'ಬಾನ ದಾರಿಯಲ್ಲಿ' ಸಿನಿಮಾದ ಕಥೆ, ಕಲಾವಿದರ ಅಭಿನಯ, ರೇಟಿಂಗ್ಸ್ ಇತರ ಮಾಹಿತಿ ಇಲ್ಲಿದೆ.

Author Sowmya Bairappa | Published: Thursday, September 28, 2023, 12:27 PM [IST]

ಗೋಲ್ಡನ್ ಸ್ಟಾರ್ ಗಣೇಶ್ ಹಾಗೂ ಪ್ರೀತಂ ಗುಬ್ಬಿ ಕಾಂಬಿನೇಷನ್‌ನ ನಾಲ್ಕನೇ ಸಿನಿಮಾ 'ಬಾನ ದಾರಿಯಲ್ಲಿ'. ಚಿತ್ರದಲ್ಲಿ ರುಕ್ಮಿಣಿ ವಸಂತ್, ರೀಷ್ಮಾ ನಾನಯ್ಯ, ರಂಗಾಯಣ ರಘು ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಒಂದ್ಕಡೆ ಲವ್ ಸ್ಟೋರಿ ಹಾಗೂ ಇನ್ನೊಂದೆಡೆ ಭಾವನಾತ್ಮಕ ಜರ್ನಿ ಹೊಂದಿರುವ ಈ ಸಿನಿಮಾದ ಬಗ್ಗೆ ಆರಂಭದಿಂದಲೂ ಸಾಕಷ್ಟು ನಿರೀಕ್ಷೆಗಳಿದ್ದವು. ಹಾಗಾದರೆ, ಬಾನ ದಾರಿಯಲ್ಲಿ ಸಿನಿಮಾ ಹೇಗಿದೆ? ಕಥೆ, ಅಭಿನಯ, ರೇಟಿಂಗ್ಸ್ ಸೇರಿದಂತೆ ಇತರ ಮಾಹಿತಿ ಇಲ್ಲಿದೆ.

Table of content

ಓರ್ವ ಅಪ್ಪ ಮತ್ತು ಮಗಳು ಕನಸ್ಸೊಂದನ್ನು ಕಾಣತ್ತಾರೆ. ಇವರಿಬ್ಬರ ಕನಸ್ಸನ್ನು ಹೀರೋ ಬಂದು ಹೇಗೆ ಈಡೇರಿಸುತ್ತಾನೆ ಎಂಬುದೇ 'ಬಾನ ದಾರಿಯಲ್ಲಿ' ಚಿತ್ರದ ಒನ್‌ಲೈನ್‌ ಸ್ಟೋರಿ. ಇಲ್ಲಿ ಅಪ್ಪನ ಪಾತ್ರದಲ್ಲಿ ರಂಗಾಯಣ ರಘು, ಮಗಳಾಗಿ ರುಕ್ಮಿಣಿ ವಸಂತ್ ಹಾಗೂ ನಾಯಕನಾಗಿ ಗಣೇಶ್ ಕಾಣಿಸಿಕೊಂಡಿದ್ದಾರೆ.

ಸಿನಿಮಾದ ಫಸ್ಟ ಹಾಫ್‌ನಲ್ಲಿ ನಾಯಕಿ ರುಕ್ಷಿಣಿ ವಸಂತ್‌ಗೆ ಬಾಲ್ಯದಿಂದಲೂ ಕಾಡು, ಪ್ರಾಣಿ-ಪಕ್ಷಿಗಳು, ಪರಿಸರದ ಮೇಲೆ ಪ್ರೀತಿ ಹೆಚ್ಚಿರುತ್ತೆ. ಈ ಕನಸು ನದನಂತರದಲ್ಲಿ ಹೆಮ್ಮರವಾಗಿ ಬೆಳೆಯುತ್ತೆ. ಇತ್ತ ಚಿತ್ರದ ನಾಯಕ ಗಣೇಶ್ ಕ್ರಿಕೆಟರ್ ಆಗಿರುತ್ತಾರೆ. ಹೀಗಿರುವಾಗ ಗಣೇಶ್ ಒಂದು ದಿನ ರುಕ್ಮಿಣಿಯನ್ನು ನೋಡುತ್ತಾರೆ. ಬಳಿಕ ಆಕೆಯ ಮೇಲೆ ಪ್ರೀತಿ ಹುಟ್ಟುತ್ತೆ, ರುಕ್ಮಿಣಿಗೂ ಗಣೇಶ್ ಕಂಡರೆ ಇಷ್ಟ. ಆದರೆ, ಅಪ್ಪನ ಮಗಳಾಗಿದ್ದರಿಂದ ರಂಗಾಯಣ ರಘು ಅನುಮತಿಯನ್ನು ಪಡೆದೇ ಪ್ರೀತಿಗೆ ಗ್ರೀನ್ ಸಿಗ್ನಲ್ ಕೊಡುತ್ತಾರೆ. ಇಲ್ಲಿವರೆಗೂ ಅಪ್ಪ-ಮಗಳು ಹಾಗೂ ಹೀರೊ ಇಂಟ್ರುಡಕ್ಷನ್, ಲವ್‌ ಸ್ಟೋರಿಯಲ್ಲಿ ನೋಡೋಕೆ ಸಿಗುತ್ತೆ. ಸೆಕೆಂಡ್‌ ಹಾಫ್‌ ಸಂಪೂರ್ಣ ಭಾವನಾತ್ಮಕ ಜರ್ನಿ. ಸೆಕೆಂಡ್ ಹಾಫ್‌ನಲ್ಲಿ ಅಸಲಿ ಕಥೆ ಅಡಗಿದ್ದು, ಕಥೆಗೊಂದು ಟರ್ನಿಂಗ್ ಪಾಯಿಂಟ್ ಸಿಕ್ಕು ಅದು ಬೇರೆಯದೇ ಹಾದಿ ಹಿಡಿಯುತ್ತೆ. ಇಲ್ಲಿಂದ ರಂಗಾಯಣ ರಘು ಹಾಗೂ ಗಣೇಶ್ ನಡುವಿನ ಭಾವನಾತ್ಮಕ ಜರ್ನಿ ಮುಂದುವರೆಯುತ್ತೆ. ಅಲ್ಲಲ್ಲಿ ಪ್ರೇಕ್ಷಕರ ಕಣ್ಣುಗಳನ್ನು ಒದ್ದೆ ಮಾಡುತ್ತಾ ಮುಂದಕ್ಕೆ ಸಾಗುತ್ತಾರೆ.

ಪ್ರಮುಖ ಮೂರು ಪಾತ್ರಗಳಾದ ಗಣೇಶ್, ರಂಗಾಯಣ ರಘು ಹಾಗೂ ರುಕ್ಮಿಣಿ ವಸಂತ್ ಜರ್ನಿಯೇ ಸಿನಿಮಾದ ಹೈಲೈಟ್. ಕಥೆಯಲ್ಲಿ ವಿಶೇಷ ಅನ್ನುವಂತಹದ್ದು ಏನೂ ಇಲ್ಲದೇ ಹೋದರೂ, ಅದನ್ನು ಹೇಳಲು ಹೊರಟ ರೀತಿ ಇಷ್ಟವಾಗುತ್ತೆ. ಭಾವನಾತ್ಮಕವಾಗಿ ಪ್ರೇಕ್ಷಕರನ್ನು ತಲುಪಲು ಯತ್ನಿಸಿದ್ದಾರೆ. ರೀಷ್ಮಾ ನಾಣಯ್ಯ ಪಾತ್ರಕ್ಕೆ ಹೆಚ್ಚು ಒತ್ತು ನೀಡಿಲ್ಲ.

ಗೋಲ್ಡನ್ ಸ್ಟಾರ್ ಗಣೇಶ್ ಹಾಗೂ ಪ್ರೀತಂ ಗುಬ್ಬಿ ಸಿನಿಮಾ ಅಂದಾಕ್ಷಣ ಸಾಕಷ್ಟು ನಿರೀಕ್ಷೆಗಳಿರುತ್ತವೆ. ಬಾನ ದಾರಿಯಲ್ಲಿ ಸಿನಿಮಾಗೆ ಹಾಕಿರುವ ಶ್ರಮ ಎದ್ದು ಕಾಣುತ್ತೆ. ಆದರೆ, ಚಿತ್ರಕಥೆಯಲ್ಲಿ ಇನ್ನೊಂದಿಷ್ಟು ಹಿಡಿತ ಬೇಕಿತ್ತು ಅನಿಸುತ್ತೆ. ಚಿತ್ರಕ್ಕೆ ಇನ್ನೊಂದು ವೇಗ ಕೊಟ್ಟಿದ್ದರೆ ಚೆನ್ನಾಗಿರುತ್ತಿತ್ತು. ಸೆಕೆಂಡ್‌ ಹಾಫ್‌ನಲ್ಲಿ ಬರುವ ರೀಷ್ಮಾ ನಾಣಯ್ಯ ಪಾತ್ರಕ್ಕೆ ಇನ್ನೊಂದಿಷ್ಟು ಸ್ಕೋಪ್ ಕೊಡಬೇಕಿತ್ತು ಅನಿಸುತ್ತದೆ.

ಬಾನ ದಾರಿಯಲ್ಲಿ ಸಿನಿಮಾದ ಪಾಯಿಂಟ್ ಗಣೇಶ್, ರಂಗಾಯಣ ರಘು, ರುಕ್ಷಿಣಿ ವಸಂತ್ ಅಭಿನಯ. ಮೂವರು ಕಾಂಪಿಟೇಷನ್‌ಗೆ ಬಿದ್ದು ನಟಿಸಿದಂತೆ ಭಾಸವಾಗುತ್ತೆ. ಚಿತ್ರದ ಕೊನೆಯ 30 ನಿಮಿಷಗಳ ಭಾವನಾತ್ಮಕ ಜರ್ನಿಯೂ ಪ್ರೇಕ್ಷಕರಿಗೆ ಸಖತ್ ಇಷ್ಟವಾಗಬಹುದು. ಅಭಿಲಾಶ್ ಕ್ಯಾಮರಾ ವರ್ಕ್ ಕಣ್ಣಿಗೆ ತಂಪು ನೀಡುತ್ತೆ. ಮೈನಸ್‌ ನೋಡುವುದಾದರೆ, ಚಿತ್ರದ ಸ್ಕ್ರೀನ್‌ಪ್ಲೇ ವೇಗ ಹೆಚ್ಚಿಸಬೇಕಿತ್ತು. ಹಾಡುಗಳು ನೆನಪಿನಲ್ಲಿ ಉಳಿಯುವುದಿಲ್ಲ. ಇಂತಹ ಸಿನಿಮಾಗೆ ಅರ್ಜುನ್ ಜನ್ಯಾ ಸದಾ ಗುನುಗುವ ಹಾಡುಗಳನ್ನು ನೀಡಿದ್ದರೆ ಇನ್ನಷ್ಟು ಇಷ್ಟ ಆಗುತ್ತಿತ್ತು.