ನನಗೆ ಮದುವೆ ಫಿಕ್ಸ್ ಆಗಿದೆ, ನನ್ನ ವಿಷ್ಯಕ್ಕೆ ಬಂದ್ರೆ ಮೆಟ್ಟು ತಗೊಂಡು ಹೊಡೀತಿನಿ: ಮತ್ತೆ ನಾಲಿಗೆ ಹರಿಬಿಟ್ಟ ಚೈತ್ರಾ

ಬೆಡ್‌ರೂಮ್ ಏರಿಯಾದಲ್ಲಿ ಚೈತ್ರಾ, ಮಾನಸ ಹಾಗೂ ಹಂಸಾ ಮಾತನಾಡುತ್ತಿದ್ದರು. ಈ ಸಂದರ್ಭ ಬಿಗ್‌ಬಾಸ್ ಮನೆಯಲ್ಲಿ ಹುಟ್ಟುಕೊಳ್ಳುವ ಲವ್ ಸ್ಟೋರಿಗಳ ಬಗ್ಗೆ ಚರ್ಚೆ ಆರಂಭವಾಯ್ತು. ಈ ನಡುವೆ ಚೈತ್ರಾ 'ಮೆಟ್ಟು ತೆಗೆದುಕೊಂಡು ಹೊಡಿತೀನಿ ನಾನು. ಹೊರಗೆ ಹೋದರೂ ತೊಂದರೆಯಿಲ್ಲ. ಮದುವೆ ಫಿಕ್ಸ್ ಮಾಡಿಕೊಂಡು ಇಲ್ಲಿಗೆ ಬಂದಿದ್ದೇನೆ. ನನಗೆ ಯಾರ ಹತ್ತಿರವೂ ಸಂಬಂಧ ಕಟ್ಟಬೇಡಿ ಅಂತ ಮೊದಲೇ ಹೇಳಿದ್ದೇನೆ ಅಂದರು. ಕಳೆದ ಅಪ್ಪನಿಗೆ ಹುಟ್ಟಿದ್ದರೆ...ಅಂತ ನಾಲಿಗೆ ಹರಿಬಿಟ್ಟಿದ್ದ ಚೈತ್ರಾ ಇದೀಗ ಮತ್ತದೇ ತಪ್ಪು ಮುಂದುವರೆಸಿದ್ದಾರೆ.

ಹಂಸಾ: ಸುರೇಶ್ ಅವರು ಏನು ಸ್ಟೇಟ್‌ಮೆಂಟ್ ಕೊಟ್ಟುಬಿಟ್ಟರು. ಹಂಸ, ತ್ರಿವಿಕ್ರಮ್, ರಂಜಿತ್ 'ಲವ್ ಸ್ಟೋರಿ' ಅಂತ ಹೇಳ್ತಾರೆ ಎಂದರು.

ಚೈತ್ರಾ: ಹೌದು.. ಮಾತನಾಡುವಾಗ ಯೋಚನೆಯನ್ನೂ ಕೂಡ ಮಾಡಲ್ಲ. 

ಹಂಸ: ಅದನ್ನು ಟೆಲಿಕಾಸ್ಟ್ ಮಾಡಿದರೆ, ನನ್ನ ಫ್ಯಾಮಿಲಿ ಅದನ್ನು ನೋಡ್ತಾರೆ ಅಲ್ವಾ? ಇಲ್ಲಿ ಏನು ನಡೆಯುತ್ತಿದೆ ಅಂತ ಅವರಿಗೆ ಗೊತ್ತಿರಲ್ಲ. ಇವರು ಸುಮ್ಮನೆ ಸ್ಟೇಟ್‌ಮೆಂಟ್ ತರಹ ಕೊಟ್ಟುಬಿಟ್ಟರೆ? ನಾವೇನು ಇಲ್ಲಿ ಇಷ್ಟಪಡ್ತಿದ್ದೀವಿ .... ಇಷ್ಟಪಡ್ತಿದ್ದೀವಿ ಅಂತ ಓಡಾಡುತ್ತಿದ್ದೇವಾ? ರಂಜಿತ್ & ವಿಕ್ರಮ್ ಬಳಿ ನಾನ್ಯಾಕೆ ಕ್ಲೋಸ್ ಆದೆ ಅಂದರೆ, ಅವರು ಯಾರ ಬಗ್ಗೆಯೂ ನೆಗೆಟಿವ್ ಆಗಿ ಮಾತನಾಡಲ್ಲ. ಸುರೇಶ್ ಜೊತೆ ಕುಳಿತುಕೊಂಡರೆ ಬರೀ ನೆಗೆಟಿವ್ ವೈಬ್ಸ್. 

ಚೈತ್ರಾ: ವಿಕ್ಕಿ ಅಣ್ಣ ಜೊತೆ ನೀನು ಕ್ಲೋಸ್ ಇದ್ದೀಯಾ ಅಂತ ಸುರೇಶಣ್ಣ ನನಗೆ ಹೇಳ್ತಾರೆ.

ಹಂಸ: ನಿಂದು ಲವ್ ಸ್ಟೋರಿ ಸ್ಟಾರ್ಟ್ ಮಾಡ್ತಾರೆ.

ಚೈತ್ರಾ: ಮೆಟ್ಟು ತೆಗೆದುಕೊಂಡು ಹೊಡಿತೀನಿ ನಾನು. ಹೊರಗೆ ಹೋದರೂ ತೊಂದರೆಯಿಲ್ಲ. ಹೊಡೆದೇ ಹೋಗ್ತೀನಿ. ನನ್ನ ಸುದ್ದಿಗೆ ಬಂದರೆ ಯಾರನ್ನೂ ಬಿಡೋದಿಲ್ಲ. ನನ್ನ ಕ್ಯಾರೆಕ್ಟರ್ ವಿಷಯಕ್ಕೆ ಯಾವನೂ ಕಳಂಕ ಹಾಕುವುದಕ್ಕೆ ಬಿಡೋದಿಲ್ಲ. ಅದಕ್ಕೆ ನಾನು ಮೊದಲೇ ಹೇಳಿದ್ದೇನೆ. ನಾನು ಮದುವೆ ಫಿಕ್ಸ್ ಮಾಡಿಕೊಂಡು ಬಂದಿದ್ದೇನೆ. ಯಾರೊಟ್ಟಿಗೂ ಸಂಬಂಧ ಕಟ್ಟೋದೆಲ್ಲಾ ಇಟ್ಟುಕೊಳ್ಳಲೇಬೇಡಿ ಅಂತ ಎಂದರು. 

ಈ ವಾರದ ಕ್ಯಾಪ್ಟನ್ಸಿ ಟಾಸ್ಕ್‌ಗಾಗಿ ಮೋಕ್ಷಿತಾ ಅವರು ತ್ರಿವಿಕ್ರಮ್ ಅವರನ್ನು ಜೋಡಿಯಾಗಿ ಆಯ್ಕೆ ಮಾಡಿಕೊಂಡಿದ್ದಾರೆ. ಇದಾದ ಬಳಿಕ ಮೋಕ್ಷಿತಾ ಅವರಿಗೆ ಮುತ್ತು ಕೊಟ್ಟಿದ್ದಾಗಿ ಹಂಸ ಹಾಗೂ ಮಾನಸಾ ಅವರ ಮುಂದೆ ತ್ರಿವಿಕ್ರಮ್ ಹೇಳಿದರು. ಈ ಮಾತನ್ನು ಕೇಳಿ ಹಂಸ ಹಾಗೂ ಮಾನಸ ಶಾಕ್ ಆಗಿದ್ದರು. ತಕ್ಷಣ ಮಾನಸ ಅವರು ಮೋಕ್ಷಿತಾ ಅವರನ್ನು ಕರೆದು ಇದರ ಬಗ್ಗೆ ಕೇಳಿದರು. ಆ ವೇಳೆ ಶಾಕ್ ಆಗಿದ್ದ ಮೋಕ್ಷಿತಾ ಕಿಸ್ ಕೊಟ್ಟ ವಿಷಯವನ್ನು ನಿರಾಕರಿಸಿದ್ದರು. ಬಳಿಕ ತ್ರಿವಿಕ್ರಮ್ ಇಬ್ಬರಿಗೂ ಈ ವಿಷಯ ಹೇಳಿದರೆ, ರಿಯಾಕ್ಷನ್ ಹೇಗಿರುತ್ತೆ ಎಂದು ತಿಳಿದುಕೊಳ್ಳುವುದಕ್ಕೆ ಹೀಗೆ ಹೇಳಿದ್ದಾಗಿ ಫೂಲ್ ಮಾಡಿದ್ದಾರೆ.

ಕ್ಯಾಪ್ಟನ್ಸಿ ಟಾಸ್ಕ್‌ಗಾಗಿ ಸ್ಪರ್ಧಿಗಳು ತಮ್ಮ ಜೋಡಿಗಳನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಕ್ಯಾಪ್ಟನ್ಸಿ ಟಾಸ್ಕ್ ಪ್ರಕಾರ, ಕ್ಲಾಕ್ ಮೇಲೆ ಜೋಡಿಯಾಗಿ ಸುತ್ತುತ್ತಾ ೧೭ ನಿಮಿಷ ಎಣಿಸಬೇಕಿತ್ತು. ಈ ಸಂದರ್ಭ ಅವರನ್ನು ಕೆಳಗೆ ಬೀಳಿಸಲು ಉಳಿದ ಸ್ಪರ್ಧಿಗಳು ಪ್ರಯತ್ನಿಸಬೇಕಿತ್ತು. ಈ ವೇಳೆ ಉಗ್ರಂ ಮಂಜು ಅವರು ನೆಲ ಒರೆಸುವ ಸ್ಟಿಕ್ ಹಾಕಿ, ಶಿಶಿರ್ ಕೈಯನ್ನು ಜೋರಾಗಿ ಎಳೆದಿದ್ದಾರೆ. ಇದರಿಂದಾಗಿ ಅವರ ಕೈಗೆ ಗಾಯವಾಗಿದ್ದು, ಇಬ್ಬರ ನಡುವೆ ಬಿಗ್ ಫೈಟ್ ನಡೆದಿದೆ.