ಬರ್ತಡೇ ಸ್ಪೆಷಲ್: ವಿಜಯ್ ರಾಘವೇಂದ್ರ ನಟನೆಯ ಹಿಟ್ ಸಿನಿಮಾಗಳ ಪಟ್ಟಿ ಇಲ್ಲಿದೆ.

ವಿಜಯ್ ರಾಘವೇಂದ್ರ ನಾಯಕನಾಗಿ ನಟಿಸಿದ ಮೊದಲ ಸಿನಿಮಾ 'ನಿನಗಾಗಿ'. 2002ರಲ್ಲಿ ತೆರೆಕಂಡ ಈ ಸಿನಿಮಾದಲ್ಲಿ ರಾಧಿಕಾ ನಾಯಕಿಯಾಗಿ ಅಭಿನಯಿಸಿದ್ದರು. ಈ ಸಿನಿಮಾ ತೆಲುಗಿನ ನುವ್ವೇ ಕಾವಲಿ ಸಿನಿಮಾದ ರೀಮೆಕ್ ಆಗಿದ್ದರೂ ಕೂಡ 2002ರಲ್ಲಿ ಸೂಪರ್ ಹಿಟ್ ಸಿನಿಮಾವಾಯಿತು. ಚಿತ್ರದಲ್ಲಿ ವಿಜಯ್ ಹಾಗೂ ರಾಧಿಕಾ ಬಾಲ್ಯದಿಂದ ಸ್ನೇಹಿತರಾಗಿತ್ತಾರೆ. ಬಳಿಕ ಫೋಷಕರು ಇಬರಿಬ್ಬರಿಗೂ ಮದುವೆ ಮಾಡಲು ನಿರ್ಧರಿಸುತ್ತಾರೆ. ಆದರೆ, ವಿಜಯ್ ಹಾಗೂ ರಾಧಿಕಾ ತಾವಿಬ್ಬರು ಉತ್ತಮ ಸ್ನೇಹಿತರು, ಪ್ರೇಮಿಗಳಲ್ಲ ಎಂದು ವಾದಿಸುತ್ತಾರೆ. ಕೊನೆಯಲ್ಲಿ ಒಬ್ಬನೊಬ್ಬರು ಬಿಟ್ಟಿಲಾರದೇ ಮದುವೆ ಒಪ್ಪಿಕೊಳ್ಳುತ್ತಾರೆ.  

ಖುಷಿ ಸಿನಿಮಾದಲ್ಲಿ ವಿಜಯ್ ರಾಘವೇಂದ್ರ, ತರುಣ್ ಚಂದ್ರ, ಹರೀಶ್ ಪ್ರಭಾತ್, ಸಿಂಧು ಮೆನನ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು.  ಚಿತ್ರದಲ್ಲಿ ಇಬ್ಬರು ಶ್ರೀಮಂತ ಕೈಗಾರಿಕೋದ್ಯಮಿಗಳ ಮಕ್ಕಳಾದ ಅಜಯ್ (ತರುಣ್ ಚಂದ್ರ), ವಿಜಯ್ ಮತ್ತು ಶಶಾಂಕ್ ತುಂಬಾ ಬೇಜವಾಬ್ದಾರಿಯಿಂದ ವರ್ತಿಸುತ್ತಾರೆ. ಇದರಿಂದ ಬೇಸತ್ತ ಅವರ ತಂದೆ ತಮ್ಮ ಮಕ್ಕಳೇ ಸ್ವಂತವಾಗಿ ಸಂಪಾದನೆ ಮಾಡುವಂತೆ ಸವಾಲು ನೀಡುತ್ತಾರೆ. ಈ ಸವಾಲಿನಲ್ಲಿ ಮೂರು ಜನ ಮಕ್ಕಳು ಗೆಲ್ಲುತ್ತಾರಾ? ಇಲ್ಲವಾ ಎಂಬುದೇ ಈ ಸಿನಿಮಾ ಕಥೆ.  

2005ರಲ್ಲಿ ತೆರೆಕಂಡ ರಿಷಿ ಸಿನಿಮಾದಲ್ಲಿ ಶಿವರಾಜ್‌ಕುಮಾರ್, ವಿಜಯ್ ರಾಘವೇಂದ್ರ, ರಾಧಿಕಾ ಮತ್ತು ಸಿಂಧು ತೋಲಾನಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಕಾಲೇಜೊಂದರ ಮುಖ್ಯಸ್ಥನಾದ ರಿಷಿ (ಶಿವರಾಜ್‌ಕುಮಾರ್) ತನ್ನ ಕುಟುಂಬದೊಂದಿಗೆ ಸಂತೋಷವಾಗಿ ಜೀವಿಸುತ್ತಿರುತ್ತಾನೆ. ಜೊತೆಗೆ ಸ್ನೇಹಾಳೊಂದಿಗೆ ಮದುವೆಗೆ ತಯಾರಾಗಿರುತ್ತಾನೆ. ಆದರೆ, ರಿಷಿ ತಂದೆ ತಾನು ಪ್ರೀತಿಸಿದ್ದ ಮಹಿಳೆಯೊಂದಿಗೆ ಅಕ್ರಮ ಸಂಬಂಧ ಹೊಂದಿರುತ್ತಾನೆ. ಈ ವಿಷಯ ಯಾರಿಗೂ ಹೇಳಿರುವುದಿಲ್ಲ. ಇವರಿಬ್ಬರ ಅಕ್ರಮ ಸಂಬಂಧದಿಂದ ಹುಟ್ಟಿದ ಮಗ ಹರಿ (ವಿಜಯ್ ರಾಘವೇಂದ್ರ). ಸಮಾಜ ತನ್ನ ಹಾಗೂ ತಾಯಿಗೆ ಬಗ್ಗೆ ಹೇಳುತ್ತಿದ್ದ ಮಾತುಗಳಿಂದ ಬೇಸತ್ತ ಹರಿ ಡ್ರಗ್ಸ್‌ಗೆ ಹೋಗಿರುತ್ತಾನೆ. ಬಳಿಕ ತನ್ನ ತಂದೆಯ ಅಕ್ರಮ ಸಂಬಂಧದ ಬಗ್ಗೆ ತಿಳಿದ ರಿಷಿ ಮುಂದೆ ಏನು ಮಾಡ್ತಾನೆ? ಹರಿಯ ಬದುಕನ್ನು ಬದಲಾಯಿಸುತ್ತಾನಾ? ರಿಷಿ ಕುಟುಂಬ ಹರಿಯನ್ನು ಒಪ್ಪಿಕೊಳ್ಳುತ್ತಾ ಎಂಬುದೆ ಚಿತ್ರದ ಕಥೆ. 2005ರಲ್ಲಿ ತೆರೆಕಂಡ ಈ ಸಿನಿಮಾ ಚಿತ್ರಮಂದಿರಗಳಲ್ಲಿ 100 ದಿನಗಳ ಕಾಲ ಓಡುವ ಮೂಲಕ ಹಿಟ್ ಆಗಿತ್ತು. 

2006ರಲ್ಲಿ ತೆರೆಕಂಡ 'ಸೇವಂತಿ ಸೇವಂತಿ' ಸಿನಿಮಾದಲ್ಲಿ ವಿಜಯ್ ರಾಘವೇಂದ್ರ ಮತ್ತು ಮೋಹಕತಾರೆ ರಮ್ಮಯ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು.  ಸಿನಿಮಾದಲ್ಲಿ ಬೆಣ್ಣೆ ವ್ಯಾಪಾರಿ (ದೊಡ್ಡಣ್ಣ) ಮಗನಾದ ದೇವು (ವಿಜಯ್ ರಾಘವೇಂದ್ರ) ಜಾನಪದ ಹಾಡುಗಳನ್ನು ತುಂಬ ಚೆನ್ನಾಗಿ ಹಾಡುತ್ತಿರುತ್ತಾನೆ. ಆತನ ಧ್ವನಿಗೆ ಮರಳಾದ ಸೇವಂತಿ (ರಮ್ಯಾ) ಆತನನ್ನು ಹುಡುಕಲು ಪ್ರಾರಂಭಿಸುತ್ತಾಳೆ. ಬಳಿಕ ಇವರಿಬ್ಬರು ಪರಸ್ಪರ ಪ್ರೀತಿಸುತ್ತಾರೆ. ಆದರೆ, ಸೇವಂತಿಗೆ ಅದಾಗಲೇ ಮದುವೆ ನಿಶ್ಚಯವಾಗಿರುತ್ತದೆ.  ಕೊನೆಯಲ್ಲಿ ಇವರಿಬ್ಬರು ಒಂದಾಗುತ್ತಾರಾ? ಇಲ್ಲವಾ ಎಂಬುದು ಸಿನಿಮಾ ಕಥೆ.

ಕಲ್ಲರಳಿ ಹೂವಾಗಿ ಚಿತ್ರದಲ್ಲಿ ವಿಜಯ್ ರಾಘವೇಂದ್ರ ನಾಯಕನಾಗಿ ಮತ್ತು ಉಮಾಶಂಕರಿ ನಾಯಕಿಯಾಗಿ ನಟಿಸಿದ್ದರು. ಉಳಿದಂತೆ ಅಂಬರೀಶ್, ದೇವರಾಜ್, ಅನಂತ್ ನಾಗ್, ಸುಮಲತಾ, ಭಾರತಿ ವಿಷ್ಣುವರ್ಧನ್, ನವ್ಯ ನಾಯರ್, ಎಂ.ಪಿ.ಶಂಕರ್ ಸೇರಿದಂತೆ ಹಲವಾರು ನಟರು ಅಭಿನಯಿಸಿದ್ದರು. ಇದೊಂದು ಕಾದಂಬರಿ ಆಧಾರಿತ ಸಿನಿಮಾ. 1772ರಲ್ಲಿ ಚಿತ್ರದುರ್ಗದ ಕೊನೆಯ ದೊರೆ ಮದಕರಿ ನಾಯಕನ ಆಕ್ವಿಕೆಯ ಕಾಲದಲ್ಲಿ ಹಿಂದೂ ವೀರಶೈವ ಹುಡುಗ ಮತ್ತು ಮುಸ್ಲಿಂ ಹುಡುಗಿಯ ನಡುವಿನ ಕಾಲ್ಪನಿಕ ಪ್ರೇಮಕಥೆಯನ್ನು ಈ ಸಿನಿಮಾ ಒಳಗೊಂಡಿತ್ತು.