೆಯಾಗುತ್ತಾರೆ. ಇಲ್ಲಿಂದ ಹಯವದನನ ಮದುವೆಯ ಸರ್ಕಸ್ ಆರಂಭವಾಗುತ್ದದೆ. ಇನ್ನೊಂದೆಡೆ ಶ್ವೇತಾ ಶ್ರೀವಾಸ್ತವ್ ಮದುವೆ ಕೂಡ ಎನೋ ಒಂದು ಕಾರಣಕ್ಕೆ ನಿಂತು ಹೋಗಿರುತ್ತೆ. ಇವರದ್ದು ಕೂಡ ಹೆಚ್ಚು ಕಡಿಮೆ ಹಯವದನನ ಪರಿಸ್ಥಿತಿಯೇ. ಹಲವು ಸರ್ಕಸ್‌ಗಳ ಬಳಿಕ ಜಗ್ಗೇಶ್ ಮತ್ತು ಶ್ವೇತಾ ಶ್ರೀವಾಸ್ತವ್‌ಗೆ ಮದುವೆಯಾಗುತ್ತೆ. ಇಬ್ಬರು ಲೇಟಾಗಿ ಮದುವೆಯಾದ ಕಾರಣ ಮದುವೆ ಬಳಿಕ ಒಂದಿಷ್ಟು ಸಮಸ್ಯೆಗಳ ಎದುರಾಗುತ್ತವೆ.  

ರಾಘವೇಂದ್ರ ಸ್ಟೋರ್ಸ್ ಹಾಸ್ಯದ ರಸದೌತಣ ಬಡಿಸಲಿದ್ದು, ಎಲ್ಲಿಯೂ ಬೋರ್ ಹೊಡೆಸಲ್ಲ. ಚಿತ್ರದಲ್ಲಿ ಜಗ್ಗೇಶ್ ಅವರ ಡೈಲಾಗ್‌ಗಳು ಪಂಚಿಂಗ್ ಆಗಿವೆ. ಚಿತ್ರದಲ್ಲಿ ಲೇಟ್ ಆಗಿ ಮದುವೆ ಆದವರ ಸಮಸ್ಯೆಯೇನು ಅನ್ನೋದನ್ನು ಹಾಸ್ಯದ ರೂಪದಲ್ಲಿ ತೋರಿಸಲಾಗಿದೆ. ಫಸ್ಟ್ ಹಾಫ್‌ನಲ್ಲಿ ಜಗ್ಗೇಶ್ ಹಾಗೂ ಮಿತ್ರ ಅವರ ಕಾಂಬಿನೇಷನ್ ಇಷ್ಟವಾಗುತ್ತೆ. ಚಿತ್ರದಲ್ಲಿ ಮಿತ್ರ ಅವರಿಗೆ ಮಾತು ಬರಲ್ಲ. ಹೀಗಾಗಿ ಇವರಿಬ್ಬರ ಕಾಂಬಿನೇಷನ್ ಸೀನ್‌ಗಳು ಪ್ರೇಕ್ಷಕರಿಗೆ ಮಜಾ ಕೊಡುತ್ತವೆ. 

ತಂದೆ (ದತ್ತಣ್ಣ) ಮತ್ತು ಮಗ (ಜಗ್ಗೇಶ್) ನಡುವಿನ ಕ್ಲೈಮ್ಯಾಕ್ಸ್ ಸೀನ್ ಸಿನಿಮಾದ ಪ್ರಮುಖ ಹೈಲೈಟ್. ಊಟ ಹಾಳು ಮಾಡಬಾರದು. ಕಷ್ಟದಲ್ಲಿದ್ದವರಿಗೆ ಹೇಗೆ ಸಹಾಯ ಮಾಡಬೇಕೆಂಬ ಸಂದೇಶ ಕೂಡ ಚಿತ್ರದಲ್ಲಿದೆ. ಸಿನಿಮಾದಲ್ಲಿ ಹಾಸ್ದದ ಜೊತೆ ಬಾವುಕತೆ ಚೆನ್ನಾಗಿ ಹೊಂದಿಕೊಂಡಿದೆ. ರಚುನಾವಣೆ ಹತ್ತಿರವಿರುವುದರಿಂದ ರೆಸಾರ್ಟ್ ರಾಜಕೀಯ, ಚುನಾವಣೆಗೆ ಟಿಕೆಟ್ ಪಡೆಯಲು ರಾಜಕಾರಣಿಗಳು ಏನೆಲ್ಲಾ ಮಾಡುತ್ತಾರೆ ಎಂಬ ಸೀನ್ ಪ್ರೇಕ್ಷಕರಿಗೆ ಕಿಕ್ ಕೊಡುತ್ತೆ. 

ನವರಸ ನಾಯಕ ಜಗ್ಗೇಶ್  'ರಾಘವೇಂದ್ರ ಸ್ಟೋರ್ಸ್' ಚಿತ್ರದ ಪ್ರಮುಖ ಪ್ಲಸ್. ಇಡೀ ಸಿನಿಮಾ ಅವರ ಮೆಲೆ ಸಾಗುತ್ತೆ. ಕ್ಲೈಮ್ಯಾಕ್ಸ್‌ನಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅವರಿಗೆ ನೀಡಿದ ಗೌರವ ಭಾವುಕರನ್ನಾಗಿಸುತ್ತೆ. ಕ್ಯಾಮರಾ ವರ್ಕ್, ಸಂಗೀತ ಚೆನ್ನಾಗಿದೆ. ಚಿತ್ರದ ಸಿಂಗಲ್ ಸುಂದರ ಹಾಡು ಸಖತ್ ಆಗಿದೆ. ಡೈಲಗ್‌ಗಳು ಕೂಡ ಚೆನ್ನಾಗಿವೆ.