ನಾನು ಎಕ್ಸ್‌ಟ್ರಾ ಸ್ಕ್ರೀನ್ ಸ್ಪೇಸ್‌ ಕೊಟ್ಟಿದ್ದೀನಿ ಎಂದ ಸಂಗೀತಾ: ಇದು ಸರಿಯಲ್ಲ ಎಂದ ವಿನಯ್

ಈ ವಾರದ ಟಾಸ್ಕ್‌ಗಳಲ್ಲಿ ನಿಮ್ಮ ತಂಡದವರ ಪ್ರದರ್ಶನ ಹೇಗಿದೆ ಎಂದು ಸಂಗೀತಾ-ತನಿಷಾಗೆ ಬಿಗ್‌ಬಾಸ್‌ ಪ್ರಶ್ನಿಸಿದರು. ಆಗ ಸಂಗೀತಾ, ನನ್ನ ತಂಡದ ಪ್ರದರ್ಶನ ಚೆನ್ನಾಗಿದೆ ಅನಿಸುತ್ತಿದೆ. ಪ್ರತಿಯೊಬ್ಬರು ಬೆಸ್ಟ್ ನೀಡುತ್ತಿದ್ದಾರೆ ಎಂದರು. ತನಿಷಾ ಕೂಡ ಪ್ರತಿಯೊಬ್ಬರು ಚೆನ್ನಾಗಿ ಆಡುತ್ತಿದ್ದಾರೆ. ಏಟು ಬಿದ್ದರೂ ಆಡುವ ಹುಮ್ಮಸ್ಸು ಇಟ್ಟುಕೊಂಡಿದ್ದಾರೆ ಎಂದರು. ಬಿಗ್‌ಬಾಸ್ ಮುಂದುವರೆದು ನಿಮ್ಮ ಟೀಂನ ಉತ್ತಮ ಹಾಗೂ ಕಳಪೆ ಖರೀದಿ ಯಾರು? ಎಂದು ಪ್ರಶ್ನಿಸಿದರು. ಅದಕ್ಕೆ ಸಂಗೀತಾ ಉತ್ತಮ ಖರೀದಿ ನಮ್ರತಾ, ಈವರೆಗಿನ ಟಾಸ್ಕ್‌ಗಳಲ್ಲಿ ಚೆನ್ನಾಗಿ ಆಡಿದ್ದಾರೆ. ಕಳಪೆ ಖರೀದಿ ಅವಿನಾಶ್ ಶೆಟ್ಟಿ. ಯಾಕೆಂದರೆ ಮೊದಲನೇ ಟಾಸ್ಕ್‌ನಲ್ಲಿ ತುಂಬಾ ಡಿಸ್ಟ್ರಾಕ್ ಆದರು. ಎರಡನೇ ಆಟದಲ್ಲಿ ಹೇಳಿದ ಮಾತುಗಳನ್ನು ಕೇಳಲಿಲ್ಲ ಎಂದರು.  

ಸಂಗೀತಾ ಹೇಳಿಕೆಯನ್ನು ಖಂಡಿಸಿದ ಮೈಕಲ್, ನನಗೆ ಕೆಲವು ಕಂಪ್ಲೆಂಟ್ಸ್ ಇವೆ. ತಂಢದ ಮಾಲೀಕರು ಗೆದ್ದ ಮೊತ್ತವನ್ನು ಆಟಗಾರರೊಂದಿಗೆ ಹಂಚಿಕೊಳ್ಳಲು ತಯಾರಿಲ್ಲ. ಫೇರ್ ಆಗಿ ಶೇರ್ ಮಾಡ್ತಿಲ್ಲ. ಆಟದಲ್ಲಿ ಚಾನ್ಸ್ ಕೊಟ್ಟಿದ್ದೇನೆ, ಅದರಲ್ಲಿ ನಿಮಾಗೆ ಜಾಸ್ತಿ ಸ್ಟ್ರೀನ್ ಸ್ಪೇಸ್ ಸಿಕ್ಕಿದೆ. ಅದಕ್ಕೆ ನೀನು ನನಗೆ ಜಾಸ್ತಿ ದುಡ್ಡು ಕೊಡಬೇಕು ಅಂತಾರೆ. ಇದು ಶೋಷಿತ ವರ್ತನೆ. ಅನ್‌ಫೈರ್ ಲೀಡರ್‌ನಿಂದ ಬಂದ ಕೀಳುಮಟ್ಟದ ವರ್ತನೆ ಇದು ಅಂತ ಗುಡುಗಿದರು. ಅದಕ್ಕೆ ಸಂಗೀತಾ, ಫೇರ್ ಆಗಿ ಹಂಚಬೇಕು ಅಂತ ಎಲ್ಲೂ ಬರೆದಿಲ್ಲ ಎಂದರು. ಆದಕ್ಕೆ ಮೈಕಲ್, ಅದನ್ನೇ ಅವಕಾಶವಾದಿ ಅನ್ನೋದು. ಮೊದಲನೇ ಟಾಸ್ಕ್‌ನಲ್ಲಿ ಪರ್ಫಾಮ್ ಮಾಡಿಲ್ಲ. ಅದಕ್ಕೆ ನಿಮಗೆ ಕೊಟ್ಟಿರುವ ದುಡ್ಡನ್ನು ವಾಪಸ್ ತೆಗೆದುಕೊಳ್ಳಬೇಕು ಅಂತಿದ್ದೀನಿ ಅಂತ ಎಲ್ಲರ ಮುಂದೆ ಹೇಳಿದ್ದೀರಾ. ಈ ಮಾತುಗಳೆಲ್ಲಾ ಸರಿನಾ? ಇದು ಬಿಸಿನೆಸ್‌ ಪ್ರಾಕ್ಟೀಸಸ್ ಎಂದು ಕಿಡಿಕಾರಿದರು.  

ನಮ್ಮ ಬೇಸ್ ಮನಿ ಕಡಿಮೆಯಿದೆ. ಬೇರೆಯವರದ್ದು ಜಾಸ್ತಿಯಿದೆ. ನಾವು ಎಷ್ಟೇ ಆಡಿದರೂ ಎಷ್ಟೇ ಗೆದ್ದರೂ ಕ್ಯಾಪ್ಟನ್ಸಿ ರೇಸ್‌ಗೆ ಬರಲ್ಲ ಅಂತ ನಮ್ರತಾ ಬೇಸರ ಹೊರಹಾಕಿದರು. ಇನ್ನು ಅವಿನಾಶ್‌, ನನ್ನನ್ನು ಕಳಪೆ ಖರೀದಿ ಅಂದಿದ್ದು ನನಗೆ ಸರಿ ಎನಿಸಲಿಲ್ಲ. ನನಗೆ ಬ್ಯಾಕ್ ಇಂಜುರಿ ಇದೆ. ಅದನ್ನು ಯಾರ ಬಳಿಯೂ ಹೇಳಿಕೊಂಡಿರಲಿಲ್ಲ.ಆದರೂ ಮೊದಲನೇ ಟಾಸ್ಕ್‌ನಲ್ಲಿ ಆಡಿದ್ದೀನಿ. ಅದನ್ನ ಮಾಲೀಕರು ಪರಿಗಣಿಸಲಿಲ್ಲ ಎಂಬ ಬೇಸರನನಗಿದೆ ಅಂತ ಕಾರ್ತಿಕ್ ಬಳಿ ಹೇಳಿಕೊಂಡರು.  

ಇದಾದ ಬಳಿಕ ಮತ್ತೆ ಸಂಗೀತಾ ಹಾಗೂ ಮೈಕಲ್ ಬಳಿ ಮಾತಿನ ಚಕಮಕಿ ನಡೆದಿದೆ. ಮೈಕಲ್ ಈ ಮನೆಗೆ ದೊಡ್ಡ ನೆಗೆಟಿವ್ ಎನರ್ಜಿ ಸಂಗೀತಾ ಅಂತ ನಮಗೆ ಗೊತ್ತು. ಅದು ಗೊತ್ತಿದ್ದರೂ ಒಪ್ಪಿಕೊಂಡು ಬಂದಿದ್ದು ನಮ್ಮ ತಪ್ಪು ಎಂದರು. ಅದಕ್ಕೆ ಸಂಗೀತಾ ನನ್ನ ಮೇಲೆ ಅಂತಹ ಆರೋಪ ಮಾಡಬೇಡಿ. ಹಾಗೆ ನೋಡಿದ್ರೆ ನೀವು ನೆಗೆಟಿವ್. ನನ್ನನ್ನು ನೆಗೆಟಿವ್ ಅಂತ ಕರೆಯೋಕೆ ನಿಮಗೆ ಯಾವ ರೈಟ್ಸ್ ಕೂಡ ಇಲ್ಲ. ನನ್ನನ್ನು ನೆಗೆಟಿವ್ ಅಂತ ಲೇಬಲ್ ಮಾಡಬೇಡಿ ಎಂದರು. ಅದಕ್ಕೆ ಮೈಕಲ್, ಲೇಬಲ್ ಮಾಡೇ ಮಾಡ್ತೀನಿ ಎಂದರು. 
ಸಂಗೀತಾ: ನಿಮಗೆ ನಾಚಿಕೆ ಆಗ್ಬೇಕು. ಎಲ್ಲರಿಗಿಂತ ಜಾಸ್ತಿ ದುಡ್ಡು ತಗೊಂಡು ಈಗ ಆರೋಪ ಮಾಡುತ್ತಿದ್ದೀರಾ ಎಂದರು.
ಮೈಕಲ್: ನಾವೇನು ಇಲ್ಲಿ ಜೀತದಾಳುಗಳಾ? ಬ್ರಿಟಿಷರ ಆಳ್ವಿಕೆಯಲ್ಲಿ ಇದ್ದ ಕೂಲಿ ಆಳುಗಳಾ ನಾವು? ನಾನು ಎಕ್ಸಟ್ರಾ ಸ್ಕ್ರೀನ್ ಸ್ಪೇಸ್ ನಿಮಗೆ ಕೊಟ್ಟಿದ್ದೀನಿ. ಅದರಲ್ಲಿ ನೀನು ನನ್ನನ್ನು ಅಪ್ರೀಷಿಯೇಟ್ ಮಾಡಿ, ನನಗೆ ಎಕ್ಸಟ್ರಾ ಕೊಡಬೇಕು ಅಂತ ಹೇಳುತ್ತಿದ್ದಾರೆ. ಇದರಲ್ಲಿ ಏನು ಲಾಜಿಕ್ ಇದೆ? ಅವಳೇ ಈ ಮನೆ ಕಟ್ಟಿ, ಕ್ಯಾಮರಾ ಹಾಕಿ, ನನ್ನನ್ನು ಸೆಲೆಕ್ಟ್ ಮಾಡಿ ಕರೆದುಕೊಂಡು ಬಂದಿದ್ದಾಳಾ ನನಗೆ ಸ್ಕ್ರೀನ್ ಸ್ಪೇಸ್ ಕೊಡೋಕೆ? ನಾನೇ ದೊಡ್ಡವಳು. ನೀವೆಲ್ಲಾ ಏನೂ ಇಲ್ಲ ಎಂಬ ಮೈಂಡ್ ಸೆಟ್ ಇದೆ ಅವಳಿಗೆ ಎಂದರು.

ಸ್ಕ್ರೀನ್ ಸ್ಪೇಸ್ ಅಂತ ಹೇಳಿದ್ದು ಸರಿಯಲ್ಲ ಅಂತ ವಿನಯ್ ಹೇಳಿದರು. ಆಗ ಸಂಗೀತಾ, ನೀವೆಲ್ಲಾ ಆಟ ಆಡಿಕೊಂಡು ಕಾಣಿಸಿಕೊಳ್ತಿದ್ದೀರಾ. ನಾವು ಹೊರಗಡೆ ಕೂತು ನಿರ್ಧಾರ ಮಾಡ್ತಿದ್ದೀವಿ. ನಾವು ಬಂಡವಾಳ ಹಾಕಿದ್ದೀವಿ. ನಾನು ಹೇಳಿದ ಸ್ಕ್ರೀನ್ ಸ್ಪೇಸ್‌ನ ಅರ್ಥ ಇದು. ಅದು ತಪ್ಪಾಗಿರಬಹುದು. ಸ್ಕ್ರೀನ್ ಸಗಪೇಸ್ ಅಂದ್ರೆ ನೀವು ಆಡ್ತಿದ್ದೀರಾ. ನಿಮ್ಮ ಆಟವನ್ನ ಅವರು ತೋರಿಸ್ತಾ ಇದ್ದಾರೆ ಅಂತ ಎಂದು ಸ್ಪಷ್ಟಪಡಿಸಿದರು.