ಮ್ಯಾಚ್ ಫಿಕ್ಸಿಂಗ್ ಮಾಡಿಕೊಂಡ ಗೌತಮಿ, ಮಂಜು, ಮೋಕ್ಷಿತಾ: ಪರ್ಫಾಮೆನ್ಸ್ ಮೇಲೆ ನಂಬಿಕೆಯಿಟ್ಟಿದ್ದ ಭವ್ಯಾಗೆ ನಿರಾಸೆ

ದೊಡ್ಮನೆಯಲ್ಲಿ ತಮ್ಮ ಮುಂದಿನ ಆಟ ಹೇಗಿರಬೇಕು ಎಂದು ಗೌತಮಿ, ಮಂಜು, ಮೋಕ್ಷಿತಾ  ಚರ್ಚೆ ನಡೆಸಿದ್ದಾರೆ. ಆ ಸಂಭಾಷಣೆ ಇಲ್ಲಿದೆ.
ಮಂಜು: ಇನ್ಮೇಲೆ ನಾವು ಮಾತನಾಡಿಕೊಳ್ಳಬೇಕು. ನಾವೂ ಟೀಮ್ ಫಾರ್ಮ್ ಮಾಡಿ, ಆಟ ಆಡಬೇಕು. ಕ್ಯಾಪ್ಟನ್ ಟಾಸ್ಕ್‌ನಲ್ಲಿ ಬೋರ್ಡ್ ಫೋಟೋ ತೆಗೆಯಬೇಕಾದಾಗ, ನಾನು ಬಂದು ತೆಗೆಯಬೇಕಿತ್ತು. ಅಷ್ಟರಲ್ಲಿ ಬಝರ್ ಆಯ್ತು.
ಗೌತಮಿ: ಟೀಮ್ ಅಪ್ ಆಗಿ ಇನ್ನೊಬ್ಬರನ್ನು ಸೋಲಿಸುವುದಕ್ಕೆ ಆಡೋಕ್ಕಿಂತ ನಾವು ಗೆಲ್ಲೋಕೆ ನಾವು ಆಡಿಕೊಳ್ಳೋಣ. ನಿಮ್ಮಿಷ್ಟ ಆಮೇಲೆ ನಮ್ ನಮಗೆ ಬರುತ್ತೆ. ಆಗ individual ಆಗಿ ಆಡೋಣ.
ಮೋಕ್ಷಿತಾ: ಅವರು ಅವರವರಿಗೆ ಮಾಡಿಕೊಂಡು ಲಾಸ್ಟ್‌ನಲ್ಲಿ ಹೆಂಗಾಯ್ತು ನೋಡಿ.
ಮಂಜು: ಚೈತ್ರಾ ಹೇಗೆ ಅವರಿಬ್ಬರನ್ನು ಸೇಫ್ ಮಾಡಿದ್ಲು. ಓಪನ್ ಆಗಿಯೇ ಹೇಳಿದ್ಲು. ಎರಡು ಸೆಕೆಂಡ್ ನಾವು ಬೇರೆ ರೀತಿ ಯೋಚೆನೆ ಮಾಡಿದ್ರೆ,  ಏಳು ದಿನವೂ ನೆಮ್ಮದಿ ಆಗಿರುತ್ತೇವೆ. ಇಲ್ಲಾಂದ್ರೆ ಏಳು ದಿನನೂ ಯೋಚನೆ ಮಾಡಿಕೊಂಡು ಕೂತುಕೊಳ್ಳುತ್ತೇವೆ.
ಗೌತಮಿ: ಟೀಮ್ ಅಪ್ ಆಗಿ ಗೆಲ್ಲೋದಕ್ಕೆ ಆಡಬೇಕು. ಇಷ್ಟೇ..ಹಂಗ್ ಮಾತನಾಡಿ...ಟಾಪಿಕ್ ಹೀಗೆ ಇರಲಿ.

ವೋಟುಗಳ ಮೂಲಕ ಕ್ಯಾಪ್ಟನ್ ಆಯ್ಕೆಯಾಗುತ್ತೆ ಅಂತ ಗೊತ್ತಾದಾಗ ಉಗ್ರಂ ಮಂಜು ಜೊತೆ ತ್ರಿವಿಕ್ರಮ್ ಕೈಜೋಡಿಸಿದರು. ತ್ರಿವಿಕ್ರಮ್ ಮಂಜು ಜೊತೆ ಮಾತಾಡಲು ಹೋದಾಗ 'ಮೊದಲ ರೌಂಡ್ ಬಿಟ್ಟುಬಿಡು...ನಾನು ನೋಡ್ತೀನಿ' ಎಂದು ಉಗ್ರಂ ಮಂಜು ಹೇಳಿದ್ರು. ಆಗ ತ್ರಿವಿಕ್ರಮ್ 'ನಾನು ಪ್ರಾಮಿಸ್ ಮಾಡ್ತೀನಿ. ಮುಂದಿನ ವಾರ ಏನೂ ಆಗದ ಹಾಗೆ ನೋಡಿಕೊಳ್ತೀನಿ. ಏನೇ ಇದ್ರೂ ನನ್ನ ಫೇವರಿಸಂ ನಿಮ್ಮ ಕಡೆ ಇರುತ್ತೆ' ಎಂದರು.

ಭವ್ಯಾ ಗೌಡ ವಿರುದ್ಧ 7ಕ್ಕೆ ಏಳು ವೋಟ್ ಚಲಾಯಿಸುವ ಬಗ್ಗೆ, ತ್ರಿವಿಕ್ರಮ್ ಕ್ಯಾಪ್ಟನ್ ಮಾಡಿದ್ರೆ ನಾಮಿನೇಷನ್‌ನಿಂದ ಸೇಫ್ ಆಗುವ ಬಗ್ಗೆ ಮಂಜು, ಗೌತಮಿ ಹಾಗೂ ಮೋಕ್ಷಿತಾ ಚರ್ಚೆ ನಡೆಸಿದರು. ಆಗ ಮಂಜು, ಒಂದು ರೌಂಡ್ ಹೇಗೆ ಓಡ್ತೀನೋ..ನೋಡ್ತೀನಿ ಎಂದರು. ಆಗ ಗೌತಮಿ, ಏಳು ಅವಳದ್ದು (ಭವ್ಯಾ) ಹೋಗಬೇಕು. ಅದಕ್ಕೆ ಮಂಜು, ಮೊದಲ ರೌಂಡ್‌ನಲ್ಲಿ ಅವಳನ್ನ ಎತ್ತುತ್ತೇನೆ ಎಂದರು.
ಗೌತಮಿ: ಮಧ್ಯೆ ಮಾತನಾಡಿಕೊಳ್ಳೋಣ.
ಮಂಜು; ಕಂಡೀಷನ್ ಹಾಕ್ತೀನಿ. ಈ ವಾರ ನಾಮಿನೇಷನ್ ಪ್ರಕ್ರಿಯೆಯಲ್ಲಿ ನಮ್ಮ ಮೂವರದ್ದೂ ಆಗಬಾರದು. ನೆಕ್ಸ್ಟ್ ವೀಕ್ ನಮ್ಮ ಮೂವರಲ್ಲಿ ಒಬ್ಬರು ಕ್ಯಾಪ್ಟನ್ ಆಗಬೇಕು.

ದೊಡ್ಮನೆಯಲ್ಲಿ ಉಗ್ರಂ ಮಂಜು ಭರ್ಜರಿ ತಂತ್ರಗಳ ಮೂಲಕ ಆಟವಾಡುತ್ತಿದ್ದಾರೆ. ಅವರ ಕುತಂತ್ರಕ್ಕೆ ಹಲವರು ಬಲಿಯಾಗಿದ್ದಾರೆ. ಈ ವಾರ ಮಂಜು, ಭವ್ಯಾ ಹಾಗೂ ಗೋಲ್ಡ್ ಸುರೇಶ್ ಒಂದೇ ತಂಡದಲ್ಲಿ ಆಡಿ ಟಾಸ್ಕ್ ಗೆದ್ದಿದ್ದರು. ಈ ತಂಡದ ಗೆಲುವಿನಲ್ಲಿ ಭವ್ಯಾ ಕೊಡುಗೆ ಹೆಚ್ಚಿತ್ತು. ಇದನ್ನು ಮಂಜು ಮರೆತಂತೆ ಕಾಣುತ್ತಿದ್ದು, ಭವ್ಯಾ ವಿರುದ್ಧವೇ ಮತ ಚಲಾಯಿಸಿದ್ದಾರೆ.

ತಮ್ಮ ಪರ್ಫಾಮೆನ್ಸ್, ಆಟದ ಮೇಲೆ ನಂಬಿಕೆಯಿಟ್ಟಿದ್ದ ಭವ್ಯಾ ಗೌಡ, ಯಾರಿಗೂ ಆಫರ್ ನೀಡಲಿಲ್ಲ. ಫಿಕ್ಸಿಂಗ್ ಮಾಡಿಕೊಳ್ಳಲಿಲ್ಲ. ನಿಮ್ಮ ಬೆಂಬಲ ನನಗೆ ಬೇಕಿದೆ ಅಂದಾಗ, ಯಾರಿಗೂ ಪ್ರಾಮಿಸ್ ಮಾಡಿಲ್ಲ. ಟಾಸ್ಕ್‌ನಲ್ಲೂ ಮುಂದಿದ್ದೆ, ಎಂಟರ್‌ಟೇನ್ಮೆಂಟ್‌ನಲ್ಲೂ ಮುಂದಿದ್ದೆ. ನೋಡಿ ಯೋಚಿಸಿ ಅಂತಲೇ ಎಲ್ಲರನ್ನೂ ಕನ್ವಿನ್ಸ್ ಮಾಡಲು ಯತ್ನಿಸಿದರು.ರು.