ಸ್ನೇಹಿತ್ ಅವರದ್ದು ಪ್ರಾಮಾಣಿಕ ಭಾವನೆ, ನಿಮಗೆ ಭಾವನೆಯಿಲ್ಲದೇ ಹೇಗೆ ಫ್ಲರ್ಟ್ ಮಾಡ್ತೀರಾ?-ಕಾರ್ತಿಕ್‌ಗೆ ನಮ್ರತಾ ಪ್ರಶ್ನೆ

ಗಾರ್ಡನ್ ಏರಿಯಾದಲ್ಲಿ ಕುಳಿತ್ತಿದ್ದಾಗ ಕಾರ್ತಿಕ್, ಯಾವುದರ ಆಧಾರದ ಮೇಲೆ ನೀವು ನನ್ನನ್ನು ಪ್ಲೇಯರ್ ಆಂತ ಹೇಳಿದ್ರೆ ಅಂತ ಪ್ರಶ್ನೆ ಮಾಡಿದರು. ಅದಕ್ಕೆ ಉತ್ತರಿಸಿದ ನಮ್ರತಾ, ನನ್ನ ವಿಷಯದಲ್ಲಿ, ನಾನು ಹೇಗೆ ಅಂತ ನಿಮಗೆ ಗೊತ್ತಿಲ್ಲ. ಸೀರಿಯಸ್ ಆಗಿ ತೆಗೆದುಕೊಳ್ಳುವುದಿಲ್ಲ ಅಂತ ಅಂದಕೊಂಡಿದ್ದೀರಾ? ನೀವು ಎಷ್ಟೇ ಫ್ಲರ್ಟ್ ಮಾಡಿದ್ರೂ ಅದು ನನಗೆ ನಾಟಲ್ಲ. ನಾನು ಇಗ್ನೋರ್ ಮಾಡ್ತೀನಿ. ನಾನು ಅದನ್ನು ತೆಗೆದುಕೊಳ್ಳುತ್ತೇನೆ ಅಂತ ನೀವು ಅಂದುಕೊಂಡಿದ್ದೀರಾ. ನಿಮಗೆ ನಮ್ರತಾ ಮೇಲೆ ಫಿಲಿಂಗ್ ಇಲ್ಲ. ಆದರೂ ಫ್ಲರ್ಟ್ ಮಾಡೋದು ಏನು? ಹೊರಗಡೆ ಹೋದಮೇಲೆ ಭವಿಷ್ಯ ನಿರೀಕ್ಷೆ ಮಾಡ್ತಿಲ್ಲ ಅಂದ್ರೆ ನೀವು ಗೇಮ್ ಆಡುತ್ತಿದ್ದೀರಾ ಅಂತ ಅರ್ಥ ಎಂದರು. 

ಮಾತು ಮುಂದುವರೆಸಿದ ನಮ್ರತಾ, ಸ್ನೇಹಿತ್ ಒಬ್ಬರೇ ತುಂಬಾ ಕೇರ್ ಮಾಡ್ತಿದ್ರು. ಅದು ಅವರ ಪ್ರಾಮಾಣಿಕ ಭಾವನೆ ಆಗಿತ್ತು. ಸ್ನೇಹಿತ್ ಅವರಿಗೆ ಪ್ಯೂಚರ್ ಶುರು ಮಾಡೋಣ ಅಂತ ಇತ್ತು. ಸ್ನೇಹಿತ್ ಅವರು ಆ ಥರಹ ನಡೆದುಕೊಂಡಾಗ ಅದು ಪ್ರಾಮಾಣಿಕ ಭಾವನೆ ಅಂತ ಅರ್ಥ ಆಗುತ್ತೆ. ಭಾವನೆಯಿಲ್ಲದೆ ಯಾಕೆ ಫ್ಲರ್ಟ್ ಮಾಡ್ತೀರಾ? ಬೇರೆಯವರಿಗೆ ಹೋಗ್ತಾ ಹೋಗ್ತಾ ಒಳ್ಳೆಯ ಭಾವನೆ ಬರಬಹುದು ಅಲ್ವಾ? ಅಂತ ಹೇಳಿದರು.  ಅದಕ್ಕೆ ಕಾರ್ತಿಕ್, ನಿಮಗೆ ಸಮಸ್ಯೆಯಾಗುತ್ತೆ ಅಂದ್ರೆ ನಾನು ನಿಲ್ಲಿಸುತ್ತೇನೆ ಎಂದರು.

ನಂತರ ಆರಂಭದಲ್ಲಿ ನೀವು ತುಂಬಾ ಇರೀಟೇಟ್ ಅನಿಸುತ್ತಿದ್ರಿ. ಸಂಗೀತಾ ಮಾತು ಕೇಳ್ತಿದ್ರಿ ಅನಿಸುತ್ತಿತ್ತು ಎಂದರು. ಅದಕ್ಕೆ ಕಾರ್ತಿಕ್, ಸಂಗೀತಾ ಹೇಳಿದ ಹಾಗೆ ಕೇಳ್ತೀನಿ ಅಂತ ನಿಮಗೆ ಅನಿಸಿತ್ತಾ? ಜಾಸ್ತಿ ಹೊತ್ತು ಕುಳಿತುಕೊಂಡು ಮಾತನಾಡಿದಾಗ ಇನ್‌ಪ್ಲುಯೆನ್ಸ್ ಮಾಡಿದ್ದು ಗೊತ್ತಾಗುತ್ತೆ. ನಿಮ್ಮನ್ನು ಸಂಗೀತಾ ಇನ್‌ಪ್ಲುಯೆನ್ಸ್ ಮಾಡಿಲ್ವಾ ಅಂತ ಪ್ರಶ್ನಿಸಿದರು.
ನಮ್ರತಾ: ಸಂಗೀತಾ ಸಾಧ್ಯವೇ ಇಲ್ಲ. ನಾನು ಚೆನ್ನಾಗಿ ಕೇಳ್ತೀನಿ ಎಂದರು.

ಬಿಗ್‌ಬಾಸ್‌ ಮನೆಯಲ್ಲಿ ಪ್ರತಾಪ್ ಹಾಗೂ ವಿನಯ್ ನಡುವೆ ಕಿತ್ತಾಟ ಮುಂದುವರೆಯುತ್ತಲೇ ಇದೆ. ಈ ಜಗಳ ನಾಮಿನೇಷನ್ ಪ್ರಕ್ರಿಯೆಯಲ್ಲೂ ಮುಂದುವರೆದಿದ್ದು, ಕೆಟ್ಟಪದ ಬಳಸಿದ ವಿನಯ್ ನಾಲಿಗೆಗೆ ಲಗಾಮು ಬೀಳಬೇಕು ಅಂತ ಪ್ರತಾಪ್ ಹೇಳಿದ್ದಾರೆ.  ಫಿನಾಲೆಗೆ ತಲುಪಲು ಅರ್ಹತೆಯಿಲ್ಲದ ಸ್ಪರ್ಧಿಗಳ ಹೆಸರನ್ನು ಸೂಚಿಸಿ ಅಂತ ಬಿಗ್‌ಬಾಸ್ ಹೇಳಿದ್ದರು. ಈ ವೇಳೆ ವಿನಯ್, ಬೇಡದೆ ಇರೋ ಪಾಯಿಂಟ್ಸ್‌ಗಳಲ್ಲಿ ಮೂಗು ತೂರಿಸಿ ಬಲಿಪಶು ಅಂತ ತೋರಿಸಿಕೊಳ್ಳುತ್ತಿರುವ ಪ್ರತಾಪ್ ಅವರಿಗೆ ಫಿನಾಲೆ ತಲುಪಲು ಅರ್ಹತೆಯಿಲ್ಲ ಎಂದರು. ನಂತರ ಪ್ರತಾಪ್,  ಎಲ್ಲಿಯವರೆಗೆ ವಿನಯ್ ನಾಲಗೆಗೆ ಲಗಾಮು ಬೀಳುವುದಿಲ್ಲವೋ, ಅಲ್ಲಿವರೆಗೆ ಇಲ್ಲಿರಲು ಅರ್ಹತೆ ಇರುವುದಿಲ್ಲ ಅಂತ ಟಾಂಟ್ ನೀಡಿದ್ದಾರೆ.

ತನಿಷಾ ಅವರು ನಮ್ರತಾ ಅವರನ್ನು ನಾಮಿನೇಟ್ ಮಾಡಿ, ಎಲ್ಲೋ ಒಂದು ಕಡೆ ಮತ್ತೆ ಅವರು ಕಂಪರ್ಟ್ ಜೋನ್‌ಗೆ ಹೋಗುತ್ತಿದ್ದಾರೆ ಅನಿಸುತ್ತಿದೆ ಎಂದರು. ಕಾರ್ತಿಕ್ ತನಿಷಾರನ್ನು ನಾಮಿನೇಟ್ ಮಾಡಿ ಕೆಲವೊಂದು ಬಾರಿ ಅವರು ಮಾತನಾಡುವ ವಿಷಯಗಳಲ್ಲಿ ಕ್ಲಾರಿಟಿ ಇರೋದಿಲ್ಲ ಎಂದಿದ್ದಾರೆ.