ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಆಸ್ತಿ, ಕಾರುಗಳು, ಪ್ರಶಸ್ತಿ, ಸಂಭಾವನೆ ವಿವರ ಇಲ್ಲಿದೆ.

Author Administrator | Updated: Wednesday, June 26, 2024, 10:08 AM [IST]

ಲೈಟ್‌ಬಾಯ್ ಆಗಿ ಕನ್ನಡ ಚಿತ್ರರಂಗ ಪ್ರವೇಶಿಸಿದ ನಟ ದರ್ಶನ್ 'ಸ್ಟಾರ್' ನಟನಾಗಿ ಬೆಳೆಯಲು ಸಾಕಷ್ಟು ಕಷ್ಟಪಟ್ಟಿದ್ದಾರೆ. ಮಾಸ್ ಹೀರೊ ಆಗಿ ಸಿನಿರಸಿಕರ ಮನಗೆದ್ದ ಚಾಲೆಂಜಿಂಗ್ ಸ್ಟಾರ್, ತಮ್ಮ ಮಾಸ್ ನಡೆ ನುಡಿಯಿಂದ ನಿಜ ಜೀವನದಲ್ಲಿ ಸಾಕಷ್ಟು ವಿವಾದಗಳನ್ನು ಮೈಮೇಲೆ ಎಳೆದುಕೊಂಡಿದ್ದಾರೆ. ಸದ್ಯ ಚಿತ್ರದುರ್ಗ ಮೂಲದ ರೇಣುಕಾಸ್ವಾಮಿ ಕೊಲೆ ಪ್ರಕರಣದ ಆರೋಪದಡಿ ದರ್ಶನ್ ಜೈಲು ಸೇರಿದ್ದಾರೆ. ಇಲ್ಲಿ ದರ್ಶನ್ ಅವರ ಆಸ್ತಿ, ಕಾರುಗಳು, ಪ್ರಶಸ್ತಿ, ಸಂಭಾವನೆ ವಿವರವನ್ನು ನೀಡಲಾಗಿದೆ.

Table of content

ವರದಿಗಳ ಪ್ರಕಾರ, ದರ್ಶನ್ ಅವರು 100 ಕೋಟಿಗೂ ಅಧಿಕ ಮೌಲ್ಯದ ಆಸ್ತಿ ಹೊಂದಿದ್ದಾರೆ. ಮೈಸೂರಿನಲ್ಲಿ ಫಾರ್ಮ್ ಹೌಸ್, ಬೆಂಗಳೂರಿನಲ್ಲಿ ಕೋಟ್ಯಾಂತರ ರೂಪಾಯಿ ಮೌಲ್ಯದ ಮನೆ, ಹಲವೆಡೆ ಜಮೀನು ಹಾಗೂ ಹೂಡಿಕೆಯನ್ನು ಮಾಡಿದ್ದಾರೆ. ಅಲ್ಲದೇ, ತೂಗುದೀಪ ಪ್ರೊಡಕ್ಷನ್ಸ್ ನಿರ್ಮಾಣ ಸಂಸ್ಥೆಯನ್ನು ಹೊಂದಿದ್ದಾರೆ. ಇದಲ್ಲದೇ ಕೋಟ್ಯಾಂತರ ರೂಪಾಯಿ ಮೌಲ್ಯದ ವಾಚ್‌ಗಳ ಕಲೆಕ್ಷನ್ ಹೊಂದಿದ್ದಾರೆ ಎನ್ನಲಾಗಿದೆ.

ದರ್ಶನ್ ಮೊದಲಿನಿಂದಲೂ ಐಷಾರಾಮಿ ಕಾರುಗಳ ಬಗ್ಗೆ ಹೆಚ್ಚು ಒಲವು ಹೊಂದಿದ್ದರು. ಇತ್ತೀಚೆಗೆ ಪೋರ್ಡ್ ಮಸ್ಟಾನ್ ಎಂಬ ಕಾರು ಖರೀದಿಸಿದ್ರು. ಇದರ ಬೆಲೆ ಒಂದು ಕೋಟಿ ಎನ್ನಲಾಗಿದೆ. ಇದಲ್ಲದೇ, ರೇಂಜ್ ರೋವರ್ ಡಿಫೆಂಡರ್, ಲ್ಯಾಂಬೋರ್ಗಿನಿ ಅವೆಂಟಡೋರ್, ಟೊಯೋಟಾ ವೆಲ್ಫೈರ್, ಜ್ವಾಗ್ವಾರ್ ಎಕ್ಸ್‌ಕೆ, ಪೋರ್ಡ್ ಮುಸ್ತಾಂಗ್, ಪೋರ್ಷೆ ಕಯೆನ್ನೆ, ಲ್ಯಾಂಬೋರ್ಗಿನಿ ಉರುಸ್, ರೇಂಜ್ ರೋವರ್ ವೋಗ್, ಮಿನಿ ಕೂಪರ್, ಕಸ್ಟಮೈಸ್ ಫೋರ್ಡ್ ಎಂಡೀವರ್, ಟೊಯೋಟಾ ಫಾರ್ಚೂನರ್, ಜೀಪ್ ರಾಂಗ್ಲರ್, ಬಿಎಂಡಬ್ಲ್ಯೂ, ಆಡಿ ಕ್ಯೂ 7 ಎಸ್‌ಯುವಿ ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ.

ದರ್ಶನ್ ಆರಂಭದಲ್ಲಿ ಲೈಟ್ ಬಾಯ್ ಆಗಿ ಕೆಲಸ ಮಾಡುತ್ತಿದ್ದರು. ಅವರು ಸಂದರ್ಭದಲ್ಲಿ ದಿನವೊಂದಕ್ಕೆ ಕೇವಲ 90 ರೂಪಾಯಿ ಸಂಬಳ ಪಡೆಯುತ್ತಿದ್ದರು, ಮೆಜೆಸ್ಟಿಕ್ ಸಿನಿಮಾ ಬಳಿಕ ಅವರ ಇಮೇಜ್ ಬದಲಾಯಿತು. ವರದಿಗಳ ಪ್ರಕಾರ, ದರ್ಶನ್ ಸದ್ಯ ಸಿನಿಮಾವೊಂದಕ್ಕೆ 22 ಕೋಟಿ ಸಂಭಾವನೆ ಪಡೆಯುತ್ತಾರಂತೆ.

ಸ್ಯಾಂಡಲ್ವುಡ್ನಲ್ಲಿ ಅತಿಹೆಚ್ಚು ಅಭಿಮಾನಿಗಳನ್ನು ಹೊಂದಿರುವ ನಟ ದರ್ಶನ್ ಅವರ ದಿ ಬೆಸ್ಟ್ ಎನಿಸಿಕೊಳ್ಳುವ ಸಿನಿಮಾಗಳು ಸಾಕಷ್ಟಿವೆ. ಅದರಲ್ಲಿ ಮೆಜಿಸ್ಟಿಕ್, ಕರಿಯ, ಲಾಲಿಹಾಡು, ನಮ್ಮ ಪ್ರೀತಿಯ ರಾಮು, ದಾಸ, ಕಲಾಸಿಪಾಳ್ಯ, ಅಯ್ಯ, ಗಜ, ಪೊರ್ಕಿ, ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ, ಬುಲ್‌ಬುಲ್, ಕುರುಕ್ಷೇತ್ರ, ಯಜಮಾನ, ಸಾರಥಿ, ರಾಬರ್ಟ್, ಕಾಟೇರ ಸಿನಿಮಾಗಳು ದಿ ಬೆಸ್ಟ್ ಎನಿಸಿಕೊಂಡಿವೆ.