ಸೌತ್ ಸಿನಿಮಾರಂಗದ ಈ 9 ಸ್ಟಾರ್ ನಟ-ನಟಿಯರ ಬಳಿಯಿದೆ ಸ್ವಂತ ವಿಮಾನ!

ಟಾಲಿವುಡ್ ನಟ ಅಕ್ಕಿನೇನಿ ನಾಗರ್ಜುನ್ ಸೌತ್ ಸಿನಿಮಾರಂಗದ ಶ್ರೀಮಂತ ನಟ. 1986ರಲ್ಲಿ ತೆರೆಕಂಡ ವಿಕ್ರಮ್ ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಅವರು, ಕೇವಲ ನಟನಾಗಿ ಮಾತ್ರವಲ್ಲದೇ ಉದ್ಯಮಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. 3,010 ಕೋಟಿ ರೂಪಾಯಿ ಆಸ್ತಿ ಒಡೆಯರಾಗಿರುವ ಅಕ್ಕಿನೇನಿ ನಾಗರ್ಜುನ ಅವರ ಬಳಿ ಸ್ವಂತ ವಿಮಾನವಿದೆ. ಇವರು ರಜೆ ದಿನಗಳಲ್ಲಿ ಫ್ಯಾಮಿಲಿಯೊಂದಿಗೆ ಇದೇ ವಿಮಾನದಲ್ಲಿ ತಿರುಗಾಡಿದ ಉದಾಹರಣೆಗಳಿವೆ.

ತೆಲುಗು ಸಿನಿಮಾರಂಗಕ್ಕೆ ಸಾಕಷ್ಟು ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿರುವ ನಟ ರಾಮ್ ಚರಣ್, ಆರ್‌ಆರ್ಆರ್ ಸಿನಿಮಾ ಬಳಿಕ ಗ್ಲೋಬಲ್ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ. 1,370 ಕೋಟಿ ರೂಪಾಯಿ ಆಸ್ತಿ ಒಡೆಯನಾಗಿರುವ ರಾಮ್ ಚರಣ್ ಕೂಡ ಪ್ರೈವೇಟ್ ಜೆಟ್ ಹೊಂದಿದ್ದಾರೆ. ಪತ್ನಿ ಉಪಸನಾ ಜೊತೆಗೆ ಅವರು ಸಾಕಷ್ಟು ಬಾರಿ ಇದೇ ವಿಮಾನದಲ್ಲಿ ಕಾಣಿಸಿಕೊಂಡಿದ್ದಾರೆ.

ಟಾಲಿವುಡ್ ನಟ ಜ್ಯೂನಿಯರ್ ಎನ್‌ಟಿಆರ್ ಬಳಿ 80 ಕೋಟಿ ಮೌಲ್ಯದ ವಿಮಾನವಿದೆ. ಇದನ್ನು ಹೈದರಾಬಾದ್‌ನ ಶಮ್ಷಾಬಾದ್ ವಿಮಾನ ನಿಲ್ದಾಣದಲ್ಲಿ ಪಾರ್ಕ್ ಮಾಡಲಾಗುತ್ತದೆ. ಹಲವು ಬಾರಿ ಜ್ಯೂನಿಯರ್ ಎನ್‌ಟಿಆರ್ ಈ ವಿಮಾನದಲ್ಲಿ ಕಾಣಿಸಿಕೊಂಡಿದ್ದಾರೆ. ಇವರು ಕೂಡ ಆರ್‌ಆರ್ಆರ್ ಸಿನಿಮಾ ಬಳಿಕ ಗ್ಲೋಬಲ್ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ.

ತೆಲುಗು ಚಿತ್ರರಂಗದ ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಪ್ರತಿಯೊಂದು ಸಿನಿಮಾಗೂ ಬಹಳ ದೊಡ್ಡ ಸಂಭಾವನೆಯನ್ನೇ ಪಡೆಯುತ್ತಾರೆ. ಇವರ ಬಳಿ ಕೂಡ ಪ್ರೈವೆಟ್ ಜೆಟ್ ಇದೆ. ಮದುವೆ ಬಳಿಕ ಅಲ್ಲು ಅರ್ಜುನ್ ಈ ವಿಮಾವನ್ನು ಖರೀದಿ ಮಾಡಿದ್ದಾರೆ. ಈ ಹಿಂದೆ ರೇಸು ಗುರುಮ್ ಹಾಗೂ ಪುಷ್ಟಾ ಸಿನಿಮಾಗಳ ಪ್ರಮೋಷನ್ ಸಂದರ್ಭದಲ್ಲಿ ಅಲ್ಲು ಅರ್ಜುನ್ ಇದೇ ವಿಮಾನದಲ್ಲಿ ತೆರಳುತ್ತಿದ್ದರು. 

ಲೇಡಿ ಸೂಪರ್ ಸ್ಟಾರ್ ನಯನತಾರಾ ಸೌತ್ ಸಿನಿಮಾರಂಗದಲ್ಲಿ ಅತಿಹೆಚ್ಚು ಸಂಭಾವನೆ ಪಡೆಯುವ ನಟಿ. ಹೀರೋಗಳಿಗಿರುವ ಬೇಡಿಕೆ ನಯನತಾರಾಗೂ ಇದೆ. ಇವರ ಬಳಿಯೂ ಸ್ವಂತ ವಿಮಾನವಿದೆ. ವಿಘ್ನೇಶ್ ಶಿವನ್ ಜೊತೆ ಕಳೆದೆರಡು ವರ್ಷಗಳ ಹಿಂದಷ್ಟೇ ವಿಮಾನ ಖರೀದಿಸಿದ್ದಾರೆ. ಇದರ ಬೆಲೆ 50 ಕೋಟಿ ರೂಪಾಯಿಯಂತೆ.

ಚಿತ್ರರಂಗದ ಜೊತೆಗೆ ರಾಜಕೀಯದಲ್ಲೂ ತೊಡಗಿದ್ದ ಮೆಗಾಸ್ಟಾರ್ ಚಿರಂಜೀವಿ ಸದ್ಯ ರಾಜಕೀಯ ತೊರೆದು ಸಂಪೂರ್ಣವಾಗಿ ನಟನೆಯಲ್ಲಿ ತೊಡಗಿಕೊಂಡಿದ್ದಾರೆ. ಇವರ ಬಳಿಯೂ ಚಾರ್ಟರ್ ಪ್ಲೇನ್ ಇದೆ. ಸಿನಿಮಾ ಪ್ರಚಾರಕ್ಕೆ ಹಾಗೂ ಫ್ಯಾಮಿಲಿಯೊಂದಿಗೆ ಹೊರಗಡೆ ತೆರಳಲು ಮೆಗಾ ಸ್ಟಾರ್ ಈ ವಿಮಾನವನ್ನೇ ಬಳಸುತ್ತಾರೆ.

ಟಾಲಿವುಡ್ ನಟ ಪವನ್ ಕಲ್ಯಾಣ್ ಕೂಡ ಸಿನಿಮಾರಂಗದ ಜೊತೆಗೆ ರಾಜಕೀಯದಲ್ಲೂ ಸಕ್ರಿಯರಾಗಿದ್ದಾರೆ. ಅಕ್ಕಡ ಅಮ್ಮಾಯಿ ಇಕ್ಕಡ ಅಬ್ಬಾಯಿ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಕಾಲಿಟ್ಟ ಇವರು, ಇಂದು ಸ್ಟಾರ್ ನಟರಾಗಿ ಮಿಂಚುತ್ತಿದ್ದಾರೆ. ಇವರ ಬಳಿಯೂ ಕೂಡ ಖಾಸಗಿ ವಿಮಾನವಿದೆ.

ತೆಲುಗು ಚಿತ್ರರಂಗದ ಬೇಡಿಕೆಯ ನಟರಲ್ಲಿ ಒಬ್ಬರಾಗಿರುವ ಮಹೇಶ್ ಬಾಬು, ಸಿನಿಮಾದ ಜೊತೆಗೆ ಕುಟುಂಬಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ನೀಡುತ್ತಾರೆ. ಸ್ವಂತ ವಿಮಾನ ಹೊಂದಿರುವ ಇವರು, ಆಗಾಗ ಫ್ಯಾಮಿಲಿಯೊಂದಿಗೆ ಇದೇ ವಿಮಾನದಲ್ಲಿ ಸುತ್ತಾಡುತ್ತಿರುತ್ತಾರೆ.

ಡಾರ್ಲಿಂಗ್ ಪ್ರಭಾಸ್ ಬಾಹುಬಲಿ ಸಿನಿಮಾ ಮೂಲಕ ಪ್ಯಾನ್ ಇಂಡಿಯಾ ಸ್ಟಾರ್ ಆದರು. ಸದ್ಯ ಕಣ್ಣಪ್ಪ ಸಿನಿಮಾ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿರುವ ಪ್ರಭಾಸ್ ಬಳಿಯೂ ಪ್ರೈವೇಟ್ ಜೆಟ್ ಇದೆ.