10 ವರ್ಷಕ್ಕಿಂತ ಹೆಚ್ಚಿನ ಏಜ್ ಗ್ಯಾಪ್ ಹೊಂದಿರುವವರನ್ನು ಮದುವೆಯಾಗಿರುವ 8 ಸೆಲೆಬ್ರಿಟಿಗಳು!

ಸೌತ್ ಸಿನಿಮಾರಂಗದ ಜನಪ್ರಿಯ ಜೋಡಿ ಫಹಾದ್ ಫಾಸಿಲ್ ಹಾಗೂ ನಜೀರಿಯಾ 2014ರ ಆಗಸ್ಟ್ 21ರಂದು ಮದುವೆಯಾದರು. ಅಂದ್ಹಾಗೆ ಫಾಹದ್ ಅವರು ನಜೀರಿಯಾಗಿಂತ 11 ವರ್ಷ ದೊಡ್ಡವರು. ಇವರಿಬ್ಬರು ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಸಿಕ್ಕಾಪಟ್ಟೆ ಜನಪ್ರಿಯತೆ ಗಳಿಸಿದ್ದಾರೆ.

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅವರ ಯುವರತ್ನ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸಿದ್ದ ಸಯೇಶಾ ಅವರು ನಟ ಆರ್ಯ ಅವರನ್ನು ಮಾರ್ಚ್‌ 10, 2019ರಲ್ಲಿ ಮದುವೆಯಾದರು. ಆರ್ಯ ಅವರು ಸಯೇಶಾಗಿಂತ ಬರೋಬ್ಬರಿ 17 ವರ್ಷ ದೊಡ್ಡವರು. 

ಬಹುಮುಖ ಪ್ರತಿಭೆ ಪ್ರಕಾಶ್ ರಾಜ್ 1994ರಲ್ಲಿ ಲಲಿತಾ ಕುಮಾರಿ ಅವರನ್ನು ಮದುವೆಯಾಗಿದ್ದರು. ಈ ದಂಪತಿಗೆ ಇಬ್ಬರು ಪುತ್ರಿಯರಿದ್ದು, ಇವರ ಪುತ್ರ ಸಿದ್ದು 5 ವರ್ಷದವನಿದ್ದಾಗ 2004ರಲ್ಲಿ ಫಾರ್ಮ್ ಹೌಸ್‌ ಕಟ್ಟಡದಿಂದ ಆಕಸ್ಮಿಕವಾಗಿ ಆಯ ತಪ್ಪಿ ಬಿದ್ದು ಸಾವನ್ನಪ್ಪಿದ್ದಾರೆ. ಪುತ್ರ ನಿಧನ ಹೊಂದಿದ ಬಳಿಕ ಪ್ರಕಾಶ್ ರಾಜ್, ಮೊದಲ ಪತ್ನಿಯಿಂದ ದೂರಾದರು. 2010ರ ಆಗಸ್ಟ್ 24ರಂದು ನೃತ್ಯ ಸಂಯೋಜಕಿ ಪೋನಿ ವರ್ಮಾ ಅವರೊಂದಿಗೆ ವಿವಾಹವಾದರು. ಅಂದ್ಹಾಗೆ ಪ್ರಕಾಶ್ ರಾಜ್‌ ಅವರು ಪೋನಿ ವರ್ಮಾ ಅವರಿಗಿಂತ 12 ವರ್ಷ ದೊಡ್ಡವರು. 

ಒಂದು ಕಾಲದಲ್ಲಿ ಸ್ಯಾಂಡಲ್​ವುಡ್​ ಆಳಿದ ನಟಿ ರಾಧಿಕಾ ಕುಮಾರಸ್ವಾಮಿ. ಆಟೋಶಂಕರ್​, ಹಠವಾದಿ, ನಿನಗಾಗಿ, ತವರಿಗೆ ಬಾ ತಂಗಿ, ಅಣ್ಣತಂಗಿ, ಅನಾಥರು ಸಿನಿಮಾಗಳ ಮೂಲಕ ಎಲ್ಲರ ಮನಸ್ಸು ಗೆದ್ದಿದ್ದರು. ಎಲ್ಲರ ಮನಸ್ಸು ಗೆದ್ದಿದ್ದರು. ರಾಧಿಕಾ ಅವರು 14 ವರ್ಷ ಇದ್ದಾಗಲೇ ರತನ್ ಕುಮಾರ್ ಎಂಬುವವರ ಜೊತೆ ಮದುವೆಯಾಗಿತ್ತು. ಆದರೆ, 2002ರಲ್ಲಿ ಅವರು ಹೃದಯಾಘಾತದಿಂದ ನಿಧನರಾದರು. ನಂತರ 2006ರಲ್ಲಿ ರಾಧಿಕಾ ಕರ್ನಾಟಕದ ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಅವರನ್ನು ಮದುವೆಯಾದರು. ಅಂದ್ಹಾಗೆ ಕುಮಾರಸ್ವಾಮಿ ರಾಧಿಕಾ ಅವರಿಗಿಂತ 27 ವರ್ಷ ದೊಡ್ಡವರು. ರಾಧಿಕಾಗೆ ಈಗ 38 ವರ್ಷವಾದರೆ,  ಕುಮಾರಸ್ವಾಮಿಗೆ 65 ವರ್ಷ.

ರೆಬಲ್ ಸ್ಟಾರ್ ಅಂಬರೀಶ್ ಹಾಗೂ ಸುಮಲತಾ ಕನ್ನಡ ಚಿತ್ರರಂಗದ ಅತ್ಯಂತ ಪ್ರಸಿದ್ಧ ಜೋಡಿಗಳಲ್ಲಿ ಒಬ್ಬರು. ಇವರಿಬ್ಬರು 'ಆಹುತಿ' ಸಿನಿಮಾ ಶೂಟಿಂಗ್ ಸಂದರ್ಭದಲ್ಲಿ ಭೇಟಿಯಾಗಿದ್ದರಂತೆ. ಬಳಿಕ ಇಬ್ಬರ ನಡುವೆ ಉಂಟಾದ ಸ್ನೇಹ ಪ್ರೀತಿಗೆ ತಿರುಗಿತ್ತು. 1991ರ ಡಿಸೆಂಬರ್ 8ರಂದು  ಅಂಬರೀಶ್ ಜೊತೆ ಸಪ್ತಪದಿ ತುಳಿದಿದ್ದು, ಸುಮಲತಾ ಅವರನ್ನು ಮದುವೆಯಾಗುವಾಗ ಅಂಬಿಗೆ 39 ವರ್ಷವಾಗಿತ್ತು. ಅಂದರೆ  ಅಂಬರೀಶ್ ಅವರು ಸುಮಲತಾರಿಗಿಂತ 11 ವರ್ಷ ದೊಡ್ಡವರು.

ದುನಿಯಾ ವಿಜಯ್ 1999ರಲ್ಲಿ ನಾಗರತ್ನ ಅವರನ್ನು ಮದುವೆಯಾಗಿದ್ದರು. ಕೆಲವು ವರ್ಷದ ಹಿಂದೆ ನಟಿಯೊಬ್ಬರ ಹೆಸರಲ್ಲಿ ನಾಗರತ್ನ ಮತ್ತು ವಿಜಯ್ ಮಧ್ಯೆ ವಿರಸ ತೀವ್ರಗೊಂಡು ಪೊಲೀಸ್ ಠಾಣೆ, ಕೋರ್ಟ್‌ವರೆಗೂ ತಲುಪಿತ್ತು. ನಂತರ 2016ರಲ್ಲಿ ದುನಿಯಾ ವಿಜಯ್ ಕೀರ್ತಿಯವರನ್ನು ಎರಡನೇ ಮದುವೆಯಾದರು. ದುನಿಯಾ ವಿಜಯ್ ಅವರು ಕೀರ್ತಿಯವರಿಗಿಂತ 16 ವರ್ಷ ದೊಡ್ಡವರು.  

ಬಾಲಿವುಡ್ ನಟಿ ಆಲಿಯಾ ಭಟ್ ಅತಿ ಚಿಕ್ಕವಯಸ್ಸಿನಲ್ಲೇ ಅಪಾರ ಜನಪ್ರಿಯತೆ ಗಳಿಸಿದ್ದಾರೆ. 2022ರಲ್ಲಿ ಆರ್‌ಆರ್‌ಆರ್ ಸಿನಿಮಾ ಮೂಲಕ ಸೌತ್ ಸಿನಿಮಾರಂಗಕ್ಕೂ ಆಲಿಯಾ,  2022ರಲ್ಲಿ ರಣಬೀರ್ ಕಪೂರ್ ಜೊತೆ ಸಪ್ತಪದಿ ತುಳಿದರು. ಆಲಿಯಾ ಹಾಗೂ ರಣಬೀರ್ ನಡುವೆ ೧೦ ವರ್ಷ ಏಜ್ ಗ್ಯಾಪ್ ಇದೆ. ಆಲಿಯಾಗೆ ಈಗ 31 ವರ್ಷವಾದರೆ, ರಣಬೀರ್‌ಗೆ 42 ವರ್ಷ ವಯಸ್ಸು.  

ಟಾಲಿವುಡ್ ಹಿರಿಯ ನಟ ನರೇಶ್ ಹಾಗೂ ಕನ್ನಡದ ಫೋಷಕ ನಟಿ ಪವಿತ್ರಾ ಲೋಕೇಶ್ ಜೊತೆ ಮದುವೆಯಾಗಿದ್ದಾರೆ. ನರೇಶ್‌ಗೆ ಇದು ನಾಲ್ಕನೇ ಮದುವೆಯಾಗಿದ್ದು,  ಪವಿತ್ರಾ ಅವರಿಗೆ  ಮೂರನೇ ಮದುವೆ. ನರೇಶ್‌ಗೆ ಈಗ 65 ವರ್ಷ ವಯಸ್ಸಾಗಿದ್ದರೆ, ಪವಿತ್ರಾ ಅವರಿಗೆ 46 ವರ್ಷ. ಇವರಿಬ್ಬರ ನಡುವೆ 19 ವರ್ಷ ಅಂತರವಿದೆ.