ಸಿನಿಮಾ ಸೂಪರ್‌ಹಿಟ್ ಆದರೂ ಈ ನಾಯಕಿಯರಿಗೆ ಸ್ಯಾಂಡಲ್‌ವುಡ್‌ನಲ್ಲಿ ಅವಕಾಶಗಳ ಕೊರತೆ!

ಇಡೀ ಭಾರತೀಯ ಚಿತ್ರರಂಗ ಸ್ಯಾಂಡಲ್‌ವುಡ್‌ನತ್ತ ತಿರುಗಿ ನೋಡುವಂತೆ ಮಾಡಿದ ಸಿನಿಮಾ ಕೆಜಿಎಫ್. 2018ರಲ್ಲಿ ತೆರೆಕಂಡ ಚಿತ್ರದಲ್ಲಿ ಶ್ರೀನಿಧಿ ಶೆಟ್ಟಿ ನಾಯಕಿಯಾಗಿ ನಟಿಸಿದ್ದರು. ಇದಾದ ನಂತರ 2022ರಲ್ಲಿ ಕೆಜಿಎಫ್ ಚಾಪ್ಟರ್ 2 ಚಿತ್ರದಲ್ಲೂ ನಟಿಸಿದರು. ಇದಾದ ಬಳಿಕ ಶ್ರೀನಿಧಿ ಶೆಟ್ಟಿ ಯಾವ ಕನ್ನಡ ಸಿನಿಮಾದಲ್ಲೂ ಅಭಿನಯಿಸಿಲ್ಲ. ಸದ್ಯ ಸುದೀಪ್ ಜೊತೆಗೆ ಒಂದು ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ.

ನಟಿ ಆಶಾ ಭಟ್ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ 'ರಾಬರ್ಟ್' ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟರು. ಈ ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಇದಾದ ಬಳಿಕ ಈ ನಟಿ ಯಾವ ಚಿತ್ರದಲ್ಲೂ ಬಣ್ಣಹಚ್ಚಿಲ್ಲ. ಇವರು ಸಿನಿಮಾರಂಗಕ್ಕೆ ಎಂಟ್ರಿ ಕೊಡುವುದಕ್ಕೂ ಮುನ್ನ ಮಾಡೆಲ್ ಆಗಿದ್ದರು. 'ಮಿಸ್ ಸೂಪರ್ ನ್ಯಾಷನಲ್' ಕಿರೀಟ ಮುಡಿಗೇರಿಸಿಕೊಂಡ ಈ ನಟಿಗೆ ಅವಕಾಶಗಳ ಕೊರೆತೆ ಇದೆಯೋ ಅಥವಾ ಅವರೇ ಸಿನಿಮಾದಿಂದ ದೂರವಿದ್ದರೋ ಗೊತ್ತಿಲ್ಲ. 

ಕಾಟೇರ ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪಾದರ್ಪಣೆ ಮಾಡಿದ ಕನಸಿನ ರಾಣಿ ಮಾಲಾಶ್ರೀ ಪುತ್ರಿ ಆರಾಧನಾ ಆರ್ ಬಗ್ಗೆ ಚಿತ್ರತಂಡ ಹಾಗೂ ಪ್ರೇಕ್ಷಕರಿಂದ ಒಳ್ಳೆಯ ಮೆಚ್ಚುಗೆ ವ್ಯಕ್ತವಾಗಿತ್ತು. ಕಾಟೇರ ಕೂಡ ಸೂಪರ್ ಹಿಟ್ ಆಗಿತ್ತು. ಆದರೆ, ಆರಾಧನಾ ಯಾಕೆ ಇನ್ನೂ ಹೊಸ ಚಿತ್ರ ಒಪ್ಪಿಲ್ಲವೋ ಗೊತ್ತಿಲ್ಲ. 

ಇನ್ನೂ ನೆನಪಿರಲಿ ಖ್ಯಾತಿಯ ಪ್ರೇಮ್ ಮಗಳ ಮೊದಲ ಸಿನಿಮಾವೂ ಸೂಪರ್ ಸಕ್ಸಸ್ ಕಂಡಿತ್ತು. ಆದರೂ ಟಗರುಪಲ್ಯ ನಂತರ ಅಮೃತಾ ಪ್ರೇಮ್ ಇನ್ನೊಂದು ಚಿತ್ರವನ್ನು ಒಪ್ಪಿರುವ ಸುದ್ದಿಯಾಗಿಲ್ಲ. ಅವರಿಗೆ ಅವಕಾಶಗಳೇ ಸಿಗುತ್ತಿಲ್ಲವೋ ಅಥವಾ ದೊಡ್ಡ ಬ್ಯಾನರ್, ದೊಡ್ಡ ಹೀರೋ ಅಂತ ಕಾಯುತ್ತಿದ್ದಾರೋ ಗೊತ್ತಿಲ್ಲ. 

ಕಾಂತಾರ ಸಿನಿಮಾ ಬಳಿಕ ಸಪ್ತಮಿ ಗೌಡ ಮುಂದಿನ ಸೆನ್ಸೇಷನ್ ಎಂದೇ ಹೇಳಲಾಯ್ತು. ಕಾಂತಾರ ಬಳಿಕ ಅಭಿಷೇಕ್ ಅಂಬರೀಶ್ ಅಭಿನಯದ ಕಾಳಿ ಮತ್ತು ಯುವರಾಜ್‌ಕುಮಾರ್ ಅಭಿನಯದ ಯುವ ಸಿನಿಮಾಗಳನ್ನು ಒಪ್ಪಿಕೊಂಡರು. ಈ ಪೈಕಿ ಕಾಳಿ ನಿಂತಿರುವ ಸುದ್ದಿಯಿದೆ. ಯುವ ಬಿಡುಗಡೆಯಾಗಿ ತಕ್ಕಮಟ್ಟಿನ ಯಶಸ್ಸು ಗಳಿಸಿದೆ. ಕಾಂತಾರ ಚೆಲುವೆಯ ಮುಂದಿನ ಸಿನಿಮಾ ಯಾವುದು ಗೊತ್ತಿಲ್ಲ.