ಅನಿಕೇತ್-ಮೀರಾ to ವೇದಾಂತ್-ಅಮೂಲ್ಯ: ವೀಕ್ಷಕರ ಅಚ್ಚುಮೆಚ್ಚಿನ ಕಿರುತೆರೆ ಜೋಡಿಗಳಿವು!

ಜೀ ಕನ್ನಡ ವಾಹಿನಿಯಲ್ಲಿ  ಪ್ರಸವಾಗುವ 'ಗಟ್ಟಿಮೇಳ' ಧಾರಾವಾಹಿ ಎಲ್ಲರಿಗೂ ಅಚ್ಚುಮೆಚ್ಚು. 2019ರಲ್ಲಿ ಆರಂಭವಾದ ಈ ಧಾರಾವಾಹಿ ತನ್ನದೆಯಾದ ಅಭಿಮಾನಿ  ಕಾಪಾಡಿಕೊಂಡು ಬಂದಿದೆ. ಶುರುವಾದಾಗಿನಿಂದ ಇಂದಿನವರೆಗೂ ಟಾಪ್ ಸ್ಥಾನದಲ್ಲೇ ಇರುವ ಧಾರಾವಾಹಿಯ ಹೀರೋ ವೇದಾಂತ್ ಹಾಗೂ ಅಮೂಲ್ಯ ಎಲ್ಲರಿಗೂ ಬಹಳ ಇಷ್ಟ. ಇವರಿಬ್ಬರ ಕಿತ್ತಾಟವನ್ನು ಪ್ರೇಕ್ಷಕರು ಖುಷಿಪಟ್ಟು ನೋಡುತ್ತಾರೆ. ಅದರಲ್ಲೂ ಬಜಾರಿ ಅಮೂಲ್ಯ ಡೈಲಾಗ್‌ಗಳು ಒಂದು ಕಾಲದಲ್ಲಿ ಸಖತ್ ಫೇಮಸ್ ಆಗಿದ್ದವು. ಇವರಿಬ್ಬರ ಪ್ರೀತಿಯ ಎಪಿಸೋಡ್ ಈ ಕ್ಯೂಟ್ ಜೋಡಿ ಒಂದು ಅಭಿಮಾನಿ ಬಳಗವೇ ಇದೆ. 

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಪ್ರಖ್ಯಾತಿ ಧಾರಾವಾಹಿಗಳಲ್ಲಿ 'ನಮ್ಮ ಯುವರಾಣಿ' ಕೂಡ ಒಂದು. ಧಾರಾವಾಹಿಯಲ್ಲಿ ಅನಿಕೇತ್-ಮೀರಾ ಜೋಡಿ ಪ್ರೇಕ್ಷಕ್ರಿಗೆ ಮೋಡಿ ಮಾಡಿತ್ತು. ಈ ಮುದ್ದಾದ ಜೋಡಿಯ ಕೋಳಿ ಜಗಳ ವೀಕ್ಷಕರಿಗೆ ಬಹಳ ಇಷ್ಟವಾಗಿತ್ತು.  ಇವರಿಬ್ಬರ ಹೆಸರಿನಲ್ಲಿ ಸೋಶಿಯಲ್ ಮೀಡಿಯಾದಲ್ಲಿ ಫ್ಯಾನ್ಸ್ ಕ್ಲಬ್ ಹುಟ್ಟಿಕೊಂಡಿವೆ. ನಮ್ಮನೆ ಯುವರಾಣಿ ಧಾರಾವಾಹಿ ಮುಕ್ತಾಯವಾಗಿದ್ದರೂ ಕೂಡ  ಪ್ರೇಕ್ಷಕರಲ್ಲಿ  ಅನಿಕೇತ್-ಮೀರಾ ಕ್ರೇಜ್ ಕಡಿಮೆಯಾಗಿಲ್ಲ. ಈ ಜೋಡಿಯನ್ನು ಮತ್ತೆ ಒಟ್ಟಿಗೆ ತೆರೆಮೇಲೆ ನೋಡಲು ಕಾತರದಿಂದ ಕಾಯುತ್ತಿದ್ದಾರೆ. 

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ಮತ್ತೊಂದು ಸೂಪರ್ ಹಿಟ್ ಸೀರಿಯಲ್ ಎಂದರೆ ಪಾರು. ಈ ಧಾರಾವಾಹಿಯ ಕಥೆಯಲ್ಲಿ ಹೊಸ ಹೊಸ ಟ್ವಿಸ್ಟ್ ಗಳನ್ನೂ ನೀಡುತ್ತಾ ಪ್ರೇಕ್ಷಕರನ್ನು ಸೆಳೆಯುತ್ತಿದೆ. ನಟಿ ಮೋಕ್ಷಿತಾ ಪೈ ಈ ಧಾರಾವಾಹಿಯಲ್ಲಿ 'ಪಾರು' ಆಗಿ ಕಾಣಿಸಿಕೊಳ್ಳುವ ಮೂಲಕ ಜನಮನಗೆದ್ದಿದ್ದಾರೆ. ಈ ಧಾರಾವಾಹಿಯಲ್ಲಿ ಹಿರಿಯ ನಟಿ ವಿನಯ್ ಪ್ರಸಾದ್, ಎಸ್.ನಾರಾಯಣ್ ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಧಾರಾವಾಹಿಯಲ್ಲಿ ಆದಿ ಮತ್ತು ಪಾರು ಮುಗ್ದ ಪ್ರೀತಿ ಎಲ್ಲರಿಗೂ ಇಷ್ಟವಾಗಿದೆ. 

ಉದಯ ಟಿವಿಯಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ಧಾರಾವಾಹಿ 'ಮನಸಾರೆ'.  ಅಪ್ಪ-ಮಗಳ ಸಂಬಂಧ ಹೇಳುವ ಈ ಕಥೆ ಎಲ್ಲರಿಗೂ ಇಷ್ಟವಾಗಿದೆ. ಈ ಧಾರಾವಾಹಿಯ ಯುವ ಮತ್ತು ಪ್ರಾರ್ಥನಾ ಪಾತ್ರಗಳು ಜನರಿಗೆ ಬಹಳ ಹತ್ತಿರವಾಗಿತ್ತು. ಯುವ ಮತ್ತು ಪ್ರಾರ್ಥನಾಗೆ ದೊಡ್ಡ ಅಭಿಮಾನಿ ಬಹಳವಿದೆ. ತೆರೆಮೇಲೆ ಇವರಿಬ್ಬರ ಜೋಡಿ ಪ್ರೇಕ್ಷಕರಿಗೆ ಮೋದಿ ಮಾಡಿದೆ.  

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸವಾಗುತ್ತಿರುವ ಇನ್ನೊಂದು ಜನಪ್ರಿಯ ಧಾರಾವಾಹಿ ಸತ್ಯ. ಈ ಧಾರಾವಾಹಿಯಲ್ಲಿ ಗೌತಮಿ ಜಾದವ್ ಮತ್ತು ಸಾಗರ್ ಬಿಳಿಗೌಡ ಪ್ರಮುಖ ಪಾತ್ರ ನಿರ್ವಹಿಸಿದ್ದಾರೆ. ಈ ಧಾರಾವಾಹಿಯಲ್ಲಿ ಸತ್ಯ ಮತ್ತು ಅಮುಲ್ ಬೇಬಿ ಕಥೆ ಜನರಿಗೆ ಸಖತ್ ಇಷ್ಟವಾಗಿದೆ. ಗೌತಮಿ ಈ ಸೀರಿಯಲ್ ನಲ್ಲಿ ರಗಡ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದು, ಈ ಪಾತ್ರ ವಿಶೇಷವಾಗಿದೆ.    

ಕಲರ್ಸ್ ಕನ್ನಡ ವಾಹಿಯಲ್ಲಿ ಪ್ರಸವಾಗುತ್ತಿರುವ ರಾಮಾಚಾರಿ ಧಾರಾವಾಹಿ ಜನಮನಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಈ ಸೀರಿಯಲ್ ಕಡಿಮೆ ಸಮಯದಲ್ಲಿ ಪ್ರೇಕ್ಷಕರಿಗೆ ಹತ್ತಿರವಾಗಿದೆ. ಈ ಧಾರಾವಾಹಿಯಲ್ಲಿ ಬರುವ ರಾಮಾಚಾರಿ ಮತ್ತು ಚಾರುಲತಾ ಪಾತ್ರ ವೀಕ್ಷಕರಿಗೆ ಸಖತ್ ಇಷ್ಟವಾಗಿದೆ. ಮೊದಲು ಚಾರು ಹಾಗೂ ರಾಮಾಚಾರಿ ಪರಸ್ಪರ ದ್ವೇಷಿಸುತ್ತಿರುತ್ತಾರೆ. ಆದರೆ, ಆಪತ್ತಿನ ಕಾಲದಲ್ಲಿ ತನ್ನ ಪ್ರಾಣ ಉಳಿಸಿದ ರಾಮಾಚಾರಿ ಮೇಲೆ ಚಾರುಗೆ ಪ್ರೀತಿ ಹುಟ್ಟುತ್ತದೆ. ಬಳಿಕ ಚಾರು ರಾಮಾಚಾರಿ ಪ್ರೀತಿ ಪಡೆಯಲು ಪ್ರತ್ನಿಸುತ್ತಿರುತ್ತಾಳೆ. ಅಷ್ಟರಲ್ಲಿ ಆಕೆಗೆ ಕಣ್ಣು ಹೋಗುತ್ತದೆ. ಸದ್ಯ ಇವರಿಬ್ಬರಿಗೂ ಮದುವೆಯಾಗಿದ್ದು, ಮನೆಯವರಿಗೆ ತಿಳಿದಿಲ್ಲ.  

ಕನ್ನಡ ಕಿರುತೆರೆ ಲೋಕದ ಜನಪ್ರಿಯ ಧಾರಾವಾಹಿಗಳಲ್ಲಿ 'ಕನ್ನಡತಿ' ಕೂಡ ಒಂದು. ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ಈ ಧಾರಾವಾಹಿಗೆ ಚಿಕ್ಕವರಿಂದ ಹಿಡಿದು ವಯಸ್ಸಾದವರವರೆಗೆ ದೊಡ್ಡ ಅಭಿಮಾನಿ ಬಳಗವೇ ಇತ್ತು. ಬರೀ ಮಹಿಳೆಯರು ಮಾತ್ರವಲ್ಲ, ಗಂಡಸರು ಹಾಗೂ ಕನ್ನಡಾಭಿಮಾನಿಗಳು ಈ ಧಾರಾವಾಹಿ ವೀಕ್ಷಿಸುತ್ತಿದ್ದರು. ಸದ್ಯ ಈ ಸೀರಿಯಲ್ ಮುಕ್ತಾಯಗೊಂಡಿದೆ. ಈ ಧಾರಾವಾಹಿಯಲ್ಲಿ ರಂಜನಿ ರಾಘವನ್ ಭುವಿ ಪಾತ್ರ ಮಾಡಿದ್ದರೆ, ಕಿರಣ್ ರಾಜ್ ಹರ್ಷನ ಪಾತ್ರ ಮಾಡಿದ್ದರು. ಇವರಿಬ್ಬರ ಜೋಡಿಗೆ ಪ್ರತ್ಯೇಕ ಅಭಿಮಾನಿ ವರ್ಗವೇ ಇತ್ತು.