ಬಿಗ್‌ಬಾಸ್‌ಮನೆಯಲ್ಲಿ ತಲೆಕೆಳಗಾದ ಡ್ರೋನ್ ಪ್ರತಾಪ್ ಲೆಕ್ಕಚಾರ: ಕರ್ಮ ಅಂತಾರಾ ಇದಕ್ಕೆ? ಎಂದ ಸಂಗೀತಾ

ಎಂಟನೇ ವಾರದ ಎಲ್ಲಾ ಟಾಸ್ಕ್‌ಗಳಲ್ಲೂ ಪ್ರತಾಪ್ ನೇತೃತ್ವದ 'ಮಣ್ಣಿನ ಮಕ್ಕಳು' ತಂಡ ಸೋಲು ಅನುಭವಿಸಿದೆ. ಇದರ ಪರಿಣಾಮ ಪ್ರತಾಪ್ ತಂಡದ ಎಲ್ಲಾ ಸದಸ್ಯರು ಕ್ಯಾಪ್ಟನ್ಸಿ ಓಟದಿಂದ ಹೊರಬಿದ್ದಿದ್ದಾರೆ. ಮೊದಲ ವಾರ ಮೈಂಡ್‌ ಗೇಮ್‌ನಿಂದ ಜಯ ಸಾಧಿಸಿದ್ದ ಡ್ರೋನ್ ಪ್ರತಾಪ್ ಲೆಕ್ಕಾಚಾರ ಈ ಬಾರಿ ಸಂಪೂರ್ಣ ಉಲ್ಟಾಪಲ್ಟಾ ಆಗಿದೆ. 

ಈ ಬಾರಿ ಎರಡು ತಂಡದ ಉಸ್ತುವಾರಿ ವಹಿಸಿಕೊಂಡಿದ್ದ ಕಾರ್ತಿಕ್ ಮಹೇಶ್ ತಮ್ಮ ಕೆಲಸವನ್ನು ಉತ್ತಮವಾಗಿ ನಿಭಾಯಿಸಿದರು ಎಂದು ನಮ್ರತಾ, ವಿನಯ್, ಸ್ನೇಹಿತ್, ಸಿರಿ, ಪವಿ, ಮೈಕಲ್, ಅವಿನಾಶ್ ಹೇಳಿದರು. ಆದರೆ, ತುಕಾಲಿ ಸಂತೋಷ್, ವರ್ತೂರು ಸಂತೋಚ್ ಹಾಗೂ ಡ್ರೋನ್ ಪ್ರತಾಪ್ ಉತ್ತಮವಾಗಿರಲಿಲ್ಲ ಎಂದರು. ಬಹುತೇಕ ಸದಸ್ಯರು 'ಉತ್ತಮ' ಎಂದು ಹೇಳಿದ್ದರಿಂದ ಕಾರ್ತಿಕ್ ಕ್ಯಾಪ್ಟನ್ಸಿ ರೇಸ್‌ಗೆ ಮರಳಿ ಬಂದಿದ್ದಾರೆ. 

ಬಿಗ್‌ಬಾಸ್ ಕಾರ್ತಿಕ್ ಅವರು ಕ್ಯಾಪ್ಟನ್ಸಿ ಟಾಸ್ಕ್‌ನಲ್ಲಿ ಭಾಗವಹಿಸಬಹುದು. ಪ್ರತಾಪ್ ನೀವು ಕಾರ್ತಿಕ್ ಭಾವಚಿತ್ರದಿಂದ ಕ್ರಾಸ್ ಗುರುತನ್ನು ತೆಗೆಯಿರಿ ಎಂದು ಸೂಚಿಸಿದರು. ಈ ವೇಳೆ ಸಂಗೀತಾ 'ಕರ್ಮ ಅಂತಾರಾ ಇದಕ್ಕೆ? ಎಂದು ವ್ಯಂಗ್ಯವಾಡಿದ್ದಾರೆ.  ಆಗ ವಿನಯ್, ಈಗ ಕ್ಯಾಪ್ಟನ್ಸಿ ಆಡೋಕೆ ಮಜಾ ಇರುತ್ತೆ ಅಂತ ಹೇಳಿದರು. 

ನಾನು ಪ್ರತಾಪ್ ತಂಡವನ್ನು ಸೇರೋದಿಕ್ಕೆ ಇಷ್ಟಪಡ್ತೀನಿ. ಯಾಕೆಂದರೆ ಅವನೊಬ್ಬ ಉತ್ತಮ ತಂತ್ರಗಾರ. ಪ್ರತಾಪ್ ಒಳ್ಳೆಯ ಕ್ಯಾಪಟ್ಟನ್ ಅಂತ ಈಗಾಗಲೇ ಫ್ರೂವ್ ಮಾಡಿಕೊಂಡಿದ್ದಾನೆ. ಜೊತೆಗೆ ನಾನು ಮೊದಲನೇ ಲೀಡರ್ ಆಗಿದ್ದಾಗ, ಮೂರು ಜನರು ನನ್ನ ತಂಡಕ್ಕೆ ಬರಲು ನಿರಾಕರಿಸಿದಾಗ ನನ್ನೊಂದಿಗೆ ನಿಂತಿದ್ದು ಪ್ರತಾಪ್ ಎಂದು ನಿಯತ್ತು ಮತ್ತು ಕೃತಜ್ಞತಾ ಭಾವ ಪ್ರತಾಪ್ ತಂಡಕ್ಕೆ ಬಂದಿದ್ದರು. ಆದರೆ, ಪ್ರತಾಪ್ ಅವರು ಕಾರ್ತಿಕ್‌ ಅವರನ್ನು ತಂಡದಿಂದ ಹೊರಗಿಟ್ಟು ತಪ್ಪು ಮಾಡಿದ್ದರು. ಜೊತೆಗೆ ತಂಡದವರ ಮಾತಿಗೆ ಬೆಲೆ ಕೊಡದೆ, ತಮ್ಮ ನಿರ್ಧಾರವನ್ನೇ ಹೇರಿದ್ದರು. ಪರಿಣಾಮ ಅವರ ತಂಡ ಸೋಲುವುದರ ಜೊತೆಗೆ ಪ್ರತಾಪ್ ಕೂಡ ಕ್ಯಾಪ್ಟನ್ಸಿ ರೇಸ್‌ನಿಂದ ಹೊರಬಿದ್ದಿದ್ದಾರೆ. 

ಟಾಸ್ಕ್ ಬಳಿಕ ಪ್ರತಾಪ್ ಜೊತೆ ಮಾತನಾಡಿದ ತುಕಾಲಿ ಸಂತೋಷ್, ಜನರಿಗೆ ಹೇಗೆ ಅನಿಸುತ್ತೆ ಗೊತ್ತಾ? ಒಬ್ಬ ಒಳ್ಳೆಯ ಪ್ಲೇಯರ್‌ನ ಹೊರಗಿಟ್ಟುಬಿಟ್ಟೆ. ಎದುರಾಳಿ ತಂಡದ ಜೊತೆ ಕಿರುಚಾಡಲು ಅವನು ಬೇಕು. ಕಿರುಚಾಡಲಿಲ್ಲ ಅಂದ್ರೆ ಆಗಲ್ಲ ಕಣೋ. ನೀನು ಒಳ್ಳೆಯ ನಿರ್ಧಾರ ತಗೋತಿಯಾ ಅಂದುಕೊಂಡಿದ್ವಿ. ಅದಕ್ಕೆ ನಾವು ಏನು ಮಾತನಾಡಲಿಲ್ಲ ಎಂದರು. ನಂತರ ವರ್ತೂರು ಸಂತೋಷ್, ಹೊಸಬರು ಅಂತ ನಾವೆಲ್ಲರೂ ಪವಿಗೆ ವೋಟ್ ಹಾಕಿದ್ವಿ. ನೀನು ನಮ್ರತಾ ಅವರನ್ನು ಔಟ್ ಮಾಡಿದೆ. ನಾವೇನಾದರೂ ಮಾತನಾಡೋಕೆ ಆಯ್ತಾ? ಅಂತ ಪ್ರಶ್ನಿಸಿದರು.