ಉಪಾಸನಾ ಟು ಜ್ಯೋತಿಕಾ: ಸೌತ್ ಸ್ಟಾರ್ ನಟರ ಆಗರ್ಭ ಶ್ರೀಮಂತ ಪತ್ನಿಯರಿವರು!

ಟಾಲಿವುಡ್‌ನ ಸ್ಟೈಲಿಶ್ ಹೀರೋ ಅಲ್ಲು ಅರ್ಜುನ್ ಅವರ ಪತ್ನಿ ಸ್ನೇಹಾ ರೆಡ್ಡಿ ಸೈಂಟ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಆಂಡ್ ಎಜುಕೇಷನಿಷ್ಟ್ ಕಂಚರ್ಲ ಚಂದ್ರಶೇಖರ್ ರೆಡ್ಡಿ ಅವರ ಪುತ್ರಿಯಾಗಿದ್ದಾರೆ. ಸ್ನೇಹಾ ಅವರ ತಂದೆ ದೊಡ್ಡ ಉದ್ಯಮಿಯಾಗಿ ಗುರುತಿಸಿಕೊಂಡಿದ್ದಾರೆ. ಅಲ್ಲು ಅರ್ಜುನ್ 2011ರಲ್ಲಿ ಸ್ನೇಹಾ ರೆಡ್ಡಿಯವರನ್ನು ಮದುವೆಯಾಗಿದ್ದರು.

ತಮಿಳು ನಟ ಸೂರ್ಯ ಅವರ ಪತ್ನಿ ಜ್ಯೋತಿಕಾ ಅವರು ನಿರ್ಮಾಪಕ ಚಂದರ್ ಸದನ ಅವರ ಮಗಳಾಗಿದ್ದಾರೆ. ಜ್ಯೋತಿಕಾ ಕೋಟಿ-ಕೋಟಿ ಆಸ್ತಿಯ ಒಡತಿಯಾಗಿದ್ದು, 2006ರಲ್ಲಿ ಸೂರ್ಯ ಅವರನ್ನು ಮದುವೆಯಾದರು. ಇವರಿಬ್ಬರು ಕೆಲ ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದು, ನಂತರ ಪ್ರೀತಿಸಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು. 

ಟಾಲಿವುಡ್ ನಟರ ರಾಮ್ ಚರಣ್ ಪತ್ನಿ ಉಪಾಸನಾ ಆಗರ್ಭ ಶ್ರೀಮಂತರಾಗಿದ್ದಾರೆ. ರಾಮ್ ಚರಣ್ ಆಸ್ತಿಗಿಂತ ಪತ್ನಿಯ ಆಸ್ತಿಯೇ ಹೆಚ್ಚಿದೆಯಂತೆ. ಉಪಾಸನಾ ತಂದೆ ಅನಿಲ್ ಕಾಮಿನೇನಿ ಕೆಇಐ ಗ್ರೂಪ್‌ನ ಸಂಸ್ಥಾಪಕರು. ಅವರ ತಾಯಿ ಶೋಭನಾ ಅಫೋಲೋ ಆಸ್ಪತ್ರೆಯಲ್ಲಿ ಉನ್ನತ ಹುದ್ದೆಯಲ್ಲಿದ್ದಾರೆ. ಶೋಭನಾ ತಂದೆ ಪ್ರತಾಪ್ ಸಿ ರೆಡ್ಡಿ ಅವರೇ ಅಫೋಲೋ ಆಸ್ಪತ್ರೆಯ ಸಂಸ್ಥಾಪಕರು. ಉಪಾಸನಾ ಕೂಡ ಅಪೋಲೋ ಆಸ್ಪತ್ರೆಯಲ್ಲಿ ಉನ್ನತ ಹುದ್ದೆಯಲ್ಲಿದ್ದಾರೆ. ಈ ಜೋಡಿ 2012ರಲ್ಲಿ ವಿವಾಹವಾಗಿತ್ತು.

ಜ್ಯೂನಿಯರ್ ಎನ್‌ಟಿಆರ್ ಪತ್ನಿ ಲಕ್ಷ್ಮೀ ಪ್ರಣತಿ ಅವರ ತಂದೆ ಶ್ರೀನಿವಾಸ್ ರಾವ್ ಉದ್ಯಮಿ ಹಾಗೂ ಜೊತೆಗೆ ಬೇರೆ ಬೇರೆ ಮಾಧ್ಯಮಗಳನ್ನು ಹ್ಯಾಂಡಲ್ ಮಾಡುತ್ತಿದ್ದಾರೆ ಎನ್ನಲಾಗಿದೆ. ಈ ಜೋಡಿ 2011ರಲ್ಲಿ ವೈವಾಹಿಕ ಜೀವನಕ್ಕೆ ಕಾಳಿಟ್ಟಿದ್ದು, ಇಬ್ಬರು ಮುದ್ದಾದ ಮಕ್ಕಳಿದ್ದಾರೆ.

ಮಲಯಾಳಂ ನಟ ದುಲ್ಕರ್ ಸಲ್ಮಾನ್‌ಗೆ ಸಿಕ್ಕಾಪಟ್ಟೆ ಅಭಿಮಾನಿ ಬಳಗವಿದೆ. ದುಲ್ಕರ್ ಪತ್ನಿ ಅಮಲಾ ಸೂಫಿಯಾ ಅವರು ಖ್ಯಾತ ಉದ್ಯಮಿ ಸೈಯದ್ ನಿಜಾಮುದ್ದೀನ್ ಮಗಳು. ಇವರ ಬಳಿ ಕೋಟಿ-ಕೋಟಿ ಆಸ್ತಿಯಿದೆ. ದುಲ್ಕರ್ ಹಾಗೂ ಅಮಲಾ 2011ರಲ್ಲಿ ಪ್ರೀತಿಸಿ ಮದುವೆಯಾಗಿದ್ದರು. 

ದಕ್ಷಿಣದ ಸ್ಟಾರ್ ನಟರ ಪೈಕಿ ದಳಪತಿ ವಿಜಯ್ ಕೂಡ ಒಬ್ಬರು. ಕಾಲಿವುಡ್ ನಟ ವಿಜಯ್ ಭಾರತೀಯ ಸಿನಿಮಾ ಕ್ಷೇತ್ರದಲ್ಲಿ ದೊಡ್ಡ ಹೆಸರು ಮಾಡಿದ್ದಾರೆ. ವಿಜಯ್ ಅವರು 1999ರಲ್ಲಿ ಸೋರ್ನಲಿಂಗಂ ಅವರನ್ನು ಮದುವೆಯಾದರು. ಸೋರ್ನಲಿಂಗಂ ಶ್ರೀಲಂಕಾದ ತಮಿಳು ಕೈಗಾರಿಕೋದ್ಯಮಿ ಒಬ್ಬರ ಮಗಳು. ವಿಜಯ್ ಪತ್ನಿ ಕೂಡ ಕೋಟಿ-ಕೋಟಿ ಒಡತಿಯಾಗಿದ್ದಾರೆ. 

ದಕ್ಷಿಣದ ಫೇಮಸ್ ನಟರಲ್ಲಿ ರಾಣಾ ದಗ್ಗುಬಾಟಿ ಕೂಡ ಒಬ್ಬರು. ಇವರು 2022ರಲ್ಲಿ ಹೈದರಾಬಾದ್‌ನ ಶ್ರೀಮಂತ ಉದ್ಯಮಿಯ ಪುತ್ರಿ ಮಿಹಿಕಾ  ಬಜಾಜ್ ಅವರನ್ನು ಮದುವೆಯಾಗಿದ್ದಾರೆ. ಮಿಹಿಕಾ ತಾಯಿ ಕ್ರಸಲಾ ಕೂಡ ಜ್ಯುವೆಲರಿಯೊಂದರ ಡೈರೆಕ್ಟರ್ ಆಗಿದ್ದಾರೆ.