ರಾಜಕೀಯಯನ್ನು ಅದ್ಭುತವಾಗಿ ತೆರೆಯ ಮೇಲೆ ತೋರಿಸಿದ ಕನ್ನಡ ಸಿನಿಮಾಗಳ ಪಟ್ಟಿ!

ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ದಿವಂಗತ ಡಾ ಯು ಆರ್‌ ಅನಂತಮೂರ್ತಿ ಅವರ ಕಾದಂಬರಿ ಆಧಾರಿತ ಚಿತ್ರ ಬರ. ಈ ಚಿತ್ರವನ್ನ ಎಂ ಎಸ್‌ ಸತ್ಯು ನಿರ್ಮಿಸಿ ನಿರ್ದೇಶಿಸಿದ್ದರು. ಅನಂತ್ ನಾಗ್, ಸಿ ಆರ್ ಸಿಂಹ, ಉಮಾ ಶಿವಶಂಕರ್, ಶಿವರಾಂ ಮುಂತಾದವರು ಚಿತ್ರದಲ್ಲಿ ಅಭಿನಯಿಸಿದ್ದರು. ರಾಜಕೀಯ ಲಾಭಕ್ಕಾಗಿ ಒಂದು ಪ್ರದೇಶದ ಬರಗಾಲವನ್ನು ಬಳಸಿಕೊಳ್ಳವ ರಾಜಕಾರಣಿಗಳ ಕರಾಳ ಮುಖವನ್ನು ಈ ಸಿನಿಮಾದಲ್ಲಿ ತೋರಿಸಲಾಗಿತ್ತು. 70ರ ದಶಕದಲ್ಲಿ ಉತ್ತರಕರ್ನಾಟಕದ ಬರಪೀಡಿತ ಪ್ರದೇಶದಲ್ಲಿ ನಡೆದ ನೈಜ ಘಟನೆಯೇ ಈ ಸಿನಿಮಾದ ಕಥವಾಸ್ತು. 

1992ರಲ್ಲಿ ಬಿಡುಗಡೆಯಾಗಿದ್ದ 'ಮರಣ ಮೃದಂಗ' ಸಿನಿಮಾದಲ್ಲಿ ಜನಪ್ರಿಯ ಮುಖ್ಯಮಂತ್ರು ರಾಮಕೃಷ್ಣ ಹೆಗಡೆ ಕಾಣಿಸಿಕೊಂಡಿದ್ದರು. ಈ ಚಿತ್ರದಲ್ಲಿ ಮಾಲಾಶ್ರೀ ಹಾಗೂ ಸುನೀಲ್ ಮುಖ್ಯಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಈ ಸಿನಿಮಾದ ಕೆಲ ದೃಶ್ಯಗಳನ್ನು ವಿಧಾನಸೌಧದ ಮುಂಭಾಗವೇ ಚಿತ್ರೀಕರಿಸಲಾಗಿತ್ತು. 

1998ರಲ್ಲಿ ಬಿಡುಗಡೆಯಾದ ಟಿ.ಎಸ್.ನಾಗಭರಣ ನಿರ್ದೇಶನದ 'ಆಸ್ಪೋಟ' ಸಿನಿಮಾದಲ್ಲಿ ಶ್ರೀಧರ್ ಮತ್ತು ದತ್ತಣ್ಣ ಅಭಿನಯಿಸಿದ್ದರು. ಸ್ಟೂಡೆಂಟ್ ಪಾಲಿಟಿಕ್ಸ್ ಬಗ್ಗೆ ಈ ಸಿನಿಮಾ ಬೆಳಕು ಚೆಲ್ಲಿತ್ತು. 

ಶಂಕರ್ ನಾಗ್ ಅವರ ಅತ್ಯುತ್ತಮ ಸಿನಿಮಾಗಳ ಪೈಕಿ ಆಕ್ಸಿಡೆಂಟ್ ಕೂಡ ಒಂದು. 1980ರಲ್ಲಿ ಮುಂಬೈನಲ್ಲಿ ನಡೆದ ಹಿಟ್ ಅಂಡ್ ರನ್ ಪ್ರಕರಣದಿಂದ ಪ್ರೇರಣೆ ಪಡೆದು ಈ ಚಿತ್ರ ತಯಾರಿಸಲಾಗಿತ್ತು. ಪ್ರಬಲ ರಾಜಕಾರಣಿಯ ಮಗ ಆಕ್ಸಿಡೆಂಟ್ ಮಾಡುವುದು, ಮಗನನ್ನ ಕಾಪಾಡಲು ರಾಜಕಾರಣಿ ತನ್ನ ಅಧಿಕಾರವನ್ನು ದುರ್ಬಳಕೆ ಮಾಡಿಕೊಳ್ಳುವುದು ಈ ಚಿತ್ರದ ಕಥಾವಸ್ತು. ಈ ಚಿತ್ರಕ್ಕೆ ರಾಷ್ಟ್ರ ಪ್ರಶಸ್ತಿ ಹಾಗೂ ರಾಜ್ಯ ಪ್ರಶಸ್ತಿ ಲಭಿಸಿದೆ. 

1983ರಲ್ಲಿ ತೆರೆಕಂಡ 'ಚಕ್ರವ್ಯೂಹ' ಸಿನಿಮಾ ಅಂಬರೀಶ್ ವೃತ್ತಿ ಬದುಕಿಗೆ ಹೊಸ ತಿರುವು ನೀಡಿತ್ತು. ಈ ಸಿನಿಮಾದಲ್ಲಿ ಅಂಬರೀಶ್ ಆಂಗ್ರಿ ಮ್ಯಾನ್ ಆಗಿ ಕಾಣಿಸಿಕೊಂಡಿದ್ದತು.  'ಚಕ್ರವ್ಯೂಹ'  ಚಿತ್ರದಲ್ಲಿ ನಿರುದ್ಯೋಗ, ರಾಜಕೀಯ, ಭ್ರಷ್ಟಚಾರ, ಸ್ವಾರ್ಥ ರಾಜಕಾರವನ್ನು ಎಳೆ ಎಳೆಯಾಗಿ ತೋರಿಸಲಾಗಿತ್ತು. 

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ನಾಯಕನಾಗಿ ನಟಿಸಿರುವ 'ಕಿಚ್ಚ' ಸಿನಿಮಾ ರಾಜಕೀಯ ಪ್ರೇರಣೆಯಿಂದ ತಯಾರಾಗಿತ್ತು. ಈ ಚಿತ್ರವನ್ನು ಅರುಣ್ ಪ್ರಸಾದ್ ನಿರ್ದೇಶನ ಮಾಡಿದ್ದರು. ಕಿಚ್ಚ ಚಿತ್ರದಲ್ಲಿ ರಾಜ್ಯದಲ್ಲಿ ನಿರುದ್ಯೋಗ ಸಮಸ್ಯೆ ಹೇಗೆ ಹೆಚ್ಚಾಗುತ್ತಿದೆ. ಇದಕ್ಕೆ ರಾಜಕೀಯ ಹೇಗೆ ಕಾರಣ ಎಂಬುದನ್ನು ತೋರಿಸಲಾಗಿತ್ತು. 

ರೆಬಲ್ ಸ್ಟಾರ್ ಅಂಬರೀಶ್ ಅಭಿನಯದ 'ಚದುರಂಗ' ಸಿನಿಮಾ ಕೂಡ ರಾಜಕೀಯ ಪ್ರೇರಿತವಾಗಿತ್ತು. ಭ್ರಷ್ಟ ರಾಜಕಾರಣಿಗಳ ವಿರುದ್ಧ ನಾಯಕ ಹೇಗೆ ಸಿಡಿದು ಬೀಳುತ್ತಾನೆ ಎಂಬುದು ಈ ಸಿನಿಮಾದ ಕಥೆ. 'ಚದುರಂಗ' ಚಿತ್ರ ಅಂಬರೀಶ್ ನಟನೆಗೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು.

ಡೈನಾಮಿಕ್ ಹೀರೋ ದೇವರಾಜ್ ನಟನೆಯ 'ರಾಜಕೀಯ' ಸಿನಿಮಾ ಕೂಡ ರಾಜಕಾರಣಿಗಳ ಪ್ರೇರಣೆಯಿಂದ ಮೂಡಿಬಂದಿತ್ತು. ವಕೀಲರನ್ನು ಕೊಲೆ ಮಾಡುವ ರಾಜಕಾರಣಿಗಳ ಕಥೆಯನ್ನಿಟ್ಟುಕೊಂಡು ಸಿನಿಮಾ ಮಾಡಲಾಗಿತ್ತು. ರಾಜಕೀಯ ವ್ಯಕ್ತಿಗಳ ಬಹುಮುಖದ ತೋರಿಸಿದ್ದ ಈ ಸಿನಿಮಾಗೆ ಒಳ್ಳೆಯ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. 

ಎಲೆಕ್ಷನ್ ಚಿತ್ರದಲ್ಲಿ ಮಾಲಾಶ್ರಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದರು. ಚಿತ್ರದಲ್ಲಿ ರಾಜಕೀಯ ವ್ಯಕ್ತಿಗಳು ಹೇಗೆ ಜನರಿಗೆ ಸುಳ್ಳು ಹೇಳಿ ವಂಚಿಸುತ್ತಾರೆ ಎಂಬುದನ್ನು ತೋರಿಸಲಾಗಿತ್ತು. ಚಿತ್ರದಲ್ಲಿ ಮಾಲಾಶ್ರೀ ಜೊತೆಗೆ ರಾಗಿಣಿ ದ್ವೆವೇದಿ, ಶ್ರೀನಿವಾಸ ಮೂರ್ತಿ, ಲೋಕನಾಥ್, ಮೈಕೋ ನಾಗರಾಜ್, ಸುಚೇಂದ್ರ ಪ್ರಸಾದ್, ಶರತ್ ಲೋಹಿತಾಶ್ವ, ಸಾಧು ಕೋಕಿಲ, ಬುಲೆಟ್ ಪ್ರಕಾಶ್, ಶೋಭಾ ರಾಜ್ ಮುಂತಾದವರು ನಟಿಸಿದ್ದು,  ಓಂ ಪ್ರಕಾಶ್ ಅವರ ನಿರ್ದೇಶನ ಮಾಡಿದ್ದರು. 

ಸಾದ್ ಖಾನ್ ನಿರ್ದೆಶನದಲ್ಲಿ ಮೂಡಿಬಂದ ಹಂಬಲ್ ಪೊಲಿಟಿಷಿಯನ್ ನೋಗ್ ರಾಜ್ ಚಿತ್ರವನ್ನು ಪುಷ್ಕರ್ ಮಲ್ಲಿಕಾರ್ಜುನಯ್ಯ, ಹೇಮಂತ್ ರಾವ್, ರಕ್ಷಿತ್ ಶೆಟ್ಟಿ ನಿರ್ಮಾಣ ಮಾಡಿದರು. ಡ್ಯಾನಿಶ್ ಸೇಠ್, ರೋಜರ್ ನಾರಾಯಣ್, ವಿಜಯ ಚೆಂಡೂರು ಮುಖ್ಯಪಾತ್ರದಲ್ಲಿ ನಟಿಸಿದ್ದ ಈ ಚಿತ್ರ ತನ್ನ ಭಿನ್ನ ಹಾಸ್ಯ ಧಾರೆಯಿಂದ ಗಮನ ಸೆಳೆಯಿತು. ನೊಗ್ ರಾಜ್ ಎಂಬ ಕ್ರೇಜಿ ರಾಜಕಾರಣಿ ಮತ್ತು ಆತ ಶಾಸಕನಾಗಲು ಮಾಡುವ ಕ್ರೇಜಿ ಕೆಲಸಗಳನ್ನು ಚಿತ್ರ ಹಾಸ್ಯವಾಗಿ ತೋರಿಸಿತು. ಜೊತೆಗೆ ರೆಸಾರ್ಟ್ ರಾಜಕಾರಣ ಮತ್ತು ಭ್ರಷ್ಟಚಾರದ ಬಗ್ಗೆಯೂ ತೋರಿಸಲಾಗಿತ್ತು. 

ಡೈನಾಮಿಕ್ ಹೀರೋ ದೇವರಾಜ್ ಮತ್ತು ಅರುಂಧತಿ ನಾಗ್ ಅಭಿನಯದ 'ಗೋಲಿಬಾರ್' ಸೂಪರ್ ಹಿಟ್ ಸಿನಿಮಾ. ಈ ಸಿನಿಮಾದಲ್ಲಿ ರಾಜಕಾರಣಿ ಕಡೆಯವರು ಒಬ್ಬ ನಿಷ್ಠಾವಂತ ಅಧಿಕಾರಿಯನ್ನು ಕೊಂದು ಬಿಡುತ್ತಾರೆ. ಆ ಸತ್ಯವನ್ನು ಹೇಳಲಾಗದೇ ಮಗಳೇ ಒದ್ದಾಡುವ ಕಥೆಯನ್ನು ಈ ಚಿತ್ರ ಹೊಂದಿತ್ತು. 

1992ರಲ್ಲಿ ಬಿಡುಗಡೆಯಾದ ಕೆ.ಎಸ್.ಎಲ್ ಸ್ವಾಮಿ ನಿರ್ದೇಶನದ ಹರಕೆಯ ಕುರಿ ಸಹ ರಾಜಕೀಯ ಪ್ರೇರಿತವಾಗಿ ಮೂಡಿಬಂದ ಸಿನಿಮಾ. ಚಿತ್ರದಲ್ಲಿ ವಿಷ್ಣುವರ್ಧನ್, ಪ್ರಕಾಶ್ ರೈ, ಗೀತಾ ಅಭಿನಯಿಸಿದ್ದರು. 

ಅನಂತ್ ನಾಗ್, ತಾರಾ, ಅವಿನಾಶ್, ಸುಂದರ್ ರಾಜ್, ಮುಖ್ಯಮಂತ್ರಿ ಚಂದ್ರ, ಪ್ರಕಾಶ್ ಬೆಳವಾಡಿ, ಸುಧಾ ಬೆಳವಾಡಿ ಅಭಿನಯದ 'ಮತದಾನ' ಚಿತ್ರ ಕೂಡ ರಾಜಕೀಯ ಪ್ರೇರಿತ. ಚಿತ್ರದಲ್ಲಿ ಸಾಮಾನ್ಯ ಜನರ ಕುಟುಂಬದ ಮೇಲೆ ರಾಜಕಾರಣಿಗಳು ಹೇಗೆ ಪ್ರಭಾವ ಬೀರುತ್ತಾರೆ ಎಂಬುದೇ ಚಿತ್ರದ ಕಥಾಹಂದರ.