ತಮ್ಮ ಮೊದಲ ಸಿನಿಮಾ ಹೀರೋ ಜೊತೆ ಮದುವೆಯಾದ ಜನಪ್ರಿಯ ನಟಿಯರಿವರು!

ರಾಕಿಂಗ್ ಸ್ಟಾರ್ ಯಶ್ ಹಾಗೂ ರಾಧಿಕಾ ಪಂಡಿತ್ ಕನ್ನಡ ಚಿತ್ರರಂಗದ ಮುದ್ದಾದ ಜೋಡಿ. 2004ರಲ್ಲಿ ನಂದಗೋಕುಲ ಧಾರಾವಾಹಿ ಸಂದರ್ಭದಲ್ಲಿ ಯಶ್ ಮತ್ತು ರಾಧಿಕಾ ಭೇಟಿಯಾದರು. ಬಳಿಕ ಇವರಿಬ್ಬರು 'ಮೊಗ್ಗಿನ ಮನಸು' ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದರು. ಯಶ್ ಹಾಗೂ ರಾಧಿಕಾ ಇಬ್ಬರಿಗೂ ಇದು ಮೊದಲ ಸಿನಿಮಾವಾಗಿತ್ತು. ಆಗಿನಿಂದಲೂ ಪರಸ್ಪರ ಪ್ರೀತಿಸುತ್ತಿದ್ದ ಈ ಜೋಡಿ,  2016ರಲ್ಲಿ ಮದುವೆಯಾದರು. ಈ ಜೋಡಿಗೆ ಐರಾ ಮತ್ತು ಅಥರ್ವ್ ಎಂಬ ಇಬ್ಬರು ಮಕ್ಕಳಿದ್ದಾರೆ.

ಜೆನಿಲಿಯಾ ಹಾಗೂ ರಿತೇಶ್‌ ದೇಸ್‌ಮುಖ್‌ ಬಾಲಿವುಡ್‌ನ ಕ್ಯೂಟ್‌ ಜೋಡಿಗಳಲ್ಲೊಂದು. ಇವರಿಬ್ಬರು ಮೊದಲ ಬಾರಿ ಜೋಡಿಯಾಗಿ ನಟಿಸಿದ ಸಿನಿಮಾ 'ತುಮ್ಮೆ ಮೇರೆ ಕಸಮ್'. ೨೦೦೩ರಲ್ಲಿ ಬಿಡುಗಡೆಯಾದ ಈ ಚಿತ್ರದ ಮೂಲಕ ಜೆನಿಲಿಯಾ ನಾಯಕಿಯಾಗಿ ಸಿನಿಮಾರಂಗ ಪ್ರವೇಶಿಸಿದರು. ಈ ಸಂದರ್ಭ ಇವರಿಬ್ಬರ ನಡುವೆ ಪ್ರೀತಿ ಚಿಗುರೊಡೆದಿತ್ತು. ನಂತರ 2012ರಲ್ಲಿ ಇವರಿಬ್ಬರು ಮದುವೆಯಾಗಿದ್ದು, ಈ ಜೋಡಿಗೆ ಕೂಡ ಇಬ್ಬರು ಮಕ್ಕಳಿದ್ದಾರೆ.

ಮಾಲಿವುಡ್ ಖ್ಯಾತ ನಟ ಫಹಾದ್ ಫಾಸಿಲ್ ಹಾಗೂ ನಟಿ ನಜ್ರಿಯಾ ಕೂಡ ಪ್ರೀತಿಸಿ ಮದುವೆಯಾಗಿದ್ದಾರೆ.  ನಜ್ರಿಯಾ ನಾಯಕಿಯಾಗಿ ನಟಿಸಿದ ಮೊದಲ ಸಿನಿಮಾ ಬ್ರಹ್ಮನ್. ನಂತರ ಬೆಂಗಳೂರು ಡೇಸ್ ಸಿನಿಮಾದಲ್ಲಿ ಜೋಡಿಯಾಗಿ ನಟಿಸಿದರು. ಈ ಸಂದರ್ಭ ಇವರಿಬ್ಬರ ನಡುವೆ ಪ್ರೀತಿ ಮೊಳಕೆಯೊಡೆದಿತ್ತು. ನಂತರ 2014ರ ಆಗಸ್ಟ್ 21ರಂದು ಈ ಜೋಡಿ ಮದುವೆಯಾದರು. ಅಂದ್ಹಾಗೆ ಫಾಹದ್ ಅವರು ನಜೀರಿಯಾಗಿಂತ 11 ವರ್ಷ ದೊಡ್ಡವರು. ಇವರಿಬ್ಬರು ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಸಿಕ್ಕಾಪಟ್ಟೆ ಜನಪ್ರಿಯತೆ ಗಳಿಸಿದ್ದಾರೆ.

ನಟಿ ನಿಕ್ಕಿ ಗಲ್ರಾನಿ ಅವರು ಡಾರ್ಲಿಂಗ ಸಿನಿಮಾ ಮೂಲಕ ಪರಿಚಿತರಾದರೂ, ಅವರು ಮೊದಲ ಬಾರಿಗೆ ನಾಯಕಿಯಾಗಿ ಅಭಿನಯಿಸಿದ ಚಿತ್ರ 'ಯಾಗವಾರಾಯಿನಮ್ ನಾ ಕಕ್ಕ'. ಈ ಸಿನಿಮಾದಲ್ಲಿ ಆದಿ ಜೊತೆ ನಟಿಸಿದ್ದರು. ಬಳಿಕ 'ಮರಗತ ನಾಣ್ಯಂ' ಚಿತ್ರದಲ್ಲಿಯೂ ಇವರಿಬ್ಬರು ಜೋಡಿಯಾಗಿ ಕಾಣಿಸಿಕೊಂಡಿದ್ದರು. ಈ ವೇಳೆ ಇಬ್ಬರ ನಡುವೆ ಪ್ರೀತಿ ಮೂಡಿತ್ತು. 2022ರಲ್ಲಿ ಆದಿ ಹಾಗೂ ನಿಕ್ಕಿ ಗಲ್ರಾನಿ ವಿವಾಹವಾದರು.

'ಶಿವ' ಸಿನಿಮಾ ಮೂಲಕ ನಟಿ ಅಮಲಾ ತೆಲುಗು ಸಿನಿಮಾರಂಗಕ್ಕೆ ಎಂಟ್ರಿಕೊಟ್ಟರು. ಈ ಸಿನಿಮಾದಲ್ಲಿ ನಾಗಾರ್ಜುನ ಅವರಿಗೆ ಜೋಡಿಯಾಗಿ ನಟಿಸಿದ್ದರು. ಆಗ ಇವರಿಬ್ಬರ ನಡುವೆ ಪ್ರೀತಿ ಮೂಡಿ 1992ರಲ್ಲಿ ಮದುವೆಯಾದರು. ಈ ಜೋಡಿ ಏಳು ಸಿನಿಮಾಗಳಲ್ಲಿ ಜೋಡಿಯಾಗಿ ನಟಿಸಿದ್ದು, ಇವರಿಗೆ ನಿಖಿಲ್ ಎಂಬ ಮಗನಿದ್ದಾನೆ.